TITUS
Rg-Veda: Rg-Veda-Samhita
Part No. 401
Previous part

Hymn: 47_(401) 
Verse: 1 
Halfverse: a    प्र॑युञ्ज॒ती दि॒व ए॑ति ब्रुवा॒णा म॒ही मा॒ता दु॑हि॒तुर्बो॒धय॑न्ती ।
   प्र॑युञ्ज॒ती दि॒व ए॑ति ब्रुवा॒णा
   प्र॑युञ्ज॒ती दि॒वः ए॑ति ब्रुवा॒णा
   प्र॑युञ्ज॒ती दि॒व ए॑ति ब्रुवा॒णा

Halfverse: b    म॒ही मा॒ता दु॑हि॒तुर्बो॒धय॑न्ती ।
   म॒ही मा॒ता दु॑हि॒तुः बो॒धय॑न्ती ।
   म॒ही मा॒ता दु॑हि॒तुर् बो॒धय॑न्ती ।

Halfverse: c    आ॒विवा॑सन्ती युव॒तिर्म॑नी॒षा पि॒तृभ्य॒ आ सद॑ने॒ जोहु॑वाना ।।
   आ॒विवा॑सन्ती युव॒तिर्म॑नी॒षा
   आ॒विवा॑सन्ती युव॒तिः म॑नी॒षा
   आ॒विवा॑सन्ती युव॒तिर् मनी॒षा

Halfverse: d    पि॒तृभ्य॒ आ सद॑ने॒ जोहु॑वाना ।।
   पि॒तृभ्यः आ सद॑ने जोहु॑वाना ।।
   पि॒तृभ्य आ सद॑ने जोहु॑वाना ।।


Verse: 2 
Halfverse: a    अ॑जि॒रास॒स्तद॑प॒ ईय॑माना आतस्थि॒वाँसो॑ अ॒मृत॑स्य॒ नाभि॑म् ।
   अ॑जि॒रास॒स्तद॑प॒ ईय॑माना
   अजि॒रासः तद॑पः ईय॑मानाः
   अजि॒रास॑स् तद॑प ईय॑माना

Halfverse: b    आतस्थि॒वाँसो॑ अ॒मृत॑स्य॒ नाभि॑म् ।
   आ॑तस्थि॒वांसः अ॒मृत॑स्य नाभि॑म् ।
   आ॑तस्थि॒वांसो अ॒मृत॑स्य नाभि॑म् ।

Halfverse: c    अ॑न॒न्तास॑ उ॒रवो॑ वि॒श्वतः॑ सी॒म्परि॒ द्यावा॑पृथि॒वी य॑न्ति॒ पन्थाः॑ ।।
   अ॑न॒न्तास॑ उ॒रवो॑ वि॒श्वतः॑ सीम्
   अन॒न्तासः उ॒रवः वि॒श्वतः सीम्
   अन॒न्तास उ॒रवो वि॒श्वतः सीम्

Halfverse: d    परि॒ द्यावा॑पृथि॒वी य॑न्ति॒ पन्थाः॑ ।।
   परि द्यावा॑पृथि॒वी य॑न्ति पन्थाः ।।
   परि द्यावा॑पृथि॒वी य॑न्ति पन्थाः ।।


Verse: 3 
Halfverse: a    उ॒क्षा स॑मु॒द्रो अ॑रु॒षः सु॑प॒र्णः पूर्व॑स्य॒ योनि॑म्पि॒तुरा वि॑वेश ।
   उ॒क्षा स॑मु॒द्रो अ॑रु॒षः सु॑प॒र्णः
   उ॒क्षा स॑मु॒द्रः अ॑रु॒षः सु॑प॒र्णः
   उ॒क्षा स॑मु॒द्रो अ॑रु॒षः सु॑प॒र्णः

Halfverse: b    पूर्व॑स्य॒ योनि॑म्पि॒तुरा वि॑वेश ।
   पूर्व॑स्य योनि॑म् पि॒तुः आ वि॑वेश ।
   पूर्व॑स्य योनि॑म् पि॒तुर् आ वि॑वेश ।

Halfverse: c    मध्ये॑ दि॒वो निहि॑तः॒ पृश्नि॒रश्मा॒ वि च॑क्रमे॒ रज॑सस्पा॒त्यन्तौ॑ ।।
   मध्ये॑ दि॒वो निहि॑तः॒ पृश्नि॒रश्मा
   मध्ये दि॒वः निहि॑तः पृश्निः अश्मा
   मध्ये दि॒वो निहि॑तः पृश्नि॑र् अश्मा

Halfverse: d    वि च॑क्रमे॒ रज॑सस्पा॒त्यन्तौ॑ ।।
   वि च॑क्रमे रज॑सः पाति अन्तौ ।।
   वि च॑क्रमे रज॑सस् पाति अन्तौ ।।


Verse: 4 
Halfverse: a    च॒त्वार॑ ईम्बिभ्रति क्षेम॒यन्तो॒ दश॒ गर्भं॑ च॒रसे॑ धापयन्ते ।
   च॒त्वार॑ ईम्बिभ्रति क्षेम॒यन्तो
   च॒त्वारः ईम् बिभ्रति क्षेम॒यन्तः
   च॒त्वार ईम् बिभ्रति क्षेम॒यन्तो

