TITUS
Rg-Veda: Rg-Veda-Samhita
Part No. 308
Previous part

Hymn: 12_(308) 
Verse: 1 
Halfverse: a    यस्त्वाम॑ग्न इ॒नध॑ते य॒तस्रु॒क्त्रिस्ते॒ अन्नं॑ कृ॒णव॒त्सस्मि॒न्नह॑न् ।
   यस्त्वाम॑ग्न इ॒नध॑ते य॒तस्रु॑क् ।!।
   यः त्वाम् अग्ने इ॒नध॑ते य॒तस्रु॑क्
   यस् त्वाम् अग्न इ॒नध॑ते य॒तस्रु॑क्

Halfverse: b    त्रिस्ते॒ अन्नं॑ कृ॒णव॒त्सस्मि॒न्नह॑न् ।
   त्रिः ते अन्न॑म् कृ॒णव॑त् सस्मि॑न् अह॑न् ।
   त्रिस् ते अन्नं कृ॒णव॑त् सस्मि॑न् अह॑न् ।

Halfverse: c    स सु द्यु॒म्नैर॒भ्य॑स्तु प्र॒सक्ष॒त्तव॒ क्रत्वा॑ जातवेदश्चिकि॒त्वान् ।।
   स सु द्यु॒म्नैर॒भ्य॑स्तु प्र॒सक्ष॑त्
   स सु द्यु॒म्नैः अ॒भि अ॑स्तु प्र॒सक्ष॑त्
   स सु द्यु॒म्नैर् अ॒भि अ॑स्तु प्र॒सक्ष॑त्

Halfverse: d    तव॒ क्रत्वा॑ जातवेदश्चिकि॒त्वान् ।।
   तव क्रत्वा जातवेदः चिकि॒त्वान् ।।
   तव क्रत्वा जातवेदश् चिकि॒त्वान् ।।


Verse: 2 
Halfverse: a    इ॒ध्मं यस्ते॑ ज॒भर॑च्छश्रमा॒णो म॒हो अ॑ग्ने॒ अनी॑क॒मा स॑प॒र्यन् ।
   इ॒ध्मं यस्ते॑ ज॒भर॑च्छश्रमा॒णो
   इ॒ध्मम् यः ते ज॒भर॑त् शश्रमा॒णः
   इ॒ध्मं यस् ते ज॒भर॑च् छश्रमा॒णो

Halfverse: b    म॒हो अ॑ग्ने॒ अनी॑क॒मा स॑प॒र्यन् ।
   म॒हः अ॑ग्ने अनी॑कम् आ स॑प॒र्यन् ।
   म॒हो अ॑ग्ने अनी॑कम् आ स॑प॒र्यन् ।

Halfverse: c    स इ॑धा॒नः प्रति॑ दो॒षामु॒षास॒म्पुष्य॑न्र॒यिं स॑चते॒ घ्नन्न॒मित्रा॑न् ।।
   स इ॑धा॒नः प्रति॑ दो॒षामु॒षास॑म्
   सः ।!। इ॑धा॒नः प्रति दो॒षाम् उ॒षास॑म्
   स इ॑धा॒नः प्रति दो॒षाम् उ॒षास॑म्

Halfverse: d    पुष्य॑न्र॒यिं स॑चते॒ घ्नन्न॒मित्रा॑न् ।।
   पुष्य॑न् र॒यिम् सचते घ्नन् अ॒मित्रा॑न् ।।
   पुष्य॑न् र॒यिं स॑चते घ्नन्न् अ॒मित्रा॑न् ।।


Verse: 3 
Halfverse: a    अ॒ग्निरी॑शे बृह॒तः क्ष॒त्रिय॑स्या॒ग्निर्वाज॑स्य पर॒मस्य॑ रा॒यः ।
   अ॒ग्निरी॑शे बृह॒तः क्ष॒त्रिय॑स्य ।!।
   अ॒ग्निः ई॑शे बृह॒तः क्ष॒त्रिय॑स्य
   अ॒ग्निर् ईशे बृह॒तः क्ष॒त्रिय॑स्य

Halfverse: b     अ॒ग्निर्वाज॑स्य पर॒मस्य॑ रा॒यः ।
   अ॒ग्निः वाज॑स्य पर॒मस्य रा॒यः ।
   अ॒ग्निर् वाज॑स्य पर॒मस्य रा॒यः ।

Halfverse: c    दधा॑ति॒ रत्नं॑ विध॒ते यवि॑ष्ठो॒ व्या॑नु॒षङ्मर्त्या॑य स्व॒धावा॑न् ।।
   दधा॑ति॒ रत्नं॑ विध॒ते यवि॑ष्ठो
   दधा॑ति रत्न॑म् विध॒ते यवि॑ष्ठः
   दधा॑ति रत्नं विध॒ते यवि॑ष्ठो

