TITUS
Rg-Veda: Rg-Veda-Samhita
Part No. 295
Previous part

Hymn: 61_(295) 
Verse: 1 
Halfverse: a    उषो॒ वाजे॑न वाजिनि॒ प्रचे॑ता॒ स्तोमं॑ जुषस्व गृण॒तो म॑घोनि ।
   उषो॒ वाजे॑न वाजिनि॒ प्रचे॑ता
   उषः वाजे॑न वाजिनि प्रचे॑ताः
   उषो वाजे॑न वाजिनि प्रचे॑ता

Halfverse: b    स्तोमं॑ जुषस्व गृण॒तो म॑घोनि ।
   स्तोम॑म् जुषस्व गृण॒तः म॑घोनि ।
   स्तोमं जुषस्व गृण॒तो म॑घोनि ।

Halfverse: c    पु॑रा॒णी दे॑वि युव॒तिः पुरं॑धि॒रनु॑ व्र॒तं च॑रसि विश्ववारे ।।
   पु॑रा॒णी दे॑वि युव॒तिः पुरं॑धिर्
   पुरा॒णी दे॑वि युव॒तिः पुरं॑धिः
   पुरा॒णी दे॑वि युव॒तिः पुरं॑धिर्

Halfverse: d    अनु॑ व्र॒तं च॑रसि विश्ववारे ।।
   अनु व्र॒तम् चरसि विश्ववारे ।।
   अनु व्र॒तं च॑रसि विश्ववारे ।।


Verse: 2 
Halfverse: a    उषो॑ दे॒व्यम॑र्त्या॒ वि भा॑हि च॒न्द्रर॑था सू॒नृता॑ ई॒रय॑न्ती ।
   उषो॑ दे॒व्यम॑र्त्या॒ वि भा॑हि
   उषः देवि अम॑र्त्या वि भा॑हि
   उषो देवि अम॑र्तिया वि भा॑हि

Halfverse: b    च॒न्द्रर॑था सू॒नृता॑ ई॒रय॑न्ती ।
   च॒न्द्रर॑था सू॒नृताः ई॒रय॑न्ती ।
   च॒न्द्रर॑था सू॒नृता ई॒रय॑न्ती ।

Halfverse: c    आ त्वा॑ वहन्तु सु॒यमा॑सो॒ अश्वा॒ हिर॑ण्यवर्णाम्पृथु॒पाज॑सो॒ ये ।।
   आ त्वा॑ वहन्तु सु॒यमा॑सो॒ अश्वा
   आ त्वा वहन्तु सु॒यमा॑सः अश्वाः
   आ त्वा वहन्तु सु॒यमा॑सो अश्वा

Halfverse: d    हिर॑ण्यवर्णाम्पृथु॒पाज॑सो॒ ये ।।
   हिर॑ण्यवर्णाम् पृथु॒पाज॑सः ये ।।
   हिर॑ण्यवर्णाम् पृथु॒पाज॑सो ये ।।


Verse: 3 
Halfverse: a    उषः॑ प्रती॒ची भुव॑नानि॒ विश्वो॒र्ध्वा ति॑ष्ठस्य॒मृत॑स्य के॒तुः ।
   उषः॑ प्रती॒ची भुव॑नानि॒ विश्वा
   उषः प्रती॒ची भुव॑नानि विश्वा
   उषः प्रती॒ची भुव॑नानि विश्वा

Halfverse: b     ॑ऊ॒र्ध्वा ति॑ष्ठस्य॒मृत॑स्य के॒तुः ।
   ऊ॒र्ध्वा ति॑ष्ठसि अ॒मृत॑स्य के॒तुः ।
   ऊ॒र्ध्वा ति॑ष्ठसि अ॒मृत॑स्य के॒तुः ।

Halfverse: c    स॑मा॒नमर्थं॑ चरणी॒यमा॑ना च॒क्रमि॑व नव्य॒स्या व॑वृत्स्व ।।
   स॑मा॒नमर्थं॑ चरणी॒यमा॑ना
   समा॒नम् अर्थ॑म् चरणी॒यमा॑ना
   समा॒नम् अर्थं चरणी॒यमा॑ना

Halfverse: d    च॒क्रमि॑व नव्य॒स्या व॑वृत्स्व ।।
   च॒क्रम् इव नव्यसि आ व॑वृत्स्व ।।
   च॒क्रम् इव नव्यसि आ व॑वृत्स्व ।।


Verse: 4 
Halfverse: a    अव॒ स्यूमे॑व चिन्व॒ती म॒घोन्यु॒षा या॑ति॒ स्वस॑रस्य॒ पत्नी॑ ।
   अव॒ स्यूमे॑व चिन्व॒ती म॒घोन्य्
   अव स्यूम इव चिन्व॒ती म॒घोनी
   अव स्यूमे॑व चिन्व॒ती म॒घोनी

Halfverse: b    उ॒षा या॑ति॒ स्वस॑रस्य॒ पत्नी॑ ।
   उ॒षाः या॑ति स्वस॑रस्य पत्नी ।
   उ॒षा या॑ति ? स्वस॑रस्य पत्नी ।

