TITUS
Rg-Veda: Rg-Veda-Samhita
Part No. 297
Previous part

Book: 4    4
Hymn: 1_(297) 


Verse: 1 
Halfverse: a    त्वां ह्य॑ग्ने॒ सद॒मित्स॑म॒न्यवो॑ दे॒वासो॑ दे॒वम॑र॒तिं न्ये॑रि॒र इति॒ क्रत्वा॑ न्येरि॒रे ।
   त्वां ह्य॑ग्ने॒ सद॒मित्स॑म॒न्यवो
   त्वाम् हि अ॑ग्ने सद॑म् इत् सम॒न्यवः
   तु॒वां हि अ॑ग्ने सद॑म् इत् सम॒न्यवो

Halfverse: b    दे॒वासो॑ दे॒वम॑र॒तिं न्ये॑रि॒र
   दे॒वासः दे॒वम् अर॒तिम् न्येरि॒रे
   दे॒वासो दे॒वम् अर॒तिं निए॑रि॒र

Halfverse: c    इति॒ क्रत्वा॑ न्येरि॒रे ।
   इति क्रत्वा न्येरि॒रे ।
   इति क्रत्वा निएरि॒रे ।

Halfverse: d    अम॑र्त्यं यजत॒ मर्त्ये॒ष्वा दे॒वमादे॑वं जनत॒ प्रचे॑तसं॒ विश्व॒मादे॑वं जनत॒ प्रचे॑तसम् ।।
   अम॑र्त्यं यजत॒ मर्त्ये॒ष्वा
   अम॑र्त्यम् यजत मर्त्ये॑षु आ
   अम॑र्तियं यजत मर्ति॑येषु आ

Halfverse: e    दे॒वमादे॑वं जनत॒ प्रचे॑तसं
   दे॒वम् आदे॑वम् जनत प्रचे॑तसम्
   दे॒वम् आदे॑वं जनत प्रचे॑तसं

Halfverse: f    विश्व॒मादे॑वं जनत॒ प्रचे॑तसम् ।।
   विश्व॑म् आदे॑वम् जनत प्रचे॑तसम् ।।
   विश्व॑म् आदे॑वं जनत प्रचे॑तसम् ।।


Verse: 2 
Halfverse: a    स भ्रात॑रं॒ वरु॑णमग्न॒ आ व॑वृत्स्व दे॒वाँ अछा॑ सुम॒ती य॒ज्ञव॑नसं॒ ज्येष्ठं॑ य॒ज्ञव॑नसम् ।
   स भ्रात॑रं॒ वरु॑णमग्न॒ आ व॑वृत्स्व
   स भ्रात॑रम् वरु॑णम् अग्ने आ व॑वृत्स्व
   स भ्रात॑रं वरु॑णम् अग्न आ व॑वृत्स्व

Halfverse: b    दे॒वाँ अछा॑ सुम॒ती य॒ज्ञव॑नसं
   दे॒वान् अछ+ सुम॒ती य॒ज्ञव॑नसम्
   दे॒वाँ अछा सुम॒ती य॒ज्ञव॑नसं

Halfverse: c    ज्येष्ठं॑ य॒ज्ञव॑नसम् ।
   ज्येष्ठ॑म् य॒ज्ञव॑नसम् ।
   ज्ययि॑ष्ठं य॒ज्ञव॑नसम् ।

Halfverse: d    ऋ॒तावा॑नमादि॒त्यं च॑र्षणी॒धृतं॒ राजा॑नं चर्षणी॒धृत॑म् ।।
   ऋ॒तावा॑नमादि॒त्यं च॑र्षणी॒धृतं
   ऋ॒तावा॑नम् आदि॒त्यम् चर्षणी॒धृत॑म्
   ऋ॒तावा॑नम् आदि॒त्यं च॑र्षणी॒धृतं

Halfverse: e    राजा॑नं चर्षणी॒धृत॑म् ।।
   राजा॑नम् चर्षणी॒धृत॑म् ।।
   राजा॑नं चर्षणी॒धृत॑म् ।।