Halfverse: d    व्या॑नु॒षङ्मर्त्या॑य स्व॒धावा॑न् ।।
   वि आ॑नु॒षक् मर्त्या॑य स्व॒धावा॑न् ।।
   वि आ॑नु॒षङ् मर्ति॑याय स्व॒धावा॑न् ।।


Verse: 4 
Halfverse: a    यच्चि॒द्धि ते॑ पुरुष॒त्रा य॑वि॒ष्ठाचि॑त्तिभिश्चकृ॒मा कच्चि॒दागः॑ ।
   यच्चि॒द्धि ते॑ पुरुष॒त्रा य॑विष्ठ
   यत् चित् हि ते पुरुष॒त्रा य॑विष्ठ
   यच् चिद् धि ते पुरुष॒त्रा य॑विष्ठ

Halfverse: b     अचि॑त्तिभिश्चकृ॒मा कच्चि॒दागः॑ ।
   अचि॑त्तिभिः चकृ॒म+ कत् चित् आगः ।
   अचि॑त्तिभिश् चकृ॒मा कच् चिद् आगः ।

Halfverse: c    कृ॒धी ष्व॒स्माँ अदि॑ते॒रना॑गा॒न्व्येनाँ॑सि शिश्रथो॒ विष्व॑गग्ने ।।
   कृ॒धी ष्व॒स्माँ अदि॑ते॒रना॑गान्
   कृ॒धि+ सु अ॒स्मान् अदि॑तेः अना॑गान्
   कृ॒धी षु अ॒स्माँ अदि॑तेर् अना॑गान्

Halfverse: d    व्येनाँ॑सि शिश्रथो॒ विष्व॑गग्ने ।।
   वि एनां॑सि शिश्रथः विष्व॑क् अग्ने ।।
   वि एनां॑सि शिश्रथो विष्व॑ग् अग्ने ।।


Verse: 5 
Halfverse: a    म॒हश्चि॑दग्न॒ एन॑सो अ॒भीक॑ ऊ॒र्वाद्दे॒वाना॑मु॒त मर्त्या॑नाम् ।
   म॒हश्चि॑दग्न॒ एन॑सो अ॒भीक
   म॒हः चि॑त् अग्ने एन॑सः अ॒भीके
   म॒हश् चिद् अग्न एन॑सो अ॒भीक

Halfverse: b    ऊ॒र्वाद्दे॒वाना॑मु॒त मर्त्या॑नाम् ।
   ऊ॒र्वात् दे॒वाना॑म् उ॒त मर्त्या॑नाम् ।
   ऊ॒र्वाद् दे॒वाना॑म् उ॒त मर्ति॑यानाम् ।

Halfverse: c    मा ते॒ सखा॑यः॒ सद॒मिद्रि॑षाम॒ यछा॑ तो॒काय॒ तन॑याय॒ शं योः ।।
   मा ते॒ सखा॑यः॒ सद॒मिद्रि॑षाम
   मा ते सखा॑यः सद॑म् इत् रिषाम
   मा ते सखा॑यः सद॑म् इद् रिषाम

Halfverse: d    यछा॑ तो॒काय॒ तन॑याय॒ शं योः ।।
   यछ+ तो॒काय तन॑याय शम् योः ।।
   यछा तो॒काय तन॑याय शं योः ।।


Verse: 6 
Halfverse: a    यथा॑ ह॒ त्यद्व॑सवो गौ॒र्यं॑ चित्प॒दि षि॒ताममु॑ञ्चता यजत्राः ।
   यथा॑ ह॒ त्यद्व॑सवो गौ॒र्यं॑ चित्
   यथा ह त्यत् वसवः गौ॒र्य॑म् चित्
   यथा ह त्यद् वसवो गौ॒रियं चित्

Halfverse: b    प॒दि षि॒ताममु॑ञ्चता यजत्राः ।
   प॒दि सि॒ताम् अमु॑ञ्चत+ यजत्राः ।
   प॒दि षि॒ताम् अमु॑ञ्चता यजत्राः ।

Halfverse: c    ए॒वो ष्व॒स्मन्मु॑ञ्चता॒ व्यँहः॒ प्र ता॑र्यग्ने प्रत॒रं न॒ आयुः॑ ।।
   ए॒वो ष्व॒स्मन्मु॑ञ्चता॒ व्यँहः
   ए॒व उ सु अ॒स्मत् मुञ्चत+ वि अंहः
   ए॒वो षु अ॒स्मन् मुञ्चता वि अंहः

Halfverse: d    प्र ता॑र्यग्ने प्रत॒रं न॒ आयुः॑ ।।
   प्र ता॑रि अग्ने प्रत॒रम् नः आयुः ।।
   प्र ता॑रि अग्ने प्रत॒रं न आयुः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.