TITUS
Rg-Veda: Rg-Veda-Samhita
Part No. 316
Previous part

Hymn: 20_(316) 
Verse: 1 
Halfverse: a    आ न॒ इन्द्रो॑ दू॒रादा न॑ आ॒साद॑भिष्टि॒कृदव॑से यासदु॒ग्रः ।
   आ न॒ इन्द्रो॑ दू॒रादा न॑ आ॒साद्
   आ नः इन्द्रः दू॒रात् आ नः आ॒सात्
   आ न इन्द्रो दू॒राअद् आ न आ॒साद्

Halfverse: b    अभिष्टि॒कृदव॑से यासदु॒ग्रः ।
   अ॑भिष्टि॒कृत् अव॑से यासत् उ॒ग्रः ।
   अ॑भिष्टि॒कृद् अव॑से यासद् उ॒ग्रः ।

Halfverse: c    ओजि॑ष्ठेभिर्नृ॒पति॒र्वज्र॑बाहुः सं॒गे स॒मत्सु॑ तु॒र्वणिः॑ पृत॒न्यून् ।।
   ओजि॑ष्ठेभिर्नृ॒पति॒र्वज्र॑बाहुः
   ओजि॑ष्ठेभिः नृ॒पतिः वज्र॑बाहुः
   ओजि॑ष्ठेभिर् नृ॒पति॑र् वज्र॑बाहुः

Halfverse: d    सं॒गे स॒मत्सु॑ तु॒र्वणिः॑ पृत॒न्यून् ।।
   सं॒गे स॒मत्सु तु॒र्वणिः पृत॒न्यून् ।।
   सं॒गे स॒मत्सु तु॒र्वणिः पृत॒न्यून् ।।


Verse: 2 
Halfverse: a    आ न॒ इन्द्रो॒ हरि॑भिर्या॒त्वछा॑र्वाची॒नो ऽव॑से॒ राध॑से च ।
   आ न॒ इन्द्रो॒ हरि॑भिर्या॒त्वछ
   आ नः इन्द्रः हरि॑भिः यातु अछ
   आ न इन्द्रो हरि॑भिर् यातु अछ

Halfverse: b     ॑अर्वाची॒नो ऽव॑से॒ राध॑से च ।
   अ॑र्वाची॒नः अव॑से राध॑से च ।
   अ॑र्वाची॒नो अव॑से राध॑से च ।

Halfverse: c    तिष्ठा॑ति व॒ज्री म॒घवा॑ विर॒प्शीमं य॒ज्ञमनु॑ नो॒ वाज॑सातौ ।।
   तिष्ठा॑ति व॒ज्री म॒घवा॑ विर॒प्शी
   तिष्ठा॑ति व॒ज्री म॒घवा विर॒प्शी
   तिष्ठा॑ति व॒ज्री म॒घवा विर॒प्शी

Halfverse: d     इ॒मं य॒ज्ञमनु॑ नो॒ वाज॑सातौ ।।
   इ॒मम् य॒ज्ञम् अनु नः वाज॑सातौ ।।
   इ॒मं य॒ज्ञम् अनु नो वाज॑सातौ ।।


Verse: 3 
Halfverse: a    इ॒मं य॒ज्ञं त्वम॒स्माक॑मिन्द्र पु॒रो दध॑त्सनिष्यसि॒ क्रतुं॑ नः ।
   इ॒मं य॒ज्ञं त्वम॒स्माक॑मिन्द्र
   इ॒मम् य॒ज्ञम् त्वम् अ॒स्माक॑म् इन्द्र
   इ॒मं य॒ज्ञं तु॒वम् अ॒स्माक॑म् इन्द्र

Halfverse: b    पु॒रो दध॑त्सनिष्यसि॒ क्रतुं॑ नः ।
   पु॒रः दध॑त् सनिष्यसि क्रतु॑म् नः ।
   पु॒रो दध॑त् सनिष्यसि क्रतुं नः ।