Verse: 3 
Halfverse: a    सखे॒ सखा॑यम॒भ्या व॑वृत्स्वा॒शुं न च॒क्रं रथ्ये॑व॒ रँह्या॒स्मभ्यं॑ दस्म॒ रँह्या॑ ।
   सखे॒ सखा॑यम॒भ्या व॑वृत्स्व
   सखे सखा॑यम् अ॒भि आ व॑वृत्स्व
   सखे सखा॑यम् अ॒भि आ व॑वृत्सुव

Halfverse: b     आ॒शुं न च॒क्रं रथ्ये॑व॒ रँह्या
   आ॒शुम् न च॒क्रम् रथ्या इव रंह्या
   आ॒शुं न च॒क्रं रथि॑येव रंहि॑या

Halfverse: c     अ॒स्मभ्यं॑ दस्म॒ रँह्या॑ ।
   अ॒स्मभ्य॑म् दस्म रंह्या ।
   अ॒स्मभ्यं दस्म रंहि॑या ।

Halfverse: d    अग्ने॑ मृळी॒कं वरु॑णे॒ सचा॑ विदो म॒रुत्सु॑ वि॒श्वभा॑नुषु ।
   अग्ने॑ मृळी॒कं वरु॑णे॒ सचा॑ विदो
   अग्ने मृळी॒कम् वरु॑णे सचा विदः
   अग्ने मृळी॒कं वरु॑णे सचा विदो

Halfverse: e    म॒रुत्सु॑ वि॒श्वभा॑नुषु ।
   म॒रुत्सु वि॒श्वभा॑नुषु ।
   म॒रुत्सु वि॒श्वभा॑नुषु ।

Halfverse: f    तो॒काय॑ तु॒जे शु॑शुचान॒ शं कृ॑ध्य॒स्मभ्यं॑ दस्म॒ शं कृ॑धि ।।
   तो॒काय॑ तु॒जे शु॑शुचान॒ शं कृ॑ध्य्
   तो॒काय तु॒जे शु॑शुचान शम् कृधि
   तो॒काय तु॒जे शु॑शुचान शं कृ॑धि

Halfverse: g    अ॒स्मभ्यं॑ दस्म॒ शं कृ॑धि ।।
   अ॒स्मभ्य॑म् दस्म शम् कृधि ।।
   अ॒स्मभ्यं दस्म शं कृ॑धि ।।


Verse: 4 
Halfverse: a    त्वं नो॑ अग्ने॒ वरु॑णस्य वि॒द्वान्दे॒वस्य॒ हेळो ऽव॑ यासिसीष्ठाः ।
   त्वं नो॑ अग्ने॒ वरु॑णस्य वि॒द्वान्
   त्वम् नः अग्ने वरु॑णस्य वि॒द्वान्
   तु॒वं नो अग्ने वरु॑णस्य वि॒द्वान्

Halfverse: b    दे॒वस्य॒ हेळो ऽव॑ यासिसीष्ठाः ।
   दे॒वस्य हेळः अव यासिसीष्ठाः ।
   दे॒वस्य हेळो अव यासिसीष्ठाः ।

Halfverse: c    यजि॑ष्ठो॒ वह्नि॑तमः॒ शोशु॑चानो॒ विश्वा॒ द्वेषाँ॑सि॒ प्र मु॑मुग्ध्य॒स्मत् ।।
   यजि॑ष्ठो॒ वह्नि॑तमः॒ शोशु॑चानो
   यजि॑ष्ठः वह्नि॑तमः शोशु॑चानः
   यजि॑ष्ठो वह्नि॑तमः शोशु॑चानो

Halfverse: d    विश्वा॒ द्वेषाँ॑सि॒ प्र मु॑मुग्ध्य॒स्मत् ।।
   विश्वा द्वेषां॑सि प्र मु॑मुग्धि अ॒स्मत् ।।
   विश्वा द्वेषां॑सि प्र मु॑मुग्धि अ॒स्मत् ।।


