TITUS
Rg-Veda: Rg-Veda-Samhita
Part No. 398
Previous part

Hymn: 44_(398) 
Verse: 1 
Halfverse: a    तम्प्र॒त्नथा॑ पू॒र्वथा॑ वि॒श्वथे॒मथा॑ ज्ये॒ष्ठता॑तिम्बर्हि॒षदं॑ स्व॒र्विद॑म् ।
   तम्प्र॒त्नथा॑ पू॒र्वथा॑ वि॒श्वथे॒मथा
   तम् प्र॒त्नथा पू॒र्वथा वि॒श्वथा इ॒मथा
   तम् प्र॒त्नथा पू॒र्वथा वि॒श्वथे॒मथा

Halfverse: b    ज्ये॒ष्ठता॑तिम्बर्हि॒षदं॑ स्व॒र्विद॑म् ।
   ज्ये॒ष्ट्ःअता॑तिम् बर्हि॒षद॑म् स्व॒र्विद॑म् ।
   ज्ये॒ष्ठता॑तिम् बर्हि॒षदं सुव॒र्विद॑म् ।

Halfverse: c    प्र॑तीची॒नं वृ॒जनं॑ दोहसे गि॒राशुं जय॑न्त॒मनु॒ यासु॒ वर्ध॑से ।।
   प्र॑तीची॒नं वृ॒जनं॑ दोहसे गि॒रा
   प्र॑तीची॒नम् वृ॒जन॑म् दोहसे गि॒रा
   प्र॑तीची॒नं वृ॒जनं दोहसे गि॒रा

Halfverse: d     आ॒शुं जय॑न्त॒मनु॒ यासु॒ वर्ध॑से ।।
   आ॒शुम् जय॑न्तम् अनु यासु वर्ध॑से ।।
   आ॒शुं जय॑न्तम् अनु यासु वर्ध॑से ।।


Verse: 2 
Halfverse: a    श्रि॒ये सु॒दृशी॒रुप॑रस्य॒ याः स्व॑र्वि॒रोच॑मानः क॒कुभा॑मचो॒दते॑ ।
   श्रि॒ये सु॒दृशी॒रुप॑रस्य॒ याः स्व॑र्
   श्रि॒ये सु॒दृशीः उप॑रस्य याः स्व॑र्
   श्रि॒ये सु॒दृशी॑र् उप॑रस्य याः सुव॑र्

Halfverse: b    वि॒रोच॑मानः क॒कुभा॑मचो॒दते॑ ।
   वि॒रोच॑मानः क॒कुभा॑म् अचो॒दते ।
   वि॒रोच॑मानः क॒कुभा॑म् अचो॒दते ।

Halfverse: c    सु॑गो॒पा अ॑सि॒ न दभा॑य सुक्रतो प॒रो मा॒याभि॑रृ॒त आ॑स॒ नाम॑ ते ।।
   सु॑गो॒पा अ॑सि॒ न दभा॑य सुक्रतो
   सुगो॒पाः अ॑सि न दभा॑य सुक्रतो
   सुगो॒पा अ॑सि न दभा॑य सुक्रतो

Halfverse: d    प॒रो मा॒याभि॑रृ॒त आ॑स॒ नाम॑ ते ।।
   प॒रः मा॒याभिः ऋ॒ते आ॑स नाम ते ।।
   प॒रो मा॒याभि॑र् ऋ॒त आ॑स नाम ते ।।


Verse: 3 
Halfverse: a    अत्यं॑ ह॒विः स॑चते॒ सच्च॒ धातु॒ चारि॑ष्टगातुः॒ स होता॑ सहो॒भरिः॑ ।
   अत्यं॑ ह॒विः स॑चते॒ सच्च॒ धातु॑ च
   अत्य॑म् ह॒विः स॑चते सत् च धातु च
   अत्यं ह॒विः स॑चते सच् च धातु च

