TITUS
Rg-Veda: Rg-Veda-Samhita
Part No. 314
Previous part

Hymn: 18_(314) 
Verse: 1 
Halfverse: a    अ॒यम्पन्था॒ अनु॑वित्तः पुरा॒णो यतो॑ दे॒वा उ॒दजा॑यन्त॒ विश्वे॑ ।
   अ॒यम्पन्था॒ अनु॑वित्तः पुरा॒णो
   अ॒यम् पन्थाः अनु॑वित्तः पुरा॒णः
   अ॒यम् पन्था अनु॑वित्तः पुरा॒णो

Halfverse: b    यतो॑ दे॒वा उ॒दजा॑यन्त॒ विश्वे॑ ।
   यतः दे॒वाः उ॒दजा॑यन्त विश्वे ।
   यतो दे॒वा उ॒दजा॑यन्त विश्वे ।

Halfverse: c    अत॑श्चि॒दा ज॑निषीष्ट॒ प्रवृ॑द्धो॒ मा मा॒तर॑ममु॒या पत्त॑वे कः ।।
   अत॑श्चि॒दा ज॑निषीष्ट॒ प्रवृ॑द्धो
   अतः चित् आ ज॑निषीष्ट प्रवृ॑द्धः
   अत॑श् चिद् आ ज॑निषीष्ट प्रवृ॑द्धो

Halfverse: d    मा मा॒तर॑ममु॒या पत्त॑वे कः ।।
   मा मा॒तर॑म् अमु॒या पत्त॑वे कर् ।।
   मा मा॒तर॑म् अमु॒या पत्त॑वे कः ।।


Verse: 2 
Halfverse: a    नाहमतो॒ निर॑या दु॒र्गहै॒तत्ति॑र॒श्चता॑ पा॒र्श्वान्निर्ग॑माणि ।
   नाहमतो॒ निर॑या दु॒र्गहै॒तत्
   न अ॒हम् अतः निः अ॑या ! दु॒र्गहा ए॒तत्
   नाहम् अतो निर् अया दु॒र्गहै॒तत्

Halfverse: b    तिर॒श्चता॑ पा॒र्श्वान्निर्ग॑माणि ।
   ति॑र॒श्चता पा॒र्श्वात् निः ग॑मानि ।
   ति॑र॒श्चता पार्शु॒वान् निर् गमाणि ।

Halfverse: c    ब॒हूनि॑ मे॒ अकृ॑ता॒ कर्त्वा॑नि॒ युध्यै॑ त्वेन॒ सं त्वे॑न पृछै ।।
   ब॒हूनि॑ मे॒ अकृ॑ता॒ कर्त्वा॑नि
   ब॒हूनि मे अकृ॑ता कर्त्वा॑नि
   ब॒हूनि मे अकृ॑ता कर्तु॑वानि

Halfverse: d    युध्यै॑ त्वेन॒ सं त्वे॑न पृछै ।।
   युध्यै त्वेन सम् त्वेन पृछै ।।
   युध्यै तुवेन सं तु॑वेन पृछै ।।


Verse: 3 
Halfverse: a    प॑राय॒तीम्मा॒तर॒मन्व॑चष्ट॒ न नानु॑ गा॒न्यनु॒ नू ग॑मानि ।
   प॑राय॒तीम्मा॒तर॒मन्व॑चष्ट
   पराय॒तीम् मा॒तर॑म् अनु अचष्ट
   पराय॒तीम् मा॒तर॑म् अन्व् अचष्ट

Halfverse: b    न नानु॑ गा॒न्यनु॒ नू ग॑मानि ।
   न न अनु गानि अनु नु+ ग॑मानि ।
   न नानु गानि अनु नू ग॑मानि ।