Verse: 5 
Halfverse: a    स त्वं नो॑ अग्ने ऽव॒मो भ॑वो॒ती नेदि॑ष्ठो अ॒स्या उ॒षसो॒ व्यु॑ष्टौ ।
   स त्वं नो॑ अग्ने ऽव॒मो भ॑वो॒ती
   स त्वम् नः अग्ने अव॒मः भ॑व ऊ॒ती
   स त्वं नो अग्ने अव॒मो भ॑वो॒ती

Halfverse: b    नेदि॑ष्ठो अ॒स्या उ॒षसो॒ व्यु॑ष्टौ ।
   नेदि॑ष्ठः अ॒स्याः उ॒षसः व्यु॑ष्टौ ।
   नेदि॑ष्ठो अ॒स्या उ॒षसो विउष्टौ ।

Halfverse: c    अव॑ यक्ष्व नो॒ वरु॑णं॒ ररा॑णो वी॒हि मृ॑ळी॒कं सु॒हवो॑ न एधि ।।
   अव॑ यक्ष्व नो॒ वरु॑णं॒ ररा॑णो
   अव यक्ष्व नः वरु॑णम् ररा॑णः
   अव यक्ष्व नो वरु॑णं ररा॑णो

Halfverse: d    वी॒हि मृ॑ळी॒कं सु॒हवो॑ न एधि ।।
   वी॒हि मृ॑ळी॒कम् सु॒हवः नः एधि ।।
   वी॒हि मृ॑ळी॒कं सु॒हवो न एधि ।।


Verse: 6 
Halfverse: a    अ॒स्य श्रेष्ठा॑ सु॒भग॑स्य सं॒दृग्दे॒वस्य॑ चि॒त्रत॑मा॒ मर्त्ये॑षु ।
   अ॒स्य श्रेष्ठा॑ सु॒भग॑स्य सं॒दृग्
   अ॒स्य श्रेष्ठा सु॒भग॑स्य सं॒दृक्
   अ॒स्य श्रयि॑ष्ठा सु॒भग॑स्य सं॒दृग्

Halfverse: b    दे॒वस्य॑ चि॒त्रत॑मा॒ मर्त्ये॑षु ।
   दे॒वस्य चि॒त्रत॑मा मर्त्ये॑षु ।
   दे॒वस्य चि॒त्रत॑मा मर्ति॑येषु ।

Halfverse: c    शुचि॑ घृ॒तं न त॒प्तमघ्न्या॑या स्पा॒र्हा दे॒वस्य॑ मँ॒हने॑व धे॒नोः ।।
   शुचि॑ घृ॒तं न त॒प्तमघ्न्या॑या
   शुचि घृ॒तम् न त॒प्तम् अघ्न्या॑याः
   शुचि घृ॒तं न त॒प्तम् अघ्नि॑याया

Halfverse: d    स्पा॒र्हा दे॒वस्य॑ मँ॒हने॑व धे॒नोः ।।
   स्पा॒र्हा दे॒वस्य मं॒हना इव धे॒नोः ।।
   स्पा॒र्हा दे॒वस्य मं॒हने॑व धे॒नोः ।।


Verse: 7 
Halfverse: a    त्रिर॑स्य॒ ता प॑र॒मा स॑न्ति स॒त्या स्पा॒र्हा दे॒वस्य॒ जनि॑मान्य॒ग्नेः ।
   त्रिर॑स्य॒ ता प॑र॒मा स॑न्ति स॒त्या
   त्रिः अ॑स्य ता प॑र॒मा स॑न्ति स॒त्या
   त्रिर् अस्य ता प॑र॒मा स॑न्ति स॒त्या

Halfverse: b    स्पा॒र्हा दे॒वस्य॒ जनि॑मान्य॒ग्नेः ।
   स्पा॒र्हा दे॒वस्य जनि॑मानि अ॒ग्नेः ।
   स्पा॒र्हा दे॒वस्य जनि॑मानि अ॒ग्नेः ।

Halfverse: c    अ॑न॒न्ते अ॒न्तः परि॑वीत॒ आगा॒च्छुचिः॑ शु॒क्रो अ॒र्यो रोरु॑चानः ।।
   अ॑न॒न्ते अ॒न्तः परि॑वीत॒ आगा॑च्
   अन॒न्ते अ॒न्तर् परि॑वीतः आ अ॑गात्
   अन॒न्ते अ॒न्तः परि॑वीत आगा॑च्

