TITUS
Rg-Veda: Rg-Veda-Samhita
Part No. 299
Previous part

Hymn: 3_(299) 
Verse: 1 
Halfverse: a    आ वो॒ राजा॑नमध्व॒रस्य॑ रु॒द्रं होता॑रं सत्य॒यजं॒ रोद॑स्योः ।
   आ वो॒ राजा॑नमध्व॒रस्य॑ रु॒द्रं
   आ वः राजा॑नम् अध्व॒रस्य रु॒द्रम्
   आ वो राजा॑नम् अध्व॒रस्य रु॒द्रं

Halfverse: b    होता॑रं सत्य॒यजं॒ रोद॑स्योः ।
   होता॑रम् सत्य॒यज॑म् रोद॑स्योः ।
   होता॑रं सत्य॒यजं रोद॑सीयोः ।

Halfverse: c    अ॒ग्निम्पु॒रा त॑नयि॒त्नोर॒चित्ता॒द्धिर॑ण्यरूप॒मव॑से कृणुध्वम् ।।
   अ॒ग्निम्पु॒रा त॑नयि॒त्नोर॒चित्ता॑द्
   अ॒ग्निम् पु॒रा त॑नयि॒त्नोः अ॒चित्ता॑त्
   अ॒ग्निम् पु॒रा त॑नयि॒त्नोर् अ॒चित्ता॑द्

Halfverse: d    धिर॑ण्यरूपम् ।!। अव॑से कृणुध्वम् ।।
   हिर॑ण्यरूपम् अव॑से कृणुध्वम् ।।
   धिर॑न्यरूपम् अव॑से कृणुध्वम् ।।


Verse: 2 
Halfverse: a    अ॒यं योनि॑श्चकृ॒मा यं व॒यं ते॑ जा॒येव॒ पत्य॑ उश॒ती सु॒वासाः॑ ।
   अ॒यं योनि॑श्चकृ॒मा यं व॒यं ते
   अ॒यम् योनिः चकृ॒म+ यम् व॒यम् ते
   अ॒यं योनि॑श् चकृ॒मा यं व॒यं ते

Halfverse: b    जा॒येव॒ पत्य॑ उश॒ती सु॒वासाः॑ ।
   जा॒या इ॑व पत्ये उश॒ती सु॒वासाः ।
   जा॒येव पत्य उश॒ती सु॒वासाः ।

Halfverse: c    अ॑र्वाची॒नः परि॑वीतो॒ नि षी॑दे॒मा उ॑ ते स्वपाक प्रती॒चीः ।।
   अ॑र्वाची॒नः परि॑वीतो॒ नि षी॑द
   अर्वाची॒नः परि॑वीतः नि सी॑द
   अर्वाची॒नः परि॑वीतो नि षी॑द

Halfverse: d     इ॒मा उ॑ ते स्वपाक प्रती॒चीः ।।
   इ॒माः उ ते स्वपाक प्रती॒चीः ।।
   इ॒मा उ ते सुअपाक प्रती॒चीः ।।


Verse: 3 
Halfverse: a    आ॑शृण्व॒ते अदृ॑पिताय॒ मन्म॑ नृ॒चक्ष॑से सुमृळी॒काय॑ वेधः ।
   आ॑शृण्व॒ते अदृ॑पिताय॒ मन्म
   आशृण्व॒ते अदृ॑पिताय मन्म
   आशृण्व॒ते अदृ॑पिताय मन्म

Halfverse: b    नृ॒चक्ष॑से सुमृळी॒काय॑ वेधः ।
   नृ॒चक्ष॑से सुमृळी॒काय वेधः ।
   नृ॒चक्ष॑से सुमृळी॒काय वेधः ।

Halfverse: c    दे॒वाय॑ श॒स्तिम॒मृता॑य शँस॒ ग्रावे॑व॒ सोता॑ मधु॒षुद्यमी॒ळे ।।
   दे॒वाय॑ श॒स्तिम॒मृता॑य शँस
   दे॒वाय श॒स्तिम् अ॒मृता॑य शंस
   दे॒वाय श॒स्तिम् अ॒मृता॑य शंस

