TITUS
Rg-Veda: Rg-Veda-Samhita
Part No. 292
Previous part

Hymn: 58_(292) 
Verse: 1 
Halfverse: a    धे॒नुः प्र॒त्नस्य॒ काम्यं॒ दुहा॑ना॒न्तः पु॒त्रश्च॑रति॒ दक्षि॑णायाः ।
   धे॒नुः प्र॒त्नस्य॒ काम्यं॒ दुहा॑ना
   धे॒नुः प्र॒त्नस्य काम्य॑म् दुहा॑ना
   धे॒नुः प्र॒त्नस्य कामि॑यं दुहा॑ना

Halfverse: b     अ॒न्तः पु॒त्रश्च॑रति॒ दक्षि॑णायाः ।
   अ॒न्तर् पु॒त्रः च॑रति दक्षि॑णायाः ।
   अ॒न्तः पु॒त्रश् चरति दक्षि॑णायाः ।

Halfverse: c    आ द्यो॑त॒निं व॑हति शु॒भ्रया॑मो॒षस॒ स्तोमो॑ अ॒श्विना॑वजीगः ।।
   आ द्यो॑त॒निं व॑हति शु॒भ्रया॑मा
   आ द्यो॑त॒निम् वहति शु॒भ्रया॑मा
   आ द्यो॑त॒निं व॑हति शु॒भ्रया॑मा

Halfverse: d     उ॒षस॒ स्तोमो॑ अ॒श्विना॑वजीगः ।।
   उ॒षसः स्तोमः अ॒श्विनौ अजीगर् ।।
   उ॒षस स्तोमो अ॒श्विना॑व् अजीगः ।।


Verse: 2 
Halfverse: a    सु॒युग्व॑हन्ति॒ प्रति॑ वामृ॒तेनो॒र्ध्वा भ॑वन्ति पि॒तरे॑व॒ मेधाः॑ ।
   सु॒युग्व॑हन्ति॒ प्रति॑ वामृ॒तेन
   सु॒युक् वहन्ति प्रति वाम् ऋ॒तेन
   सु॒युग् वहन्ति प्रति वाम् ऋ॒तेन

Halfverse: b     ॑ऊ॒र्ध्वा भ॑वन्ति पि॒तरे॑व॒ मेधाः॑ ।
   ऊ॒र्ध्वाः भ॑वन्ति पि॒तरा इव मेधाः ।
   ऊ॒र्ध्वा भ॑वन्ति पि॒तरे॑व मेधाः ।

Halfverse: c    जरे॑थाम॒स्मद्वि प॒णेर्म॑नी॒षां यु॒वोरव॑श्चकृ॒मा या॑तम॒र्वाक् ।।
   जरे॑थाम॒स्मद्वि प॒णेर्म॑नी॒षां
   जरे॑थाम् अ॒स्मत् वि प॒णेः म॑नी॒षाम्
   जरे॑थाम् अ॒स्मद् वि प॒णेर् मनी॒षां

Halfverse: d    यु॒वोरव॑श्चकृ॒मा या॑तम॒र्वाक् ।।
   यु॒वोः अवः चकृम आ या॑तम् अ॒र्वाक् ।।
   यु॒वोर् अव॑श् चकृ॒मा या॑तम् अ॒र्वाक् ।।


Verse: 3 
Halfverse: a    सु॒युग्भि॒रश्वैः॑ सु॒वृता॒ रथे॑न॒ दस्रा॑वि॒मं शृ॑णुतं॒ श्लोक॒मद्रेः॑ ।
   सु॒युग्भि॒रश्वैः॑ सु॒वृता॒ रथे॑न
   सु॒युग्भिः अश्वैः सु॒वृता रथे॑न
   सु॒युग्भि॑र् अश्वैः सु॒वृता रथे॑न

Halfverse: b    दस्रा॑वि॒मं शृ॑णुतं॒ श्लोक॒मद्रेः॑ ।
   दस्रौ इ॒मम् शृणुतम् श्लोक॑म् अद्रेः ।
   दस्रा॑व् इ॒मं शृ॑णुतं श्लोक॑म् अद्रेः ।

Halfverse: c    किम॒ङ्ग वा॒म्प्रत्यव॑र्तिं॒ गमि॑ष्ठा॒हुर्विप्रा॑सो अश्विना पुरा॒जाः ।।
   किम॒ङ्ग वा॒म्प्रत्यव॑र्तिं॒ गमि॑ष्ठा
   किम् अ॒ङ्ग वा॑म् प्रति अव॑र्तिम् गमि॑ष्ठा
   किम् अ॒ङ्ग वा॑म् प्रत्य् अव॑र्तिं गमि॑ष्ठा

