TITUS
Rg-Veda: Rg-Veda-Samhita
Part No. 303
Previous part

Hymn: 7_(303) 
Verse: 1 
Halfverse: a    अ॒यमि॒ह प्र॑थ॒मो धा॑यि धा॒तृभि॒र्होता॒ यजि॑ष्ठो अध्व॒रेष्वीड्यः॑ ।
   अ॒यमि॒ह प्र॑थ॒मो धा॑यि धा॒तृभि॑र्
   अ॒यम् इ॒ह प्र॑थ॒मः धा॑यि धा॒तृभिः
   अ॒यम् इ॒ह प्र॑थ॒मो धा॑यि धा॒तृभि॑र्

Halfverse: b    होता॒ यजि॑ष्ठो अध्व॒रेष्वीड्यः॑ ।
   होता यजि॑ष्ठः अध्व॒रेषु ईड्यः ।
   होता यजि॑ष्ठो अध्व॒रेषु ईडि॑यः ।

Halfverse: c    यमप्न॑वानो॒ भृग॑वो विरुरु॒चुर्वने॑षु चि॒त्रं वि॒भ्वं॑ वि॒शेवि॑शे ।।
   यमप्न॑वानो॒ भृग॑वो विरुरु॒चुर्
   यम् अप्न॑वानः भृग॑वः विरुरु॒चुः
   यम् अप्न॑वानो भृग॑वो विरुरु॒चुर्

Halfverse: d    वने॑षु चि॒त्रं वि॒भ्वं॑ वि॒शेवि॑शे ।।
   वने॑षु चि॒त्रम् वि॒भ्व॑म् वि॒शेवि॑शे ।।
   वने॑षु चि॒त्रं वि॒भुवं वि॒शेवि॑शे ।।


Verse: 2 
Halfverse: a    अग्ने॑ क॒दा त॑ आनु॒षग्भुव॑द्दे॒वस्य॒ चेत॑नम् ।
   अग्ने॑ क॒दा त॑ आनु॒षग्
   अग्ने क॒दा ते आनु॒षक्
   अग्ने क॒दा त आनु॒षग्

Halfverse: b    भुव॑द्दे॒वस्य॒ चेत॑नम् ।
   भुव॑त् दे॒वस्य चेत॑नम् ।
   भुव॑द् दे॒वस्य चेत॑नम् ।

Halfverse: c    अधा॒ हि त्वा॑ जगृभ्रि॒रे मर्ता॑सो वि॒क्ष्वीड्य॑म् ।।
   अधा॒ हि त्वा॑ जगृभ्रि॒रे
   अध+ हि त्वा जगृभ्रि॒रे
   अधा हि त्वा जगृभ्रि॒रे

Halfverse: d    मर्ता॑सो वि॒क्ष्वीड्य॑म् ।।
   मर्ता॑सः वि॒क्षु ईड्य॑म् ।।
   मर्ता॑सो वि॒क्षु ईडि॑यम् ।।


Verse: 3 
Halfverse: a    ऋ॒तावा॑नं॒ विचे॑तस॒म्पश्य॑न्तो॒ द्यामि॑व॒ स्तृभिः॑ ।
   ऋ॒तावा॑नं॒ विचे॑तसम्
   ऋ॒तावा॑नम् विचे॑तसम्
   ऋ॒तावा॑नं विचे॑तसम्

Halfverse: b    पश्य॑न्तो॒ द्यामि॑व॒ स्तृभिः॑ ।
   पश्य॑न्तः द्याम् इव स्तृभिः ।
   पश्य॑न्तो द्याम् इव स्तृभिः ।

Halfverse: c    विश्वे॑षामध्व॒राणां॑ हस्क॒र्तारं॒ दमे॑दमे ।।
   विश्वे॑षामध्व॒राणां
   विश्वे॑षाम् अध्व॒राणा॑म्
   विश्वे॑षाम् अध्व॒राणाअं

