TITUS
Rg-Veda: Rg-Veda-Samhita
Part No. 400
Previous part

Hymn: 46_(400) 
Verse: 1 
Halfverse: a    हयो॒ न वि॒द्वाँ अ॑युजि स्व॒यं धु॒रि तां व॑हामि प्र॒तर॑णीमव॒स्युव॑म् ।
   हयो॒ न वि॒द्वाँ अ॑युजि स्व॒यं धु॒रि
   हयः न वि॒द्वान् अयुजि स्व॒यम् धु॒रि
   हयो न वि॒द्वाँ अ॑युजि स्व॒यं धु॒रि

Halfverse: b    तां व॑हामि प्र॒तर॑णीमव॒स्युव॑म् ।
   ताम् वहामि प्र॒तर॑णीम् अव॒स्युव॑म् ।
   तां व॑हामि प्र॒तर॑णीम् अव॒स्युव॑म् ।

Halfverse: c    नास्या॑ वश्मि वि॒मुचं॒ नावृत॒म्पुन॑र्वि॒द्वान्प॒थः पु॑रए॒त ऋ॒जु ने॑षति ।।
   नास्या॑ वश्मि वि॒मुचं॒ नावृत॒म्पुन॑र्
   न अ॑स्याः वश्मि वि॒मुच॑म् न आ॒वृत॑म् पुन॑र्
   नास्या वश्मि वि॒मुचं नावृत॑म् पुन॑र्

Halfverse: d    वि॒द्वान्प॒थः पु॑रए॒त ऋ॒जु ने॑षति ।।
   वि॒द्वान् प॒थः पु॑रए॒ता ऋ॒जु ने॑षति ।।
   वि॒द्वान् प॒थः पु॑रए॒त र्जु ने॑षति ।।


Verse: 2 
Halfverse: a    अग्न॒ इन्द्र॒ वरु॑ण॒ मित्र॒ देवाः॒ शर्धः॒ प्र य॑न्त॒ मारु॑तो॒त वि॑ष्णो ।
   अग्न॒ इन्द्र॒ वरु॑ण॒ मित्र॒ देवाः
   अग्ने इन्द्र वरु॑ण मित्र देवाः
   अग्न इन्द्र वरु॑ण मित्र देवाः

Halfverse: b    शर्धः॒ प्र य॑न्त॒ मारु॑तो॒त वि॑ष्णो ।
   शर्धः प्र य॑न्त मारु॑त उ॒त वि॑ष्णो ।
   शर्धः प्र य॑न्त मारु॑तो॒त वि॑ष्णो ।

Halfverse: c    उ॒भा नास॑त्या रु॒द्रो अध॒ ग्नाः पू॒षा भगः॒ सर॑स्वती जुषन्त ।।
   उ॒भा नास॑त्या रु॒द्रो अध॒ ग्नाः
   उ॒भा नास॑त्या रु॒द्रः अध ग्नाः
   उ॒भा नास॑त्या रुद॒रो अध ग्नाः

Halfverse: d    पू॒षा भगः॒ सर॑स्वती जुषन्त ।।
   पू॒षा भगः सर॑स्वति जुषन्त ।।
   पू॒षा भगः सर॑स्वती जुषन्त ।।


Verse: 3 
Halfverse: a    इ॑न्द्रा॒ग्नी मि॒त्रावरु॒णादि॑तिं॒ स्वः॑ पृथि॒वीं द्याम्म॒रुतः॒ पर्व॑ताँ अ॒पः ।
   इ॑न्द्रा॒ग्नी मि॒त्रावरु॒णादि॑तिं॒ स्वः
   इन्द्रा॒ग्नी मि॒त्रावरु॑णा अदि॑तिम् स्व॑र्
   इन्द्रा॒ग्नी मि॒त्रावरु॒णादि॑तिं सुवः

Halfverse: b    पृथि॒वीं द्याम्म॒रुतः॒ पर्व॑ताँ अ॒पः ।
   पृ॑थि॒वीम् द्याम् म॒रुतः पर्व॑तान् अ॒पः ।
   पृ॑थि॒वीं द्याम् म॒रुतः पर्व॑ताँ अ॒पः ।