Halfverse: c    श्व॒घ्नीव॑ वज्रिन्स॒नये॒ धना॑नां॒ त्वया॑ व॒यम॒र्य आ॒जिं ज॑येम ।।
   श्व॒घ्नीव॑ वज्रिन्स॒नये॒ धना॑नां
   श्व॒घ्नी इ॑व वज्रिन् स॒नये धना॑नाम्
   श्व॒घ्नीव वज्रिन् स॒नये धना॑नां

Halfverse: d    त्वया॑ व॒यम॒र्य आ॒जिं ज॑येम ।।
   त्वया व॒यम् अ॒र्यः आ॒जिम् जयेम ।।
   त्वया व॒यम् अ॒र्य आ॒जिं ज॑येम ।।


Verse: 4 
Halfverse: a    उ॒शन्नु॒ षु णः॑ सु॒मना॑ उपा॒के सोम॑स्य॒ नु सुषु॑तस्य स्वधावः ।
   उ॒शन्नु॒ षु णः॑ सु॒मना॑ उपा॒के
   उ॒शन् उ सु नः सु॒मनाः उपा॒के
   उ॒शन्न् उ षु णः सु॒मना उपा॒के

Halfverse: b    सोम॑स्य॒ नु सुषु॑तस्य स्वधावः ।
   सोम॑स्य नु सुषु॑तस्य स्वधावः ।
   सोम॑स्य नु सुषु॑तस्य स्वधावः ।

Halfverse: c    पा इ॑न्द्र॒ प्रति॑भृतस्य॒ मध्वः॒ समन्ध॑सा ममदः पृ॒ष्ठ्ये॑न ।।
   पा इ॑न्द्र॒ प्रति॑भृतस्य॒ मध्वः
   पाः इ॑न्द्र प्रति॑भृतस्य मध्वः
   पाअ इ॑न्द्र प्रति॑भृतस्य मध्वः

Halfverse: d    समन्ध॑सा ममदः पृ॒ष्ठ्ये॑न ।।
   सम् अन्ध॑सा ममदः पृ॒ष्ठ्ये॑न ।।
   सम् अन्ध॑सा ममदः पृ॒ष्ठिये॑न ।।


Verse: 5 
Halfverse: a    वि यो र॑र॒प्श ऋषि॑भि॒र्नवे॑भिर्वृ॒क्षो न प॒क्वः सृण्यो॒ न जेता॑ ।
   वि यो र॑र॒प्श ऋषि॑भि॒र्नवे॑भिर्
   वि यः र॑र॒प्शे ऋषि॑भिः नवे॑भिः
   वि यो र॑र॒प्श ऋषि॑भिर् नवे॑भिर्

Halfverse: b    वृ॒क्षो न प॒क्वः सृण्यो॒ न जेता॑ ।
   वृ॒क्षः न प॒क्वः सृण्यः न जेता ।
   वृ॒क्षो न प॒क्वः सृणि॑यो न जेता ।

Halfverse: c    मर्यो॒ न योषा॑म॒भि मन्य॑मा॒नो ऽछा॑ विवक्मि पुरुहू॒तमिन्द्र॑म् ।।
   मर्यो॒ न योषा॑म॒भि मन्य॑मा॒नो
   मर्यः न योषा॑म् अ॒भि मन्य॑मानः
   मर्यो न योषा॑म् अ॒भि मन्य॑मानो

Halfverse: d    ऽछा विवक्मि पुरुहू॒तमिन्द्र॑म् ।।
   अछ+ विवक्मि पुरुहू॒तम् इन्द्र॑म् ।।
   अछा विवक्मि पुरुहू॒तम् इन्द्र॑म् ।।


Verse: 6 
Halfverse: a    गि॒रिर्न यः स्वत॑वाँ ऋ॒ष्व इन्द्रः॑ स॒नादे॒व सह॑से जा॒त उ॒ग्रः ।
   गि॒रिर्न यः स्वत॑वाँ ऋ॒ष्व इन्द्रः
   गि॒रिः न यः स्वत॑वान् ऋ॒ष्वः इन्द्रः
   गि॒रिर् न यः स्वत॑वाँ ऋ॒ष्व इन्द्रः

Halfverse: b    स॒नादे॒व सह॑से जा॒त उ॒ग्रः ।
   स॒नात् ए॒व सह॑से जा॒तः उ॒ग्रः ।
   स॒नाद् ए॒व सह॑से जा॒त उ॒ग्रः ।

