TITUS
Rg-Veda: Rg-Veda-Samhita
Part No. 302
Previous part

Hymn: 6_(302) 
Verse: 1 
Halfverse: a    ऊ॒र्ध्व ऊ॒ षु णो॑ अध्वरस्य होत॒रग्ने॒ तिष्ठ॑ दे॒वता॑ता॒ यजी॑यान् ।
   ऊ॒र्ध्व ऊ॒ षु णो॑ अध्वरस्य होतर्
   ऊ॒र्ध्वः उ+ सु नः अध्वरस्य होतर्
   ऊ॒र्ध्व ऊ षु णो अध्वरस्य होतर्

Halfverse: b    अग्ने॒ तिष्ठ॑ दे॒वता॑ता॒ यजी॑यान् ।
   अग्ने तिष्ठ दे॒वता॑ता यजी॑यान् ।
   अग्ने तिष्ठ दे॒वता॑ता यजी॑यान् ।

Halfverse: c    त्वं हि विश्व॑म॒भ्यसि॒ मन्म॒ प्र वे॒धस॑श्चित्तिरसि मनी॒षाम् ।।
   त्वं हि विश्व॑म॒भ्यसि॒ मन्म
   त्वम् हि विश्व॑म् अ॒भि असि मन्म
   तु॒वं हि विश्व॑म् अ॒भि असि मन्म

Halfverse: d    प्र वे॒धस॑श्चित्तिरसि मनी॒षाम् ।।
   प्र वे॒धसः चित् तिरसि मनी॒षाम् ।।
   प्र वे॒धस॑श् चित् तिरसि मनी॒षाम् ।।


Verse: 2 
Halfverse: a    अमू॑रो॒ होता॒ न्य॑सादि वि॒क्ष्व॒ग्निर्म॒न्द्रो वि॒दथे॑षु॒ प्रचे॑ताः ।
   अमू॑रो॒ होता॒ न्य॑सादि विक्ष्व्
   अमू॑रः होता नि अ॑सादि वि॒क्षु
   अमू॑रो होता नि अ॑सादि वि॒क्षु

Halfverse: b    अ॒ग्निर्म॒न्द्रो वि॒दथे॑षु॒ प्रचे॑ताः ।
   अ॒ग्निः म॒न्द्रः वि॒दथे॑षु प्रचे॑ताः ।
   अ॒ग्निर् म॒न्द्रो वि॒दथे॑षु प्रचे॑ताः ।

Halfverse: c    ऊ॒र्ध्वम्भा॒नुं स॑वि॒तेवा॑श्रे॒न्मेते॑व धू॒मं स्त॑भाय॒दुप॒ द्याम् ।।
   ऊ॒र्ध्वम्भा॒नुं स॑वि॒तेवा॑श्रेन्
   ऊ॒र्ध्वम् भा॒नुम् सवि॒ता इ॑व अश्रेत्
   ऊर्धु॒वम् भा॒नुं स॑वि॒तेव अश्रेन्

Halfverse: d    मेते॑व धू॒मं स्त॑भायद् ।!। उप॒ द्याम् ।।
   मेता इव धू॒मम् स्तभायत् उप द्याम् ।।
   मेते॑व धू॒मं स्त॑भायद् उप द्याम् ।।


Verse: 3 
Halfverse: a    य॒ता सु॑जू॒र्णी रा॒तिनी॑ घृ॒ताची॑ प्रदक्षि॒णिद्दे॒वता॑तिमुरा॒णः ।
   य॒ता सु॑जू॒र्णी रा॒तिनी॑ घृ॒ताची
   य॒ता सु॑जू॒र्णी रा॒तिनी घृ॒ताची
   य॒ता सु॑जू॒र्णी रा॒तिनी घृ॒ताची

Halfverse: b    प्रदक्षि॒णिद्दे॒वता॑तिमुरा॒णः ।
   प्र॑दक्षि॒णित् दे॒वता॑तिम् उरा॒णः ।
   प्र॑दक्षि॒णिद् दे॒वता॑तिम् उरा॒णः ।

Halfverse: c    उदु॒ स्वरु॑र्नव॒जा नाक्रः प॒श्वो अ॑नक्ति॒ सुधि॑तः सु॒मेकः॑ ।।
   उदु॒ स्वरु॑र्नव॒जा नाक्रः
   उत् उ स्वरुः नव॒जाः न अ॒क्रः
   उद् उ स्वरु॑र् ? नव॒जा न अ॒क्रः