Halfverse: c    हु॒वे विष्णु॑म्पू॒षण॒म्ब्रह्म॑ण॒स्पति॒म्भगं॒ नु शँसं॑ सवि॒तार॑मू॒तये॑ ।।
   हु॒वे विष्णु॑म्पू॒षण॒म्ब्रह्म॑ण॒स्पति॑म्
   हु॒वे विष्णु॑म् पू॒षण॑म् ब्रह्म॑णः पति॑म्
   हु॒वे विष्णु॑म् पू॒षण॑म् ब्रह्म॑णस् पति॑म्

Halfverse: d    भगं॒ नु शँसं॑ सवि॒तार॑मू॒तये॑ ।।
   भग॑म् नु शंस॑म् सवि॒तार॑म् ऊ॒तये ।।
   भगं नु शंसं सवि॒तार॑म् ऊ॒तये ।।


Verse: 4 
Halfverse: a    उ॒त नो॒ विष्णु॑रु॒त वातो॑ अ॒स्रिधो॑ द्रविणो॒दा उ॒त सोमो॒ मय॑स्करत् ।
   उ॒त नो॒ विष्णु॑रु॒त वातो॑ अ॒स्रिधो
   उ॒त नः विष्णुः उ॒त वातः अ॒स्रिधः
   उ॒त नो विष्णु॑र् उ॒त वातो अ॒स्रिधो

Halfverse: b    द्रविणो॒दा उ॒त सोमो॒ मय॑स्करत् ।
   द्र॑विणो॒दाः उ॒त सोमः मयः करत् ।
   द्र॑विणो॒दा उ॒त सोमो मय॑स् करत् ।

Halfverse: c    उ॒त ऋ॒भव॑ उ॒त रा॒ये नो॑ अ॒श्विनो॒त त्वष्टो॒त विभ्वानु॑ मँसते ।।
   उ॒त ऋ॒भव॑ उ॒त रा॒ये नो॑ अ॒श्विना
   उ॒त ऋ॒भवः उ॒त रा॒ये नः अ॒श्विना
   उत र्भव उ॒त रा॒ये नो अ॒श्विना

Halfverse: d     ॑उ॒त त्वष्टो॒त विभ्वानु॑ मँसते ।।
   उ॒त त्वष्टा उ॒त विभ्वा अनु मंसते ।।
   उ॒त त्वष्टा उ॒त विभ्वानु मंसते ।।


Verse: 5 
Halfverse: a    उ॒त त्यन्नो॒ मारु॑तं॒ शर्ध॒ आ ग॑मद्दिविक्ष॒यं य॑ज॒तम्ब॒र्हिरा॒सदे॑ ।
   उ॒त त्यन्नो॒ मारु॑तं॒ शर्ध॒ आ ग॑मद्
   उ॒त त्यत् नः मारु॑तम् शर्धः आ ग॑मत्
   उ॒त त्यन् नो मारु॑तं शर्ध आ ग॑मद्

Halfverse: b    दिविक्ष॒यं य॑ज॒तम्ब॒र्हिरा॒सदे॑ ।
   दि॑विक्ष॒यम् यज॒तम् ब॒र्हिः आ॒सदे ।
   दि॑विक्ष॒यं य॑ज॒तम् ब॒र्हिर् आ॒सदे ।

Halfverse: c    बृह॒स्पतिः॒ शर्म॑ पू॒षोत नो॑ यमद्वरू॒थ्यं॒ वरु॑णो मि॒त्रो अ॑र्य॒मा ।।
   बृह॒स्पतिः॒ शर्म॑ पू॒षोत नो॑ यमद्
   बृह॒स्पतिः शर्म पू॒षा उ॒त नः यमत्
   बृह॒स्पतिः शर्म पू॒षोत नो यमद्

Halfverse: d    वरू॒थ्यं॒ वरु॑णो मि॒त्रो अ॑र्य॒मा ।।
   व॑रू॒थ्य॑म् वरु॑णः मि॒त्रः अ॑र्य॒मा ।।
   व॑रू॒थियं वरु॑णो मि॒त्रो अ॑र्य॒मा ।।


Verse: 6 
Halfverse: a    उ॒त त्ये नः॒ पर्व॑तासः सुश॒स्तयः॑ सुदी॒तयो॑ न॒द्य॒स्त्राम॑णे भुवन् ।
   उ॒त त्ये नः॒ पर्व॑तासः सुश॒स्तयः
   उ॒त त्ये नः पर्व॑तासः सुश॒स्तयः
   उ॒त त्ये नः पर्व॑तासः सुश॒स्तयः

