TITUS
Rg-Veda: Rg-Veda-Samhita
Part No. 301
Previous part

Hymn: 5_(301) 
Verse: 1 
Halfverse: a    वै॑श्वान॒राय॑ मी॒ऴुषे॑ स॒जोषाः॑ क॒था दा॑शेमा॒ग्नये॑ बृ॒हद्भाः ।
   वै॑श्वान॒राय॑ मी॒ऴुषे॑ स॒जोषाः
   वैश्वान॒राय मी॒ऴुषे स॒जोषाः
   वैश्वान॒राय मी॒ऴुषे स॒जोषाः

Halfverse: b    क॒था दा॑शेमा॒ग्नये॑ बृ॒हद्भाः ।
   क॒था दा॑शेम अ॒ग्नये बृ॒हत् भाः ।
   क॒था दा॑शेम अ॒ग्नये बृ॒हद् भाः ।

Halfverse: c    अनू॑नेन बृह॒ता व॒क्षथे॒नोप॑ स्तभायदुप॒मिन्न रोधः॑ ।।
   अनू॑नेन बृह॒ता व॒क्षथे॑न
   अनू॑नेन बृह॒ता व॒क्षथे॑न
   अनू॑नेन बृह॒ता व॒क्षथे॑न

Halfverse: d     उप॑ स्तभायदुप॒मिन्न रोधः॑ ।।
   उप स्तभायत् उप॒मित् न रोधः ।।
   उप स्तभायद् उप॒मिन् न रोधः ।।


Verse: 2 
Halfverse: a    मा नि॑न्दत॒ य इ॒माम्मह्यं॑ रा॒तिं दे॒वो द॒दौ मर्त्या॑य स्व॒धावा॑न् ।
   मा नि॑न्दत॒ य इ॒माम्मह्यं॑ रा॒तिं
   मा नि॑न्दत यः इ॒माम् मह्य॑म् रा॒तिम्
   मा नि॑न्दत य इ॒माम् मह्य % रा॒तिं

Halfverse: b    दे॒वो द॒दौ मर्त्या॑य स्व॒धावा॑न् ।
   दे॒वः द॒दौ मर्त्या॑य स्व॒धावा॑न् ।
   दे॒वो द॒दौ मर्ति॑याय स्व॒धावा॑न् ।

Halfverse: c    पाका॑य॒ गृत्सो॑ अ॒मृतो॒ विचे॑ता वैश्वान॒रो नृत॑मो य॒ह्वो अ॒ग्निः ।।
   पाका॑य॒ गृत्सो॑ अ॒मृतो॒ विचे॑ता
   पाका॑य गृत्सः अ॒मृतः विचे॑ताः
   पाका॑य गृत्सो अ॒मृतो विचे॑ता

Halfverse: d    वैश्वान॒रो नृत॑मो य॒ह्वो अ॒ग्निः ।।
   वै॑श्वान॒रः नृत॑मः य॒ह्वः अ॒ग्निः ।।
   वै॑श्वान॒रो नृत॑मो य॒ह्वो अ॒ग्निः ।।


Verse: 3 
Halfverse: a    साम॑ द्वि॒बर्हा॒ महि॑ ति॒ग्मभृ॑ष्टिः स॒हस्र॑रेता वृष॒भस्तुवि॑ष्मान् ।
   साम॑ द्वि॒बर्हा॒ महि॑ ति॒ग्मभृ॑ष्टिः
   साम द्वि॒बर्हाः महि ति॒ग्मभृ॑ष्टिः
   साम द्वि॒बर्हा महि ति॒ग्मभृ॑ष्टिः

Halfverse: b    स॒हस्र॑रेता वृष॒भस्तुवि॑ष्मान् ।
   स॒हस्र॑रेताः वृष॒भः तुवि॑ष्मान् ।
   स॒हस्र॑रेता वृष॒भस् तुवि॑ष्मान् ।

Halfverse: c    प॒दं न गोरप॑गूऴं विवि॒द्वान॒ग्निर्मह्य॒म्प्रेदु॑ वोचन्मनी॒षाम् ।।
   प॒दं न गोरप॑गूऴं विवि॒द्वान्
   प॒दम् न गोः अप॑गूऴम् विवि॒द्वान्
   प॒दं न गोर् अप॑गूऴं विवि॒द्वान्

Halfverse: d    अ॒ग्निर्मह्य॒म्प्रेदु॑ वोचन्मनी॒षाम् ।।
   अ॒ग्निः मह्य॑म् प्र इत् उ वोचत् मनी॒षाम् ।।
   अ॒ग्निर् मह्य॑म् प्रेद् उ वोचन् मनी॒षाम् ।।