Halfverse: c    त्वष्टु॑र्गृ॒हे अ॑पिब॒त्सोम॒मिन्द्रः॑ शतध॒न्यं॑ च॒म्वोः॑ सु॒तस्य॑ ।।
   त्वष्टु॑र्गृ॒हे अ॑पिब॒त्सोम॒मिन्द्रः
   त्वष्टुः गृ॒हे अ॑पिबत् सोम॑म् इन्द्रः
   त्वष्टु॑र् गृ॒हे अ॑पिबत् सोम॑म् इन्द्रः

Halfverse: d    शतध॒न्यं॑ च॒म्वोः॑ सु॒तस्य॑ ।।
   श॑तध॒न्य॑म् च॒म्वोः सु॒तस्य ।।
   श॑तध॒नियं च॒मुवोः सु॒तस्य ।।


Verse: 4 
Halfverse: a    किं स ऋध॑क्कृणव॒द्यं स॒हस्र॑म्मा॒सो ज॒भार॑ श॒रद॑श्च पू॒र्वीः ।
   किं स ऋध॑क्कृणव॒द्यं स॒हस्र॑म्
   किम् सः ।!। ऋध॑क् कृणवत् यम् स॒हस्र॑म्
   किं स ऋध॑क् कृणवद् यं स॒हस्र॑म्

Halfverse: b    मा॒सो ज॒भार॑ श॒रद॑श्च पू॒र्वीः ।
   मा॒सः ज॒भार श॒रदः च पू॒र्वीः ।
   मा॒सो ज॒भार श॒रद॑श् च पू॒र्वीः ।

Halfverse: c    न॒ही न्व॑स्य प्रति॒मान॒मस्त्य॒न्तर्जा॒तेषू॒त ये जनि॑त्वाः ।।
   न॒ही न्व॑स्य प्रति॒मान॒मस्त्य्
   न॒हि+ नु अ॑स्य प्रति॒मान॑म् अस्ति
   न॒ही नु अ॑स्य प्रति॒मान॑म् अस्ति

Halfverse: d    अ॒न्तर्जा॒तेषू॒त ये जनि॑त्वाः ।।
   अ॒न्तर् जा॒तेषु उ॒त ये जनि॑त्वाः ।।
   अ॒न्तर् जा॒तेषु उ॒त ये जनि॑त्वाः ।।


Verse: 5 
Halfverse: a    अ॑व॒द्यमि॑व॒ मन्य॑माना॒ गुहा॑क॒रिन्द्र॑म्मा॒ता वी॒र्ये॑णा॒ न्यृ॑ष्टम् ।
   अ॑व॒द्यमि॑व॒ मन्य॑माना॒ गुहा॑कर्
   अव॒द्यम् इव मन्य॑माना गुहा अकर्
   अव॒द्यम् ऽव % मन्य॑माना गुहा॑कर्

Halfverse: b    इन्द्र॑म्मा॒ता वी॒र्ये॑णा॒ न्यृ॑ष्टम् ।
   इन्द्र॑म् मा॒ता वी॒र्ये॑ण+ न्यृ॑ष्टम् ।
   इन्द्र॑म् मा॒ता वी॒रिये॑णा निऋष्टम् ।

Halfverse: c    अथोद॑स्थात्स्व॒यमत्कं॒ वसा॑न॒ आ रोद॑सी अपृणा॒ज्जाय॑मानः ।।
   अथोद॑स्थात्स्व॒यमत्कं॒ वसा॑न
   अथ उत् अस्थात् स्व॒यम् अत्क॑म् वसा॑नः
   अथोद् अस्थात् स्व॒यम् अत्कं वसा॑न

Halfverse: d    आ रोद॑सी अपृणा॒ज्जाय॑मानः ।।
   आ रोद॑सी अपृणात् जाय॑मानः ।।
   आ रोद॑सी अपृणाज् जाय॑मानः ।।


Verse: 6 
Halfverse: a    ए॒ता अ॑र्षन्त्यलला॒भव॑न्तीरृ॒ताव॑रीरिव सं॒क्रोश॑मानाः ।
   ए॒ता अ॑र्षन्त्यलला॒भव॑न्तीर्
   ए॒ताः अ॑र्षन्ति अलला॒भव॑न्तीः
   ए॒ता अ॑र्षन्ति अलला॒भव॑न्तीर्

