TITUS
Rg-Veda: Rg-Veda-Samhita
Part No. 405
Previous part

Hymn: 51_(405) 
Verse: 1 
Halfverse: a    अग्ने॑ सु॒तस्य॑ पी॒तये॒ विश्वै॒रूमे॑भि॒रा ग॑हि ।
   अग्ने॑ सु॒तस्य॑ पी॒तये
   अग्ने सु॒तस्य पी॒तये
   अग्ने सु॒तस्य पी॒तये

Halfverse: b    विश्वै॒रूमे॑भि॒रा ग॑हि ।
   विश्वैः ऊमे॑भिः आ ग॑हि ।
   विश्वै॑र् ऊमे॑भिर् आ ग॑हि ।

Halfverse: c    दे॒वेभि॑र्ह॒व्यदा॑तये ।।
   दे॒वेभि॑र्ह॒व्यदा॑तये ।।
   दे॒वेभिः ह॒व्यदा॑तये ।।
   दे॒वेभि॑र् ह॒व्यदा॑तये ।।


Verse: 2 
Halfverse: a    ऋत॑धीतय॒ आ ग॑त॒ सत्य॑धर्माणो अध्व॒रम् ।
   ऋत॑धीतय॒ आ ग॑त
   ऋत॑धीतयः आ ग॑त
   ऋत॑धीतय आ ग॑त

Halfverse: b    सत्य॑धर्माणो अध्व॒रम् ।
   सत्य॑धर्माणः अध्व॒रम् ।
   सत्य॑धर्माणो अध्व॒रम् ।

Halfverse: c    अ॒ग्नेः पि॑बत जि॒ह्वया॑ ।।
   अ॒ग्नेः पि॑बत जि॒ह्वया॑ ।।
   अ॒ग्नेः पि॑बत जि॒ह्वया ।।
   अ॒ग्नेः पि॑बत जि॒ह्वया ।।


Verse: 3 
Halfverse: a    विप्रे॑भिर्विप्र सन्त्य प्रात॒र्याव॑भि॒रा ग॑हि ।
   विप्रे॑भिर्विप्र सन्त्य
   विप्रे॑भिः विप्र सन्त्य
   विप्रे॑भिर् विप्र सन्तिय

Halfverse: b    प्रात॒र्याव॑भि॒रा ग॑हि ।
   प्रा॑त॒र्याव॑भिः आ ग॑हि ।
   प्रा॑त॒र्याव॑भिर् आ ग॑हि ।

Halfverse: c    दे॒वेभिः॒ सोम॑पीतये ।।
   दे॒वेभिः॒ सोम॑पीतये ।।
   दे॒वेभिः सोम॑पीतये ।।
   दे॒वेभिः सोम॑पीतये ।।


Verse: 4 
Halfverse: a    अ॒यं सोम॑श्च॒मू सु॒तो ऽम॑त्रे॒ परि॑ षिच्यते ।
   अ॒यं सोम॑श्च॒मू सु॒तो
   अ॒यम् सोमः च॒मू सु॒तः
   अ॒यं सोम॑श् च॒मू सु॒तो

Halfverse: b    ऽम॑त्रे॒ परि॑ षिच्यते ।
   अम॑त्रे परि सिच्यते ।
   अम॑त्रे परि षिच्यते ।

Halfverse: c    प्रि॒य इन्द्रा॑य वा॒यवे॑ ।।
   प्रि॒य इन्द्रा॑य वा॒यवे॑ ।।
   प्रि॒यः इन्द्रा॑य वा॒यवे ।।
   प्रि॒य इन्द्रा॑य वा॒यवे ।।


Verse: 5 
Halfverse: a    वाय॒वा या॑हि वी॒तये॑ जुषा॒णो ह॒व्यदा॑तये ।
   वाय॒वा या॑हि वी॒तये
   वायो आ या॑हि वी॒तये
   वाय॑व् आ या॑हि वी॒तये

Halfverse: b    जुषा॒णो ह॒व्यदा॑तये ।
   जु॑षा॒णः ह॒व्यदा॑तये ।
   जु॑षा॒णो ह॒व्यदा॑तये ।