Verse: 4 
Halfverse: a    प्र ताँ अ॒ग्निर्ब॑भसत्ति॒ग्मज॑म्भ॒स्तपि॑ष्ठेन शो॒चिषा॒ यः सु॒राधाः॑ ।
   प्र ताँ अ॒ग्निर्ब॑भसत्ति॒ग्मज॑म्भस्
   प्र तान् अ॒ग्निः ब॑भसत् ति॒ग्मज॑म्भः
   प्र ताँ अ॒ग्निर् बभसत् ति॒ग्मज॑म्भस्

Halfverse: b    तपि॑ष्ठेन शो॒चिषा॒ यः सु॒राधाः॑ ।
   तपि॑ष्ठेन शो॒चिषा यः सु॒राधाः ।
   तपि॑ष्ठेन शो॒चिषा यः सु॒राधाः ।

Halfverse: c    प्र ये मि॒नन्ति॒ वरु॑णस्य॒ धाम॑ प्रि॒या मि॒त्रस्य॒ चेत॑तो ध्रु॒वाणि॑ ।।
   प्र ये मि॒नन्ति॒ वरु॑णस्य॒ धाम
   प्र ये मि॒नन्ति वरु॑णस्य धाम
   प्र ये मि॒नन्ति वरु॑णस्य धाम

Halfverse: d    प्रि॒या मि॒त्रस्य॒ चेत॑तो ध्रु॒वाणि॑ ।।
   प्रि॒या मि॒त्रस्य चेत॑तः ध्रु॒वाणि ।।
   प्रि॒या मि॒त्रस्य चेत॑तो ध्रु॒वाणि ।।


Verse: 5 
Halfverse: a    अ॑भ्रा॒तरो॒ न योष॑णो॒ व्यन्तः॑ पति॒रिपो॒ न जन॑यो दु॒रेवाः॑ ।
   अ॑भ्रा॒तरो॒ न योष॑णो॒ व्यन्तः
   अभ्रा॒तरः न योष॑णः व्यन्तः
   अभ्रा॒तरो न योष॑णो विअन्तः

Halfverse: b    पति॒रिपो॒ न जन॑यो दु॒रेवाः॑ ।
   प॑ति॒रिपः न जन॑यः दु॒रेवाः ।
   प॑ति॒रिपो न जन॑यो दु॒रेवाः ।

Halfverse: c    पा॒पासः॒ सन्तो॑ अनृ॒ता अ॑स॒त्या इ॒दम्प॒दम॑जनता गभी॒रम् ।।
   पा॒पासः॒ सन्तो॑ अनृ॒ता अ॑स॒त्या
   पा॒पासः सन्तः अनृ॒ताः अ॑स॒त्याः
   पा॒पासः सन्तो अनृ॒ता अ॑स॒त्या

Halfverse: d    इ॒दम्प॒दम॑जनता गभी॒रम् ।।
   इ॒दम् प॒दम् अजनत+ गभी॒रम् ।।
   इ॒दम् प॒दम् अजनता गभी॒रम् ।।


Verse: 6 
Halfverse: a    इ॒दम्मे॑ अग्ने॒ किय॑ते पाव॒कामि॑नते गु॒रुम्भा॒रं न मन्म॑ ।
   इ॒दम्मे॑ अग्ने॒ किय॑ते पावक
   इ॒दम् मे अग्ने किय॑ते पावक
   इ॒दम् मे अग्ने किय॑ते पवाक

Halfverse: b     अमि॑नते गु॒रुम्भा॒रं न मन्म॑ ।
   अमि॑नते गु॒रुम् भा॒रम् न मन्म ।
   अमि॑नते गु॒रुम् भा॒रं न मन्म ।

Halfverse: c    बृ॒हद्द॑धाथ धृष॒ता ग॑भी॒रं य॒ह्वम्पृ॒ष्ठम्प्रय॑सा स॒प्तधा॑तु ।।
   बृ॒हद्द॑धाथ धृष॒ता ग॑भी॒रं
   बृ॒हत् दधाथ धृष॒ता ग॑भी॒रम्
   बृ॒हद् दधाथ धृष॒ता ग॑भी॒रं

Halfverse: d    य॒ह्वम्पृ॒ष्ठम्प्रय॑सा स॒प्तधा॑तु ।।
   य॒ह्वम् पृ॒ष्ठम् प्रय॑सा स॒प्तधा॑तु ।।
   य॒ह्वम् पृ॒ष्ठम् प्रय॑सा स॒प्तधा॑तु ।।