Halfverse: b    ऋ॒ताव॑रीरिव सं॒क्रोश॑मानाः ।
   ऋ॒ताव॑रीः इव सं॒क्रोश॑मानाः ।
   ऋ॒ताव॑रीर् इव सं॒क्रोश॑मानाः ।

Halfverse: c    ए॒ता वि पृ॑छ॒ किमि॒दम्भ॑नन्ति॒ कमापो॒ अद्रि॑म्परि॒धिं रु॑जन्ति ।।
   ए॒ता वि पृ॑छ॒ किमि॒दम्भ॑नन्ति
   ए॒ताः वि पृ॑छ किम् इ॒दम् भनन्ति
   ए॒ता वि पृ॑छ किम् इ॒दम् भनन्ति

Halfverse: d    कमापो॒ अद्रि॑म्परि॒धिं रु॑जन्ति ।।
   कम् आपः अद्रि॑म् परि॒धिम् रुजन्ति ।।
   कम् आपो अद्रि॑म् परि॒धिं रु॑जन्ति ।।


Verse: 7 
Halfverse: a    किमु॑ ष्विदस्मै नि॒विदो॑ भन॒न्तेन्द्र॑स्याव॒द्यं दि॑धिषन्त॒ आपः॑ ।
   किमु॑ ष्विदस्मै नि॒विदो॑ भनन्त
   किम् उ स्वित् अस्मै नि॒विदः भनन्त
   किम् उ ष्विद् अस्मै नि॒विदो भनन्त

Halfverse: b     इन्द्र॑स्याव॒द्यं दि॑धिषन्त॒ आपः॑ ।
   इन्द्र॑स्य अव॒द्यम् दिधिषन्ते आपः ।
   इन्द्र॑स्याव॒द्यं दि॑धिषन्त आपः ।

Halfverse: c    ममै॒तान्पु॒त्रो म॑ह॒ता व॒धेन॑ वृ॒त्रं ज॑घ॒न्वाँ अ॑सृज॒द्वि सिन्धू॑न् ।।
   ममै॒तान्पु॒त्रो म॑ह॒ता व॒धेन
   मम ए॒तान् पु॒त्रः म॑ह॒ता व॒धेन
   ममै॒तान् पु॒त्रो म॑ह॒ता व॒धेन

Halfverse: d    वृ॒त्रं ज॑घ॒न्वाँ अ॑सृज॒द्वि सिन्धू॑न् ।।
   वृ॒त्रम् जघ॒न्वान् असृजत् वि सिन्धू॑न् ।।
   वृ॒त्रं ज॑घ॒न्वाँ अ॑सृजद् वि सिन्धू॑न् ।।


Verse: 8 
Halfverse: a    मम॑च्च॒न त्वा॑ युव॒तिः प॒रास॒ मम॑च्च॒न त्वा॑ कु॒षवा॑ ज॒गार॑ ।
   मम॑च्च॒न त्वा॑ युव॒तिः प॒रास
   मम॑त् च॒न त्वा युव॒तिः प॒रास
   मम॑च् च॒न त्वा युव॒तिः प॒रास

Halfverse: b    मम॑च्च॒न त्वा॑ कु॒षवा॑ ज॒गार॑ ।
   मम॑त् च॒न त्वा कु॒षवा ज॒गार ।
   मम॑च् च॒न त्वा कु॒षवा ज॒गार ।

Halfverse: c    मम॑च्चि॒दापः॒ शिश॑वे ममृड्यु॒र्मम॑च्चि॒दिन्द्रः॒ सह॒सोद॑तिष्ठत् ।।
   मम॑च्चि॒दापः॒ शिश॑वे ममृड्युर्
   मम॑त् चित् आपः शिश॑वे ममृड्युः
   मम॑च् चिद् आपः शिश॑वे ममृड्युर्

