TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 406

Hymn: 52_(406)
Verse: 1
Halfverse: a    प्र श्या॑वाश्व धृष्णु॒यार्चा॑ म॒रुद्भि॒रृक्व॑भिः ।
   प्र श्या॑वाश्व धृष्णु॒या
   प्र श्या॑वाश्व धृष्णु॒या
   प्र श्या॑वअश्व धृष्णु॒या

Halfverse: b     अर्चा॑ म॒रुद्भि॒रृक्व॑भिः ।
   अर्च+ म॒रुद्भिः ऋक्व॑भिः ।
   अर्चा म॒रुद्भि॑र् ऋक्व॑भिः ।

Halfverse: c    ये अ॑द्रो॒घम॑नुष्व॒धं श्रवो॒ मद॑न्ति य॒ज्ञियाः॑ ।।
   ये अ॑द्रो॒घम॑नुष्व॒धं
   ये अ॑द्रो॒घम् अनुष्व॒धम्
   ये अ॑द्रो॒घम् अनुष्व॒धं

Halfverse: d    श्रवो॒ मद॑न्ति य॒ज्ञियाः॑ ।।
   श्रवः मद॑न्ति य॒ज्ञियाः ।।
   श्रवो मद॑न्ति य॒ज्ञियाः ।।

Verse: 2
Halfverse: a    ते हि स्थि॒रस्य॒ शव॑सः॒ सखा॑यः॒ सन्ति॑ धृष्णु॒या ।
   ते हि स्थि॒रस्य॒ शव॑सः
   ते हि स्थि॒रस्य शव॑सः
   ते हि स्थि॒रस्य शव॑सः

Halfverse: b    सखा॑यः॒ सन्ति॑ धृष्णु॒या ।
   सखा॑यः सन्ति धृष्णु॒या ।
   सखा॑यः सन्ति धृष्णु॒या ।

Halfverse: c    ते याम॒न्ना धृ॑ष॒द्विन॒स्त्मना॑ पान्ति॒ शश्व॑तः ।।
   ते याम॒न्ना धृ॑ष॒द्विन॑स्
   ते याम॑न् आ धृ॑ष॒द्विनः
   ते याम॑न्न् आ धृ॑ष॒द्विन॑स्

Halfverse: d    त्मना॑ पान्ति॒ शश्व॑तः ।।
   त्मना पान्ति शश्व॑तः ।।
   त्मना पाअन्ति शश्व॑तः ।।

Verse: 3
Halfverse: a    ते स्य॒न्द्रासो॒ नोक्षणो ऽति॑ ष्कन्दन्ति॒ शर्व॑रीः ।
   ते स्य॒न्द्रासो॒ नोक्षणो
   ते स्य॒न्द्रासः न उ॒क्षणः
   ते स्य॒न्द्रासो न उ॒क्षणो

Halfverse: b    ऽति ष्कन्दन्ति॒ शर्व॑रीः ।
   अति स्कन्दन्ति शर्व॑रीः ।
   अति ष्कन्दन्ति शर्व॑रीः ।

Halfverse: c    म॒रुता॒मधा॒ महो॑ दि॒वि क्ष॒मा च॑ मन्महे ।।
   म॒रुता॒मधा॒ महो
   म॒रुता॑म् अध+ महः
   म॒रुता॑म् अधा महो

Halfverse: d    दि॒वि क्ष॒मा च॑ मन्महे ।।
   दि॒वि क्ष॒मा च मन्महे ।।
   दि॒वि क्ष॒मा च मन्महे ।।

Verse: 4
Halfverse: a    म॒रुत्सु॑ वो दधीमहि॒ स्तोमं॑ य॒ज्ञं च॑ धृष्णु॒या ।
   म॒रुत्सु॑ वो दधीमहि
   म॒रुत्सु वः दधीमहि
   म॒रुत्सु वो दधीमहि

Halfverse: b    स्तोमं॑ य॒ज्ञं च॑ धृष्णु॒या ।
   स्तोम॑म् य॒ज्ञम् च धृष्णु॒या ।
   स्तोमं य॒ज्ञं च धृष्णु॒या ।

Halfverse: c    विश्वे॒ ये मानु॑षा यु॒गा पान्ति॒ मर्त्यं॑ रि॒षः ।।
   विश्वे॒ ये मानु॑षा यु॒गा
   विश्वे ये मानु॑षा यु॒गा
   विश्वे ये मानु॑षा यु॒गा

Halfverse: d    पान्ति॒ मर्त्यं॑ रि॒षः ।।
   पान्ति मर्त्य॑म् रि॒षः ।।
   पाअन्ति मर्ति॑यं रि॒षः ।।

