TITUS
Rg-Veda: Rg-Veda-Samhita
Part No. 300
Previous part

Hymn: 4_(300) 
Verse: 1 
Halfverse: a    कृ॑णु॒ष्व पाजः॒ प्रसि॑तिं॒ न पृ॒थ्वीं या॒हि राजे॒वाम॑वाँ॒ इभे॑न ।
   कृ॑णु॒ष्व पाजः॒ प्रसि॑तिं॒ न पृ॒थ्वीं
   कृ॑णु॒ष्व पाजः प्रसि॑तिम् न पृ॒थ्वीम्
   कृणु॒ष्व पाजः प्रसि॑तिं न पृ॒थ्वीं

Halfverse: b    या॒हि राजे॒वाम॑वाँ॒ इभे॑न ।
   या॒हि राजा इव अम॑वान् इभे॑न ।
   या॒हि राजे॑व अम॑वाँ इभे॑न ।

Halfverse: c    तृ॒ष्वीमनु॒ प्रसि॑तिं द्रूणा॒नो ऽस्ता॑सि॒ विध्य॑ र॒क्षस॒स्तपि॑ष्ठैः ।।
   तृ॒ष्वीमनु॒ प्रसि॑तिं द्रूणा॒नो
   तृ॒ष्वीम् अनु प्रसि॑तिम् द्रूणा॒नः
   तृ॒ष्वीम् अनु ? प्रसि॑तिं द्रुणा॒नो !

Halfverse: d    ऽस्ता॑सि॒ विध्य॑ र॒क्षस॒स्तपि॑ष्ठैः ।।
   अस्ता असि विध्य र॒क्षसः तपि॑ष्ठैः ।।
   अस्ता॑सि विध्य र॒क्षस॑स् तपि॑ष्ठैः ।।


Verse: 2 
Halfverse: a    तव॑ भ्र॒मास॑ आशु॒या प॑त॒न्त्यनु॑ स्पृश धृष॒ता शोशु॑चानः ।
   तव॑ भ्र॒मास॑ आशु॒या प॑तन्त्य्
   तव भ्र॒मासः आशु॒या प॑तन्ति
   तव भ्र॒मास आशु॒या प॑तन्ति

Halfverse: b    अनु॑ स्पृश धृष॒ता शोशु॑चानः ।
   अनु स्पृश धृष॒ता शोशु॑चानः ।
   अनु स्पृश धृष॒ता शोशु॑चानः ।

Halfverse: c    तपूँ॑ष्यग्ने जु॒ह्वा॑ पतं॒गानसं॑दितो॒ वि सृ॑ज॒ विष्व॑गु॒ल्काः ।।
   तपूँ॑ष्यग्ने जु॒ह्वा॑ पतं॒गान्
   तपूं॑षि अग्ने जु॒ह्वा पतं॒गान्
   तपूं॑षि अग्ने जु॒हुवा पतं॒गान्

Halfverse: d    असं॑दितो॒ वि सृ॑ज॒ विष्व॑गु॒ल्काः ।।
   असं॑दितः वि सृ॑ज विष्व॑क् उ॒ल्काः ।।
   असं॑दितो वि सृ॑ज विष्व॑ग् उ॒ल्काः ।।


Verse: 3 
Halfverse: a    प्रति॒ स्पशो॒ वि सृ॑ज॒ तूर्णि॑तमो॒ भवा॑ पा॒युर्वि॒शो अ॒स्या अद॑ब्धः ।
   प्रति॒ स्पशो॒ वि सृ॑ज॒ तूर्णि॑तमो
   प्रति स्पशः वि सृ॑ज तूर्णि॑तमः
   प्रति स्पशो वि सृ॑ज तूर्णि॑तमो

Halfverse: b    भवा॑ पा॒युर्वि॒शो अ॒स्या अद॑ब्धः ।
   भव+ पा॒युः वि॒शः अ॒स्याः अद॑ब्धः ।
   भवा पा॒युर् वि॒शो अ॒स्या अद॑ब्धः ।

Halfverse: c    यो नो॑ दू॒रे अ॒घशँ॑सो॒ यो अन्त्यग्ने॒ माकि॑ष्टे॒ व्यथि॒रा द॑धर्षीत् ।।
   यो नो॑ दू॒रे अ॒घशँ॑सो॒ यो अन्त्य्
   यः नः दू॒रे अ॒घशं॑सः यः अन्ति
   यो नो दू॒रे अ॒घशं॑सो यो अन्ति

