TITUS
Svan Prose Texts IV (Lashkh)
Part No. 77
Previous part

Text: 77 
Page of edition: 105 
Line of edition: 9 
LXXVII. გოგიო̄ლ


Line of edition: 10       ლჷმარდე̄ლი ეშხუ ღარიბ მა̄რო̄ლ. ხა̄ჲშხე̄ნა გოგიო̄ლ. ეშხვინ
Line of edition: 11    ჲეხვს ხო̄ქვა, ერე აჩადუ ლოქ ლანგზა̄რავთე. ჩოთჯირვა მიჩა ჲეხვეშდ
Line of edition: 12    ი ემჩედ ლანგზა̄რავთე. ჩვი̄თხე ჲეშდ მანათ. ენჭო̄ნე ი ანღრი
Line of edition: 13    აგითე. ეხლაკა̄ნ სასადილოს ი ლეზობ ლალე̄მ, ლალჷ̄შ ლეთრე.
Line of edition: 14    ეჩჷნღო ჟენკიდ ჲეშდ მანათ ი ხაჭრაჟი სასადილო̄ ხოშას. ეჯის ხურდა
Line of edition: 15    დე̄სა ხუა̄ნდა ი ამეჩუ ა̄რდა თეურ მა̄რო̄ლ. ეჯნე̄მ ლე̄ქვე: -- მიჩ
Line of edition: 16    ლოქ ხუა ხურდა. ქეხბი̄შდა, სგე̄დკვა̄რ ჴარჴთე ი ჩვადუნტყვე. ხეშგოხ
Line of edition: 17    ეჯი მა̄რო̄ლს: -- ქა̄ვ ლოქ ლახო̄მ ხურდა! მა̄ ლახტის, ეჯი სგედკვა̄რ
Line of edition: 18    ჴარჴთე ი მაჲ ხაკვჩერ ხოჩმი̄ნა̄ნხ. ეჯჲარ ჩუ დერ დეშ აბჴვახ ჴადჟი.
Line of edition: 19    ეჯი თეურ მა̄რე აჩად. ეხჭამ ღოშგინ გოგიო̄ლ ეჯი თეურ მა̄რეს. თეურ
Line of edition: 20    მა̄რე სგა̄ჩად ქორო̄ლთე̄ჲსა ი ეჯი ჲეშდ მანათ სგე̄სდე ყუთთე̄ჲსა.
Line of edition: 21    ალე ლოქ ხაკლიე̄ნი ი ჟი ლოქ ოხგოშლა ვოქრვალშვ. ანჴად
Line of edition: 22    ჷოგიო̄ლ, სგა̄ჩად ქორთე, ჟენკიდ ყუთ ი ადჲე ვოქრვალშვ გოში
Line of edition: 23    აგითე. ჩვედკეთლა̄ნდა ამნოვშ ალ მა̄რე. ეშხვინ გოგიო̄ლ აჩად
Line of edition: 24    ლაღვჭართე, ესღრჷ̄და, სგა̄ჩად ეჯი სასადილოთე. აჯაღ ეჩეჩუ არი თეურ
Line of edition: 25    მა̄რო̄ლ. ანჩაღ გოგიო̄ლ, ჟენყიდე ეშხუ საინ ნა̄ყუნ, ეშხუ ბოთლ
Line of edition: 26    ღვინელ ი დიარ. დეთა დიარ მოშ ლალე̄მ, დეთა ნა̄ყუნ მოშ ლალე̄მ
Line of edition: 27    ი დეთა ღვინელ მოშ ლალჷ̄შ. თეურ მა̄რო̄ლდ ლე̄ქვე: -- ჲარ ლოქ
Line of edition: 28    ღენ ლჷმა̄რ ალე ვოჯახაშენებულ, ქა̄ვ ლოქ ოხჴიდხ მიჩა̄შთე. ალე
Line of edition: 29    ქა̄დჲეხ, გოგიო̄ლ, ი სგა̄ხფხიჭე, -- ალე ლოქ ლჷმა̄რ მიჩა თეთრი
Line of edition: 30    მუქვთერ. დეშერდ ათცვირვნე ლუარდ ლირდეჟი ი ქა ხოსჩივარე
Line of edition: 31    სუდისა. ჩვესგუ̄რდა სუდ. ლეხჭოდდა: -- იმჟი ლოქ ხოტკცე, ერე
Line of edition: 32    ეჯი ლოქ ლჷმა̄რ მიჩა თეთრი მუქვთერ? -- იმჟი ლოქ ი, ეჯის ლოქ
Line of edition: 33    ოხყიდა ლეზობ-ლეთრე ი ეჯი მიჩ ლოქ დეშ ლოხმამა, ვეჯნარ ლოქ
Line of edition: 34    ერე, მიჩ ლოქ მა̄ ხა̄ჲრენა ღერბათხენქა ეჩა ნაფასი ლიზობ, ეჯნოვშ

Page of edition: 106 
Line of edition: 1       ლოქ ოხმეჴრა. სუდს ხო̄ქვა: ლას ლოქ ე მო̄ ხა̄ჲრე̄ნა ღე̄რბათხენქა
Line of edition: 2    ლიზობი ნებ, სერ აჩადუ ლოქ აგითე! ეჯის ლოქუ ხა̄რ შაქარ, ჲასი̄
Line of edition: 3    ლოქ ლიზობი ნება ხუა.


ნაზიკო ონიანი. სასაში. მ. ქალდანი. 12. IX. 1971



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.