Verse: 5
Halfverse: a    अर्ह॑न्तो॒ ये सु॒दान॑वो॒ नरो॒ असा॑मिशवसः ।
   अर्ह॑न्तो॒ ये सु॒दान॑वो
   अर्ह॑न्तः ये सु॒दान॑वः
   अर्ह॑न्तो ये सु॒दान॑वो

Halfverse: b    नरो॒ असा॑मिशवसः ।
   नरः असा॑मिशवसः ।
   नरो असा॑मिशवसः ।

Halfverse: c    प्र य॒ज्ञं य॒ज्ञिये॑भ्यो दि॒वो अ॑र्चा म॒रुद्भ्यः॑ ।।
   प्र य॒ज्ञं य॒ज्ञिये॑भ्यो
   प्र य॒ज्ञम् य॒ज्ञिये॑भ्यः
   प्र य॒ज्ञं य॒ज्ञिये॑भियो

Halfverse: d    दि॒वो अ॑र्चा म॒रुद्भ्यः॑ ।।
   दि॒वः अ॑र्च+ म॒रुद्भ्यः ।।
   दि॒वो अ॑र्चा म॒रुद्भि॑यः ।।

Verse: 6
Halfverse: a    आ रु॒क्मैरा यु॒धा नर॑ ऋ॒ष्वा ऋ॒ष्टीर॑सृक्षत ।
   आ रु॒क्मैरा यु॒धा नर
   आ रु॒क्मैः आ यु॒धा नरः
   आ रु॒क्मैर् आ यु॒धा नर

Halfverse: b    ऋ॒ष्वा ऋ॒ष्टीर॑सृक्षत ।
   ऋ॒ष्वाः ऋ॒ष्टीः अ॑सृक्षत ।
   ऋ॒ष्वा ऋ॒ष्टीर् असृक्षत ।

Halfverse: c    अन्वे॑नाँ॒ अह॑ वि॒द्युतो॑ म॒रुतो॒ जज्ज॑तीरिव भा॒नुर॑र्त॒ त्मना॑ दि॒वः ।।
   अन्वे॑नाँ॒ अह॑ वि॒द्युतो
   अनु एनान् अह वि॒द्युतः
   अन्व् एनाँ अह वि॒द्युतो

Halfverse: d    म॒रुतो॒ जज्ज॑तीरिव
   म॒रुतः जज्ज॑तीः इव
   म॒रुतो जज्ज॑तीर् इव

Halfverse: e    भा॒नुर॑र्त॒ त्मना॑ दि॒वः ।।
   भा॒नुः अ॑र्त त्मना दि॒वः ।।
   भा॒नुर् अर्त त्मना दि॒वः ।।

Verse: 7
Halfverse: a    ये वा॑वृ॒धन्त॒ पार्थि॑वा॒ य उ॒राव॒न्तरि॑क्ष॒ आ ।
   ये वा॑वृ॒धन्त॒ पार्थि॑वा
   ये वा॑वृ॒धन्त पार्थि॑वाः
   ये वा॑वृ॒धन्त पार्थि॑वा

Halfverse: b    य उ॒राव॒न्तरि॑क्ष॒ आ ।
   ये उ॒रौ अ॒न्तरि॑क्षे आ ।
   य उ॒राव् अ॒न्तरि॑क्ष आ ।

Halfverse: c    वृ॒जने॑ वा न॒दीनां॑ स॒धस्थे॑ वा म॒हो दि॒वः ।।
   वृ॒जने॑ वा न॒दीनां
   वृ॒जने वा न॒दीना॑म्
   वृ॒जने वा न॒दीनाअं

Halfverse: d    स॒धस्थे॑ वा म॒हो दि॒वः ।।
   स॒धस्थे वा म॒हः दि॒वः ।।
   स॒धस्थे वा म॒हो दि॒वः ।।

Verse: 8
Halfverse: a    शर्धो॒ मारु॑त॒मुच्छँ॑स स॒त्यश॑वस॒मृभ्व॑सम् ।
   शर्धो॒ मारु॑त॒मुच्छँ॑स
   शर्धः मारु॑तम् उत् शंस
   शर्धो मारु॑तम् उच् छंस

Halfverse: b    स॒त्यश॑वस॒मृभ्व॑सम् ।
   स॒त्यश॑वसम् ऋभ्व॑सम् ।
   स॒त्यश॑वसम् ऋभ्व॑सम् ।

Halfverse: c    उ॒त स्म॒ ते शु॒भे नरः॒ प्र स्य॒न्द्रा यु॑जत॒ त्मना॑ ।।
   उ॒त स्म॒ ते शु॒भे नरः
   उ॒त स्म ते शु॒भे नरः
   उ॒त स्म ते शु॒भे नरः

