TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 311

Hymn: 15_(311)
Verse: 1
Halfverse: a    अ॒ग्निर्होता॑ नो अध्व॒रे वा॒जी सन्परि॑ णीयते ।
   अ॒ग्निर्होता॑ नो अध्व॒रे
   अ॒ग्निः होता नः अध्व॒रे
   अ॒ग्निर् होता नो अध्व॒रे

Halfverse: b    वा॒जी सन्परि॑ णीयते ।
   वा॒जी सन् परि नीयते ।
   वा॒जी सन् परि णीयते ।

Halfverse: c    दे॒वो दे॒वेषु॑ य॒ज्ञियः॑ ।।
   दे॒वो दे॒वेषु॑ य॒ज्ञियः॑ ।।
   दे॒वः दे॒वेषु य॒ज्ञियः ।।
   दे॒वो दे॒वेषु य॒ज्ञियः ।।

Verse: 2
Halfverse: a    परि॑ त्रिवि॒ष्ट्य॑ध्व॒रं यात्य॒ग्नी र॒थीरि॑व ।
   परि॑ त्रिवि॒ष्ट्य॑ध्व॒रं ।!।
   परि त्रिवि॒ष्टि अ॑ध्व॒रम्
   परि त्रिवि॒ष्टि अ॑ध्व॒रं

Halfverse: b    यात्य॒ग्नी र॒थीरि॑व ।
   या॑ति अ॒ग्निः र॒थीः इ॑व ।
   याति अ॒ग्नी र॒थीर् इव ।

Halfverse: c    आ दे॒वेषु॒ प्रयो॒ दध॑त् ।।
   आ दे॒वेषु॒ प्रयो॒ दध॑त् ।।
   आ दे॒वेषु प्रयः दध॑त् ।।
   आ दे॒वेषु प्रयो दध॑त् ।।

Verse: 3
Halfverse: a    परि॒ वाज॑पतिः क॒विर॒ग्निर्ह॒व्यान्य॑क्रमीत् ।
   परि॒ वाज॑पतिः क॒विर्
   परि वाज॑पतिः क॒विः
   परि वाज॑पतिः क॒विर्

Halfverse: b    अ॒ग्निर्ह॒व्यान्य॑क्रमीत् ।
   अ॒ग्निः ह॒व्यानि अक्रमीत् ।
   अ॒ग्निर् ह॒व्यानि अक्रमीत् ।

Halfverse: c    दध॒द्रत्ना॑नि दा॒शुषे॑ ।।
   दध॒द्रत्ना॑नि दा॒शुषे॑ ।।
   दध॑त् रत्ना॑नि दा॒शुषे ।।
   दध॑द् रत्ना॑नि दा॒शुषे ।।

Verse: 4
Halfverse: a    अ॒यं यः सृञ्ज॑ये पु॒रो दै॑ववा॒ते स॑मि॒ध्यते॑ ।
   अ॒यं यः सृञ्ज॑ये पु॒रो
   अ॒यम् यः सृञ्ज॑ये पु॒रः
   अ॒यं यः सृञ्ज॑ये पु॒रो

Halfverse: b    दै॑ववा॒ते स॑मि॒ध्यते॑ ।
   दै॑ववा॒ते स॑मि॒ध्यते ।
   दै॑ववा॒ते स॑मि॒ध्यते ।

Halfverse: c    द्यु॒माँ अ॑मित्र॒दम्भ॑नः ।।
   द्यु॒माँ अ॑मित्र॒दम्भ॑नः ।।
   द्यु॒मान् अमित्र॒दम्भ॑नः ।।
   द्यु॒माँ अ॑मित्र॒दम्भ॑नः ।।

Verse: 5
Halfverse: a    अस्य॑ घा वी॒र ईव॑तो॒ ऽग्नेरी॑शीत॒ मर्त्यः॑ ।
   अस्य॑ घा वी॒र ईव॑तो
   अस्य घ+ वी॒रः ईव॑तः
   अस्य घा वी॒र ईव॑तो

Halfverse: b    ऽग्नेरी॑शीत॒ मर्त्यः॑ ।
   अ॒ग्नेः ई॑शीत मर्त्यः ।
   अ॒ग्नेर् ईशीत मर्ति॑यः ।

Halfverse: c    ति॒ग्मज॑म्भस्य मी॒ऴुषः॑ ।।
   ति॒ग्मज॑म्भस्य मी॒ऴुषः॑ ।।
   ति॒ग्मज॑म्भस्य मी॒ऴुषः ।।
   ति॒ग्मज॑म्भस्य मी॒ऴुषः ।।