Halfverse: d    हस्क॒र्तारं॒ दमे॑दमे ।।
   ह॑स्क॒र्तार॑म् दमे॑दमे ।।
   ह॑स्क॒र्तारं दमे॑दमे ।।


Verse: 4 
Halfverse: a    आ॒शुं दू॒तं वि॒वस्व॑तो॒ विश्वा॒ यश्च॑र्ष॒णीर॒भि ।
   आ॒शुं दू॒तं वि॒वस्व॑तो
   आ॒शुम् दू॒तम् वि॒वस्व॑तः
   आ॒शुं दू॒तं वि॒वस्व॑तो

Halfverse: b    विश्वा॒ यश्च॑र्ष॒णीर॒भि ।
   विश्वाः यः च॑र्ष॒णीः अ॒भि ।
   विश्वा यश् चर्ष॒णीर् अ॒भि ।

Halfverse: c    आ ज॑भ्रुः के॒तुमा॒यवो॒ भृग॑वाणं वि॒शेवि॑शे ।।
   आ ज॑भ्रुः के॒तुमा॒यवो
   आ ज॑भ्रुः के॒तुम् आ॒यवः
   आ ज॑भ्रुः के॒तुम् आ॒यवो

Halfverse: d    भृग॑वाणं वि॒शेवि॑शे ।।
   भृग॑वाणम् वि॒शेवि॑शे ।।
   भृग॑वाणं वि॒शेवि॑शे ।।


Verse: 5 
Halfverse: a    तमीं॒ होता॑रमानु॒षक्चि॑कि॒त्वाँसं॒ नि षे॑दिरे ।
   तमीं॒ होता॑रमानु॒षक्
   तम् ईम् होता॑रम् आनु॒षक्
   तम् ईं होता॑रम् आनु॒षक्

Halfverse: b    चिकि॒त्वाँसं॒ नि षे॑दिरे ।
   चि॑कि॒त्वांस॑म् नि से॑दिरे ।
   चि॑कि॒त्वांसं नि षे॑दिरे ।

Halfverse: c    र॒ण्वम्पा॑व॒कशो॑चिषं॒ यजि॑ष्ठं स॒प्त धाम॑भिः ।।
   र॒ण्वम्पा॑व॒कशो॑चिषं
   र॒ण्वम् पाव॒कशो॑चिषम्
   र॒ण्वम् पवा॒कशो॑चिषं

Halfverse: d    यजि॑ष्ठं स॒प्त धाम॑भिः ।।
   यजि॑ष्ठम् स॒प्त धाम॑भिः ।।
   यजि॑ष्ठं स॒प्त धाम॑भिः ।।


Verse: 6 
Halfverse: a    तं शश्व॑तीषु मा॒तृषु॒ वन॒ आ वी॒तमश्रि॑तम् ।
   तं शश्व॑तीषु मा॒तृषु
   तम् शश्व॑तीषु मा॒तृषु
   तं शश्व॑तीषु मा॒तृषु

Halfverse: b    वन॒ आ वी॒तमश्रि॑तम् ।
   वने आ वी॒तम् अश्रि॑तम् ।
   वन आ वी॒तम् अश्रि॑तम् ।

Halfverse: c    चि॒त्रं सन्तं॒ गुहा॑ हि॒तं सु॒वेदं॑ कूचिद॒र्थिन॑म् ।।
   चि॒त्रं सन्तं॒ गुहा॑ हि॒तं
   चि॒त्रम् सन्त॑म् गुहा हि॒तम्
   चि॒त्रं सन्तं गुहा हि॒तं

Halfverse: d    सु॒वेदं॑ कूचिद॒र्थिन॑म् ।।
   सु॒वेद॑म् कूचिद॒र्थिन॑म् ।।
   सु॒वेदं कूचिद॒र्थिन॑म् ।।