Halfverse: c    आद॑र्ता॒ वज्रं॒ स्थवि॑रं॒ न भी॒म उ॒द्नेव॒ कोशं॒ वसु॑ना॒ न्यृ॑ष्टम् ।।
   आद॑र्ता॒ वज्रं॒ स्थवि॑रं॒ न भी॒म
   आद॑र्ता व्र॒जम्* स्थवि॑रम् न भी॒मः
   आद॑र्ता वज्रं स्थवि॑रं न भी॒म

Halfverse: d    उ॒द्नेव॒ कोशं॒ वसु॑ना॒ न्यृ॑ष्टम् ।।
   उ॒द्ना इ॑व कोश॑म् वसु॑ना न्यृ॑ष्टम् ।।
   उ॒द्नेव कोशं वसु॑ना निऋष्टम् ।।


Verse: 7 
Halfverse: a    न यस्य॑ व॒र्ता ज॒नुषा॒ न्वस्ति॒ न राध॑स आमरी॒ता म॒घस्य॑ ।
   न यस्य॑ व॒र्ता ज॒नुषा॒ न्वस्ति
   न यस्य व॒र्ता ज॒नुषा नु अस्ति
   न यस्य व॒र्ता ज॒नुषा नु अस्ति

Halfverse: b    न राध॑स आमरी॒ता म॒घस्य॑ ।
   न राध॑सः आमरी॒ता म॒घस्य ।
   न राध॑स आमरी॒ता म॒घस्य ।

Halfverse: c    उ॑द्वावृषा॒णस्त॑विषीव उग्रा॒स्मभ्यं॑ दद्धि पुरुहूत रा॒यः ।।
   उ॑द्वावृषा॒णस्त॑विषीव उग्र
   उद्वावृषा॒णः त॑विषीवः उग्र
   उद्वावृषा॒णस् तविषीव उग्र

Halfverse: d     अ॒स्मभ्यं॑ दद्धि पुरुहूत रा॒यः ।।
   अ॒स्मभ्य॑म् दद्धि पुरुहूत रा॒यः ।।
   अ॒स्मभ्यं दद्धि पुरुहूत रा॒यः ।।


Verse: 8 
Halfverse: a    ईक्षे॑ रा॒यः क्षय॑स्य चर्षणी॒नामु॒त व्र॒जम॑पव॒र्तासि॒ गोना॑म् ।
   ईक्षे॑ रा॒यः क्षय॑स्य चर्षणी॒नाम्
   ईक्षे रा॒यः क्षय॑स्य चर्षणी॒नाम्
   ईक्षे रा॒यः क्षय॑स्य चर्षणी॒नाम्

Halfverse: b    उ॒त व्र॒जम॑पव॒र्तासि॒ गोना॑म् ।
   उ॒त व्र॒जम् अपव॒र्ता अ॑सि गोना॑म् ।
   उ॒त व्र॒जम् अपव॒र्तासि गोना॑म् ।

Halfverse: c    शि॑क्षान॒रः स॑मि॒थेषु॑ प्र॒हावा॒न्वस्वो॑ रा॒शिम॑भिने॒तासि॒ भूरि॑म् ।।
   शि॑क्षान॒रः स॑मि॒थेषु॑ प्र॒हावा॑न्
   शिक्षान॒रः स॑मि॒थेषु प्र॒हावा॑न्
   शिक्षान॒रः स॑मि॒थेषु प्र॒हावा॑न्

Halfverse: d    वस्वो॑ रा॒शिम॑भिने॒तासि॒ भूरि॑म् ।।
   वस्वः रा॒शिम् अभिने॒ता अ॑सि भूरि॑म् ।।
   वस्वो रा॒शिम् अभिने॒तासि भूरि॑म् ।।


Verse: 9 
Halfverse: a    कया॒ तच्छृ॑ण्वे॒ शच्या॒ शचि॑ष्ठो॒ यया॑ कृ॒णोति॒ मुहु॒ का चि॑दृ॒ष्वः ।
   कया॒ तच्छृ॑ण्वे॒ शच्या॒ शचि॑ष्ठो
   कया तत् शृण्वे शच्या शचि॑ष्ठः
   कया तच् छृण्वे शचि॑या शचि॑ष्ठो