Halfverse: c    पिबा॑ सु॒तस्यान्ध॑सो अ॒भि प्रयः॑ ।।
   पिबा॑ सु॒तस्यान्ध॑सो
   पिब+ सु॒तस्य अन्ध॑सः
   पिबा सु॒तस्य अन्ध॑सो

Halfverse: d    अ॒भि प्रयः॑ ।।
   अ॒भि प्रयः ।।
   अ॒भि प्रयः ।।


Verse: 6 
Halfverse: a    इन्द्र॑श्च वायवेषां सु॒ताना॑म्पी॒तिम॑र्हथः ।
   इन्द्र॑श्च वायवेषां
   इन्द्रः च वायो एषाम्
   इन्द्र॑श् च वायव् एषाअं

Halfverse: b    सु॒ताना॑म्पी॒तिम॑र्हथः ।
   सु॒ताना॑म् पी॒तिम् अर्हथः ।
   सु॒ताना॑म् पी॒तिम् अर्हथः ।

Halfverse: c    ताञ्जु॑षेथामरे॒पसा॑व॒भि प्रयः॑ ।।
   ताञ्जु॑षेथामरे॒पसा॑व्
   तान् जुषेथाम् अरे॒पसौ
   ताञ् जुषेथाम् अरे॒पसा॑व्

Halfverse: d    अ॒भि प्रयः॑ ।।
   अ॒भि प्रयः ।।
   अ॒भि प्रयः ।।


Verse: 7 
Halfverse: a    सु॒ता इन्द्रा॑य वा॒यवे॒ सोमा॑सो॒ दध्या॑शिरः ।
   सु॒ता इन्द्रा॑य वा॒यवे
   सु॒ताः इन्द्रा॑य वा॒यवे
   सु॒ता इन्द्रा॑य वा॒यवे

Halfverse: b    सोमा॑सो॒ दध्या॑शिरः ।
   सोमा॑सः दध्या॑शिरः ।
   सोमा॑सो दधिआ॑शिरः ।

Halfverse: c    नि॒म्नं न य॑न्ति॒ सिन्ध॑वो॒ ऽभि प्रयः॑ ।।
   नि॒म्नं न य॑न्ति॒ सिन्ध॑वो
   नि॒म्नम् न य॑न्ति सिन्ध॑वः
   नि॒म्नं न य॑न्ति सिन्ध॑वो

Halfverse: d    ऽभि प्रयः॑ ।।
   अ॒भि प्रयः ।।
   अ॒भि प्रयः ।।


Verse: 8 
Halfverse: a    स॒जूर्विश्वे॑भिर्दे॒वेभि॑र॒श्विभ्या॑मु॒षसा॑ स॒जूः ।
   स॒जूर्विश्वे॑भिर्दे॒वेभि॑र्
   स॒जूः विश्वे॑भिः दे॒वेभिः
   स॒जूर् विश्वे॑भिर् दे॒वेभि॑र्

Halfverse: b    अ॒श्विभ्या॑मु॒षसा॑ स॒जूः ।
   अ॒श्विभ्या॑म् उ॒षसा स॒जूः ।
   अ॒श्विभ्या॑म् उ॒षसा स॒जूः ।

Halfverse: c    आ या॑ह्यग्ने अत्रि॒वत्सु॒ते र॑ण ।।
   आ या॑ह्यग्ने अत्रि॒वत्
   आ या॑हि अग्ने अत्रि॒वत्
   आ या॑हि अग्ने अत्रि॒वत्

Halfverse: d    सु॒ते र॑ण ।।
   सु॒ते र॑ण ।।
   सु॒ते र॑ण ।।


Verse: 9 
Halfverse: a    स॒जूर्मि॒त्रावरु॑णाभ्यां स॒जूः सोमे॑न॒ विष्णु॑ना ।
   स॒जूर्मि॒त्रावरु॑णाभ्यां
   स॒जूः मि॒त्रावरु॑णाभ्याम्
   स॒जूर् मि॒त्रावरु॑णाभ्यां

Halfverse: b    स॒जूः सोमे॑न॒ विष्णु॑ना ।
   स॒जूः सोमे॑न विष्णु॑ना ।
   स॒जूः सोमे॑न विष्णु॑ना ।