Halfverse: d    ग्रावे॑व॒ सोता॑ मधु॒षुद्यमी॒ळे ।।
   ग्रावा इव सोता मधु॒षुत् यम् ई॒ळे ।।
   ग्रावे॑व सोता मधु॒षुद् यम् ई॒ळे ।।


Verse: 4 
Halfverse: a    त्वं चि॑न्नः॒ शम्या॑ अग्ने अ॒स्या ऋ॒तस्य॑ बोध्यृतचित्स्वा॒धीः ।
   त्वं चि॑न्नः॒ शम्या॑ अग्ने अ॒स्या
   त्वम् चित् नः शम्याः ! अग्ने अ॒स्याः
   तु॒वं चि॑न् नः शमि॑या अग्ने अ॒स्या

Halfverse: b    ऋ॒तस्य॑ बोध्यृतचित्स्वा॒धीः ।
   ऋ॒तस्य बोधि ऋतचित् स्वा॒धीः ।
   ऋ॒तस्य बोधि ऋतचित् सुआ॒धीः ।

Halfverse: c    क॒दा त॑ उ॒क्था स॑ध॒माद्या॑नि क॒दा भ॑वन्ति स॒ख्या गृ॒हे ते॑ ।।
   क॒दा त॑ उ॒क्था स॑ध॒माद्या॑नि
   क॒दा ते उ॒क्था स॑ध॒माद्या॑नि
   क॒दा त उ॒क्था स॑ध॒मादि॑यानि

Halfverse: d    क॒दा भ॑वन्ति स॒ख्या गृ॒हे ते॑ ।।
   क॒दा भ॑वन्ति स॒ख्या गृ॒हे ते ।।
   क॒दा भ॑वन्ति सखि॒या गृ॒हे ते ।।


Verse: 5 
Halfverse: a    क॒था ह॒ तद्वरु॑णाय॒ त्वम॑ग्ने क॒था दि॒वे ग॑र्हसे॒ कन्न॒ आगः॑ ।
   क॒था ह॒ तद्वरु॑णाय॒ त्वम॑ग्ने
   क॒था ह तत् वरु॑णाय त्वम् अग्ने
   क॒था ह तद् वरु॑णाय त्वम् अग्ने

Halfverse: b    क॒था दि॒वे ग॑र्हसे॒ कन्न॒ आगः॑ ।
   क॒था दि॒वे ग॑र्हसे कत् नः आगः ।
   क॒था दि॒वे ग॑र्हसे कन् न आगः ।

Halfverse: c    क॒था मि॒त्राय॑ मी॒ऴुषे॑ पृथि॒व्यै ब्रवः॒ कद॑र्य॒म्णे कद्भगा॑य ।।
   क॒था मि॒त्राय॑ मी॒ऴुषे॑ पृथि॒व्यै
   क॒था मि॒त्राय मी॒ऴुषे पृथि॒व्यै
   क॒था मि॒त्राय मी॒ऴुषे पृथि॒व्यै

Halfverse: d    ब्रवः॒ कद॑र्य॒म्णे कद्भगा॑य ।।
   ब्रवः कत् अर्य॒म्णे कत् भगा॑य ।।
   ब्रवः कद् अर्यम॒णे कद् भगा॑य ।।


Verse: 6 
Halfverse: a    कद्धिष्ण्या॑सु वृधसा॒नो अ॑ग्ने॒ कद्वाता॑य॒ प्रत॑वसे शुभं॒ये ।
   कद्धिष्ण्या॑सु वृधसा॒नो अ॑ग्ने
   कत् धिष्ण्या॑सु वृधसा॒नः अ॑ग्ने
   कद् धिष्णि॑यासु वृधसा॒नो अ॑ग्ने