Halfverse: d    मम॑च्चि॒दिन्द्रः॒ सह॒सोद॑तिष्ठत् ।।
   मम॑त् चित् इन्द्रः सह॑सा उत् अतिष्ठत् ।।
   मम॑च् चिद् इन्द्रः सह॒सोद् अतिष्ठत् ।।


Verse: 9 
Halfverse: a    मम॑च्च॒न ते॑ मघव॒न्व्यँ॑सो निविवि॒ध्वाँ अप॒ हनू॑ ज॒घान॑ ।
   मम॑च्च॒न ते॑ मघव॒न्व्यँ॑सो
   मम॑त् च॒न ते मघवन् व्यं॑सः
   मम॑च् च॒न ते मघवन् विअंसो

Halfverse: b    निविवि॒ध्वाँ अप॒ हनू॑ ज॒घान॑ ।
   नि॑विवि॒ध्वान् अप हनू ज॒घान ।
   नि॑विवि॒ध्वाँ अप हनू ज॒घान ।

Halfverse: c    अधा॒ निवि॑द्ध॒ उत्त॑रो बभू॒वाञ्छिरो॑ दा॒सस्य॒ सम्पि॑णग्व॒धेन॑ ।।
   अधा॒ निवि॑द्ध॒ उत्त॑रो बभू॒वाञ्
   अध+ निवि॑द्धः उत्त॑रः बभू॒वान्
   अधा निवि॑द्ध उत्त॑रो बभू॒वाञ्

Halfverse: d    छिरो॑ दा॒सस्य॒ सम्पि॑णग् ।!। व॒धेन॑ ।।
   शिरः दा॒सस्य सम् पिणक् व॒धेन ।।
   छिरो दा॒सस्य सम् पिणग् व॒धेन ।।


Verse: 10 
Halfverse: a    गृ॒ष्टिः स॑सूव॒ स्थवि॑रं तवा॒गाम॑नाधृ॒ष्यं वृ॑ष॒भं तुम्र॒मिन्द्र॑म् ।
   गृ॒ष्टिः स॑सूव॒ स्थवि॑रं तवा॒गाम्
   गृ॒ष्टिः स॑सूव स्थवि॑रम् तवा॒गाम्
   गृ॒ष्टिः स॑सूव स्थवि॑रं तवा॒गाम्

Halfverse: b    अनाधृ॒ष्यं वृ॑ष॒भं तुम्र॒मिन्द्र॑म् ।
   अ॑नाधृ॒ष्यम् वृष॒भम् तुम्र॑म् इन्द्र॑म् ।
   अ॑नाधृ॒ष्यं वृ॑ष॒भं तुम्र॑म् इन्द्र॑म् ।

Halfverse: c    अरी॑ऴं व॒त्सं च॒रथा॑य मा॒ता स्व॒यं गा॒तुं त॒न्व॑ इ॒छमा॑नम् ।।
   अरी॑ऴं व॒त्सं च॒रथा॑य मा॒ता
   अरी॑ऴम् व॒त्सम् च॒रथा॑य मा॒ता
   अरी॑ऴं व॒त्सं च॒रथा॑य मा॒ता

Halfverse: d    स्व॒यं गा॒तुं त॒न्व॑ इ॒छमा॑नम् ।।
   स्व॒यम् गा॒तुम् त॒न्वे इ॒छमा॑नम् ।।
   स्व॒यं गा॒तुं त॒नुव इ॒छमा॑नम् ।।


Verse: 11 
Halfverse: a    उ॒त मा॒ता म॑हि॒षमन्व॑वेनद॒मी त्वा॑ जहति पुत्र दे॒वाः ।
   उ॒त मा॒ता म॑हि॒षमन्व॑वेनद्
   उ॒त मा॒ता म॑हि॒षम् अनु अवेनत्
   उ॒त मा॒ता म॑हि॒षम् अन्व् अवेनद्