Verse: 7 
Halfverse: a    तमिन्न्वे॒व स॑म॒ना स॑मा॒नम॒भि क्रत्वा॑ पुन॒ती धी॒तिर॑श्याः ।
   तमिन्न्वे॒व स॑म॒ना स॑मा॒नम्
   तम् इत् नु ए॒व स॑म॒ना स॑मा॒नम्
   तम् इन् नु ए॒व स॑म॒ना स॑मा॒नम्

Halfverse: b    अ॒भि क्रत्वा॑ पुन॒ती धी॒तिर॑श्याः ।
   अ॒भि क्रत्वा पुन॒ती धी॒तिः अ॑श्याः ।
   अ॒भि क्रत्वा पुन॒ती धी॒तिर् अश्याः ।

Halfverse: c    स॒सस्य॒ चर्म॒न्नधि॒ चारु॒ पृश्ने॒रग्रे॑ रु॒प आरु॑पितं॒ जबा॑रु ।।
   स॒सस्य॒ चर्म॒न्नधि॒ चारु॒ पृश्ने॑र्
   स॒सस्य चर्म॑न् अधि चारु पृश्नेः
   स॒सस्य चर्म॑न्न् अधि चारु पृश्ने॑र्

Halfverse: d    अग्रे॑ रु॒प आरु॑पितं॒ जबा॑रु ।।
   अग्रे रु॒पः आरु॑पितम् जबा॑रु ।।
   अग्रे रु॒प आरु॑पितं जबा॑रु ।।


Verse: 8 
Halfverse: a    प्र॒वाच्यं॒ वच॑सः॒ किम्मे॑ अ॒स्य गुहा॑ हि॒तमुप॑ नि॒णिग्व॑दन्ति ।
   प्र॒वाच्यं॒ वच॑सः॒ किम्मे॑ अ॒स्य
   प्र॒वाच्य॑म् वच॑सः किम् मे अ॒स्य
   प्र॒वाचि॑यं वच॑सः किम् मे अ॒स्य

Halfverse: b    गुहा॑ हि॒तमुप॑ नि॒णिग्व॑दन्ति ।
   गुहा हि॒तम् उप नि॒णिक् वदन्ति ।
   गुहा हि॒तम् उप नि॒णिग् वदन्ति ।

Halfverse: c    यदु॒स्रिया॑णा॒मप॒ वारि॑व॒ व्रन्पाति॑ प्रि॒यं रु॒पो अग्र॑म्प॒दं वेः ।।
   यदु॒स्रिया॑णा॒मप॒ वारि॑व॒ व्रन्
   यत् उ॒स्रिया॑णाम् अप वार् इव व्रन्
   यद् उ॒स्रिया॑णाम् अप वार् इव व्रन्

Halfverse: d    पाति॑ प्रि॒यं रु॒पो अग्र॑म्प॒दं ।!। वेः ।।
   पाति प्रि॒यम् रु॒पः अग्र॑म् प॒दम् वेः ।।
   पाति प्रि॒यं रु॒पो अग्र॑म् प॒दं वेः ।।


Verse: 9 
Halfverse: a    इ॒दमु॒ त्यन्महि॑ म॒हामनी॑कं॒ यदु॒स्रिया॒ सच॑त पू॒र्व्यं गौः ।
   इ॒दमु॒ त्यन्महि॑ म॒हामनी॑कं
   इ॒दम् उ त्यत् महि म॒हाम् अनी॑कम्
   इ॒दम् उ त्यन् महि म॒हाम् अनी॑कं

Halfverse: b    यदु॒स्रिया॒ सच॑त पू॒र्व्यं गौः ।
   यत् उ॒स्रिया सच॑त पू॒र्व्यम् गौः ।
   यद् उ॒स्रिया सच॑त पूर्वि॒यं गौः ।

Halfverse: c    ऋ॒तस्य॑ प॒दे अधि॒ दीद्या॑नं॒ गुहा॑ रघु॒ष्यद्र॑घु॒यद्वि॑वेद ।।
   ऋ॒तस्य॑ प॒दे अधि॒ दीद्या॑नं
   ऋ॒तस्य प॒दे अधि दीद्या॑नम्
   ऋ॒तस्य प॒दे अधि दीदि॑यानं