Halfverse: d    अग्ने॒ माकि॑ष्टे॒ व्यथि॒रा द॑धर्षीत् ।।
   अग्ने माकिः ते व्यथिः आ द॑धर्षीत् ।।
   अग्ने माकि॑ष् टे व्यथि॑र् आ द॑धर्षीत् ।।


Verse: 4 
Halfverse: a    उद॑ग्ने तिष्ठ॒ प्रत्या त॑नुष्व॒ न्य॒मित्राँ॑ ओषतात्तिग्महेते ।
   उद॑ग्ने तिष्ठ॒ प्रत्या त॑नुष्व
   उत् अग्ने तिष्ठ प्रति आ त॑नुष्व
   उद् अग्ने तिष्ठ प्रति आ त॑नुष्व

Halfverse: b    न्य॒मित्राँ॑ ओषतात्तिग्महेते ।
   नि अ॒मित्रा॑न् ओषतात् तिग्महेते ।
   नि अ॒मित्राँ ओषतात् तिग्महेते ।

Halfverse: c    यो नो॒ अरा॑तिं समिधान च॒क्रे नी॒चा तं ध॑क्ष्यत॒सं न शुष्क॑म् ।।
   यो नो॒ अरा॑तिं समिधान च॒क्रे
   यः नः अरा॑तिम् समिधान च॒क्रे
   यो नो अरा॑तिं समिधान च॒क्रे

Halfverse: d    नी॒चा तं ध॑क्ष्यत॒सं न शुष्क॑म् ।।
   नी॒चा तम् धक्षि अत॒सम् न शुष्क॑म् ।।
   नी॒चा तं ध॑क्षि अत॒सं न शुष्क॑म् ।।


Verse: 5 
Halfverse: a    ऊ॒र्ध्वो भ॑व॒ प्रति॑ वि॒ध्याध्य॒स्मदा॒विष्कृ॑णुष्व॒ दैव्या॑न्यग्ने ।
   ऊ॒र्ध्वो भ॑व॒ प्रति॑ वि॒ध्याध्य॒स्मद्
   ऊ॒र्ध्वः भ॑व प्रति विध्य अधि अ॒स्मत्
   ऊ॒र्ध्वो भ॑व प्रति वि॒ध्याधि अ॒स्मद्

Halfverse: b    आ॒विष्कृ॑णुष्व॒ दैव्या॑न्यग्ने ।
   आ॒विः कृ॑णुष्व दैव्या॑नि अग्ने ।
   आ॒विष् कृणुष्व दैवि॑यानि अग्ने ।

Halfverse: c    अव॑ स्थि॒रा त॑नुहि यातु॒जूनां॑ जा॒मिमजा॑मि॒म्प्र मृ॑णीहि॒ शत्रू॑न् ।।
   अव॑ स्थि॒रा त॑नुहि यातु॒जूनां
   अव स्थि॒रा त॑नुहि यातु॒जूना॑म्
   अव स्थि॒रा त॑नुहि यातु॒जूनां

Halfverse: d    जा॒मिमजा॑मि॒म्प्र मृ॑णीहि॒ शत्रू॑न् ।।
   जा॒मिम् अजा॑मिम् प्र मृ॑णीहि शत्रू॑न् ।।
   जा॒मिम् अजा॑मिम् प्र मृ॑णीहि शत्रू॑न् ।।


Verse: 6 
Halfverse: a    स ते॑ जानाति सुम॒तिं य॑विष्ठ॒ य ईव॑ते॒ ब्रह्म॑णे गा॒तुऐर॑त् ।
   स ते॑ जानाति सुम॒तिं य॑विष्ठ
   स ते जानाति सुम॒तिम् यविष्ठ
   स ते जानाति सुम॒तिं य॑विष्ठ

Halfverse: b    य ईव॑ते॒ ब्रह्म॑णे गा॒तुऐर॑त् ।
   यः ईव॑ते ब्रह्म॑णे गा॒तुम् ऐर॑त् ।
   य ईव॑ते ब्रह्म॑णे गा॒तुम् ऐर॑त् ।

Halfverse: c    विश्वा॑न्यस्मै सु॒दिना॑नि रा॒यो द्यु॒म्नान्य॒र्यो वि दुरो॑ अ॒भि द्यौ॑त् ।।
   विश्वा॑न्यस्मै सु॒दिना॑नि रा॒यो
   विश्वा॑नि अस्मै सु॒दिना॑नि रा॒यः
   विश्वा॑नि अस्मै सु॒दिना॑नि रा॒यो