Halfverse: b    अ॒मी त्वा॑ जहति पुत्र दे॒वाः ।
   अ॒मी त्वा जहति पुत्र दे॒वाः ।
   अ॒मी तु॑वा जहति पुत्र दे॒वाः ।

Halfverse: c    अथा॑ब्रवीद्वृ॒त्रमिन्द्रो॑ हनि॒ष्यन्सखे॑ विष्णो वित॒रं वि क्र॑मस्व ।।
   अथा॑ब्रवीद्वृ॒त्रमिन्द्रो॑ हनि॒ष्यन्
   अथ अब्रवीत् वृ॒त्रम् इन्द्रः हनि॒ष्यन्
   अथा॑ब्रवीद् वृ॒त्रम् इन्द्रो हनि॒ष्यन्

Halfverse: d    सखे॑ विष्णो वित॒रं वि क्र॑मस्व ।।
   सखे विष्णो वित॒रम् वि क्र॑मस्व ।।
   सखे विष्णो वित॒रं वि क्र॑मस्व ।।


Verse: 12 
Halfverse: a    कस्ते॑ मा॒तरं॑ वि॒धवा॑मचक्रच्छ॒युं कस्त्वाम॑जिघाँस॒च्चर॑न्तम् ।
   कस्ते॑ मा॒तरं॑ वि॒धवा॑मचक्रच्
   कः ते मा॒तर॑म् वि॒धवा॑म् अचक्रत्
   कस् ते मा॒तरं वि॒धवा॑म् अचक्रच्

Halfverse: b    छ॒युं कस्त्वाम॑जिघाँस॒च्चर॑न्तम् ।
   श॒युम् कः त्वाम् अजिघांसत् चर॑न्तम् ।
   छ॒युं कस् त्वाम् अजिघांसच् चर॑न्तम् ।

Halfverse: c    कस्ते॑ दे॒वो अधि॑ मार्डी॒क आ॑सी॒द्यत्प्राक्षि॑णाः पि॒तर॑म्पाद॒गृह्य॑ ।।
   कस्ते॑ दे॒वो अधि॑ मार्डी॒क आ॑सीद्
   कः ते दे॒वः अधि मार्डी॒के आ॑सीत्
   कस् ते दे॒वो अधि मार्डी॒क आ॑सीद्

Halfverse: d    यत्प्राक्षि॑णाः पि॒तर॑म्पाद॒गृह्य॑ ।।
   यत् प्र अक्षि॑णाः पि॒तर॑म् पाद॒गृह्य ।।
   यत् प्राक्षि॑णाः पि॒तर॑म् पाद॒गृह्य ।।


Verse: 13 
Halfverse: a    अव॑र्त्या॒ शुन॑ आ॒न्त्राणि॑ पेचे॒ न दे॒वेषु॑ विविदे मर्डि॒तार॑म् ।
   अव॑र्त्या॒ शुन॑ आ॒न्त्राणि॑ पेचे
   अव॑र्त्या शुनः आ॒न्त्राणि पेचे
   अव॑र्तिया शुन आ॒न्त्राणि पेचे

Halfverse: b    न दे॒वेषु॑ विविदे मर्डि॒तार॑म् ।
   न दे॒वेषु विविदे मर्डि॒तार॑म् ।
   न दे॒वेषु विविदे मर्डि॒तार॑म् ।

Halfverse: c    अप॑श्यं जा॒यामम॑हीयमाना॒मधा॑ मे श्ये॒नो मध्वा ज॑भार ।।
   अप॑श्यं जा॒यामम॑हीयमानाम्
   अप॑श्यम् जा॒याम् अम॑हीयमानाम्
   अप॑श्यं जा॒याम् अम॑हीयमानाम्

Halfverse: d    अधा॑ मे श्ये॒नो मध्वा ज॑भार ।।
   अध+ मे श्ये॒नः मधु आ ज॑भार ।।
   अधा मे श्ये॒नो मधु आ ज॑भार ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.