Verse: 6
Halfverse: a    तमर्व॑न्तं॒ न सा॑न॒सिम॑रु॒षं न दि॒वः शिशु॑म् ।
   तमर्व॑न्तं॒ न सा॑न॒सिम्
   तम् अर्व॑न्तम् न सा॑न॒सिम्
   तम् अर्व॑न्तं न सा॑न॒सिम्

Halfverse: b    अरु॒षं न दि॒वः शिशु॑म् ।
   अ॑रु॒षम् न दि॒वः शिशु॑म् ।
   अ॑रु॒षं न दि॒वः शिशु॑म् ।

Halfverse: c    म॑र्मृ॒ज्यन्ते॑ दि॒वेदि॑वे ।।
   म॑र्मृ॒ज्यन्ते॑ दि॒वेदि॑वे ।।
   म॑र्मृ॒ज्यन्ते दि॒वेदि॑वे ।।
   म॑र्मृ॒ज्यन्ते दि॒वेदि॑वे ।।

Verse: 7
Halfverse: a    बोध॒द्यन्मा॒ हरि॑भ्यां कुमा॒रः सा॑हदे॒व्यः ।
   बोध॒द्यन्मा॒ हरि॑भ्यां
   बोध॑त् यत् मा हरि॑भ्याम्
   बोध॑द् यन् मा हरि॑भ्यां

Halfverse: b    कुमा॒रः सा॑हदे॒व्यः ।
   कु॑मा॒रः सा॑हदे॒व्यः ।
   कु॑मा॒रः सा॑हदेवि॒यः ।

Halfverse: c    अछा॒ न हू॒त उद॑रम् ।।
   अछा॒ न हू॒त उद॑रम् ।।
   अछ+ न हू॒तः उत् अरम् ।।
   अछा न हू॒त उद् अरम् ।।

Verse: 8
Halfverse: a    उ॒त त्या य॑ज॒ता हरी॑ कुमा॒रात्सा॑हदे॒व्यात् ।
   उ॒त त्या य॑ज॒ता हरी
   उ॒त त्या य॑ज॒ता हरी
   उ॒त त्या य॑ज॒ता हरी

Halfverse: b    कुमा॒रात्सा॑हदे॒व्यात् ।
   कु॑मा॒रात् साहदे॒व्यात् ।
   कु॑मा॒रात् साहदेवि॒यात् ।

Halfverse: c    प्रय॑ता स॒द्य आ द॑दे ।।
   प्रय॑ता स॒द्य आ द॑दे ।।
   प्रय॑ता स॒द्यः आ द॑दे ।।
   प्रय॑ता स॒द्य आ द॑दे ।।

Verse: 9
Halfverse: a    ए॒ष वां॑ देवावश्विना कुमा॒रः सा॑हदे॒व्यः ।
   ए॒ष वां॑ देवावश्विना
   ए॒ष वा॑म् देवौ अश्विना
   ए॒ष वां देवाव् अश्विना

Halfverse: b    कुमा॒रः सा॑हदे॒व्यः ।
   कु॑मा॒रः सा॑हदे॒व्यः ।
   कु॑मा॒रः सा॑हदेवि॒यः ।

Halfverse: c    दी॒र्घायु॑रस्तु॒ सोम॑कः ।।
   दी॒र्घायु॑रस्तु॒ सोम॑कः ।।
   दी॒र्घायुः अस्तु सोम॑कः ।।
   दी॒र्घायु॑र् अस्तु सोम॑कः ।।

Verse: 10
Halfverse: a    तं यु॒वं दे॑वावश्विना कुमा॒रं सा॑हदे॒व्यम् ।
   तं यु॒वं दे॑वावश्विना
   तम् यु॒वम् देवौ अश्विना
   तं यु॒वं दे॑वाव् अश्विना

Halfverse: b    कुमा॒रं सा॑हदे॒व्यम् ।
   कु॑मा॒रम् साहदे॒व्यम् ।
   कु॑मा॒रं सा॑हदेवि॒यम् ।

Halfverse: c    दी॒र्घायु॑षं कृणोतन ।।
   दी॒र्घायु॑षं कृणोतन ।।
   दी॒र्घायु॑षम् कृणोतन ।।
   दी॒र्घायु॑षं कृणोतन ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.