Halfverse: d    छुचिः॑ शु॒क्रो अ॒र्यो रोरु॑चानः ।।
   शुचिः शु॒क्रः अ॒र्यः रोरु॑चानः ।।
   छुचिः शु॒क्रो अ॑रि॒यो रोरु॑चानः ।।


Verse: 8 
Halfverse: a    स दू॒तो विश्वेद॒भि व॑ष्टि॒ सद्मा॒ होता॒ हिर॑ण्यरथो॒ रंसु॑जिह्वः
   स दू॒तो विश्वेद॒भि व॑ष्टि॒ सद्मा
   स दू॒तः विश्वा इत् अ॒भि व॑ष्टि सद्म+
   स दू॒तो विश्वेद् अ॒भि व॑ष्टि सद्मा

Halfverse: b    होता॒ हिर॑ण्यरथो॒ रंसु॑जिह्वः ।
   होता हिर॑ण्यरथः रंसु॑जिह्वः ।
   होता हिर॑ण्यरथो रंसु॑जिह्वः ।

Halfverse: c    रो॒हिद॑श्वो वपु॒ष्यो॑ वि॒भावा॒ सदा॑ र॒ण्वः पि॑तु॒मती॑व सं॒सत् ।।
   रो॒हिद॑श्वो वपु॒ष्यो॑ वि॒भावा
   रो॒हिद॑श्वः वपु॒ष्यः वि॒भावा
   रो॒हिद॑श्वो वपु॒षियो वि॒भावा

Halfverse: d    सदा॑ र॒ण्वः पि॑तु॒मती॑व सं॒सत् ।।
   सदा र॒ण्वः पि॑तु॒मती इव सं॒सत् ।।
   सदा र॒ण्वः पि॑तु॒मती॑व सं॒सत् ।।


Verse: 9 
Halfverse: a    स चे॑तय॒न्मनु॑षो य॒ज्ञब॑न्धुः॒ प्र तम्म॒ह्या र॑श॒नया॑ नयन्ति
   स चे॑तय॒न्मनु॑षो य॒ज्ञब॑न्धुः
   स चे॑तयत् मनु॑षः य॒ज्ञब॑न्धुः
   स चे॑तयन् मनु॑षो य॒ज्ञब॑न्धुः

Halfverse: b    प्र तम्म॒ह्या र॑श॒नया॑ नयन्ति ।
   प्र तम् म॒ह्या र॑श॒नया नयन्ति ।
   प्र तम् म॒ह्या र॑श॒नया नयन्ति ।

Halfverse: c    स क्षे॑त्यस्य॒ दुर्या॑सु॒ साध॑न्दे॒वो मर्त॑स्य सधनि॒त्वमा॑प ।।
   स क्षे॑त्यस्य॒ दुर्या॑सु॒ साध॑न्
   स क्षे॑ति अस्य दुर्या॑सु साध॑न्
   स क्षे॑ति अस्य दुरि॑यासु साध॑न्

Halfverse: d    दे॒वो मर्त॑स्य सधनि॒त्वमा॑प ।।
   दे॒वः मर्त॑स्य सधनि॒त्वम् आप ।।
   दे॒वो मर्त॑स्य सधनि॒त्वम् आप ।।


Verse: 10 
Halfverse: a    स तू नो॑ अ॒ग्निर्न॑यतु प्रजा॒नन्नछा॒ रत्नं॑ दे॒वभ॑क्तं॒ यद॑स्य ।
   स तू नो॑ अ॒ग्निर्न॑यतु प्रजा॒नन्न्
   स तु+ नः अ॒ग्निः न॑यतु प्रजा॒नन्
   स तू नो अ॒ग्निर् नयतु प्रजा॒नन्न्

Halfverse: b    अछा॒ रत्नं॑ दे॒वभ॑क्तं॒ यद॑स्य ।
   अछ+ रत्न॑म् दे॒वभ॑क्तम् यत् अस्य ।
   अछा रत्नं दे॒वभ॑क्तं यद् अस्य ।