Halfverse: d     आ॒हुर्विप्रा॑सो अश्विना पुरा॒जाः ।।
   आ॒हुः विप्रा॑सः अश्विना पुरा॒जाः ।।
   आ॒हुर् विप्रा॑सो अश्विना पुरा॒जाः ।।


Verse: 4 
Halfverse: a    आ म॑न्येथा॒मा ग॑तं॒ कच्चि॒देवै॒र्विश्वे॒ जना॑सो अ॒श्विना॑ हवन्ते ।
   आ म॑न्येथा॒मा ग॑तं॒ कच्चि॒देवै॑र्
   आ म॑न्येथाम् आ ग॑तम् कत् चित् एवैः
   आ म॑न्येथाम् आ ग॑तं कच् चिद् एवै॑र्

Halfverse: b    विश्वे॒ जना॑सो अ॒श्विना॑ हवन्ते ।
   विश्वे जना॑सः अ॒श्विना हवन्ते ।
   विश्वे जना॑सो अ॒श्विना हवन्ते ।

Halfverse: c    इ॒मा हि वां गोऋजीका॒ मधू॑नि॒ प्र मि॒त्रासो॒ न द॒दुरु॒स्रो अग्रे॑ ।।
   इ॒मा हि वां गोऋजीका॒ मधू॑नि
   इ॒मा हि वा॑म् गोऋजीका मधू॑नि
   इ॒मा हि वां गोऋजीका मधू॑नि

Halfverse: d    प्र मि॒त्रासो॒ न द॒दुरु॒स्रो अग्रे॑ ।।
   प्र मि॒त्रासः न द॒दुः उ॒स्रः अग्रे ।।
   प्र मि॒त्रासो न द॒दुर् उ॒स्रो अग्रे ।।


Verse: 5 
Halfverse: a    ति॒रः पु॒रू चि॑दश्विना॒ रजां॑स्याङ्गू॒षो वा॑म्मघवाना॒ जने॑षु ।
   ति॒रः पु॒रू चि॑दश्विना॒ रजां॑स्य्
   ति॒रः पु॒रु+ चि॑त् अश्विना रजां॑सि
   ति॒रः पु॒रू चि॑द् अश्विना रजां॑सि

Halfverse: b    आङ्गू॒षो वा॑म्मघवाना॒ जने॑षु ।
   आ॑ङ्गू॒षः वा॑म् मघवाना जने॑षु ।
   आ॑ङ्गू॒षो वा॑म् मघवाना जने॑षु ।

Halfverse: c    एह या॑तम्प॒थिभि॑र्देव॒यानै॒र्दस्रा॑वि॒मे वां॑ नि॒धयो॒ मधू॑नाम् ।।
   एह या॑तम्प॒थिभि॑र्देव॒यानै॑र्
   आ इ॒ह या॑तम् प॒थिभिः देव॒यानैः
   एह या॑तम् प॒थिभि॑र् देव॒यानै॑र्

Halfverse: d    दस्रा॑वि॒मे वां॑ नि॒धयो॒ मधू॑नाम् ।।
   दस्रौ इ॒मे वा॑म् नि॒धयः मधू॑नाम् ।।
   दस्रा॑व् इ॒मे वां नि॒धयो मधू॑नाम् ।।


Verse: 6 
Halfverse: a    पु॑रा॒णमोकः॑ स॒ख्यं शि॒वं वां॑ यु॒वोर्न॑रा॒ द्रवि॑णं ज॒ह्नाव्या॑म् ।
   पु॑रा॒णमोकः॑ स॒ख्यं शि॒वं वां
   पुरा॒णम् ओकः स॒ख्यम् शि॒वम् वाम्
   पुरा॒णम् ओकः सखि॒यं शि॒वं वां

Halfverse: b    यु॒वोर्न॑रा॒ द्रवि॑णं ज॒ह्नाव्या॑म् ।
   यु॒वोः न॑रा द्रवि॑णम् ज॒ह्नाव्या॑म् ।
   यु॒वोर् नरा द्रवि॑णं ज॒ह्नावि॑याम् ।

Halfverse: c    पुनः॑ कृण्वा॒नाः स॒ख्या शि॒वानि॒ मध्वा॑ मदेम स॒ह नू स॑मा॒नाः ।।
   पुनः॑ कृण्वा॒नाः स॒ख्या शि॒वानि
   पुन॑र् कृण्वा॒नाः स॒ख्या शि॒वानि
   पुनः कृण्वा॒नाः स॑खि॒या शि॒वानि