Halfverse: d    द्यु॒म्नान्य॒र्यो वि दुरो॑ अ॒भि द्यौ॑त् ।।
   द्यु॒म्नानि अ॒र्यः वि दुरः अ॒भि द्यौ॑त् ।।
   द्यु॒म्नानि अ॒र्यो वि दुरो अ॒भि द्यौ॑त् ।।


Verse: 7 
Halfverse: a    सेद॑ग्ने अस्तु सु॒भगः॑ सु॒दानु॒र्यस्त्वा॒ नित्ये॑न ह॒विषा॒ य उ॒क्थैः ।
   सेद॑ग्ने अस्तु सु॒भगः॑ सु॒दानु॑र्
   स इत् अग्ने अस्तु सु॒भगः सु॒दानुः
   सेद् अग्ने अस्तु सु॒भगः सु॒दानु॑र्

Halfverse: b    यस्त्वा॒ नित्ये॑न ह॒विषा॒ य उ॒क्थैः ।
   यः त्वा नित्ये॑न ह॒विषा यः उ॒क्थैः ।
   यस् त्वा नित्ये॑न ह॒विषा य उ॒क्थैः ।

Halfverse: c    पिप्री॑षति॒ स्व आयु॑षि दुरो॒णे विश्वेद॑स्मै सु॒दिना॒ सास॑दि॒ष्टिः ।।
   पिप्री॑षति॒ स्व आयु॑षि दुरो॒णे
   पिप्री॑षति स्वे आयु॑षि दुरो॒णे
   पिप्री॑षति स्व आयु॑षि दुरो॒णे

Halfverse: d    विश्वेद॑स्मै सु॒दिना॒ सास॑दि॒ष्टिः ।।
   विश्वा इत् अस्मै सु॒दिना सा अ॑सत् इ॒ष्टिः ।।
   विश्वेद् अस्मै सु॒दिना सास॑द् इ॒ष्टिः ।।


Verse: 8 
Halfverse: a    अर्चा॑मि ते सुम॒तिं घोष्य॒र्वाक्सं ते॑ वा॒वाता॑ जरतामि॒यं गीः ।
   अर्चा॑मि ते सुम॒तिं घोष्य॒र्वाक्
   अर्चा॑मि ते सुम॒तिम् घोषि अ॒र्वाक्
   अर्चा॑मि ते सुम॒तिं घोषि अ॒र्वाक्

Halfverse: b    सं ते॑ वा॒वाता॑ जरतामि॒यं गीः ।
   सम् ते वा॒वाता जरताम् इ॒यम् गीः ।
   सं ते वा॒वाता जरताम् इ॒यं गीः ।

Halfverse: c    स्वश्वा॑स्त्वा सु॒रथा॑ मर्जयेमा॒स्मे क्ष॒त्राणि॑ धारये॒रनु॒ द्यून् ।।
   स्वश्वा॑स्त्वा सु॒रथा॑ मर्जयेम
   स्वश्वाः त्वा सु॒रथाः मर्जयेम
   सुअश्वा॑स् त्वा सु॒रथा मर्जयेम

Halfverse: d     अ॒स्मे क्ष॒त्राणि॑ धारये॒रनु॒ द्यून् ।।
   अ॒स्मे क्ष॒त्राणि धारयेः अनु द्यून् ।।
   अ॒स्मे क्ष॒त्राणि धारयेर् अनु द्यून् ।।


Verse: 9 
Halfverse: a    इ॒ह त्वा॒ भूर्या च॑रे॒दुप॒ त्मन्दोषा॑वस्तर्दीदि॒वाँस॒मनु॒ द्यून् ।
   इ॒ह त्वा॒ भूर्या च॑रे॒दुप॒ त्मन्
   इ॒ह त्वा भूरि आ च॑रेत् उप त्मन्
   इ॒ह त्वा भूरि आ च॑रेद् उप त्मन्

Halfverse: b    दोषा॑वस्तर्दीदि॒वाँस॒मनु॒ द्यून् ।
   दोषा॑वस्तर् दीदि॒वांस॑म् अनु द्यून् ।
   दोषा॑वस्तर् दीदि॒वांस॑म् अनु द्यून् ।

Halfverse: c    क्रीळ॑न्तस्त्वा सु॒मन॑सः सपेमा॒भि द्यु॒म्ना त॑स्थि॒वाँसो॒ जना॑नाम् ।।
   क्रीळ॑न्तस्त्वा सु॒मन॑सः सपेम
   क्रीळ॑न्तः त्वा सु॒मन॑सः सपेम
   क्रीळ॑न्तस् त्वा सु॒मन॑सः सपेम

