TITUS
Rg-Veda: Rg-Veda-Samhita
Part No. 315
Previous part

Hymn: 19_(315) 
Verse: 1 
Halfverse: a    ए॒वा त्वामि॑न्द्र वज्रि॒न्नत्र॒ विश्वे॑ दे॒वासः॑ सु॒हवा॑स॒ ऊमाः॑ ।
   ए॒वा त्वामि॑न्द्र वज्रि॒न्नत्र
   ए॒व+ त्वाम् इन्द्र वज्रिन् अत्र
   ए॒वा तु॒वाम् इन्दर वज्रिन् अत्र

Halfverse: b    विश्वे॑ दे॒वासः॑ सु॒हवा॑स॒ ऊमाः॑ ।
   विश्वे दे॒वासः सु॒हवा॑सः ऊमाः ।
   विश्वे दे॒वासः सु॒हवा॑स ऊमाः ।

Halfverse: c    म॒हामु॒भे रोद॑सी वृ॒द्धमृ॒ष्वं निरेक॒मिद्वृ॑णते वृत्र॒हत्ये॑ ।।
   म॒हामु॒भे रोद॑सी वृ॒द्धमृ॒ष्वं
   म॒हाम् उ॒भे रोद॑सी वृ॒द्धम् ऋ॒ष्वम्
   म॒हाम् उ॒भे रोद॑सी वृ॒द्धम् ऋ॒ष्वं

Halfverse: d    निरेक॒मिद्वृ॑णते वृत्र॒हत्ये॑ ।।
   निः एक॑म् इत् वृणते वृत्र॒हत्ये ।।
   निर् एक॑म् इद् वृणते वृत्र॒हत्ये ।।


Verse: 2 
Halfverse: a    अवा॑सृजन्त॒ जिव्र॑यो॒ न दे॒वा भुवः॑ स॒म्राळि॑न्द्र स॒त्ययो॑निः ।
   अवा॑सृजन्त॒ जिव्र॑यो॒ न दे॒वा
   अव असृजन्त जिव्र॑यः न दे॒वाः
   अवा॑सृजन्त जिव्र॑यो न दे॒वा

Halfverse: b    भुवः॑ स॒म्राळि॑न्द्र स॒त्ययो॑निः ।
   भुवः स॒म्राट् इन्द्र स॒त्ययो॑निः ।
   भुवः स॒म्राळ् इन्दर स॒त्ययो॑निः ।

Halfverse: c    अह॒न्नहि॑म्परि॒शया॑न॒मर्णः॒ प्र व॑र्त॒नीर॑रदो वि॒श्वधे॑नाः ।।
   अह॒न्नहि॑म्परि॒शया॑न॒मर्णः
   अह॑न् अहि॑म् परि॒शया॑नम् अर्णः
   अह॑न्न् अहि॑म् परि॒शया॑नम् अर्णः

Halfverse: d    प्र व॑र्त॒नीर॑रदो वि॒श्वधे॑नाः ।।
   प्र व॑र्त॒नीः अ॑रदः वि॒श्वधे॑नाः ।।
   प्र व॑र्त॒नीर् अरदो वि॒श्वधे॑नाः ।।


Verse: 3 
Halfverse: a    अतृ॑प्णुवन्तं॒ विय॑तमबु॒ध्यमबु॑ध्यमानं सुषुपा॒णमि॑न्द्र ।
   अतृ॑प्णुवन्तं॒ विय॑तमबु॒ध्यम्
   अतृ॑प्णुवन्तम् विय॑तम् अबु॒ध्यम्
   अतृ॑प्णुवन्तं विय॑तम् अबु॒ध्यम्

Halfverse: b    अबु॑ध्यमानं सुषुपा॒णमि॑न्द्र ।
   अबु॑ध्यमानम् सुषुपा॒णम् इन्द्र ।
   अबु॑ध्यमानं सुषुपा॒णम् इन्द्र ।

Halfverse: c    स॒प्त प्रति॑ प्र॒वत॑ आ॒शया॑न॒महिं॒ वज्रे॑ण॒ वि रि॑णा अप॒र्वन् ।।
   स॒प्त प्रति॑ प्र॒वत॑ आ॒शया॑नम्
   स॒प्त प्रति प्र॒वतः आ॒शया॑नम्
   स॒प्त प्रति प्र॒वत आ॒शया॑नम्