Halfverse: c    आ या॑ह्यग्ने अत्रि॒वत्सु॒ते र॑ण ।।
   आ या॑ह्यग्ने अत्रि॒वत्
   आ या॑हि अग्ने अत्रि॒वत्
   आ या॑हि अग्ने अत्रि॒वत्

Halfverse: d    सु॒ते र॑ण ।।
   सु॒ते र॑ण ।।
   सु॒ते र॑ण ।।


Verse: 10 
Halfverse: a    स॒जूरा॑दि॒त्यैर्वसु॑भिः स॒जूरिन्द्रे॑ण वा॒युना॑ ।
   स॒जूरा॑दि॒त्यैर्वसु॑भिः
   स॒जूः आ॑दि॒त्यैः वसु॑भिः
   स॒जूर् आदि॒त्यैर् वसु॑भिः

Halfverse: b    स॒जूरिन्द्रे॑ण वा॒युना॑ ।
   स॒जूः इन्द्रे॑ण वा॒युना ।
   स॒जूर् इन्द्रे॑ण वा॒युना ।

Halfverse: c    आ या॑ह्यग्ने अत्रि॒वत्सु॒ते र॑ण ।।
   आ या॑ह्यग्ने अत्रि॒वत्
   आ या॑हि अग्ने अत्रि॒वत्
   आ या॑हि अग्ने अत्रि॒वत्

Halfverse: d    सु॒ते र॑ण ।।
   सु॒ते र॑ण ।।
   सु॒ते र॑ण ।।


Verse: 11 
Halfverse: a    स्व॒स्ति नो॑ मिमीताम॒श्विना॒ भगः॑ स्व॒स्ति दे॒व्यदि॑तिरन॒र्वणः॑ ।
   स्व॒स्ति नो॑ मिमीताम॒श्विना॒ भगः
   स्व॒स्ति नः मिमीताम् अ॒श्विना भगः
   सुअ॒स्ति नो मिमीताम् अ॒श्विना भगः

Halfverse: b    स्व॒स्ति दे॒व्यदि॑तिरन॒र्वणः॑ ।
   स्व॒स्ति दे॒वी अदि॑तिः अन॒र्वणः ।
   सुअ॒स्ति दे॒वी अदि॑तिर् अन॒र्वणः ।

Halfverse: c    स्व॒स्ति पू॒षा असु॑रो दधातु नः स्व॒स्ति द्यावा॑पृथि॒वी सु॑चे॒तुना॑ ।।
   स्व॒स्ति पू॒षा असु॑रो दधातु नः
   स्व॒स्ति पू॒षा असु॑रः दधातु नः
   सुअ॒स्ति पू॒षा असु॑रो दधातु नः

Halfverse: d    स्व॒स्ति द्यावा॑पृथि॒वी सु॑चे॒तुना॑ ।।
   स्व॒स्ति द्यावा॑पृथि॒वी सु॑चे॒तुना ।।
   सुअ॒स्ति द्यावा॑पृथि॒वी सु॑चे॒तुना ।।


Verse: 12 
Halfverse: a    स्व॒स्तये॑ वा॒युमुप॑ ब्रवामहै॒ सोमं॑ स्व॒स्ति भुव॑नस्य॒ यस्पतिः॑ ।
   स्व॒स्तये॑ वा॒युमुप॑ ब्रवामहै
   स्व॒स्तये वा॒युम् उप ब्रवामहै
   सुअ॒स्तये वा॒युम् उप ब्रवामहै

Halfverse: b    सोमं॑ स्व॒स्ति भुव॑नस्य॒ यस्पतिः॑ ।
   सोम॑म् स्व॒स्ति भुव॑नस्य यः पतिः ।
   सोमं सुअ॒स्ति भुव॑नस्य यस् पतिः ।

Halfverse: c    बृह॒स्पतिं॒ सर्व॑गणं स्व॒स्तये॑ स्व॒स्तय॑ आदि॒त्यासो॑ भवन्तु नः ।।
   बृह॒स्पतिं॒ सर्व॑गणं स्व॒स्तये
   बृह॒स्पति॑म् सर्व॑गणम् स्व॒स्तये
   बृह॒स्पतिं सर्व॑गणं सुअ॒स्तये