Halfverse: c    स्व॒र्जन॑न्ती सु॒भगा॑ सु॒दंसा॒ आन्ता॑द्दि॒वः प॑प्रथ॒ आ पृ॑थि॒व्याः ।।
   स्व॒र्जन॑न्ती सु॒भगा॑ सु॒दंसा
   स्व॑र् जन॑न्ती सु॒भगा सु॒दंसाः
   सुव॑र् जन॑न्ती सु॒भगा सु॒दंसा

Halfverse: d    आन्ता॑द्दि॒वः प॑प्रथ॒ आ पृ॑थि॒व्याः ।।
   आ अन्ता॑त् दि॒वः प॑प्रथे आ पृ॑थि॒व्याः ।।
   आन्ता॑द् दि॒वः प॑प्रथ आ पृ॑थि॒व्याः ।।


Verse: 5 
Halfverse: a    अछा॑ वो दे॒वीमु॒षसं॑ विभा॒तीम्प्र वो॑ भरध्वं॒ नम॑सा सुवृ॒क्तिम् ।
   अछा॑ वो दे॒वीमु॒षसं॑ विभा॒तीम्
   अछ+ वः दे॒वीम् उ॒षस॑म् विभा॒तीम्
   अछा वो दे॒वीम् उ॒षसं विभा॒तीम्

Halfverse: b    प्र वो॑ भरध्वं॒ नम॑सा सुवृ॒क्तिम् ।
   प्र वः भरध्वम् नम॑सा सुवृ॒क्तिम् ।
   प्र वो भरध्वं नम॑सा सुवृ॒क्तिम् ।

Halfverse: c    ऊ॒र्ध्वम्म॑धु॒धा दि॒वि पाजो॑ अश्रे॒त्प्र रो॑च॒ना रु॑रुचे र॒ण्वसं॑दृक् ।।
   ऊ॒र्ध्वम्म॑धु॒धा दि॒वि पाजो॑ अश्रेत्
   ऊ॒र्ध्वम् मधु॒धा दि॒वि पाजः अश्रेत्
   ऊ॒र्ध्वम् मधु॒धा दि॒वि पाजो अश्रेत्

Halfverse: d    प्र रो॑च॒ना रु॑रुचे र॒ण्वसं॑दृक् ।।
   प्र रो॑च॒ना रु॑रुचे र॒ण्वसं॑दृक् ।।
   प्र रो॑च॒ना रु॑रुचे र॒ण्वसं॑दृक् ।।


Verse: 6 
Halfverse: a    ऋ॒ताव॑री दि॒वो अ॒र्कैर॑बो॒ध्या रे॒वती॒ रोद॑सी चि॒त्रम॑स्थात् ।
   ऋ॒ताव॑री दि॒वो अ॒र्कैर॑बोध्य्
   ऋ॒ताव॑री दि॒वः अ॒र्कैः अ॑बोधि
   ऋ॒ताव॑री दि॒वो अ॒र्कैर् अबोधि

Halfverse: b    आ रे॒वती॒ रोद॑सी चि॒त्रम॑स्थात् ।
   आ रे॒वती रोद॑सी चि॒त्रम् अस्थात् ।
   आ रे॒वती रोद॑सी चि॒त्रम् अस्थात् ।

Halfverse: c    आ॑य॒तीम॑ग्न उ॒षसं॑ विभा॒तीं वा॒ममे॑षि॒ द्रवि॑ण॒म्भिक्ष॑माणः ।।
   आ॑य॒तीम॑ग्न उ॒षसं॑ विभा॒तीं
   आ॑य॒तीम् अग्ने उ॒षस॑म् विभा॒तीम्
   आय॒तीम् अग्न उ॒षसं विभा॒तीं

Halfverse: d    वा॒ममे॑षि॒ द्रवि॑ण॒म्भिक्ष॑माणः ।।
   वा॒मम् एषि द्रवि॑णम् भिक्ष॑माणः ।।
   वा॒मम् एषि द्रवि॑णम् भिक्ष॑माणः ।।


Verse: 7 
Halfverse: a    ऋ॒तस्य॑ बु॒ध्न उ॒षसा॑मिष॒ण्यन्वृषा॑ म॒ही रोद॑सी॒ आ वि॑वेश ।
   ऋ॒तस्य॑ बु॒ध्न उ॒षसा॑मिष॒ण्यन्
   ऋ॒तस्य बु॒ध्ने उ॒षसा॑म् इष॒ण्यन्
   ऋ॒तस्य बु॒ध्न उ॒षसा॑म् इष॒ण्यन्

Halfverse: b    वृषा॑ म॒ही रोद॑सी॒ आ वि॑वेश ।
   वृषा म॒ही रोद॑सी आ वि॑वेश ।
   वृषा म॒ही रोद॑सी आ वि॑वेश ।

Halfverse: c    म॒ही मि॒त्रस्य॒ वरु॑णस्य मा॒या च॒न्द्रेव॑ भा॒नुं वि द॑धे पुरु॒त्रा ।।
   म॒ही मि॒त्रस्य॒ वरु॑णस्य मा॒या
   म॒ही मि॒त्रस्य वरु॑णस्य मा॒या
   म॒ही मि॒त्रस्य वरु॑णस्य मा॒या

Halfverse: d    च॒न्द्रेव॑ भा॒नुं वि द॑धे पुरु॒त्रा ।।
   च॒न्द्रा इ॑व भा॒नुम् वि द॑धे पुरु॒त्रा ।।
   च॒न्द्रेव भा॒नुं वि द॑धे पुरु॒त्रा ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.