Halfverse: b    कद्वाता॑य॒ प्रत॑वसे शुभं॒ये ।
   कत् वाता॑य प्रत॑वसे शुभं॒ये ।
   कद् वाता॑य प्रत॑वसे शुभं॒ये ।

Halfverse: c    परि॑ज्मने॒ नास॑त्याय॒ क्षे ब्रवः॒ कद॑ग्ने रु॒द्राय॑ नृ॒घ्ने ।।
   परि॑ज्मने॒ नास॑त्याय॒ क्षे
   परि॑ज्मने नास॑त्याय क्षे
   परि॑ज्मने नास॑तियाय क्षे

Halfverse: d    ब्रवः॒ कद॑ग्ने रु॒द्राय॑ नृ॒घ्ने ।।
   ब्रवः कत् अग्ने रु॒द्राय नृ॒घ्ने ।।
   ब्रवः कद् अग्ने रुद॒राय नृ॒घ्ने ।।


Verse: 7 
Halfverse: a    क॒था म॒हे पु॑ष्टिम्भ॒राय॑ पू॒ष्णे कद्रु॒द्राय॒ सुम॑खाय हवि॒र्दे ।
   क॒था म॒हे पु॑ष्टिम्भ॒राय॑ पू॒ष्णे
   क॒था म॒हे पु॑ष्टिम्भ॒राय पू॒ष्णे
   क॒था म॒हे पु॑ष्टिम्भ॒राय पू॒ष्णे

Halfverse: b    कद्रु॒द्राय॒ सुम॑खाय हवि॒र्दे ।
   कत् रु॒द्राय सुम॑खाय हवि॒र्दे ।
   कद् रु॒द्राय सुम॑खाय हवि॒र्दे ।

Halfverse: c    कद्विष्ण॑व उरुगा॒याय॒ रेतो॒ ब्रवः॒ कद॑ग्ने॒ शर॑वे बृह॒त्यै ।।
   कद्विष्ण॑व उरुगा॒याय॒ रेतो
   कत् विष्ण॑वे उरुगा॒याय रेतः
   कद् विष्ण॑व उरुगा॒याय रेतो

Halfverse: d    ब्रवः॒ कद॑ग्ने॒ शर॑वे बृह॒त्यै ।।
   ब्रवः कत् अग्ने शर॑वे बृह॒त्यै ।।
   ब्रवः कद् अग्ने शर॑वे बृह॒त्यै ।।


Verse: 8 
Halfverse: a    क॒था शर्धा॑य म॒रुता॑मृ॒ताय॑ क॒था सू॒रे बृ॑ह॒ते पृ॒छ्यमा॑नः ।
   क॒था शर्धा॑य म॒रुता॑मृ॒ताय
   क॒था शर्धा॑य म॒रुता॑म् ऋ॒ताय
   क॒था शर्धा॑य म॒रुता॑म् ऋ॒ताय

Halfverse: b    क॒था सू॒रे बृ॑ह॒ते पृ॒छ्यमा॑नः ।
   क॒था सू॒रे बृ॑ह॒ते पृ॒छ्यमा॑नः ।
   क॒था सू॒रे बृ॑ह॒ते पृ॒छ्यमा॑नः ।

Halfverse: c    प्रति॑ ब्र॒वो ऽदि॑तये तु॒राय॒ साधा॑ दि॒वो जा॑तवेदश्चिकि॒त्वान् ।।
   प्रति॑ ब्र॒वो ऽदि॑तये तु॒राय
   प्रति ब्रवः अदि॑तये तु॒राय
   प्रति ब्रवो अदि॑तये तु॒राय

Halfverse: d    साधा॑ दि॒वो जा॑तवेदश्चिकि॒त्वान् ।।
   साध+ दि॒वः जा॑तवेदः चिकि॒त्वान् ।।
   साधा दि॒वो जा॑तवेदश् चिकि॒त्वान् ।।