Halfverse: b     अरि॑ष्टगातुः॒ स होता॑ सहो॒भरिः॑ ।
   अरि॑ष्टगातुः स होता सहो॒भरिः ।
   अरि॑ष्टगातुः स होता सहो॒भरिः ।

Halfverse: c    प्र॒सर्स्रा॑णो॒ अनु॑ ब॒र्हिर्वृषा॒ शिशु॒र्मध्ये॒ युवा॒जरो॑ वि॒स्रुहा॑ हि॒तः ।।
   प्र॒सर्स्रा॑णो॒ अनु॑ ब॒र्हिर्वृषा॒ शिशु॑र्
   प्र॒सर्स्रा॑णः अनु ब॒र्हिः वृषा शिशुः
   प्र॒सर्स्रा॑णो अनु ब॒र्हिर् वृषा शिशु॑र्

Halfverse: d    मध्ये॒ युवा॒जरो॑ वि॒स्रुहा॑ हि॒तः ।।
   मध्ये युवा अ॒जरः वि॒स्रुहा हि॒तः ।।
   मध्ये युवा अ॒जरो वि॒स्रुहा हि॒तः ।।


Verse: 4 
Halfverse: a    प्र व॑ ए॒ते सु॒युजो॒ याम॑न्नि॒ष्टये॒ नीची॑र॒मुष्मै॑ य॒म्य॑ ऋता॒वृधः॑ ।
   प्र व॑ ए॒ते सु॒युजो॒ याम॑न्नि॒ष्टये
   प्र वः ए॒ते सु॒युजः याम॑न् इ॒ष्टये
   प्र व ए॒ते सु॒युजो याम॑न् इ॒ष्टये

Halfverse: b    नीची॑र॒मुष्मै॑ य॒म्य॑ ऋता॒वृधः॑ ।
   नीचीः अ॒मुष्मै य॒म्यः ऋता॒वृधः ।
   नीची॑र् अ॒मुष्मै य॒मिय ऋता॒वृधः ।

Halfverse: c    सु॒यन्तु॑भिः सर्वशा॒सैर॒भीशु॑भिः॒ क्रिवि॒र्नामा॑नि प्रव॒णे मु॑षायति ।।
   सु॒यन्तु॑भिः सर्वशा॒सैर॒भीशु॑भिः
   सु॒यन्तु॑भिः सर्वशा॒सैः अ॒भीशु॑भिः
   सु॒यन्तु॑भिः सर्वशा॒सैर् अ॒भीशु॑भिः

Halfverse: d    क्रिवि॒र्नामा॑नि प्रव॒णे मु॑षायति ।।
   क्रिविः नामा॑नि प्रव॒णे मु॑षायति ।।
   क्रिवि॑र् नामा॑नि प्रव॒णे मु॑षायति ।।


Verse: 5 
Halfverse: a    सं॒जर्भु॑राण॒स्तरु॑भिः सुते॒गृभं॑ वया॒किनं॑ चि॒त्तग॑र्भासु सु॒स्वरुः॑ ।
   सं॒जर्भु॑राण॒स्तरु॑भिः सुते॒गृभं
   सं॒जर्भु॑राणः तरु॑भिः सुते॒गृभ॑म्
   सं॒जर्भु॑राणस् तरु॑भिः सुते॒गृभं

Halfverse: b    वया॒किनं॑ चि॒त्तग॑र्भासु सु॒स्वरुः॑ ।
   व॑या॒किन॑म् चि॒त्तग॑र्भासु सु॒स्वरुः ।
   व॑या॒किनं चि॒त्तग॑र्भासु सु॒स्वरुः ।

Halfverse: c    धा॑रवा॒केष्वृ॑जुगाथ शोभसे॒ वर्ध॑स्व॒ पत्नी॑र॒भि जी॒वो अ॑ध्व॒रे ।।
   धा॑रवा॒केष्वृ॑जुगाथ शोभसे
   धारवा॒केषु ऋजुगाथ शोभसे
   धारवा॒केषु ऋजुगाथ शोभसे