Halfverse: d     अ॒भि द्यु॒म्ना त॑स्थि॒वाँसो॒ जना॑नाम् ।।
   अ॒भि द्यु॒म्ना त॑स्थि॒वांसः जना॑नाम् ।।
   अ॒भि द्यु॒म्ना त॑स्थि॒वांसो जना॑नाम् ।।


Verse: 10 
Halfverse: a    यस्त्वा॒ स्वश्वः॑ सुहिर॒ण्यो अ॑ग्न उप॒याति॒ वसु॑मता॒ रथे॑न ।
   यस्त्वा॒ स्वश्वः॑ सुहिर॒ण्यो अ॑ग्न
   यः त्वा स्वश्वः सुहिर॒ण्यः अ॑ग्ने
   यस् त्वा सुअश्वः सुहिर॒ण्यो अ॑ग्न

Halfverse: b    उप॒याति॒ वसु॑मता॒ रथे॑न ।
   उ॑प॒याति वसु॑मता रथे॑न ।
   उ॑प॒याति वसु॑मता रथे॑न ।

Halfverse: c    तस्य॑ त्रा॒ता भ॑वसि॒ तस्य॒ सखा॒ यस्त॑ आति॒थ्यमा॑नु॒षग्जुजो॑षत् ।।
   तस्य॑ त्रा॒ता भ॑वसि॒ तस्य॒ सखा
   तस्य त्रा॒ता भ॑वसि तस्य सखा
   तस्य त्रा॒ता भ॑वसि तस्य सखा

Halfverse: d    यस्त॑ आति॒थ्यमा॑नु॒षग्जुजो॑षत् ।।
   यः ते आति॒थ्यम् आनु॒षक् जुजो॑षत् ।।
   यस् त आति॒थ्यम् आनु॒षग् जुजो॑षत् ।।


Verse: 11 
Halfverse: a    म॒हो रु॑जामि ब॒न्धुता॒ वचो॑भि॒स्तन्मा॑ पि॒तुर्गोत॑मा॒दन्वि॑याय ।
   म॒हो रु॑जामि ब॒न्धुता॒ वचो॑भिस्
   म॒हः रु॑जामि ब॒न्धुता वचो॑भिः
   म॒हो रु॑जामि ब॒न्धुता वचो॑भिस्

Halfverse: b    तन्मा॑ पि॒तुर्गोत॑मा॒दन्वि॑याय ।
   तत् मा पि॒तुः गोत॑मात् अनु इयाय ।
   तन् मा पि॒तुर् गोत॑माद् अन्व् इयाय ।

Halfverse: c    त्वं नो॑ अ॒स्य वच॑सश्चिकिद्धि॒ होत॑र्यविष्ठ सुक्रतो॒ दमू॑नाः ।।
   त्वं नो॑ अ॒स्य वच॑सश्चिकिद्धि
   त्वम् नः अ॒स्य वच॑सः चिकिद्धि
   तु॒वं नो अ॒स्य वच॑सश् चिकिद्धि

Halfverse: d    होत॑र्यविष्ठ सुक्रतो॒ दमू॑नाः ।।
   होत॑र् यविष्ठ सुक्रतो दमू॑नाः ।।
   होत॑र् यविष्ठ सुक्रतो दमू॑नाः ।।


Verse: 12 
Halfverse: a    अस्व॑प्नजस्त॒रण॑यः सु॒शेवा॒ अत॑न्द्रासो ऽवृ॒का अश्र॑मिष्ठाः ।
   अस्व॑प्नजस्त॒रण॑यः सु॒शेवा
   अस्व॑प्नजः त॒रण॑यः सु॒शेवाः
   अस्व॑प्नजस् त॒रण॑यः सु॒शेवा

Halfverse: b    अत॑न्द्रासो ऽवृ॒का अश्र॑मिष्ठाः ।
   अत॑न्द्रासः अवृ॒काः अश्र॑मिष्ठाः ।
   अत॑न्द्रासो अवृ॒का अश्र॑मिष्ठाः ।

Halfverse: c    ते पा॒यवः॑ स॒ध्र्य॑ञ्चो नि॒षद्याग्ने॒ तव॑ नः पान्त्वमूर ।।
   ते पा॒यवः॑ स॒ध्र्य॑ञ्चो नि॒षद्य
   ते पा॒यवः स॒ध्र्य॑ञ्चः नि॒षद्य
   ते पा॒यवः सध्रिअञ्चो नि॒षद्य