Halfverse: d    गुहा॑ रघु॒ष्यद्र॑घु॒यद्वि॑वेद ।।
   गुहा रघु॒ष्यत् रघु॒यत् विवेद ।।
   गुहा रघु॒ष्यद् रघु॒यद् विवेद ।।


Verse: 10 
Halfverse: a    अध॑ द्युता॒नः पि॒त्रोः सचा॒साम॑नुत॒ गुह्यं॒ चारु॒ पृश्नेः॑ ।
   अध॑ द्युता॒नः पि॒त्रोः सचा॒सा
   अध द्युता॒नः पि॒त्रोः सचा आ॒सा
   अध द्युता॒नः पि॑त॒रोः सचा॒सा

Halfverse: b     अम॑नुत॒ गुह्यं॒ चारु॒ पृश्नेः॑ ।
   अम॑नुत गुह्य॑म् चारु पृश्नेः ।
   अम॑नुत गुहि॑यं चारु पृश्नेः ।

Halfverse: c    मा॒तुष्प॒दे प॑र॒मे अन्ति॒ षद्गोर्वृष्णः॑ शो॒चिषः॒ प्रय॑तस्य जि॒ह्वा ।।
   मा॒तुष्प॒दे प॑र॒मे अन्ति॒ षद्गोर्
   मा॒तुः प॒दे प॑र॒मे अन्ति सत् गोः
   मा॒तुष् प॒दे प॑र॒मे अन्ति षद् गोर्

Halfverse: d    वृष्णः॑ शो॒चिषः॒ प्रय॑तस्य जि॒ह्वा ।।
   वृष्णः शो॒चिषः प्रय॑तस्य जि॒ह्वा ।।
   वृष्णः शो॒चिषः प्रय॑तस्य जि॒ह्वा ।।


Verse: 11 
Halfverse: a    ऋ॒तं वो॑चे॒ नम॑सा पृ॒छ्यमा॑न॒स्तवा॒शसा॑ जातवेदो॒ यदी॒दम् ।
   ऋ॒तं वो॑चे॒ नम॑सा पृ॒छ्यमा॑नस्
   ऋ॒तम् वोचे नम॑सा पृ॒छ्यमा॑नः
   ऋ॒तं वो॑चे नम॑सा पृ॒छ्यमा॑नस्

Halfverse: b    तवा॒शसा॑ जातवेदो॒ यदी॒दम् ।
   तव आ॒शसा जातवेदः यदि इ॒दम् ।
   तवा॒शसा जातवेदो यदी॒दम् ।

Halfverse: c    त्वम॒स्य क्ष॑यसि॒ यद्ध॒ विश्वं॑ दि॒वि यदु॒ द्रवि॑णं॒ यत्पृ॑थि॒व्याम् ।।
   त्वम॒स्य क्ष॑यसि॒ यद्ध॒ विश्वं
   त्वम् अ॒स्य क्ष॑यसि यत् ह विश्व॑म्
   तु॒वम् अ॒स्य क्ष॑यसि यद् ध विश्वं

Halfverse: d    दि॒वि यदु॒ द्रवि॑णं॒ यत्पृ॑थि॒व्याम् ।।
   दि॒वि यत् उ द्रवि॑णम् यत् पृथि॒व्याम् ।।
   दि॒वि यद् उ द्रवि॑णं यत् पृथि॒व्याम् ।।


Verse: 12 
Halfverse: a    किं नो॑ अ॒स्य द्रवि॑णं॒ कद्ध॒ रत्नं॒ वि नो॑ वोचो जातवेदश्चिकि॒त्वान् ।
   किं नो॑ अ॒स्य द्रवि॑णं॒ कद्ध॒ रत्नं
   किम् नः अ॒स्य द्रवि॑णम् कत् ह रत्न॑म्
   किं नो अ॒स्य द्रवि॑णं कद् ध रत्नं

Halfverse: b    वि नो॑ वोचो जातवेदश्चिकि॒त्वान् ।
   वि नः वोचः जातवेदः चिकि॒त्वान् ।
   वि नो वोचो जातवेदश् चिकि॒त्वान् ।

Halfverse: c    गुहाध्व॑नः पर॒मं यन्नो॑ अ॒स्य रेकु॑ प॒दं न नि॑दा॒ना अग॑न्म ।।
   गुहाध्व॑नः पर॒मं यन्नो॑ अ॒स्य
   गुहा अध्व॑नः पर॒मम् यत् नः अ॒स्य
   गुहाध्व॑नः पर॒मं यन् नो अ॒स्य

