TITUS
Rg-Veda: Rg-Veda-Samhita
Part No. 310
Previous part

Hymn: 14_(310) 
Verse: 1 
Halfverse: a    प्रत्य॒ग्निरु॒षसो॑ जा॒तवे॑दा॒ अख्य॑द्दे॒वो रोच॑माना॒ महो॑भिः ।
   प्रत्य॒ग्निरु॒षसो॑ जा॒तवे॑दा
   प्रति अ॒ग्निः उ॒षसः जा॒तवे॑दाः
   प्रति अ॒ग्निर् उ॒षसो जा॒तवे॑दा

Halfverse: b    अख्य॑द्दे॒वो रोच॑माना॒ महो॑भिः ।
   अख्य॑त् दे॒वः रोच॑माना महो॑भिः ।
   अख्य॑द् दे॒वो रोच॑माना महो॑भिः ।

Halfverse: c    आ ना॑सत्योरुगा॒या रथे॑ने॒मं य॒ज्ञमुप॑ नो यात॒मछ॑ ।।
   आ ना॑सत्योरुगा॒या रथे॑न
   आ ना॑सत्या उरुगा॒या रथे॑न
   आ ना॑सत्या उरुगा॒या रथे॑न

Halfverse: d     इ॒मं य॒ज्ञमुप॑ नो यात॒मछ॑ ।।
   इ॒मम् य॒ज्ञम् उप नः यातम् अछ ।।
   इ॒मं य॒ज्ञम् उप नो यातम् अछ ।।


Verse: 2 
Halfverse: a    ऊ॒र्ध्वं के॒तुं स॑वि॒ता दे॒वो अ॑श्रे॒ज्ज्योति॒र्विश्व॑स्मै॒ भुव॑नाय कृ॒ण्वन् ।
   ऊ॒र्ध्वं के॒तुं स॑वि॒ता दे॒वो अ॑श्रेज्
   ऊ॒र्ध्वम् के॒तुम् सवि॒ता दे॒वः अ॑श्रेत्
   ऊ॒र्ध्वं के॒तुं स॑वि॒ता दे॒वो अ॑श्रेज्

Halfverse: b    ज्योति॒र्विश्व॑स्मै॒ भुव॑नाय कृ॒ण्वन् ।
   ज्योतिः विश्व॑स्मै भुव॑नाय कृ॒ण्वन् ।
   ज्योति॑र् विश्व॑स्मै भुव॑नाय कृ॒ण्वन् ।

Halfverse: c    आप्रा॒ द्यावा॑पृथि॒वी अ॒न्तरि॑क्षं॒ वि सूर्यो॑ र॒श्मिभि॒श्चेकि॑तानः ।।
   आप्रा॒ द्यावा॑पृथि॒वी अ॒न्तरि॑क्षं
   आ अ॑प्राः द्यावा॑पृथि॒वी अ॒न्तरि॑क्षम्
   आप्रा द्यावा॑पृथि॒वी अ॒न्तरि॑क्षं

Halfverse: d    वि सूर्यो॑ र॒श्मिभि॒श्चेकि॑तानः ।।
   वि सूर्यः र॒श्मिभिः चेकि॑तानः ।।
   वि सूरि॑यो र॒श्मिभि॑श् चेकि॑तानः ।।


Verse: 3 
Halfverse: a    आ॒वह॑न्त्यरु॒णीर्ज्योति॒षागा॑न्म॒ही चि॒त्रा र॒श्मिभि॒श्चेकि॑ताना ।
   आ॒वह॑न्त्यरु॒णीर्ज्योति॒षागा॑न्
   आ॒वह॑न्ती अरु॒णीः ज्योति॑षा आ अ॑गात्
   आ॒वह॑न्ति अरु॒णीर् ज्योति॒षागा॑न्

Halfverse: b    म॒ही चि॒त्रा र॒श्मिभि॒श्चेकि॑ताना ।
   म॒ही चि॒त्रा र॒श्मिभिः चेकि॑ताना ।
   म॒ही चि॒त्रा र॒श्मिभि॑श् चेकि॑ताना ।

Halfverse: c    प्र॑बो॒धय॑न्ती सुवि॒ताय॑ दे॒व्यु॒षा ई॑यते सु॒युजा॒ रथे॑न ।।
   प्र॑बो॒धय॑न्ती सुवि॒ताय॑ देव्य्
   प्रबो॒धय॑न्ती सुवि॒ताय दे॒वी
   प्र॑बो॒धय॑न्ती सुवि॒ताय दे॒वी

Halfverse: d    उ॒षा ई॑यते सु॒युजा॒ रथे॑न ।।
   उ॒षाः ई॑यते सु॒युजा रथे॑न ।।
   उ॒षा ई॑यते सु॒युजा रथे॑न ।।


Verse: 4 
Halfverse: a    आ वां॒ वहि॑ष्ठा इ॒ह ते व॑हन्तु॒ रथा॒ अश्वा॑स उ॒षसो॒ व्यु॑ष्टौ ।
   आ वां॒ वहि॑ष्ठा इ॒ह ते व॑हन्तु
   आ वा॑म् वहि॑ष्ठाः इ॒ह ते व॑हन्तु
   आ वां वहि॑ष्ठा इ॒ह ते व॑हन्तु

Halfverse: b    रथा॒ अश्वा॑स ।!। उ॒षसो॒ व्यु॑ष्टौ ।
   रथाः अश्वा॑सः उ॒षसः व्यु॑ष्टौ ।
   रथा अश्वा॑स उ॒षसो विउष्टौ ।

Halfverse: c    इ॒मे हि वा॑म्मधु॒पेया॑य॒ सोमा॑ अ॒स्मिन्य॒ज्ञे वृ॑षणा मादयेथाम् ।।
   इ॒मे हि वा॑म्मधु॒पेया॑य॒ सोमा
   इ॒मे हि वा॑म् मधु॒पेया॑य सोमाः
   इ॒मे हि वा॑म् मधु॒पेया॑य सोमा

Halfverse: d    अ॒स्मिन्य॒ज्ञे वृ॑षणा मादयेथाम् ।।
   अ॒स्मिन् य॒ज्ञे वृ॑षणा मादयेथाम् ।।
   अ॒स्मिन् य॒ज्ञे वृ॑षणा मादयेथाम् ।।


Verse: 5 
Halfverse: a    अना॑यतो॒ अनि॑बद्धः क॒थायं न्य॑ङ्ङुत्ता॒नो ऽव॑ पद्यते॒ न ।
   अना॑यतो॒ अनि॑बद्धः क॒थायं
   अना॑यतः अनि॑बद्धः क॒था अ॒यम्
   अना॑यतो अनि॑बद्धः क॒थायं

Halfverse: b    न्य॑ङ्ङुत्ता॒नो ऽव॑ पद्यते॒ न ।
   न्य॑ङ् उत्ता॒नः अव पद्यते न ।
   निअ॑ङ्ङ् उत्ता॒नो अव पद्यते न ।

Halfverse: c    ।!। कया॑ याति स्व॒धया॒ को द॑दर्श दि॒व स्क॒म्भः समृ॑तः पाति॒ नाक॑म् ।। ।!।
   कया॑ याति स्व॒धया॒ को द॑दर्श
   कया याति स्व॒धया कः द॑दर्श
   कया याति स्व॒धया को द॑दर्श

Halfverse: d    दि॒व स्क॒म्भः समृ॑तः पाति॒ नाक॑म् ।।
   दि॒वः स्क॒म्भः समृ॑तः पाति नाक॑म् ।।
   दि॒व स्क॒म्भः समृ॑तः पाति नाक॑म् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.