Halfverse: d    स्व॒स्तय॑ आदि॒त्यासो॑ भवन्तु नः ।।
   स्व॒स्तये आदि॒त्यासः भवन्तु नः ।।
   सुअ॒स्तय आदि॒त्यासो भवन्तु नः ।।


Verse: 13 
Halfverse: a    विश्वे॑ दे॒वा नो॑ अ॒द्या स्व॒स्तये॑ वैश्वान॒रो वसु॑र॒ग्निः स्व॒स्तये॑ ।
   विश्वे॑ दे॒वा नो॑ अ॒द्या स्व॒स्तये
   विश्वे दे॒वाः नः अ॒द्य+ स्व॒स्तये
   विश्वे दे॒वा नो अ॒द्या सुअ॒स्तये

Halfverse: b    वैश्वान॒रो वसु॑र॒ग्निः स्व॒स्तये॑ ।
   वै॑श्वान॒रः वसुः अ॒ग्निः स्व॒स्तये ।
   वै॑श्वान॒रो वसु॑र् अ॒ग्निः सुअ॒स्तये ।

Halfverse: c    दे॒वा अ॑वन्त्वृ॒भवः॑ स्व॒स्तये॑ स्व॒स्ति नो॑ रु॒द्रः पा॒त्वँह॑सः ।।
   दे॒वा अ॑वन्त्वृ॒भवः॑ स्व॒स्तये
   दे॒वाः अ॑वन्तु ऋ॒भवः स्व॒स्तये
   दे॒वा अ॑वन्तु ऋ॒भवः सुअ॒स्तये

Halfverse: d    स्व॒स्ति नो॑ रु॒द्रः पा॒त्वँह॑सः ।।
   स्व॒स्ति नः रु॒द्रः पा॑तु अंह॑सः ।।
   सुअ॒स्ति नो रुद॒रः पा॑तु अंह॑सः ।।


Verse: 14 
Halfverse: a    स्व॒स्ति मि॑त्रावरुणा स्व॒स्ति प॑थ्ये रेवति ।
   स्व॒स्ति मि॑त्रावरुणा
   स्व॒स्ति मि॑त्रावरुणा
   सुअ॒स्ति मि॑त्रावरुणा

Halfverse: b    स्व॒स्ति प॑थ्ये रेवति ।
   स्व॒स्ति प॑थ्ये रेवति ।
   सुअ॒स्ति प॑थ्ये रेवति ।

Halfverse: c    स्व॒स्ति न॒ इन्द्र॑श्चा॒ग्निश्च॑ स्व॒स्ति नो॑ अदिते कृधि ।।
   स्व॒स्ति न॒ इन्द्र॑श्चा॒ग्निश्च
   स्व॒स्ति नः इन्द्रः च अ॒ग्निः च
   स्व॒स्ति न इन्द्र॑श् चा॒ग्निश् च

Halfverse: d    स्व॒स्ति नो॑ अदिते कृधि ।।
   स्व॒स्ति नः अदिते कृधि ।।
   स्व॒स्ति नो अदिते कृधि ।।


Verse: 15 
Halfverse: a    स्व॒स्ति पन्था॒मनु॑ चरेम सूर्याचन्द्र॒मसा॑विव ।
   स्व॒स्ति पन्था॒मनु॑ चरेम
   स्व॒स्ति पन्था॑म् अनु चरेम
   स्व॒स्ति पन्था॑म् अनु चरेम

Halfverse: b    सूर्याचन्द्र॒मसा॑विव ।
   सू॑र्याचन्द्र॒मसौ इव ।
   सू॑र्याचन्द्र॒मसा॑व् इव ।

Halfverse: c    पुन॒र्दद॒ताघ्न॑ता जान॒ता सं ग॑मेमहि ।।
   पुन॒र्दद॒ताघ्न॑ता
   पुन॑र् दद॑ता अघ्न॑ता
   पुन॑र् दद॑ता अघ्न॑ता

Halfverse: d    जान॒ता सं ग॑मेमहि ।।
   जा॑न॒ता सम् गमेमहि ।।
   जा॑न॒ता सं ग॑मेमहि ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.