Halfverse: d    वर्ध॑स्व॒ पत्नी॑र॒भि जी॒वो अ॑ध्व॒रे ।।
   वर्ध॑स्व पत्नीः अ॒भि जी॒वः अ॑ध्व॒रे ।।
   वर्ध॑स्व पत्नी॑र् अ॒भि जी॒वो अ॑ध्व॒रे ।।


Verse: 6 
Halfverse: a    या॒दृगे॒व ददृ॑शे ता॒दृगु॑च्यते॒ सं छा॒यया॑ दधिरे सि॒ध्रया॒प्स्वा ।
   या॒दृगे॒व ददृ॑शे ता॒दृगु॑च्यते
   या॒दृक् ए॒व ददृ॑शे ता॒दृक् उच्यते
   या॒दृग् ए॒व ददृ॑शे ता॒दृग् उच्यते

Halfverse: b    सं छा॒यया॑ दधिरे सि॒ध्रया॒प्स्वा ।
   सम् छा॒यया दधिरे सि॒ध्रया अ॒प्सु आ ।
   सं छा॒यया दधिरे सि॒ध्रया॑प्सु आ ।

Halfverse: c    म॒हीम॒स्मभ्य॑मुरु॒षामु॒रु ज्रयो॑ बृ॒हत्सु॒वीर॒मन॑पच्युतं॒ सहः॑ ।।
   म॒हीम॒स्मभ्य॑मुरु॒षामु॒रु ज्रयो
   म॒हीम् अ॒स्मभ्य॑म् उरु॒षाम् उ॒रु ज्रयः
   म॒हीम् अ॒स्मभ्य॑म् उरु॒षाम् उ॒रु ज्रयो

Halfverse: d    बृ॒हत्सु॒वीर॒मन॑पच्युतं॒ सहः॑ ।।
   बृ॒हत् सु॒वीर॑म् अन॑पच्युतम् सहः ।।
   बृ॒हत् सु॒वीर॑म् अन॑पच्युतं सहः ।।


Verse: 7 
Halfverse: a    वेत्यग्रु॒र्जनि॑वा॒न्वा अति॒ स्पृधः॑ समर्य॒ता मन॑सा॒ सूर्यः॑ क॒विः ।
   वेत्यग्रु॒र्जनि॑वा॒न्वा अति॒ स्पृधः
   वेति अग्रुः जनि॑वान् वै अति स्पृधः
   वेति अग्रु॑र् जनि॑वान् वा अति स्पृधः

Halfverse: b    समर्य॒ता मन॑सा॒ सूर्यः॑ क॒विः ।
   स॑मर्य॒ता मन॑सा सूर्यः क॒विः ।
   स॑मर्य॒ता मन॑सा सूरि॑यः क॒विः ।

Halfverse: c    घ्रँ॒सं रक्ष॑न्त॒म्परि॑ वि॒श्वतो॒ गय॑म॒स्माकं॒ शर्म॑ वनव॒त्स्वाव॑सुः ।।
   घ्रँ॒सं रक्ष॑न्त॒म्परि॑ वि॒श्वतो॒ गय॑म्
   घ्रं॒सम् रक्ष॑न्तम् परि वि॒श्वतः गय॑म्
   घ्रं॒सं रक्ष॑न्तम् परि वि॒श्वतो गय॑म्

Halfverse: d    अ॒स्माकं॒ शर्म॑ वनव॒त्स्वाव॑सुः ।।
   अ॒स्माक॑म् शर्म वनवत् स्वाव॑सुः ।।
   अ॒स्माकं शर्म वनवत् सुआव॑सुः ।।


Verse: 8 
Halfverse: a    ज्यायाँ॑सम॒स्य य॒तुन॑स्य के॒तुन॑ ऋषिस्व॒रं च॑रति॒ यासु॒ नाम॑ ते ।
   ज्यायाँ॑सम॒स्य य॒तुन॑स्य के॒तुन
   ज्यायां॑सम् अ॒स्य य॒तुन॑स्य के॒तुना
   ज्यायां॑सम् अ॒स्य य॒तुन॑स्य के॒तुन