Halfverse: d    अहिं॒ वज्रे॑ण॒ वि रि॑णा अप॒र्वन् ।।
   अहि॑म् वज्रे॑ण वि रि॑णाः अप॒र्वन् ।।
   अहिं वज्रे॑ण वि रि॑णा अप॒र्वन् ।।


Verse: 4 
Halfverse: a    अक्षो॑दय॒च्छव॑सा॒ क्षाम॑ बु॒ध्नं वार्ण वात॒स्तवि॑षीभि॒रिन्द्रः॑ ।
   अक्षो॑दय॒च्छव॑सा॒ क्षाम॑ बु॒ध्नं
   अक्षो॑दयत् शव॑सा क्षाम बु॒ध्नम्
   अक्षो॑दयच् छव॑सा क्षाम बु॒ध्नं

Halfverse: b    वार्ण वात॒स्तवि॑षीभि॒रिन्द्रः॑ ।
   वार् न वातः तवि॑षीभिः इन्द्रः ।
   वाअर् ण वात॑स् तवि॑षीभिर् इन्द्रः ।

Halfverse: c    दृ॒ऴान्औ॑भ्नादु॒शमा॑न॒ ओजो ऽवा॑भिनत्क॒कुभः॒ पर्व॑तानाम् ।।
   दृ॒ऴान्औ॑भ्नादु॒शमा॑न॒ ओजो
   दृ॒ऴानि औभ्नात् उ॒शमा॑नः ओजः
   दृ॒ऴानि औभ्नाद् उ॒शमा॑न ओजो

Halfverse: d    ऽवाभिनत्क॒कुभः॒ पर्व॑तानाम् ।।
   अव अभिनत् क॒कुभः पर्व॑तानाम् ।।
   अवा॑भिनत् क॒कुभः पर्व॑तानाम् ।।


Verse: 5 
Halfverse: a    अ॒भि प्र द॑द्रु॒र्जन॑यो॒ न गर्भं॒ रथा॑ इव॒ प्र य॑युः सा॒कमद्र॑यः ।
   अ॒भि प्र द॑द्रु॒र्जन॑यो॒ न गर्भं
   अ॒भि प्र द॑द्रुः जन॑यः न गर्भ॑म्
   अ॒भि प्र द॑द्रुर् जन॑यो न गर्भं

Halfverse: b    रथा॑ इव॒ प्र य॑युः सा॒कमद्र॑यः ।
   रथाः इव प्र य॑युः सा॒कम् अद्र॑यः ।
   रथा इव प्र य॑युः सा॒कम् अद्र॑यः ।

Halfverse: c    अत॑र्पयो वि॒सृत॑ उ॒ब्ज ऊ॒र्मीन्त्वं वृ॒ताँ अ॑रिणा इन्द्र॒ सिन्धू॑न् ।।
   अत॑र्पयो वि॒सृत॑ उ॒ब्ज ऊ॒र्मीन्
   अत॑र्पयः वि॒सृतः उ॒ब्जः ऊ॒र्मीन्
   अत॑र्पयो वि॒सृत उ॒ब्ज ऊ॒र्मीन्

Halfverse: d    त्वं वृ॒ताँ अ॑रिणा इन्द्र॒ सिन्धू॑न् ।।
   त्वम् वृ॒तान् अरिणाः इन्द्र सिन्धू॑न् ।।
   तु॒वं वृ॒ताँ अ॑रिणा इन्द्र सिन्धू॑न् ।।


Verse: 6 
Halfverse: a    त्वम्म॒हीम॒वनिं॑ वि॒श्वधे॑नां तु॒र्वीत॑ये व॒य्या॑य॒ क्षर॑न्तीम् ।
   त्वम्म॒हीम॒वनिं॑ वि॒श्वधे॑नां
   त्वम् म॒हीम् अ॒वनि॑म् वि॒श्वधे॑नाम्
   तु॒वम् म॒हीम् अ॒वनिं वि॒श्वधे॑नां