Halfverse: c    धि॒या यद्विश्वे॑ अ॒मृता॒ अकृ॑ण्व॒न्द्यौष्पि॒ता ज॑नि॒ता स॒त्यमु॑क्षन् ।।
   धि॒या यद्विश्वे॑ अ॒मृता॒ अकृ॑ण्वन्
   धि॒या यत् विश्वे अ॒मृताः अकृ॑ण्वन्
   धि॒या यद् विश्वे अ॒मृता अकृ॑ण्वन्

Halfverse: d    द्यौष्पि॒ता ज॑नि॒ता स॒त्यमु॑क्षन् ।।
   द्यौः पि॒ता ज॑नि॒ता स॒त्यम् उक्षन् ।।
   दि॒यौष् पि॒ता ज॑नि॒ता स॒त्यम् उक्षन् ।।


Verse: 11 
Halfverse: a    स जा॑यत प्रथ॒मः प॒स्त्या॑सु म॒हो बु॒ध्ने रज॑सो अ॒स्य योनौ॑ ।
   स जा॑यत प्रथ॒मः प॒स्त्या॑सु
   स जा॑यत प्रथ॒मः प॒स्त्या॑सु
   स जा॑यत प्रथ॒मः प॒स्तिया॑सु

Halfverse: b    म॒हो बु॒ध्ने रज॑सो अ॒स्य योनौ॑ ।
   म॒हः बु॒ध्ने रज॑सः अ॒स्य योनौ ।
   म॒हो बु॒ध्ने रज॑सो अ॒स्य योनौ ।

Halfverse: c    अ॒पाद॑शी॒र्षा गु॒हमा॑नो॒ अन्ता॒योयु॑वानो वृष॒भस्य॑ नी॒ळे ।।
   अ॒पाद॑शी॒र्षा गु॒हमा॑नो॒ अन्ता
   अ॒पात् अशी॒र्षा गु॒हमा॑नः अन्ता
   अ॒पाद् अशी॒र्षा गु॒हमा॑नो अन्ता

Halfverse: d     ॑आ॒योयु॑वानो वृष॒भस्य॑ नी॒ळे ।।
   आ॒योयु॑वानः वृष॒भस्य नी॒ळे ।।
   आयोयु॑वानो वृष॒भस्य नी॒ळे ।।


Verse: 12 
Halfverse: a    प्र शर्ध॑ आर्त प्रथ॒मं वि॑प॒न्यँ ऋ॒तस्य॒ योना॑ वृष॒भस्य॑ नी॒ळे ।
   प्र शर्ध॑ आर्त प्रथ॒मं वि॑प॒न्यँ
   प्र शर्धः आर्त प्रथ॒मम् विप॒न्या
   प्र शर्ध आर्त प्रथ॒मं वि॑प॒न्याँ

Halfverse: b    ऋ॒तस्य॒ योना॑ वृष॒भस्य॑ नी॒ळे ।
   ऋ॒तस्य योना वृष॒भस्य नी॒ळे ।
   ऋ॒तस्य योना वृष॒भस्य नी॒ळे ।

Halfverse: c    स्पा॒र्हो युवा॑ वपु॒ष्यो॑ वि॒भावा॑ स॒प्त प्रि॒यासो॑ ऽजनयन्त॒ वृष्णे॑ ।।
   स्पा॒र्हो युवा॑ वपु॒ष्यो॑ वि॒भावा
   स्पा॒र्हः युवा वपु॒ष्यः वि॒भावा
   स्पा॒र्हो युवा वपु॒षियो वि॒भावा

Halfverse: d    स॒प्त प्रि॒यासो॑ ऽजनयन्त॒ वृष्णे॑ ।।
   स॒प्त प्रि॒यासः जनयन्त ! वृष्णे ।।
   स॒प्त प्रि॒यासो ऽजनयन्त वृष्णे ।।