Halfverse: b    ऋषिस्व॒रं च॑रति॒ यासु॒ नाम॑ ते ।
   ऋ॑षिस्व॒रम् चरति यासु नाम ते ।
   ऋ॑षिस्व॒रं च॑रति यासु नाम ते ।

Halfverse: c    या॒दृश्मि॒न्धायि॒ तम॑प॒स्यया॑ विद॒द्य उ॑ स्व॒यं वह॑ते॒ सो अरं॑ करत् ।।
   या॒दृश्मि॒न्धायि॒ तम॑प॒स्यया॑ विदद्
   या॒दृश्मि॑न् धायि तम् अप॒स्यया विदत्
   या॒दृश्मि॑न् धायि तम् अप॒स्यया विदद्

Halfverse: d    य उ॑ स्व॒यं वह॑ते॒ सो अरं॑ करत् ।।
   यः उ स्व॒यम् वह॑ते स उ ! अर॑म् करत् ।।
   य उ स्व॒यं वह॑ते सो अरं करत् ।।


Verse: 9 
Halfverse: a    स॑मु॒द्रमा॑सा॒मव॑ तस्थे अग्रि॒मा न रि॑ष्यति॒ सव॑नं॒ यस्मि॒न्नाय॑ता ।
   स॑मु॒द्रमा॑सा॒मव॑ तस्थे अग्रि॒मा
   स॑मु॒द्रम् आसाम् अव तस्थे अग्रि॒मा
   स॑मु॒द्रम् आसाम् अव तस्थे अग्रि॒मा

Halfverse: b    न रि॑ष्यति॒ सव॑नं॒ यस्मि॒न्नाय॑ता ।
   न रि॑ष्यति सव॑नम् यस्मि॑न् आय॑ता ।
   न रि॑ष्यति सव॑नं यस्मि॑न् आय॑ता ।

Halfverse: c    अत्रा॒ न हार्दि॑ क्रव॒णस्य॑ रेजते॒ यत्रा॑ म॒तिर्वि॒द्यते॑ पूत॒बन्ध॑नी ।।
   अत्रा॒ न हार्दि॑ क्रव॒णस्य॑ रेजते
   अत्र+ न हार्दि क्रव॒णस्य रेजते
   अत्रा न हार्दि क्रव॒णस्य रेजते

Halfverse: d    यत्रा॑ म॒तिर्वि॒द्यते॑ पूत॒बन्ध॑नी ।।
   यत्र+ म॒तिः वि॒द्यते पूत॒बन्ध॑नी ।।
   यत्रा म॒तिर् वि॒द्यते पूत॒बन्ध॑नी ।।


Verse: 10 
Halfverse: a    स हि क्ष॒त्रस्य॑ मन॒सस्य॒ चित्ति॑भिरेवाव॒दस्य॑ यज॒तस्य॒ सध्रेः॑ ।
   स हि क्ष॒त्रस्य॑ मन॒सस्य॒ चित्ति॑भिर्
   स हि क्ष॒त्रस्य मन॒सस्य चित्ति॑भिः
   स हि क्ष॒त्रस्य मन॒सस्य चित्ति॑भिर्

Halfverse: b    एवाव॒दस्य॑ यज॒तस्य॒ सध्रेः॑ ।
   ए॑वाव॒दस्य यज॒तस्य सध्रेः ।
   ए॑वाव॒दस्य यज॒तस्य सध्रेः ।

Halfverse: c    अ॑वत्सा॒रस्य॑ स्पृणवाम॒ रण्व॑भिः॒ शवि॑ष्ठं॒ वाजं॑ वि॒दुषा॑ चि॒दर्ध्य॑म् ।।
   अ॑वत्सा॒रस्य॑ स्पृणवाम॒ रण्व॑भिः
   अवत्सा॒रस्य स्पृणवाम रण्व॑भिः
   अवत्सा॒रस्य स्पृणवाम रण्व॑भिः