Verse: 9 
Halfverse: a    ऋ॒तेन॑ ऋ॒तं निय॑तमीळ॒ आ गोरा॒मा सचा॒ मधु॑मत्प॒क्वम॑ग्ने ।
   ऋ॒तेन॑ ऋ॒तं निय॑तमीळ॒ आ गोर्
   ऋ॒तेन ऋ॒तम् निय॑तम् ईळे आ गोः
   ऋ॒तेन र्तं निय॑तम् ईळ आ गोर्

Halfverse: b    आ॒मा सचा॒ मधु॑मत्प॒क्वम॑ग्ने ।
   आ॒मा सचा मधु॑मत् प॒क्वम् अग्ने ।
   आ॒मा सचा मधु॑मत् प॒क्वम् अग्ने ।

Halfverse: c    कृ॒ष्णा स॒ती रुश॑ता धा॒सिनै॒षा जाम॑र्येण॒ पय॑सा पीपाय ।।
   कृ॒ष्णा स॒ती रुश॑ता धा॒सिनै॒षा
   कृ॒ष्णा स॒ती रुश॑ता धा॒सिना ए॒षा
   कृ॒ष्णा स॒ती रुश॑ता धा॒सिनै॒षा

Halfverse: d    जाम॑र्येण॒ पय॑सा पीपाय ।।
   जाम॑र्येण पय॑सा पीपाय ।।
   जाम॑र्येण ? पय॑सा पिपाय % ।।


Verse: 10 
Halfverse: a    ऋ॒तेन॒ हि ष्मा॑ वृष॒भश्चि॑द॒क्तः पुमाँ॑ अ॒ग्निः पय॑सा पृ॒ष्ठ्ये॑न ।
   ऋ॒तेन॒ हि ष्मा॑ वृष॒भश्चि॑द॒क्तः
   ऋ॒तेन हि स्म+ वृष॒भः चि॑त् अ॒क्तः
   ऋ॒तेन हि ष्मा वृष॒भश् चिद् अ॒क्तः

Halfverse: b    पुमाँ॑ अ॒ग्निः पय॑सा पृ॒ष्ठ्ये॑न ।
   पुमा॑न् अ॒ग्निः पय॑सा पृ॒ष्ठ्ये॑न ।
   पुमाँ अ॒ग्निः पय॑सा पृ॒ष्ठिये॑न ।

Halfverse: c    अस्प॑न्दमानो अचरद्वयो॒धा वृषा॑ शु॒क्रं दु॑दुहे॒ पृश्नि॒रूधः॑ ।।
   अस्प॑न्दमानो अचरद्वयो॒धा
   अस्प॑न्दमानः अचरत् वयो॒धाः
   अस्प॑न्दमानो अचरद् वयो॒धा

Halfverse: d    वृषा॑ शु॒क्रं दु॑दुहे॒ पृश्नि॒रूधः॑ ।।
   वृषा शु॒क्रम् दुदुहे पृश्निः ऊध॑र् ।।
   वृषा शु॒क्रं दु॑दुहे पृश्नि॑र् ऊधः ।।


Verse: 11 
Halfverse: a    ऋ॒तेनाद्रिं॒ व्य॑सन्भि॒दन्तः॒ समङ्गि॑रसो नवन्त॒ गोभिः॑ ।
   ऋ॒तेनाद्रिं॒ व्य॑सन्भि॒दन्तः
   ऋ॒तेन अद्रि॑म् वि अ॑सन् भि॒दन्तः
   ऋ॒तेन अद्रिं वि अ॑सन् भि॒दन्तः

Halfverse: b    समङ्गि॑रसो नवन्त॒ गोभिः॑ ।
   सम् अङ्गि॑रसः नवन्त गोभिः ।
   सम् अङ्गि॑रसो नवन्त गोभिः ।

Halfverse: c    शु॒नं नरः॒ परि॑ षदन्नु॒षास॑मा॒विः स्व॑रभवज्जा॒ते अ॒ग्नौ ।।
   शु॒नं नरः॒ परि॑ षदन्नु॒षास॑म्
   शु॒नम् नरः परि सदन् उ॒षास॑म्
   शु॒नं नरः परि षदन्न् उ॒षास॑म्