Halfverse: b    तु॒र्वीत॑ये व॒य्या॑य॒ क्षर॑न्तीम् ।
   तु॒र्वीत॑ये व॒य्या॑य क्षर॑न्तीम् ।
   तु॒र्वीत॑ये व॒यिया॑य क्षर॑न्तीम् ।

Halfverse: c    अर॑मयो॒ नम॒सैज॒दर्णः॑ सुतर॒णाँ अ॑कृणोरिन्द्र॒ सिन्धू॑न् ।।
   अर॑मयो॒ नम॒सैज॒दर्णः
   अर॑मयः नम॑सा एज॑त् अर्णः
   अर॑मयो नम॑सा एज॑द् अर्णः

Halfverse: d    सुतर॒णाँ अ॑कृणोरिन्द्र॒ सिन्धू॑न् ।।
   सु॑तर॒णान् अकृणोः इन्द्र सिन्धू॑न् ।।
   सु॑तर॒णाँ अ॑कृणोर् इन्द्र सिन्धू॑न् ।।


Verse: 7 
Halfverse: a    प्राग्रुवो॑ नभ॒न्वो॒ न वक्वा॑ ध्व॒स्रा अ॑पिन्वद्युव॒तीरृ॑त॒ज्ञाः ।
   प्राग्रुवो॑ नभ॒न्वो॒ न वक्वा
   प्र अ॒ग्रुवः नभ॒न्वः न वक्वाः
   प्र अ॒ग्रुवो नभ॒नुवो न वक्वा

Halfverse: b    ध्व॒स्रा अ॑पिन्वद्युव॒तीरृ॑त॒ज्ञाः ।
   ध्व॒स्राः अ॑पिन्वत् युव॒तीः ऋ॑त॒ज्ञाः ।
   ध्व॒स्रा अ॑पिन्वद् युव॒तीर् ऋत॒ज्ञाः ।

Halfverse: c    धन्वा॒न्यज्राँ॑ अपृणक्तृषा॒णाँ अधो॒गिन्द्र॑ स्त॒र्यो॒ दंसु॑पत्नीः ।।
   धन्वा॒न्यज्राँ॑ अपृणक्तृषा॒णाँ
   धन्वा॑नि अज्रा॑न् अपृणक् तृषा॒णान्
   धन्वा॑नि अज्राँ अपृणक् तृषा॒णाँ

Halfverse: d    अधो॒गिन्द्र॑ स्त॒र्यो॒ दंसु॑पत्नीः ।।
   अधो॑क् इन्द्रः स्त॒र्यः दंसु॑पत्नीः ।।
   अधो॑ग् इन्द्र स्त॒रियो दंसु॑पत्नीः ।।


Verse: 8 
Halfverse: a    पू॒र्वीरु॒षसः॑ श॒रद॑श्च गू॒र्ता वृ॒त्रं ज॑घ॒न्वाँ अ॑सृज॒द्वि सिन्धू॑न् ।
   पू॒र्वीरु॒षसः॑ श॒रद॑श्च गू॒र्ता
   पू॒र्वीः उ॒षसः श॒रदः च गू॒र्ताः
   पू॒र्वीर् उ॒षसः श॒रद॑श् च गू॒र्ता

Halfverse: b    वृ॒त्रं ज॑घ॒न्वाँ अ॑सृज॒द्वि सिन्धू॑न् ।
   वृ॒त्रम् जघ॒न्वान् असृजत् वि सिन्धू॑न् ।
   वृ॒त्रं ज॑घ॒न्वाँ अ॑सृजद् वि सिन्धू॑न् ।

Halfverse: c    परि॑ष्ठिता अतृणद्बद्बधा॒नाः सी॒रा इन्द्रः॒ स्रवि॑तवे पृथि॒व्या ।।
   परि॑ष्ठिता अतृणद्बद्बधा॒नाः
   परि॑ष्ठिताः अतृणत् बद्बधा॒नाः
   परि॑ष्ठिता अतृणद् बद्बधा॒नाः

Halfverse: d    सी॒रा इन्द्रः॒ स्रवि॑तवे पृथि॒व्या ।।
   सी॒राः इन्द्रः स्रवि॑तवे पृथि॒व्या ।।
   सी॒रा इन्द्रः स्रवि॑तवे पृथि॒व्या ।।