Halfverse: d    शवि॑ष्ठं॒ वाजं॑ वि॒दुषा॑ चि॒दर्ध्य॑म् ।।
   शवि॑ष्ठम् वाज॑म् वि॒दुषा चित् अर्ध्य॑म् ।।
   शवि॑ष्ठं वाजं वि॒दुषा चिद् अर्धि॑यम् ।।


Verse: 11 
Halfverse: a    श्ये॒न आ॑सा॒मदि॑तिः क॒क्ष्यो॒ मदो॑ वि॒श्ववा॑रस्य यज॒तस्य॑ मा॒यिनः॑ ।
   श्ये॒न आ॑सा॒मदि॑तिः क॒क्ष्यो॒ मदो
   श्ये॒नः आ॑साम् अदि॑तिः क॒क्ष्यः मदः
   श्ये॒न आ॑साम् अदि॑तिः क॒क्षियो मदो

Halfverse: b    वि॒श्ववा॑रस्य यज॒तस्य॑ मा॒यिनः॑ ।
   वि॒श्ववा॑रस्य यज॒तस्य मा॒यिनः ।
   वि॒श्ववा॑रस्य यज॒तस्य मा॒यिनः ।

Halfverse: c    सम॒न्यम्॑न्यमर्थय॒न्त्येत॑वे वि॒दुर्वि॒षाण॑म्परि॒पान॒मन्ति॒ ते ।।
   सम॒न्यम्॑न्यमर्थय॒न्त्येत॑वे
   सम् अ॒न्यम्॑न्यम् अर्थयन्ति एत॑वे
   सम् अ॒न्यम्॑न्यम् अर्थयन्ति एत॑वे

Halfverse: d    वि॒दुर्वि॒षाण॑म्परि॒पान॒मन्ति॒ ते ।।
   वि॒दुः वि॒षाण॑म् परि॒पान॑म् अन्ति ते ।।
   वि॒दुर् वि॒षाण॑म् परि॒पान॑म् अन्ति ते ।।


Verse: 12 
Halfverse: a    स॑दापृ॒णो य॑ज॒तो वि द्विषो॑ वधीद्बाहुवृ॒क्तः श्रु॑त॒वित्तर्यो॑ वः॒ सचा॑ ।
   स॑दापृ॒णो य॑ज॒तो वि द्विषो॑ वधीद्
   सदापृ॒णः य॑ज॒तः वि द्विषः वधीत्
   सदापृ॒णो य॑ज॒तो वि द्विषो वधीद्

Halfverse: b    बाहुवृ॒क्तः श्रु॑त॒वित्तर्यो॑ वः॒ सचा॑ ।
   बा॑हुवृ॒क्तः श्रु॑त॒वित् तर्यः वः सचा ।
   बा॑हुवृ॒क्तः श्रु॑त॒वित् तर्यो वः सचा ।

Halfverse: c    उ॒भा स वरा॒ प्रत्ये॑ति॒ भाति॑ च॒ यदीं॑ ग॒णम्भज॑ते सुप्र॒याव॑भिः ।।
   उ॒भा स वरा॒ प्रत्ये॑ति॒ भाति॑ च
   उ॒भा स वरा प्रति एति भाति च
   उ॒भा स वरा प्रति एति भाति च

Halfverse: d    यदीं॑ ग॒णम्भज॑ते सुप्र॒याव॑भिः ।।
   यत् ईम् ग॒णम् भज॑ते सुप्र॒याव॑भिः ।।
   यद् ईं ग॒णम् भज॑ते सुप्र॒याव॑भिः ।।


Verse: 13 
Halfverse: a    सु॑तम्भ॒रो यज॑मानस्य॒ सत्प॑ति॒र्विश्वा॑सा॒मूधः॒ स धि॒यामु॒दञ्च॑नः ।
   सु॑तम्भ॒रो यज॑मानस्य॒ सत्प॑तिर्
   सुतम्भ॒रः यज॑मानस्य सत्प॑तिः
   सुतम्भ॒रो यज॑मानस्य सत्प॑तिर्