Verse: 13 
Halfverse: a    अ॒स्माक॒मत्र॑ पि॒तरो॑ मनु॒ष्या॑ अ॒भि प्र से॑दुरृ॒तमा॑शुषा॒णाः ।
   अ॒स्माक॒मत्र॑ पि॒तरो॑ मनु॒ष्या
   अ॒स्माक॑म् अत्र पि॒तरः मनु॒ष्याः
   अ॒स्माक॑म् अत्र पि॒तरो मनु॒ष्या

Halfverse: b    अ॒भि प्र से॑दुरृ॒तमा॑शुषा॒णाः ।
   अ॒भि प्र से॑दुः ऋ॒तम् आशुषा॒णाः ।
   अ॒भि प्र से॑दुर् ऋ॒तम् आशुषा॒णाः ।

Halfverse: c    अश्म॑व्रजाः सु॒दुघा॑ व॒व्रे अ॒न्तरुदु॒स्रा आ॑जन्नु॒षसो॑ हुवा॒नाः ।।
   अश्म॑व्रजाः सु॒दुघा॑ व॒व्रे अ॒न्तर्
   अश्म॑व्रजाः सु॒दुघाः व॒व्रे अ॒न्तर्
   अश्म॑व्रजाः सु॒दुघा व॒व्रे अ॒न्तर्

Halfverse: d    उदु॒स्रा आ॑जन्नु॒षसो॑ हुवा॒नाः ।।
   उत् उ॒स्राः आ॑जन् उ॒षसः हुवा॒नाः ।।
   उद् उ॒स्रा आ॑जन्न् उ॒षसो हुवा॒नाः ।।


Verse: 14 
Halfverse: a    ते म॑र्मृजत ददृ॒वाँसो॒ अद्रिं॒ तदे॑षाम॒न्ये अ॒भितो॒ वि वो॑चन् ।
   ते म॑र्मृजत ददृ॒वाँसो॒ अद्रिं
   ते म॑र्मृजत ददृ॒वांसः अद्रि॑म्
   ते म॑र्मृजत ददृ॒वांसो अद्रिं

Halfverse: b    तदे॑षाम॒न्ये अ॒भितो॒ वि वो॑चन् ।
   तत् एषाम् अ॒न्ये अ॒भितः वि वो॑चन् ।
   तद् एषाम् अ॒न्ये अ॒भितो वि वो॑चन् ।

Halfverse: c    प॒श्वय॑न्त्रासो अ॒भि का॒रम॑र्चन्वि॒दन्त॒ ज्योति॑श्चकृ॒पन्त॑ धी॒भिः ।।
   प॒श्वय॑न्त्रासो अ॒भि का॒रम॑र्चन्
   प॒श्वय॑न्त्रासः अ॒भि का॒रम् अर्चन्
   प॒श्वय॑न्त्रासो अ॒भि का॒रम् अर्चन्

Halfverse: d    वि॒दन्त॒ ज्योति॑श्चकृ॒पन्त॑ धी॒भिः ।।
   वि॒दन्त ज्योतिः चकृ॒पन्त धी॒भिः ।।
   वि॒दन्त ज्योति॑श् चकृ॒पन्त धी॒भिः ।।


Verse: 15 
Halfverse: a    ते ग॑व्य॒ता मन॑सा दृ॒ध्रमु॒ब्धं गा ये॑मा॒नम्परि॒ षन्त॒मद्रि॑म् ।
   ते ग॑व्य॒ता मन॑सा दृ॒ध्रमु॒ब्धं
   ते ग॑व्य॒ता मन॑सा दृ॒ध्रम् उ॒ब्धम्
   ते ग॑व्य॒ता मन॑सा दृ॒ध्रम् उ॒ब्धं

Halfverse: b    गा ये॑मा॒नम्परि॒ षन्त॒मद्रि॑म् ।
   गाः ये॑मा॒नम् परि सन्त॑म् अद्रि॑म् ।
   गाअ ये॑मा॒नम् परि षन्त॑म् अद्रि॑म् ।