Halfverse: d    आ॒विः स्व॑रभवज्जा॒ते अ॒ग्नौ ।।
   आ॒विः स्व॑र् अभवत् जा॒ते अ॒ग्नौ ।।
   आ॒विः सुव॑र् अभवज् जा॒ते अ॒ग्नौ ।।


Verse: 12 
Halfverse: a    ऋ॒तेन॑ दे॒वीर॒मृता॒ अमृ॑क्ता॒ अर्णो॑भि॒रापो॒ मधु॑मद्भिरग्ने ।
   ऋ॒तेन॑ दे॒वीर॒मृता॒ अमृ॑क्ता
   ऋ॒तेन दे॒वीः अ॒मृताः अमृ॑क्ताः
   ऋ॒तेन दे॒वीर् अ॒मृता अमृ॑क्ता

Halfverse: b    अर्णो॑भि॒रापो॒ मधु॑मद्भिरग्ने ।
   अर्णो॑भिः आपः मधु॑मद्भिः अग्ने ।
   अर्णो॑भिर् आपो मधु॑मद्भिर् अग्ने ।

Halfverse: c    वा॒जी न सर्गे॑षु प्रस्तुभा॒नः प्र सद॒मित्स्रवि॑तवे दधन्युः ।।
   वा॒जी न सर्गे॑षु प्रस्तुभा॒नः
   वा॒जी न सर्गे॑षु प्रस्तुभा॒नः
   वा॒जी न ? सर्गे॑षु प्रस्तुभा॒नः

Halfverse: d    प्र सद॒मित्स्रवि॑तवे दधन्युः ।।
   प्र सद॑म् इत् स्रवि॑तवे दधन्युः ।।
   प्र सद॑म् इत् स्रवि॑तवे दधन्युः ।।


Verse: 13 
Halfverse: a    मा कस्य॑ य॒क्षं सद॒मिद्धु॒रो गा॒ मा वे॒शस्य॑ प्रमिन॒तो मापेः ।
   मा कस्य॑ य॒क्षं सद॒मिद्धु॒रो गा
   मा कस्य य॒क्षम् सद॑म् इत् हु॒रः गाः
   मा कस्य य॒क्षं सद॑म् इद् धु॒रो गा

Halfverse: b    मा वे॒शस्य॑ प्रमिन॒तो मापेः ।
   मा वे॒शस्य प्रमिन॒तः मा आ॒पेः ।
   मा वे॒शस्य प्रमिन॒तो मा आ॒पेः ।

Halfverse: c    मा भ्रातु॑रग्ने॒ अनृ॑जोरृ॒णं वे॒र्मा सख्यु॒र्दक्षं॑ रि॒पोर्भु॑जेम ।।
   मा भ्रातु॑रग्ने॒ अनृ॑जोरृ॒णं वे॑र्
   मा भ्रातुः अग्ने अनृ॑जोः ऋ॒णम् वेः
   मा भ्रातु॑र् अग्ने अनृ॑जोर् ऋ॒णं वे॑र्

Halfverse: d    मा सख्यु॒र्दक्षं॑ रि॒पोर्भु॑जेम ।।
   मा सख्युः दक्ष॑म् रि॒पोः भु॑जेम ।।
   मा सख्यु॑र् दक्षं रि॒पोर् भुजेम ।।


Verse: 14 
Halfverse: a    रक्षा॑ णो अग्ने॒ तव॒ रक्ष॑णेभी रारक्षा॒णः सु॑मख प्रीणा॒नः ।
   रक्षा॑ णो अग्ने॒ तव॒ रक्ष॑णेभी
   रक्ष+ नः अग्ने तव रक्ष॑णेभिः
   रक्षा णो अग्ने तव रक्ष॑णेभी