Halfverse: d    प॒श्वो अ॑नक्ति॒ सुधि॑तः सु॒मेकः॑ ।।
   प॒श्वः अ॑नक्ति सुधि॑तः सु॒मेकः ।।
   प॒श्वो अ॑नक्ति सुधि॑तः सु॒मेकः ।।


Verse: 4 
Halfverse: a    स्ती॒र्णे ब॒र्हिषि॑ समिधा॒ने अ॒ग्ना ऊ॒र्ध्वो अ॑ध्व॒र्युर्जु॑जुषा॒णो अ॑स्थात् ।
   स्ती॒र्णे ब॒र्हिषि॑ समिधा॒ने अ॒ग्ना
   स्ती॒र्णे ब॒र्हिषि समिधा॒ने अ॒ग्नौ
   स्ती॒र्णे ब॒र्हिषि समिधा॒ने अ॒ग्ना

Halfverse: b    ऊ॒र्ध्वो अ॑ध्व॒र्युर्जु॑जुषा॒णो अ॑स्थात् ।
   ऊ॒र्ध्वः अ॑ध्व॒र्युः जु॑जुषा॒णः अ॑स्थात् ।
   ऊ॒र्ध्वो अ॑ध्व॒र्युर् जुजुषा॒णो अ॑स्थात् ।

Halfverse: c    पर्य॒ग्निः प॑शु॒पा न होता॑ त्रिवि॒ष्ट्ये॑ति प्र॒दिव॑ उरा॒णः ।।
   पर्य॒ग्निः प॑शु॒पा न होता
   परि अ॒ग्निः प॑शु॒पाः न होता
   परि अ॒ग्निः प॑शु॒पाअ न होता

Halfverse: d    त्रिवि॒ष्ट्ये॑ति प्र॒दिव॑ उरा॒णः ।।
   त्रि॑वि॒ष्टि ए॑ति प्र॒दिवः उरा॒णः ।।
   त्रि॑वि॒ष्टि ए॑ति प्र॒दिव उरा॒णः ।।


Verse: 5 
Halfverse: a    परि॒ त्मना॑ मि॒तद्रु॑रेति॒ होता॒ग्निर्म॒न्द्रो मधु॑वचा ऋ॒तावा॑ ।
   परि॒ त्मना॑ मि॒तद्रु॑रेति॒ होता
   परि त्मना मि॒तद्रुः एति होता
   परि त्मना मि॒तद्रु॑र् एति होता

Halfverse: b     ॑अ॒ग्निर्म॒न्द्रो मधु॑वचा ऋ॒तावा॑ ।
   अ॒ग्निः म॒न्द्रः मधु॑वचाः ऋ॒तावा ।
   अ॒ग्निर् म॒न्द्रो मधु॑वचा ऋ॒तावा ।

Halfverse: c    द्रव॑न्त्यस्य वा॒जिनो॒ न शोका॒ भय॑न्ते॒ विश्वा॒ भुव॑ना॒ यदभ्रा॑ट् ।।
   द्रव॑न्त्यस्य वा॒जिनो॒ न शोका
   द्रव॑न्ति अस्य वा॒जिनः न शोकाः
   द्रव॑न्ति अस्य वा॒जिनो न शोका

Halfverse: d    भय॑न्ते॒ विश्वा॒ भुव॑ना॒ यदभ्रा॑ट् ।।
   भय॑न्ते विश्वा भुव॑ना यत् अभ्रा॑ट् ।।
   भय॑न्ते विश्वा भुव॑ना यद् अभ्रा॑ट् ।।


Verse: 6 
Halfverse: a    भ॒द्रा ते॑ अग्ने स्वनीक सं॒दृग्घो॒रस्य॑ स॒तो विषु॑णस्य॒ चारुः॑ ।
   भ॒द्रा ते॑ अग्ने स्वनीक सं॒दृग्
   भ॒द्रा ते अग्ने स्वनीक सं॒दृक्
   भ॒द्रा ते अग्ने सुअनीक सं॒दृग्