Halfverse: b    विश्वा॑सा॒मूधः॒ स धि॒यामु॒दञ्च॑नः ।
   विश्वा॑साम् ऊध॑र् स धि॒याम् उ॒दञ्च॑नः ।
   विश्वा॑साम् ऊधः स धि॒याम् उ॒दञ्च॑नः ।

Halfverse: c    भर॑द्धे॒नू रस॑वच्छिश्रिये॒ पयो॑ ऽनुब्रुवा॒णो अध्ये॑ति॒ न स्व॒पन् ।।
   भर॑द्धे॒नू रस॑वच्छिश्रिये॒ पयो
   भर॑त् धे॒नुः रस॑वत् शिश्रिये पयः
   भर॑द् धे॒नू रस॑वच् छिश्रिये पयो

Halfverse: d    ऽनुब्रुवा॒णो अध्ये॑ति॒ न स्व॒पन् ।।
   अ॑नुब्रुवा॒णः अधि एति न स्व॒पन् ।।
   अ॑नुब्रुवा॒णो अधि एति न स्व॒पन् ।।


Verse: 14 
Halfverse: a    यो जा॒गार॒ तमृचः॑ कामयन्ते॒ यो जा॒गार॒ तमु॒ सामा॑नि यन्ति ।
   यो जा॒गार॒ तमृचः॑ कामयन्ते
   यः जा॒गार तम् ऋचः कामयन्ते
   यो जा॒गार तम् ऋचः कामयन्ते

Halfverse: b    यो जा॒गार॒ तमु॒ सामा॑नि यन्ति ।
   यः जा॒गार तम् उ सामा॑नि यन्ति ।
   यो जा॒गार तम् उ सामा॑नि यन्ति ।

Halfverse: c    यो जा॒गार॒ तम॒यं सोम॑ आह॒ तवा॒हम॑स्मि स॒ख्ये न्यो॑काः ।।
   यो जा॒गार॒ तम॒यं सोम॑ आह
   यः जा॒गार तम् अ॒यम् सोमः आह
   यो जा॒गार तम् अ॒यं सोम आह

Halfverse: d    तवा॒हम॑स्मि स॒ख्ये न्यो॑काः ।।
   तव अ॒हम् अस्मि स॒ख्ये न्यो॑काः ।।
   तवा॒हम् अस्मि सखि॒ये निओ॑काः ।।


Verse: 15 
Halfverse: a    अ॒ग्निर्जा॑गार॒ तमृचः॑ कामयन्ते॒ ऽग्निर्जा॑गार॒ तमु॒ सामा॑नि यन्ति ।
   अ॒ग्निर्जा॑गार॒ तमृचः॑ कामयन्ते
   अ॒ग्निः जा॑गार तम् ऋचः कामयन्ते
   अ॒ग्निर् जागार तम् ऋचः कामयन्ते

Halfverse: b    ऽग्निर्जा॑गार॒ तमु॒ सामा॑नि यन्ति ।
   अ॒ग्निः जा॑गार तम् उ सामा॑नि यन्ति ।
   अ॒ग्निर् जागार तम् उ सामा॑नि यन्ति ।

Halfverse: c    अ॒ग्निर्जा॑गार॒ तम॒यं सोम॑ आह॒ तवा॒हम॑स्मि स॒ख्ये न्यो॑काः ।।
   अ॒ग्निर्जा॑गार॒ तम॒यं सोम॑ आह
   अ॒ग्निः जा॑गार तम् अ॒यम् सोमः आह
   अ॒ग्निर् जागार तम् अ॒यं सोम आह

Halfverse: d    तवा॒हम॑स्मि स॒ख्ये न्यो॑काः ।।
   तव अ॒हम् अस्मि स॒ख्ये न्यो॑काः ।।
   तवा॒हम् अस्मि सखि॒ये निओ॑काः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.