Halfverse: b    सुदी॒तयो॑ न॒द्य॒स्त्राम॑णे भुवन् ।
   सु॑दी॒तयः न॒द्यः त्राम॑णे भुवन् ।
   सु॑दी॒तयो न॒दिय॑स् त्राम॑णे भुवन् ।

Halfverse: c    भगो॑ विभ॒क्ता शव॒साव॒सा ग॑मदुरु॒व्यचा॒ अदि॑तिः श्रोतु मे॒ हव॑म् ।।
   भगो॑ विभ॒क्ता शव॒साव॒सा ग॑मद्
   भगः विभ॒क्ता शव॑सा अव॑सा आ ग॑मत्
   भगो विभ॒क्ता शव॒साव॒सा ग॑मद्

Halfverse: d    उरु॒व्यचा॒ अदि॑तिः श्रोतु मे॒ हव॑म् ।।
   उ॑रु॒व्यचाः अदि॑तिः श्रोतु मे हव॑म् ।।
   उ॑रु॒व्यचा अदि॑तिः श्रोतु मे हव॑म् ।।


Verse: 7 
Halfverse: a    दे॒वाना॒म्पत्नी॑रुश॒तीर॑वन्तु नः॒ प्राव॑न्तु नस्तु॒जये॒ वाज॑सातये ।
   दे॒वाना॒म्पत्नी॑रुश॒तीर॑वन्तु नः
   दे॒वाना॑म् पत्नीः उश॒तीः अ॑वन्तु नः
   दे॒वाना॑म् पत्नी॑र् उश॒तीर् अवन्तु नः

Halfverse: b    प्राव॑न्तु नस्तु॒जये॒ वाज॑सातये ।
   प्र अ॑वन्तु नः तु॒जये वाज॑सातये ।
   प्राव॑न्तु नस् तु॒जये वाज॑सातये ।

Halfverse: c    याः पार्थि॑वासो॒ या अ॒पामपि॑ व्र॒ते ता नो॑ देवीः सुहवाः॒ शर्म॑ यछत ।।
   याः पार्थि॑वासो॒ या अ॒पामपि॑ व्र॒ते
   याः पार्थि॑वासः याः अ॒पाम् अपि व्र॒ते
   याः पार्थि॑वासो या अ॒पाम् अपि व्र॒ते

Halfverse: d    ता नो॑ देवीः सुहवाः॒ शर्म॑ यछत ।।
   ता नः देवीः सुहवाः शर्म यछत ।।
   ता नो देवीः सुहवाः शर्म यछत ।।


Verse: 8 
Halfverse: a    उ॒त ग्ना व्य॑न्तु दे॒वप॑त्नीरिन्द्रा॒ण्य॒ग्नाय्य॒श्विनी॒ राट् ।
   उ॒त ग्ना व्य॑न्तु दे॒वप॑त्नीर्
   उ॒त ग्नाः व्य॑न्तु दे॒वप॑त्नीः
   उ॒त ग्नाअ वि॑यन्तु दे॒वप॑त्नीर्

Halfverse: b    इन्द्रा॒ण्य॒ग्नाय्य॒श्विनी॒ राट् ।
   इ॑न्द्रा॒णी अ॒ग्नायी अ॒श्विनी राट् ।
   इ॑न्द्रा॒णी ? अ॒ग्नायी अ॒श्विनी राट् ।

Halfverse: c    आ रोद॑सी वरुणा॒नी शृ॑णोतु॒ व्यन्तु॑ दे॒वीर्य ऋ॒तुर्जनी॑नाम् ।।
   आ रोद॑सी वरुणा॒नी शृ॑णोतु
   आ रोद॑सी वरुणा॒नी शृ॑णोतु
   आ रोद॑सी वरुणा॒नी शृ॑णोतु

Halfverse: d    व्यन्तु॑ दे॒वीर्य ऋ॒तुर्जनी॑नाम् ।।
   व्यन्तु दे॒वीः यः ऋ॒तुः जनी॑नाम् ।।
   विअन्तु दे॒वीर् य ऋ॒तुर् जनी॑नाम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.