Halfverse: d    मध्वा॑ मदेम स॒ह नू स॑मा॒नाः ।।
   मध्वा मदेम स॒ह नु+ स॑मा॒नाः ।।
   मध्वा मदेम स॒ह नू स॑मा॒नाः ।।


Verse: 7 
Halfverse: a    अश्वि॑ना वा॒युना॑ यु॒वं सु॑दक्षा नि॒युद्भि॑ष्च स॒जोष॑सा युवाना ।
   अश्वि॑ना वा॒युना॑ यु॒वं सु॑दक्षा
   अश्वि॑ना वा॒युना यु॒वम् सुदक्षा
   अश्वि॑ना वा॒युना यु॒वं सु॑दक्षा

Halfverse: b    नि॒युद्भि॑ष्च स॒जोष॑सा युवाना ।
   नि॒युद्भिः च स॒जोष॑सा युवाना ।
   नि॒युद्भि॑ष् च स॒जोष॑सा युवाना ।

Halfverse: c    नास॑त्या तिरोअह्न्यं जुषा॒णा सोम॑म्पिबतम॒स्रिधा॑ सुदानू ।।
   नास॑त्या तिरोअह्न्यं जुषा॒णा
   नास॑त्या तिरोअह्न्यम् जुषा॒णा
   नास॑त्या तिरोअह्नियं जुषा॒णा

Halfverse: d    सोम॑म्पिबतम॒स्रिधा॑ सुदानू ।।
   सोम॑म् पिबतम् अ॒स्रिधा सुदानू ।।
   सोम॑म् पिबतम् अ॒स्रिधा सुदानू ।।


Verse: 8 
Halfverse: a    अश्वि॑ना॒ परि॑ वा॒मिषः॑ पुरू॒चीरी॒युर्गी॒र्भिर्यत॑माना॒ अमृ॑ध्राः ।
   अश्वि॑ना॒ परि॑ वा॒मिषः॑ पुरू॒चीर्
   अश्वि॑ना परि वाम् इषः पुरू॒चीः
   अश्वि॑ना परि वाम् इषः पुरू॒चीर्

Halfverse: b    ई॒युर्गी॒र्भिर्यत॑माना॒ अमृ॑ध्राः ।
   ई॒युः गी॒र्भिः यत॑मानाः अमृ॑ध्राः ।
   ई॒युर् गी॒र्भिर् यत॑माना अमृ॑ध्राः ।

Halfverse: c    रथो॑ ह वामृत॒जा अद्रि॑जूतः॒ परि॒ द्यावा॑पृथि॒वी या॑ति स॒द्यः ।।
   रथो॑ ह वामृत॒जा अद्रि॑जूतः
   रथः ह वाम् ऋत॒जाः अद्रि॑जूतः
   रथो ह वाम् ऋत॒जा अद्रि॑जूतः

Halfverse: d    परि॒ द्यावा॑पृथि॒वी या॑ति स॒द्यः ।।
   परि द्यावा॑पृथि॒वी या॑ति स॒द्यः ।।
   परि द्यावा॑पृथि॒वी या॑ति स॒द्यः ।।


Verse: 9 
Halfverse: a    अश्वि॑ना मधु॒षुत्त॑मो यु॒वाकुः॒ सोम॒स्तम्पा॑त॒मा ग॑तं दुरो॒णे ।
   अश्वि॑ना मधु॒षुत्त॑मो यु॒वाकुः
   अश्वि॑ना मधु॒षुत्त॑मः यु॒वाकुः
   अश्वि॑ना मधु॒षुत्त॑मो यु॒वाकुः

Halfverse: b    सोम॒स्तम्पा॑त॒मा ग॑तं दुरो॒णे ।
   सोमः तम् पातम् आ ग॑तम् दुरो॒णे ।
   सोम॑स् तम् पातम् आ ग॑तं दुरो॒णे ।

Halfverse: c    रथो॑ ह वा॒म्भूरि॒ वर्पः॒ करि॑क्रत्सु॒ताव॑तो निष्कृ॒तमाग॑मिष्ठः ।।
   रथो॑ ह वा॒म्भूरि॒ वर्पः॒ करि॑क्रत्
   रथः ह वाम् भूरि वर्पः करि॑क्रत्
   रथो ह वाम् भूरि वर्पः करि॑क्रत्

Halfverse: d    सु॒ताव॑तो निष्कृ॒तमाग॑मिष्ठः ।।
   सु॒ताव॑तः निष्कृ॒तम् आग॑मिष्ठः ।।
   सु॒ताव॑तो निष्कृ॒तम् आग॑मिष्ठः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.