Halfverse: b    घो॒रस्य॑ स॒तो विषु॑णस्य॒ चारुः॑ ।
   घो॒रस्य स॒तः विषु॑णस्य चारुः ।
   घो॒रस्य स॒तो विषु॑णस्य चारुः ।

Halfverse: c    न यत्ते॑ शो॒चिस्तम॑सा॒ वर॑न्त॒ न ध्व॒स्मान॑स्त॒न्वी॒ रेप॒ आ धुः॑ ।।
   न यत्ते॑ शो॒चिस्तम॑सा॒ वर॑न्त
   न यत् ते शो॒चिः तम॑सा वर॑न्त
   न यत् ते शो॒चिस् तम॑सा वर॑न्त

Halfverse: d    न ध्व॒स्मान॑स्त॒न्वी॒ रेप॒ आ धुः॑ ।।
   न ध्व॒स्मानः त॒न्वि+ रेपः आ धुः ।।
   न ध्व॒स्मान॑स् त॒नुवी रेप आ धुः ।।


Verse: 7 
Halfverse: a    न यस्य॒ सातु॒र्जनि॑तो॒रवा॑रि॒ न मा॒तरा॑पि॒तरा॒ नू चि॑दि॒ष्टौ ।
   न यस्य॒ सातु॒र्जनि॑तो॒रवा॑रि
   न यस्य सातुः जनि॑तोः अवा॑रि
   न यस्य सातु॑र् जनि॑तोर् अवा॑रि

Halfverse: b    न मा॒तरा॑पि॒तरा॒ नू चि॑दि॒ष्टौ ।
   न मा॒तरा॑पि॒तरा नु+ चि॑त् इ॒ष्टौ ।
   न मा॒तरा॑पि॒तरा नू चि॑द् इ॒ष्टौ ।

Halfverse: c    अधा॑ मि॒त्रो न सुधि॑तः पाव॒को॒ ऽग्निर्दी॑दाय॒ मानु॑षीषु वि॒क्षु ।।
   अधा॑ मि॒त्रो न सुधि॑तः पाव॒को
   अध+ मि॒त्रः न सुधि॑तः पाव॒कः
   अधा मि॒त्रो न सुधि॑तः पवा॒को

Halfverse: d    ऽग्निर्दी॑दाय॒ मानु॑षीषु वि॒क्षु ।!। ।।
   अ॒ग्निः दी॑दाय मानु॑षीषु वि॒क्षु ।।
   अ॒ग्निर् दीदाय मानु॑षीषु वि॒क्षु ।।


Verse: 8 
Halfverse: a    द्विर्यम्पञ्च॒ जीज॑नन्सं॒वसा॑नाः॒ स्वसा॑रो अ॒ग्निम्मानु॑षीषु वि॒क्षु ।
   द्विर्यम्पञ्च॒ जीज॑नन्सं॒वसा॑नाः
   द्विः यम् पञ्च जीज॑नन् सं॒वसा॑नाः
   द्विर् यम् पञ्च जीज॑नन् सं॒वसा॑नाः

Halfverse: b    स्वसा॑रो अ॒ग्निम्मानु॑षीषु वि॒क्षु ।
   स्वसा॑रः अ॒ग्निम् मानु॑षीषु वि॒क्षु ।
   स्वसा॑रो अ॒ग्निम् मानु॑षीषु वि॒क्षु ।

Halfverse: c    उ॑ष॒र्बुध॑मथ॒र्यो॒ न दन्तं॑ शु॒क्रं स्वास॑म्पर॒शुं न ति॒ग्मम् ।।
   उ॑ष॒र्बुध॑मथ॒र्यो॒ न दन्तं
   उष॒र्बुध॑म् अथ॒र्यः न दन्त॑म्
   उष॒र्बुध॑म् अथ॒रियो न दन्तं

Halfverse: d    शु॒क्रं स्वास॑म्पर॒शुं न ति॒ग्मम् ।।
   शु॒क्रम् स्वास॑म् पर॒शुम् न ति॒ग्मम् ।।
   शु॒क्रं सुआस॑म् पर॒शुं न ति॒ग्मम् ।।