Halfverse: d    रेकु॑ प॒दं न नि॑दा॒ना अग॑न्म ।।
   रेकु प॒दम् न नि॑दा॒नाः अग॑न्म ।।
   रेकु प॒दं न नि॑दा॒ना अग॑न्म ।।


Verse: 13 
Halfverse: a    का म॒र्यादा॑ व॒युना॒ कद्ध॑ वा॒ममछा॑ गमेम र॒घवो॒ न वाज॑म् ।
   का म॒र्यादा॑ व॒युना॒ कद्ध॑ वा॒मम्
   का म॒र्यादा व॒युना कत् ह वा॒मम्
   का म॒र्यादा व॒युना कद् ध वा॒मम्

Halfverse: b    अछा॑ गमेम र॒घवो॒ न वाज॑म् ।
   अछ+ गमेम र॒घवः न वाज॑म् ।
   अछा गमेम र॒घवो न वाज॑म् ।

Halfverse: c    क॒दा नो॑ दे॒वीर॒मृत॑स्य॒ पत्नीः॒ सूरो॒ वर्णे॑न ततनन्नु॒षासः॑ ।।
   क॒दा नो॑ दे॒वीर॒मृत॑स्य॒ पत्नीः
   क॒दा नः दे॒वीः अ॒मृत॑स्य पत्नीः
   क॒दा नो दे॒वीर् अ॒मृत॑स्य पत्नीः

Halfverse: d    सूरो॒ वर्णे॑न ततनन्नु॒षासः॑ ।।
   सूरः वर्णे॑न ततनन् उ॒षासः ।।
   सूरो वर्णे॑न ततनन्न् उ॒षासः ।।


Verse: 14 
Halfverse: a    अ॑नि॒रेण॒ वच॑सा प॒ल्ग्वे॑न प्र॒तीत्ये॑न कृ॒धुना॑तृ॒पासः॑ ।
   अ॑नि॒रेण॒ वच॑सा प॒ल्ग्वे॑न
   अनि॒रेण वच॑सा प॒ल्ग्वे॑न
   अनि॒रेण वच॑सा प॒ल्गुवे॑न

Halfverse: b    प्र॒तीत्ये॑न कृ॒धुना॑तृ॒पासः॑ ।
   प्र॒तीत्ये॑न कृ॒धुना अतृ॒पासः ।
   प्र॒तीति॑येन कृ॒धुना॑तृ॒पासः ।

Halfverse: c    अधा॒ ते अ॑ग्ने॒ किमि॒हा व॑दन्त्यनायु॒धास॒ आस॑ता सचन्ताम् ।।
   अधा॒ ते अ॑ग्ने॒ किमि॒हा व॑दन्त्य्
   अध+ ते अ॑ग्ने किम् इ॒ह+ व॑दन्ति
   अधा ते अ॑ग्ने किम् इ॒हा व॑दन्ति

Halfverse: d    अनायु॒धास॒ आस॑ता सचन्ताम् ।।
   अ॑नायु॒धासः आस॑ता सचन्ताम् ।।
   अ॑नायु॒धास आस॑ता सचन्ताम् ।।


Verse: 15 
Halfverse: a    अ॒स्य श्रि॒ये स॑मिधा॒नस्य॒ वृष्णो॒ वसो॒रनी॑कं॒ दम॒ आ रु॑रोच ।
   अ॒स्य श्रि॒ये स॑मिधा॒नस्य॒ वृष्णो
   अ॒स्य श्रि॒ये स॑मिधा॒नस्य वृष्णः
   अ॒स्य श्रि॒ये स॑मिधा॒नस्य वृष्णो

Halfverse: b    वसो॒रनी॑कं॒ दम॒ आ रु॑रोच ।
   वसोः अनी॑कम् दमे आ रु॑रोच ।
   वसो॑र् अनी॑कं दम आ रु॑रोच ।

Halfverse: c    रुश॒द्वसा॑नः सु॒दृशी॑करूपः क्षि॒तिर्न रा॒या पु॑रु॒वारो॑ अद्यौत् ।।
   रुश॒द्वसा॑नः सु॒दृशी॑करूपः
   रुश॑त् वसा॑नः सु॒दृशी॑करूपः
   रुश॑द् वसा॑नः सु॒दृशी॑करूपः

Halfverse: d    क्षि॒तिर्न रा॒या पु॑रु॒वारो॑ अद्यौत् ।।
   क्षि॒तिः न रा॒या पु॑रु॒वारः अद्यौत् ।।
   क्षि॒तिर् न रा॒या पु॑रु॒वारो अद्यौत् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.