Halfverse: b    रारक्षा॒णः सु॑मख प्रीणा॒नः ।!। ।
   रा॑रक्षा॒णः सु॑मख प्रीणा॒नः ।
   रा॑रक्षा॒णः ? सु॑मख प्रिणा॒नः % ।

Halfverse: c    प्रति॑ ष्पुर॒ वि रु॑ज वी॒ड्वँहो॑ ज॒हि रक्षो॒ महि॑ चिद्वावृधा॒नम् ।।
   प्रति॑ ष्पुर॒ वि रु॑ज वी॒ड्वँहो
   प्रति स्पुर वि रु॑ज वी॒ळु अंहः
   प्रति ष्पुर वि रु॑ज वीडु अंहो

Halfverse: d    ज॒हि रक्षो॒ महि॑ चिद्वावृधा॒नम् ।।
   ज॒हि रक्षः महि चित् वावृधा॒नम् ।।
   ज॒हि रक्षो महि चिद् वावृधा॒नम् ।।


Verse: 15 
Halfverse: a    ए॒भिर्भ॑व सु॒मना॑ अग्ने अ॒र्कैरि॒मान्स्पृ॑श॒ मन्म॑भिः शूर॒ वाजा॑न् ।
   ए॒भिर्भ॑व सु॒मना॑ अग्ने अ॒र्कैर्
   ए॒भिः भ॑व सु॒मनाः अग्ने अ॒र्कैः
   ए॒भिर् भव सु॒मना अग्ने अ॒र्कैर्

Halfverse: b    इ॒मान्स्पृ॑श॒ मन्म॑भिः शूर॒ वाजा॑न् ।
   इ॒मान् स्पृश मन्म॑भिः शूर वाजा॑न् ।
   इ॒मान् स्पृश मन्म॑भिः शूर वाजा॑न् ।

Halfverse: c    उ॒त ब्रह्मा॑ण्यङ्गिरो जुषस्व॒ सं ते॑ श॒स्तिर्दे॒ववा॑ता जरेत ।।
   उ॒त ब्रह्मा॑ण्यङ्गिरो जुषस्व
   उ॒त ब्रह्मा॑णि अङ्गिरः जुषस्व
   उ॒त ब्रह्मा॑णि अङ्गिरो जुषस्व

Halfverse: d    सं ते॑ श॒स्तिर्दे॒ववा॑ता जरेत ।।
   सम् ते श॒स्तिः दे॒ववा॑ता जरेत ।।
   सं ते श॒स्तिर् दे॒ववा॑ता जरेत ।।


Verse: 16 
Halfverse: a    ए॒ता विश्वा॑ वि॒दुषे॒ तुभ्यं॑ वेधो नी॒थान्य॑ग्ने नि॒ण्या वचाँ॑सि ।
   ए॒ता विश्वा॑ वि॒दुषे॒ तुभ्यं॑ वेधो
   ए॒ता विश्वा वि॒दुषे तुभ्य॑म् वेधः
   ए॒ता विश्वा वि॒दुषे तुभ्यं वेधो

Halfverse: b    नी॒थान्य॑ग्ने नि॒ण्या वचाँ॑सि ।
   नी॒थानि अग्ने नि॒ण्या वचां॑सि ।
   नी॒थानि अग्ने निणि॒या वचां॑सि ।

Halfverse: c    नि॒वच॑ना क॒वये॒ काव्या॒न्यशँ॑सिषम्म॒तिभि॒र्विप्र॑ उ॒क्थैः ।।
   नि॒वच॑ना क॒वये॒ काव्या॑न्य्
   नि॒वच॑ना क॒वये काव्या॑नि
   नि॒वच॑ना क॒वये कावि॑यानि

Halfverse: d    अशँ॑सिषम्म॒तिभि॒र्विप्र॑ उ॒क्थैः ।।
   अशं॑सिषम् म॒तिभिः विप्रः उ॒क्थैः ।।
   अशं॑सिषम् म॒तिभि॑र् विप्र उ॒क्थैः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.