Verse: 7 
Halfverse: a    स॒सस्य॒ यद्वियु॑ता॒ सस्मि॒न्नूध॑न्नृ॒तस्य॒ धाम॑न्र॒णय॑न्त दे॒वाः ।
   स॒सस्य॒ यद्वियु॑ता॒ सस्मि॒न्नूध॑न्न्
   स॒सस्य यत् वियु॑ता सस्मि॑न् ऊध॑न्
   स॒सस्य यद् वियु॑ता सस्मि॑न्न् ऊध॑न्न्

Halfverse: b    ऋ॒तस्य॒ धाम॑न्र॒णय॑न्त दे॒वाः ।
   ऋ॒तस्य धाम॑न् र॒णय॑न्त दे॒वाः ।
   ऋ॒तस्य धाम॑न् र॒णय॑न्त दे॒वाः ।

Halfverse: c    म॒हाँ अ॒ग्निर्नम॑सा रा॒तह॑व्यो॒ वेर॑ध्व॒राय॒ सद॒मिदृ॒तावा॑ ।।
   म॒हाँ अ॒ग्निर्नम॑सा रा॒तह॑व्यो
   म॒हान् अ॒ग्निः नम॑सा रा॒तह॑व्यः
   म॒हाँ अ॒ग्निर् नम॑सा रा॒तह॑व्यो

Halfverse: d    वेर॑ध्व॒राय॑ ।!। सद॒मिदृ॒तावा॑ ।।
   वेः अ॑ध्व॒राय सद॑म् इत् ऋ॒तावा ।।
   वेर् अध्व॒राय सद॑म् इद् ऋ॒तावा ।।


Verse: 8 
Halfverse: a    वेर॑ध्व॒रस्य॑ दू॒त्या॑नि वि॒द्वानु॒भे अ॒न्ता रोद॑सी संचिकि॒त्वान् ।
   वेर॑ध्व॒रस्य॑ दू॒त्या॑नि वि॒द्वान्
   वेः अ॑ध्व॒रस्य दू॒त्या॑नि वि॒द्वान्
   वेर् अध्व॒रस्य दू॒तिया॑नि वि॒द्वान्

Halfverse: b    उ॒भे अ॒न्ता रोद॑सी संचिकि॒त्वान् ।
   उ॒भे अ॒न्तर् रोद॑सी संचिकि॒त्वान् ।
   उ॒भे अ॒न्ता रोद॑सी संचिकि॒त्वान् ।

Halfverse: c    दू॒त ई॑यसे प्र॒दिव॑ उरा॒णो वि॒दुष्ट॑रो दि॒व आ॒रोध॑नानि ।।
   दू॒त ई॑यसे प्र॒दिव॑ उरा॒णो
   दू॒तः ई॑यसे प्र॒दिवः उरा॒णः
   दू॒त ई॑यसे प्र॒दिव उरा॒णो

Halfverse: d    वि॒दुष्ट॑रो दि॒व आ॒रोध॑नानि ।।
   वि॒दुष्ट॑रः दि॒वः आ॒रोध॑नानि ।।
   वि॒दुष्ट॑रो दि॒व आ॒रोध॑नानि ।।


Verse: 9 
Halfverse: a    कृ॒ष्णं त॒ एम॒ रुश॑तः पु॒रो भाश्च॑रि॒ष्ण्व॒र्चिर्वपु॑षा॒मिदेक॑म् ।
   कृ॒ष्णं त॒ एम॒ रुश॑तः पु॒रो भाश्
   कृ॒ष्णम् ते एम रुश॑तः पु॒रः भाः
   कृ॒ष्णं त एम रुश॑तः पु॒रो भाश्

Halfverse: b    चरि॒ष्ण्व॒र्चिर्वपु॑षा॒मिदेक॑म् ।
   च॑रि॒ष्णु अ॒र्चिः वपु॑षाम् इत् एक॑म् ।
   च॑रि॒ष्णु अ॒र्चिर् वपु॑षाम् इद् एक॑म् ।