Verse: 9 
Halfverse: a    तव॒ त्ये अ॑ग्ने ह॒रितो॑ घृत॒स्ना रोहि॑तास ऋ॒ज्वञ्चः॒ स्वञ्चः॑ ।
   तव॒ त्ये अ॑ग्ने ह॒रितो॑ घृत॒स्ना
   तव त्ये अ॑ग्ने ह॒रितः घृत॒स्नाः
   तव त्ये अ॑ग्ने ह॒रितो घृत॒स्ना

Halfverse: b    रोहि॑तास ऋ॒ज्वञ्चः॒ स्वञ्चः॑ ।
   रोहि॑तासः ऋ॒ज्वञ्चः स्वञ्चः ।
   रोहि॑तास ऋ॒जुअञ्चः सुअञ्चः ।

Halfverse: c    अ॑रु॒षासो॒ वृष॑ण ऋजुमु॒ष्का आ दे॒वता॑तिमह्वन्त द॒स्माः ।।
   अ॑रु॒षासो॒ वृष॑ण ऋजुमु॒ष्का
   अ॑रु॒षासः वृष॑णः ऋजुमु॒ष्काः
   अ॑रु॒षासो वृष॑ण ऋजुमु॒ष्का

Halfverse: d    आ दे॒वता॑तिमह्वन्त द॒स्माः ।।
   आ दे॒वता॑तिम् अह्वन्त द॒स्माः ।।
   आ दे॒वता॑तिम् अहुवन्त द॒स्माः ।।


Verse: 10 
Halfverse: a    ये ह॒ त्ये ते॒ सह॑माना अ॒यास॑स्त्वे॒षासो॑ अग्ने अ॒र्चय॒श्चर॑न्ति ।
   ये ह॒ त्ये ते॒ सह॑माना अ॒यास॑स्
   ये ह त्ये ते सह॑मानाः अ॒यासः
   ये ह त्ये ते सह॑माना अ॒यास॑स्

Halfverse: b    त्वे॒षासो॑ अग्ने अ॒र्चय॒श्चर॑न्ति ।
   त्वे॒षासः अग्ने अ॒र्चयः चर॑न्ति ।
   त्वे॒षासो अग्ने अ॒र्चय॑श् चर॑न्ति ।

Halfverse: c    श्ये॒नासो॒ न दु॑वस॒नासो॒ अर्थं॑ तुविष्व॒णसो॒ मारु॑तं॒ न शर्धः॑ ।।
   श्ये॒नासो॒ न दु॑वस॒नासो॒ अर्थं
   श्ये॒नासः न दु॑वस॒नासः अर्थ॑म्
   श्ये॒नासो न दु॑वस॒नासो अर्थं

Halfverse: d    तुविष्व॒णसो॒ मारु॑तं॒ न शर्धः॑ ।।
   तु॑विष्व॒णसः मारु॑तम् न शर्धः ।।
   तु॑विष्व॒णसो मारु॑तं न शर्धः ।।


Verse: 11 
Halfverse: a    अका॑रि॒ ब्रह्म॑ समिधान॒ तुभ्यं॒ शँसा॑त्यु॒क्थं यज॑ते॒ व्यू॑ धाः ।
   अका॑रि॒ ब्रह्म॑ समिधान॒ तुभ्यं
   अका॑रि ब्रह्म समिधान तुभ्य॑म्
   अका॑रि ब्रह्म समिधान तुभ्यं

Halfverse: b    शँसा॑त्यु॒क्थं यज॑ते॒ व्यू॑ धाः ।
   शंसा॑ति उ॒क्थम् यज॑ते वि उ+ धाः ।
   शंसा॑ति उ॒क्थं यज॑ते वि ऊ धाः ।

Halfverse: c    होता॑रम॒ग्निम्मनु॑षो॒ नि षे॑दुर्नम॒स्यन्त॑ उ॒शिजः॒ शँस॑मा॒योः ।।
   होता॑रम॒ग्निम्मनु॑षो॒ नि षे॑दुर्
   होता॑रम् अ॒ग्निम् मनु॑षः नि से॑दुः
   होता॑रम् अ॒ग्निम् मनु॑षो नि षे॑दुर्

Halfverse: d    नम॒स्यन्त॑ उ॒शिजः॒ शँस॑मा॒योः ।।
   न॑म॒स्यन्तः उ॒शिजः शंस॑म् आ॒योः ।।
   न॑म॒स्यन्त उ॒शिजः शंस॑म् आ॒योः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.