Halfverse: b    यया॑ कृ॒णोति॒ मुहु॒ का चि॑दृ॒ष्वः ।
   यया कृ॒णोति मुहु का चि॑त् ऋ॒ष्वः ।
   यया कृ॒णोति मुहु का चि॑द् ऋ॒ष्वः ।

Halfverse: c    पु॒रु दा॒शुषे॒ विच॑यिष्ठो॒ अँहो ऽथा॑ दधाति॒ द्रवि॑णं जरि॒त्रे ।।
   पु॒रु दा॒शुषे॒ विच॑यिष्ठो॒ अँहो
   पु॒रु दा॒शुषे विच॑यिष्ठः अंहः
   पु॒रु दा॒शुषे विच॑यिष्ठो अंहो

Halfverse: d    ऽथा दधाति॒ द्रवि॑णं जरि॒त्रे ।।
   अथ+ दधाति द्रवि॑णम् जरि॒त्रे ।।
   अथा दधाति द्रवि॑णं जरि॒त्रे ।।


Verse: 10 
Halfverse: a    मा नो॑ मर्धी॒रा भ॑रा द॒द्धि तन्नः॒ प्र दा॒शुषे॒ दात॑वे॒ भूरि॒ यत्ते॑ ।
   मा नो॑ मर्धी॒रा भ॑रा द॒द्धि तन्नः
   मा नः मर्धीः आ भ॑र+ द॒द्धि तत् नः
   मा नो मर्धीर् आ भ॑रा द॒द्धि तन् नः

Halfverse: b    प्र दा॒शुषे॒ दात॑वे॒ भूरि॒ यत्ते॑ ।
   प्र दा॒शुषे दात॑वे भूरि यत् ते ।
   प्र दा॒शुषे दात॑वे भूरि यत् ते ।

Halfverse: c    नव्ये॑ दे॒ष्णे श॒स्ते अ॒स्मिन्त॑ उ॒क्थे प्र ब्र॑वाम व॒यमि॑न्द्र स्तु॒वन्तः॑ ।।
   नव्ये॑ दे॒ष्णे श॒स्ते अ॒स्मिन्त॑ उ॒क्थे
   नव्ये दे॒ष्णे श॒स्ते अ॒स्मिन् ते उ॒क्थे
   नव्ये दे॒ष्णे श॒स्ते अ॒स्मिन् त उ॒क्थे

Halfverse: d    प्र ब्र॑वाम व॒यमि॑न्द्र स्तु॒वन्तः॑ ।।
   प्र ब्र॑वाम व॒यम् इन्द्र स्तु॒वन्तः ।।
   प्र ब्र॑वाम व॒यम् इन्द्र स्तु॒वन्तः ।।


Verse: 11 
Halfverse: a    नू ष्टु॒त इ॑न्द्र॒ नू गृ॑णा॒न इषं॑ जरि॒त्रे न॒द्यो॒ न पी॑पेः ।
   नू ष्टु॒त इ॑न्द्र॒ नू गृ॑णा॒न
   नु+ स्तु॒तः इ॑न्द्र नु+ गृ॑णा॒नः
   नूउ ष्टु॒त इ॑न्दर नू गृ॑णा॒न

Halfverse: b    इषं॑ जरि॒त्रे न॒द्यो॒ न पी॑पेः ।
   इष॑म् जरि॒त्रे न॒द्यः न पी॑पेः ।
   इषं जरि॒त्रे न॒दियो न पी॑पेः ।

Halfverse: c    अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ।।
   अका॑रि ते हरिवो॒ ब्रह्म॒ नव्यं
   अका॑रि ते हरिवः ब्रह्म नव्य॑म्
   अका॑रि ते हरिवो ब्रह्म नव्यं

Halfverse: d    धि॒या स्या॑म र॒थ्यः॑ सदा॒साः ।।
   धि॒या स्या॑म र॒थ्यः सदा॒साः ।।
   धि॒या सि॑याम र॒थियः सदा॒साः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.