Verse: 9 
Halfverse: a    व॒म्रीभिः॑ पु॒त्रम॒ग्रुवो॑ अदा॒नं नि॒वेश॑नाद्धरिव॒ आ ज॑भर्थ ।
   व॒म्रीभिः॑ पु॒त्रम॒ग्रुवो॑ अदा॒नं
   व॒म्रीभिः पु॒त्रम् अ॒ग्रुवः अदा॒नम्
   व॒म्रीभिः पु॒त्रम् अ॒ग्रुवो अदा॒नं

Halfverse: b    नि॒वेश॑नाद्धरिव॒ आ ज॑भर्थ ।
   नि॒वेश॑नात् हरिवः आ ज॑भर्थ ।
   नि॒वेश॑नाद् धरिव आ ज॑भर्थ ।

Halfverse: c    व्य॒न्धो अ॑ख्य॒दहि॑माददा॒नो निर्भू॑दुख॒छित्सम॑रन्त॒ पर्व॑ ।।
   व्य॒न्धो अ॑ख्य॒दहि॑माददा॒नो
   वि अ॒न्धः अ॑ख्यत् अहि॑म् आददा॒नः
   वि अ॒न्धो अ॑ख्यद् अहि॑म् आददा॒नो

Halfverse: d    निर्भू॑दुख॒छित्सम॑रन्त॒ पर्व॑ ।।
   निः भू॑त् उख॒छित् सम् अरन्त पर्व ।।
   निर् भूद् उख॒छित् सम् अरन्त पर्व ।।


Verse: 10 
Halfverse: a    प्र ते॒ पूर्वा॑णि॒ कर॑णानि विप्रावि॒द्वाँ आ॑ह वि॒दुषे॒ करां॑सि ।
   प्र ते॒ पूर्वा॑णि॒ कर॑णानि विप्र
   प्र ते पूर्वा॑णि कर॑णानि विप्र
   प्र ते पूर्वा॑णि कर॑णानि विप्र

Halfverse: b     आवि॒द्वाँ आ॑ह वि॒दुषे॒ करां॑सि ।
   आ॑वि॒द्वान् आह वि॒दुषे करां॑सि ।
   आवि॒द्वाँ आ॑ह वि॒दुषे करां॑सि ।

Halfverse: c    यथा॑यथा॒ वृष्ण्या॑नि॒ स्वगू॒र्तापाँ॑सि राज॒न्नर्यावि॑वेषीः ।।
   यथा॑यथा॒ वृष्ण्या॑नि॒ स्वगू॑र्ता
   यथा॑यथा वृष्ण्या॑नि स्वगू॑र्ता
   यथा॑यथा वृष्णि॑यानि स्वगू॑र्ता

Halfverse: d     अपाँ॑सि राज॒न्नर्यावि॑वेषीः ।।
   अपां॑सि राजन् नर्या अवि॑वेषीः ।।
   अपां॑सि राजन् नरि॒यावि॑वेषीः ।।


Verse: 11 
Halfverse: a    नू ष्टु॒त इ॑न्द्र॒ नू गृ॑णा॒न इषं॑ जरि॒त्रे न॒द्यो॒ न पी॑पेः ।
   नू ष्टु॒त इ॑न्द्र॒ नू गृ॑णा॒न
   नु+ स्तु॒तः इ॑न्द्र नु+ गृ॑णा॒नः
   नूउ ष्टु॒त इ॑न्दर नू गृ॑णा॒न

Halfverse: b    इषं॑ जरि॒त्रे न॒द्यो॒ न पी॑पेः ।
   इष॑म् जरि॒त्रे न॒द्यः न पी॑पेः ।
   इषं जरि॒त्रे न॒दियो न पी॑पेः ।

Halfverse: c    अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ।।
   अका॑रि ते हरिवो॒ ब्रह्म॒ नव्यं
   अका॑रि ते हरिवः ब्रह्म नव्य॑म्
   अका॑रि ते हरिवो ब्रह्म नव्यं

Halfverse: d    धि॒या स्या॑म र॒थ्यः॑ सदा॒साः ।।
   धि॒या स्या॑म र॒थ्यः सदा॒साः ।।
   धि॒या सि॑याम र॒थियः सदा॒साः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.