Halfverse: b    दश॒ गर्भं॑ च॒रसे॑ धापयन्ते ।
   दश गर्भ॑म् च॒रसे धापयन्ते ।
   दश गर्भं च॒रसे धापयन्ते ।

Halfverse: c    त्रि॒धात॑वः पर॒मा अ॑स्य॒ गावो॑ दि॒वश्च॑रन्ति॒ परि॑ स॒द्यो अन्ता॑न् ।।
   त्रि॒धात॑वः पर॒मा अ॑स्य॒ गावो
   त्रि॒धात॑वः पर॒माः अ॑स्य गावः
   त्रि॒धात॑वः पर॒मा अ॑स्य गावो

Halfverse: d    दि॒वश्च॑रन्ति॒ परि॑ स॒द्यो अन्ता॑न् ।।
   दि॒वः च॑रन्ति परि स॒द्यः अन्ता॑न् ।।
   दि॒वश् चरन्ति परि स॒द्यो अन्ता॑न् ।।


Verse: 5 
Halfverse: a    इ॒दं वपु॑र्नि॒वच॑नं जनास॒श्चर॑न्ति॒ यन्न॒द्य॑स्त॒स्थुरापः॑ ।
   इ॒दं वपु॑र्नि॒वच॑नं जनासश्
   इ॒दम् वपुः नि॒वच॑नम् जनासः
   इ॒दं वपु॑र् नि॒वच॑नं जनासश्

Halfverse: b    चर॑न्ति॒ यन्न॒द्य॑स्त॒स्थुरापः॑ ।
   चर॑न्ति यत् न॒द्यः त॒स्थुः आपः ।
   चर॑न्ति यन् न॒दिय॑स् त॒स्थुर् आपः ।

Halfverse: c    द्वे यदी॑म्बिभृ॒तो मा॒तुर॒न्ये इ॒हेह॑ जा॒ते य॒म्या॒ सब॑न्धू ।।
   द्वे यदी॑म्बिभृ॒तो मा॒तुर॒न्ये
   द्वे यत् ईम् बिभृ॒तः मा॒तुः अ॒न्ये
   दु॒वे यद् ईम् बिभृ॒तो मा॒तुर् अ॒न्ये

Halfverse: d    इ॒हेह॑ जा॒ते य॒म्या॒ सब॑न्धू ।।
   इ॒हेह जा॒ते य॒म्या सब॑न्धू ।।
   इ॒हेह जा॒ते य॒मिया सब॑न्धू ।।


Verse: 6 
Halfverse: a    वि त॑न्वते॒ धियो॑ अस्मा॒ अपाँ॑सि॒ वस्त्रा॑ पु॒त्राय॑ मा॒तरो॑ वयन्ति ।
   वि त॑न्वते॒ धियो॑ अस्मा॒ अपाँ॑सि
   वि त॑न्वते धियः अस्मै अपां॑सि
   वि त॑न्वते धियो अस्मा अपां॑सि

Halfverse: b    वस्त्रा॑ पु॒त्राय॑ मा॒तरो॑ वयन्ति ।
   वस्त्रा पु॒त्राय मा॒तरः वयन्ति ।
   वस्त्रा पु॒त्राय मा॒तरो वयन्ति ।

Halfverse: c    उ॑पप्र॒क्षे वृष॑णो॒ मोद॑माना दि॒वस्प॒था व॒ध्वो॑ य॒न्त्यछ॑ ।।
   उ॑पप्र॒क्षे वृष॑णो॒ मोद॑माना
   उपप्र॒क्षे वृष॑णः मोद॑मानाः
   उपप्र॒क्षे वृष॑णो मोद॑माना

Halfverse: d    दि॒वस्प॒था व॒ध्वो॑ य॒न्त्यछ॑ ।।
   दि॒वः प॒था व॒ध्वः यन्ति अछ ।।
   दि॒वस् प॒था व॒धुवो यन्ति अछ ।।


Verse: 7 
Halfverse: a    तद॑स्तु मित्रावरुणा॒ तद॑ग्ने॒ शं योर॒स्मभ्य॑मि॒दम॑स्तु श॒स्तम् ।
   तद॑स्तु मित्रावरुणा॒ तद॑ग्ने
   तत् अस्तु मित्रावरुणा तत् अग्ने
   तद् अस्तु मित्रावरुणा तद् अग्ने

Halfverse: b    शं योर॒स्मभ्य॑मि॒दम॑स्तु श॒स्तम् ।
   शम् योः अ॒स्मभ्य॑म् इ॒दम् अस्तु श॒स्तम् ।
   शं योर् अ॒स्मभ्य॑म् इ॒दम् अस्तु श॒स्तम् ।

Halfverse: c    अ॑शी॒महि॑ गा॒धमु॒त प्र॑ति॒ष्ठां नमो॑ दि॒वे बृ॑ह॒ते साद॑नाय ।।
   अ॑शी॒महि॑ गा॒धमु॒त प्र॑ति॒ष्ठां
   अ॑शी॒महि गा॒धम् उ॒त प्र॑ति॒ष्ठाम्
   अशी॒महि गा॒धम् उ॒त प्र॑ति॒ष्ठां

Halfverse: d    नमो॑ दि॒वे बृ॑ह॒ते साद॑नाय ।।
   नमः दि॒वे बृ॑ह॒ते साद॑नाय ।।
   नमो दि॒वे बृ॑ह॒ते साद॑नाय ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.