Halfverse: d     अग्ने॒ तव॑ नः पान्त्वमूर ।।
   अग्ने तव नः पान्तु अमूर ।।
   अग्ने तव नः पाअन्तु अमूर ।।


Verse: 13 
Halfverse: a    ये पा॒यवो॑ मामते॒यं ते॑ अग्ने॒ पश्य॑न्तो अ॒न्धं दु॑रि॒तादर॑क्षन् ।
   ये पा॒यवो॑ मामते॒यं ते॑ अग्ने
   ये पा॒यवः मामते॒यम् ते अग्ने
   ये पा॒यवो मामते॒यं ते अग्ने

Halfverse: b    पश्य॑न्तो अ॒न्धं दु॑रि॒तादर॑क्षन् ।
   पश्य॑न्तः अ॒न्धम् दुरि॒तात् अर॑क्षन् ।
   पश्य॑न्तो अ॒न्धं दु॑रि॒ताद् अर॑क्षन् ।

Halfverse: c    र॒रक्ष॒ तान्सु॒कृतो॑ वि॒श्ववे॑दा॒ दिप्स॑न्त॒ इद्रि॒पवो॒ नाह॑ देभुः ।।
   र॒रक्ष॒ तान्सु॒कृतो॑ वि॒श्ववे॑दा
   र॒रक्ष तान् सु॒कृतः वि॒श्ववे॑दाः
   र॒रक्ष तान् सु॒कृतो वि॒श्ववे॑दा

Halfverse: d    दिप्स॑न्त॒ इद्रि॒पवो॒ नाह॑ देभुः ।।
   दिप्स॑न्तः इत् रि॒पवः न अह देभुः ।।
   दिप्स॑न्त इद् रि॒पवो नाह देभुः ।।


Verse: 14 
Halfverse: a    त्वया॑ व॒यं स॑ध॒न्य॒स्त्वोता॒स्तव॒ प्रणी॑त्यश्याम॒ वाजा॑न् ।
   त्वया॑ व॒यं स॑ध॒न्य॒स्त्वोता॑स्
   त्वया व॒यम् सध॒न्यः त्वोताः
   त्वया व॒यं स॑ध॒निय॑स् तु॒वोता॑स्

Halfverse: b    तव॒ प्रणी॑त्यश्याम॒ वाजा॑न् ।
   तव प्रणी॑ती अश्याम वाजा॑न् ।
   तव प्रणी॑ति अशियाम वाजा॑न् ।

Halfverse: c    उ॒भा शँसा॑ सूदय सत्यताते ऽनुष्ठु॒या कृ॑णुह्यह्रयाण ।।
   उ॒भा शँसा॑ सूदय सत्यताते
   उ॒भा शंसा सूदय सत्यताते
   उ॒भा शंसा सूदय सत्यताते

Halfverse: d    ऽनुष्ठु॒या कृ॑णुह्यह्रयाण ।।
   अ॑नुष्ठु॒या कृ॑णुहि अह्रयाण ।।
   अ॑नुष्ठु॒या कृ॑णुहि अह्रयाण ।।


Verse: 15 
Halfverse: a    अ॒या ते॑ अग्ने स॒मिधा॑ विधेम॒ प्रति॒ स्तोमं॑ श॒स्यमा॑नं गृभाय ।
   अ॒या ते॑ अग्ने स॒मिधा॑ विधेम
   अ॒या ते अग्ने स॒मिधा विधेम
   अ॒या ते अग्ने स॒मिधा विधेम

Halfverse: b    प्रति॒ स्तोमं॑ श॒स्यमा॑नं गृभाय ।
   प्रति स्तोम॑म् श॒स्यमा॑नम् गृभाय ।
   प्रति स्तोमं श॒स्यमा॑नं गृभाय ।

Halfverse: c    दहा॒शसो॑ र॒क्षसः॑ पा॒ह्य॒स्मान्द्रु॒हो नि॒दो मि॑त्रमहो अव॒द्यात् ।।
   दहा॒शसो॑ र॒क्षसः॑ पा॒ह्य॒स्मान्
   दह अ॒शसः र॒क्षसः पा॒हि अ॒स्मान्
   दहा॒शसो र॒क्षसः पा॒हि अ॒स्मान्

Halfverse: d    द्रु॒हो नि॒दो मि॑त्रमहो अव॒द्यात् ।।
   द्रु॒हः नि॒दः मि॑त्रमहः अव॒द्यात् ।।
   द्रु॒हो नि॒दो मि॑त्रमहो अव॒द्यात् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.