Halfverse: c    दृ॒ऴं नरो॒ वच॑सा॒ दैव्ये॑न व्र॒जं गोम॑न्तमु॒शिजो॒ वि व॑व्रुः ।।
   दृ॒ऴं नरो॒ वच॑सा॒ दैव्ये॑न
   दृ॒ऴम् नरः वच॑सा दैव्ये॑न
   दृ॒ऴं नरो वच॑सा दैवि॑येन

Halfverse: d    व्र॒जं गोम॑न्तमु॒शिजो॒ वि व॑व्रुः ।।
   व्र॒जम् गोम॑न्तम् उ॒शिजः वि व॑व्रुः ।।
   व्र॒जं गोम॑न्तम् उ॒शिजो वि व॑व्रुः ।।


Verse: 16 
Halfverse: a    ते म॑न्वत प्रथ॒मं नाम॑ धे॒नोस्त्रिः स॒प्त मा॒तुः प॑र॒माणि॑ विन्दन् ।
   ते म॑न्वत प्रथ॒मं नाम॑ धे॒नोस्
   ते म॑न्वत प्रथ॒मम् नाम धे॒नोः
   ते म॑न्वत प्रथ॒मं नाम धे॒नोस्

Halfverse: b    त्रिः स॒प्त मा॒तुः प॑र॒माणि॑ विन्दन् ।
   त्रिः स॒प्त मा॒तुः प॑र॒माणि विन्दन् ।
   त्रिः स॒प्त मा॒तुः प॑र॒माणि विन्दन् ।

Halfverse: c    तज्जा॑न॒तीर॒भ्य॑नूषत॒ व्रा आ॒विर्भु॑वदरु॒णीर्य॒शसा॒ गोः ।।
   तज्जा॑न॒तीर॒भ्य॑नूषत॒ व्रा
   तत् जान॒तीः अ॒भि अ॑नूषत व्राः
   तज् जान॒तीर् अ॒भि अ॑नूषत व्रा

Halfverse: d    आ॒विर्भु॑वदरु॒णीर्य॒शसा॒ गोः ।।
   आ॒विः भु॑वत् अरु॒णीः य॒शसा गोः ।।
   आ॒विर् भुवद् अरु॒णीर् य॒शसा गोः ।।


Verse: 17 
Halfverse: a    नेश॒त्तमो॒ दुधि॑तं॒ रोच॑त॒ द्यौरुद्दे॒व्या उ॒षसो॑ भा॒नुर॑र्त ।
   नेश॒त्तमो॒ दुधि॑तं॒ रोच॑त॒ द्यौर्
   नेश॑त् तमः दुधि॑तम् रोच॑त द्यौः
   नेश॑त् तमो दुधि॑तं रोच॑त द्यौर्

Halfverse: b    उद्दे॒व्या उ॒षसो॑ भा॒नुर॑र्त ।
   उत् दे॒व्याः उ॒षसः भा॒नुः अ॑र्त ।
   उद् देवि॒या उ॒षसो भा॒नुर् अर्त ।

Halfverse: c    आ सूर्यो॑ बृह॒तस्ति॑ष्ठ॒दज्राँ॑ ऋ॒जु मर्ते॑षु वृजि॒ना च॒ पश्य॑न् ।।
   आ सूर्यो॑ बृह॒तस्ति॑ष्ठ॒दज्राँ
   आ सूर्यः बृह॒तः ति॑ष्ठत् अज्रा॑न्
   आ सूरि॑यो बृह॒तस् तिष्ठद् अज्राँ

Halfverse: d    ऋ॒जु मर्ते॑षु वृजि॒ना च॒ पश्य॑न् ।।
   ऋ॒जु मर्ते॑षु वृजि॒ना च पश्य॑न् ।।
   ऋ॒जु मर्ते॑षु वृजि॒ना च पश्य॑न् ।।


Verse: 18 
Halfverse: a    आदित्प॒श्चा बु॑बुधा॒ना व्य॑ख्य॒न्नादिद्रत्नं॑ धारयन्त॒ द्युभ॑क्तम् ।
   आदित्प॒श्चा बु॑बुधा॒ना व्य॑ख्यन्न्
   आत् इत् प॒श्चा बु॑बुधा॒नाः वि अ॑ख्यन्
   आद् इत् प॒श्चा बु॑बुधा॒ना वि अ॑ख्यन्न्