Halfverse: c    यदप्र॑वीता॒ दध॑ते ह॒ गर्भं॑ स॒द्यश्चि॑ज्जा॒तो भव॒सीदु॑ दू॒तः ।।
   यदप्र॑वीता॒ दध॑ते ह॒ गर्भं
   यत् अप्र॑वीता दध॑ते ह गर्भ॑म्
   यद् अप्र॑वीता दध॑ते ह गर्भं

Halfverse: d    स॒द्यश्चि॑ज्जा॒तो भव॒सीदु॑ दू॒तः ।।
   स॒द्यः चि॑त् जा॒तः भव॑सि इत् उ दू॒तः ।।
   स॒द्यश् चिज् जा॒तो भव॒सीद् उ दू॒तः ।।


Verse: 10 
Halfverse: a    स॒द्यो जा॒तस्य॒ ददृ॑शान॒मोजो॒ यद॑स्य॒ वातो॑ अनु॒वाति॑ शो॒चिः ।
   स॒द्यो जा॒तस्य॒ ददृ॑शान॒मोजो
   स॒द्यः जा॒तस्य ददृ॑शानम् ओजः
   स॒द्यो जा॒तस्य ददृ॑शानम् ओजो

Halfverse: b    यद॑स्य॒ वातो॑ अनु॒वाति॑ शो॒चिः ।
   यत् अस्य वातः अनु॒वाति शो॒चिः ।
   यद् अस्य वातो अनु॒वाति शो॒चिः ।

Halfverse: c    वृ॒णक्ति॑ ति॒ग्माम॑त॒सेषु॑ जि॒ह्वां स्थि॒रा चि॒दन्ना॑ दयते॒ वि जम्भैः॑ ।।
   वृ॒णक्ति॑ ति॒ग्माम॑त॒सेषु॑ जि॒ह्वां
   वृ॒णक्ति ति॒ग्माम् अत॒सेषु जि॒ह्वाम्
   वृ॒णक्ति ति॒ग्माम् अत॒सेषु जि॒ह्वां

Halfverse: d    स्थि॒रा चि॒दन्ना॑ दयते॒ वि जम्भैः॑ ।।
   स्थि॒रा चि॑त् अन्ना दयते वि जम्भैः ।।
   स्थि॒रा चि॑द् अन्ना दयते वि जम्भैः ।।


Verse: 11 
Halfverse: a    तृ॒षु यदन्ना॑ तृ॒षुणा॑ व॒वक्ष॑ तृ॒षुं दू॒तं कृ॑णुते य॒ह्वो अ॒ग्निः ।
   तृ॒षु यदन्ना॑ तृ॒षुणा॑ व॒वक्ष
   तृ॒षु यत् अन्ना तृ॒षुणा व॒वक्ष
   तृ॒षु यद् अन्ना तृ॒षुणा व॒वक्ष

Halfverse: b    तृ॒षुं दू॒तं कृ॑णुते य॒ह्वो अ॒ग्निः ।
   तृ॒षुम् दू॒तम् कृणुते य॒ह्वः अ॒ग्निः ।
   तृ॒षुं दू॒तं कृ॑णुते य॒ह्वो अ॒ग्निः ।

Halfverse: c    वात॑स्य मे॒ळिं स॑चते नि॒जूर्व॑न्ना॒शुं न वा॑जयते हि॒न्वे अर्वा॑ ।।
   वात॑स्य मे॒ळिं स॑चते नि॒जूर्व॑न्न्
   वात॑स्य मे॒ळिम् सचते नि॒जूर्व॑न्
   वात॑स्य मे॒ळिं स॑चते नि॒जूर्व॑न्न्

Halfverse: d    आ॒शुं न वा॑जयते हि॒न्वे अर्वा॑ ।।
   आ॒शुम् न वा॑जयते हि॒न्वे अर्वा ।।
   आ॒शुं न वा॑जयते हि॒न्वे अर्वा ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.