TITUS
Rg-Veda: Rg-Veda-Samhita
Part No. 403
Previous part

Hymn: 49_(403) 
Verse: 1 
Halfverse: a    दे॒वं वो॑ अ॒द्य स॑वि॒तार॒मेषे॒ भगं॑ च॒ रत्नं॑ वि॒भज॑न्तमा॒योः ।
   दे॒वं वो॑ अ॒द्य स॑वि॒तार॒मेषे
   दे॒वम् वः अ॒द्य स॑वि॒तार॑म् आ ई॑षे
   दे॒वं वो अ॒द्य स॑वि॒तार॑म् एषे

Halfverse: b    भगं॑ च॒ रत्नं॑ वि॒भज॑न्तमा॒योः ।
   भग॑म् च रत्न॑म् वि॒भज॑न्तम् आ॒योः ।
   भगं च रत्नं वि॒भज॑न्तम् आ॒योः ।

Halfverse: c    आ वां॑ नरा पुरुभुजा ववृत्यां दि॒वेदि॑वे चिदश्विना सखी॒यन् ।।
   आ वां॑ नरा पुरुभुजा ववृत्यां
   आ वा॑म् नरा पुरुभुजा ववृत्याम्
   आ वां नरा पुरुभुजा ववृत्यां

Halfverse: d    दि॒वेदि॑वे चिदश्विना सखी॒यन् ।।
   दि॒वेदि॑वे चित् अश्विना सखी॒यन् ।।
   दि॒वेदि॑वे चिद् अश्विना सखी॒यन् ।।


Verse: 2 
Halfverse: a    प्रति॑ प्र॒याण॒मसु॑रस्य वि॒द्वान्सू॒क्तैर्दे॒वं स॑वि॒तारं॑ दुवस्य ।
   प्रति॑ प्र॒याण॒मसु॑रस्य वि॒द्वान्
   प्रति प्र॒याण॑म् असु॑रस्य वि॒द्वान्
   प्रति प्र॒याण॑म् असु॑रस्य वि॒द्वान्

Halfverse: b    सू॒क्तैर्दे॒वं स॑वि॒तारं॑ दुवस्य ।
   सू॒क्तैः दे॒वम् सवि॒तार॑म् दुवस्य ।
   सू॒क्तैर् दे॒वं स॑वि॒तारं दुवस्य ।

Halfverse: c    उप॑ ब्रुवीत॒ नम॑सा विजा॒नञ्ज्येष्ठं॑ च॒ रत्नं॑ वि॒भज॑न्तमा॒योः ।।
   उप॑ ब्रुवीत॒ नम॑सा विजा॒नञ्
   उप ब्रुवीत नम॑सा विजा॒नन्
   उप ब्रुवीत नम॑सा विजा॒नञ्

Halfverse: d    ज्येष्ठं॑ च॒ रत्नं॑ वि॒भज॑न्तमा॒योः ।।
   ज्येष्ठ॑म् च रत्न॑म् वि॒भज॑न्तम् आ॒योः ।।
   ज्येष्ठं च रत्नं वि॒भज॑न्तम् आ॒योः ।।


Verse: 3 
Halfverse: a    अ॑दत्र॒या द॑यते॒ वार्या॑णि पू॒षा भगो॒ अदि॑ति॒र्वस्त॑ उ॒स्रः ।
   अ॑दत्र॒या द॑यते॒ वार्या॑णि
   अदत्र॒या द॑यते वार्या॑णि
   अदत्र॒या द॑यते वारि॑याणि

Halfverse: b    पू॒षा भगो॒ अदि॑ति॒र्वस्त॑ उ॒स्रः ।
   पू॒षा भगः अदि॑तिः वस्तो ! उ॒स्रः ।
   पू॒षा भगो अदि॑तिर् वस्त उ॒स्रः ।

Halfverse: c    इन्द्रो॒ विष्णु॒र्वरु॑णो मि॒त्रो अ॒ग्निरहा॑नि भ॒द्रा ज॑नयन्त द॒स्माः ।।
   इन्द्रो॒ विष्णु॒र्वरु॑णो मि॒त्रो अ॒ग्निर्
   इन्द्रः विष्णुः वरु॑णः मि॒त्रः अ॒ग्निः
   इन्द्रो विष्णु॑र् वरु॑णो मि॒त्रो अ॒ग्निर्

Halfverse: d    अहा॑नि भ॒द्रा ज॑नयन्त द॒स्माः ।।
   अहा॑नि भ॒द्रा ज॑नयन्त द॒स्माः ।।
   अहा॑नि भ॒द्रा ज॑नयन्त द॒स्माः ।।


Verse: 4 
Halfverse: a    तन्नो॑ अन॒र्वा स॑वि॒ता वरू॑थं॒ तत्सिन्ध॑व इ॒षय॑न्तो॒ अनु॑ ग्मन् ।
   तन्नो॑ अन॒र्वा स॑वि॒ता वरू॑थं
   तत् नः अन॒र्वा स॑वि॒ता वरू॑थम्
   तन् नो अन॒र्वा स॑वि॒ता वरू॑थं

Halfverse: b    तत्सिन्ध॑व इ॒षय॑न्तो॒ अनु॑ ग्मन् ।
   तत् सिन्ध॑वः इ॒षय॑न्तः अनु ग्मन् ।
   तत् सिन्ध॑व इ॒षय॑न्तो अनु ग्मन् ।

Halfverse: c    उप॒ यद्वोचे॑ अध्व॒रस्य॒ होता॑ रा॒यः स्या॑म॒ पत॑यो॒ वाज॑रत्नाः ।।
   उप॒ यद्वोचे॑ अध्व॒रस्य॒ होता
   उप यत् वोचे अध्व॒रस्य होता
   उप यद् वोचे अध्व॒रस्य होता

Halfverse: d    रा॒यः स्या॑म॒ पत॑यो॒ वाज॑रत्नाः ।।
   रा॒यः स्या॑म पत॑यः वाज॑रत्नाः ।।
   रा॒यः स्या॑म पत॑यो वाज॑रत्नाः ।।


Verse: 5 
Halfverse: a    प्र ये वसु॑भ्य॒ ईव॒दा नमो॒ दुर्ये मि॒त्रे वरु॑णे सू॒क्तवा॑चः ।
   प्र ये वसु॑भ्य॒ ईव॒दा नमो॒ दुर्
   प्र ये वसु॑भ्यः ईव॑त् आ नमः दुः
   प्र ये वसु॑भ्य ईव॑द् आ नमो दुर्

Halfverse: b    ये मि॒त्रे वरु॑णे सू॒क्तवा॑चः ।
   ये मि॒त्रे वरु॑णे सू॒क्तवा॑चः ।
   ये मि॒त्रे ? वरु॑णे सू॒क्तवा॑चः ।

Halfverse: c    अवै॒त्वभ्वं॑ कृणु॒ता वरी॑यो दि॒वस्पृ॑थि॒व्योरव॑सा मदेम ।।
   अवै॒त्वभ्वं॑ कृणु॒ता वरी॑यो
   अव एतु अभ्व॑म् कृणु॒त+ वरी॑यः
   अवै॑तु अभ्वं कृणु॒ता वरी॑यो

Halfverse: d    दि॒वस्पृ॑थि॒व्योरव॑सा मदेम ।।
   दि॒वस्पृ॑थि॒व्योः अव॑सा मदेम ।।
   दि॒वस्पृ॑थि॒व्योर् अव॑सा मदेम ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.