Halfverse: b    आदिद्रत्नं॑ धारयन्त॒ द्युभ॑क्तम् ।
   आत् इत् रत्न॑म् धारयन्त द्युभ॑क्तम् ।
   आद् इद् रत्नं धारयन्त द्युभ॑क्तम् ।

Halfverse: c    विश्वे॒ विश्वा॑सु॒ दुर्या॑सु दे॒वा मित्र॑ धि॒ये व॑रुण स॒त्यम॑स्तु ।।
   विश्वे॒ विश्वा॑सु॒ दुर्या॑सु दे॒वा
   विश्वे विश्वा॑सु दुर्या॑सु दे॒वाः
   विश्वे विश्वा॑सु दुरि॑यासु दे॒वा

Halfverse: d    मित्र॑ धि॒ये व॑रुण स॒त्यम॑स्तु ।।
   मित्र धि॒ये व॑रुण स॒त्यम् अस्तु ।।
   मित्र धि॒ये व॑रुण स॒त्यम् अस्तु ।।


Verse: 19 
Halfverse: a    अछा॑ वोचेय शुशुचा॒नम॒ग्निं होता॑रं वि॒श्वभ॑रसं॒ यजि॑ष्ठम् ।
   अछा॑ वोचेय शुशुचा॒नम॒ग्निं
   अछ+ वोचेय शुशुचा॒नम् अ॒ग्निम्
   अछा वोचेय शुशुचा॒नम् अ॒ग्निं

Halfverse: b    होता॑रं वि॒श्वभ॑रसं॒ यजि॑ष्ठम् ।
   होता॑रम् वि॒श्वभ॑रसम् यजि॑ष्ठम् ।
   होता॑रं वि॒श्वभ॑रसं यजि॑ष्ठम् ।

Halfverse: c    शुच्यूधो॑ अतृण॒न्न गवा॒मन्धो॒ न पू॒तम्परि॑षिक्तमँ॒शोः ।।
   शुच्यूधो॑ अतृण॒न्न गवा॑म्
   शुचि ऊधः अतृणत् न गवा॑म्
   शुचि ऊधो अतृणन् न गवा॑म्

Halfverse: d    अन्धो॒ न पू॒तम्परि॑षिक्तमँ॒शोः ।।
   अन्धः न पू॒तम् परि॑षिक्तम् अं॒शोः ।।
   अन्धो न पू॒तम् परि॑षिक्तम् अं॒शोः ।।


Verse: 20 
Halfverse: a    विश्वे॑षा॒मदि॑तिर्य॒ज्ञिया॑नां॒ विश्वे॑षा॒मति॑थि॒र्मानु॑षाणाम् ।
   विश्वे॑षा॒मदि॑तिर्य॒ज्ञिया॑नां ।!।
   विश्वे॑षाम् अदि॑तिः य॒ज्ञिया॑नाम्
   विश्वे॑षाअम् अदि॑तिर् या॒ज्ञिया॑नां

Halfverse: b    विश्वे॑षा॒मति॑थि॒र्मानु॑षाणाम् ।
   विश्वे॑षाम् अति॑थिः मानु॑षाणाम् ।
   विश्वे॑षाअम् अति॑थिर् मानु॑षाणाम् ।

Halfverse: c    अ॒ग्निर्दे॒वाना॒मव॑ आवृणा॒नः सु॑मृळी॒को भ॑वतु जा॒तवे॑दाः ।।
   अ॒ग्निर्दे॒वाना॒मव॑ आवृणा॒नः
   अ॒ग्निः दे॒वाना॑म् अवः आवृणा॒नः
   अ॒ग्निर् दे॒वाना॑म् अव आवृणा॒नः

Halfverse: d    सु॑मृळी॒को भ॑वतु जा॒तवे॑दाः ।।
   सु॑मृळी॒कः भ॑वतु जा॒तवे॑दाः ।।
   सु॑मृळी॒को भ॑वतु जा॒तवे॑दाः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.