Halfverse: d    प्र स्य॒न्द्रा यु॑जत॒ त्मना॑ ।।
   प्र स्य॒न्द्राः यु॑जत त्मना ।।
   प्र स्य॒न्द्रा यु॑जत त्मना ।।

Verse: 9
Halfverse: a    उ॒त स्म॒ ते परु॑ष्ण्या॒मूर्णा॑ वसत शु॒न्ध्यवः॑ ।
   उ॒त स्म॒ ते परु॑ष्ण्याम्
   उ॒त स्म ते परु॑ष्ण्याम्
   उ॒त स्म ते परु॑ष्णियाम्

Halfverse: b    ऊर्णा॑ वसत शु॒न्ध्यवः॑ ।
   ऊर्णाः वसत शु॒न्ध्यवः ।
   ऊर्णा वसत शु॒न्ध्यवः ।

Halfverse: c    उ॒त प॒व्या रथा॑ना॒मद्रि॑म्भिन्द॒न्त्योज॑सा ।।
   उ॒त प॒व्या रथा॑नाम्
   उ॒त प॒व्या रथा॑नाम्
   उ॒त प॒व्या रथा॑नाअम्

Halfverse: d    अद्रि॑म्भिन्द॒न्त्योज॑सा ।।
   अद्रि॑म् भिन्दन्ति ओज॑सा ।।
   अद्रि॑म् भिन्दन्ति ओज॑सा ।।

Verse: 10
Halfverse: a    आप॑थयो॒ विप॑थ॒यो ऽन्त॑स्पथा॒ अनु॑पथाः ।
   आप॑थयो॒ विप॑थ॒यो
   आप॑थयः विप॑थयः
   आप॑थयो विप॑थयो

Halfverse: b    ऽन्तस्पथा॒ अनु॑पथाः ।
   अन्त॑स्पथाः अनु॑पथाः ।
   अन्त॑स्पथा अनु॑पथाः ।

Halfverse: c    ए॒तेभि॒र्मह्यं॒ नाम॑भिर्य॒ज्ञं वि॑ष्टा॒र ओ॑हते ।।
   ए॒तेभि॒र्मह्यं॒ नाम॑भिर्
   ए॒तेभिः मह्य॑म् नाम॑भिः
   ए॒तेभि॑र् मह्य % नाम॑भिर्

Halfverse: d    य॒ज्ञं वि॑ष्टा॒र ओ॑हते ।।
   य॒ज्ञम् विष्टा॒रः ओ॑हते ।।
   य॒ज्ञं वि॑ष्टा॒र ओ॑हते ।।

Verse: 11
Halfverse: a    अधा॒ नरो॒ न्यो॑ह॒ते ऽधा॑ नि॒युत॑ ओहते ।
   अधा॒ नरो॒ न्यो॑ह॒ते
   अध+ नरः नि ओ॑हते
   अधा नरो नि ओ॑हते

Halfverse: b    ऽधा नि॒युत॑ ओहते ।
   अध+ नि॒युतः ओहते ।
   अधा नि॒युत ओहते ।

Halfverse: c    अधा॒ पारा॑वता॒ इति॑ चि॒त्रा रू॒पाणि॒ दर्श्या॑ ।।
   अधा॒ पारा॑वता॒ इति
   अध+ पारा॑वताः इति
   अधा पारा॑वता इति

Halfverse: d    चि॒त्रा रू॒पाणि॒ दर्श्या॑ ।।
   चि॒त्रा रू॒पाणि दर्श्या ।।
   चि॒त्रा रू॒पाणि दर्शि॑या ।।

Verse: 12
Halfverse: a    छ॑न्द॒स्तुभः॑ कुभ॒न्यव॒ उत्स॒मा की॒रिणो॑ नृतुः ।
   छ॑न्द॒स्तुभः॑ कुभ॒न्यव
   छन्द॒स्तुभः कुभ॒न्यवः
   छन्द॒स्तुभः कुभ॒न्यव

Halfverse: b    उत्स॒मा की॒रिणो॑ नृतुः ।
   उत्स॑म् आ की॒रिणः नृतुः ।
   उत्स॑म् आ की॒रिणो नृतुः ।

Halfverse: c    ते मे॒ के चि॒न्न ता॒यव॒ ऊमा॑ आसन्दृ॒शि त्वि॒षे ।।
   ते मे॒ के चि॒न्न ता॒यव
   ते मे के चि॑त् न ता॒यवः
   ते मे के चि॑न् न ता॒यव

Halfverse: d    ऊमा॑ आसन्दृ॒शि त्वि॒षे ।।
   ऊमाः आसन् दृ॒शि त्वि॒षे ।।
   ऊमा आसन् दृ॒शि त्वि॒षे ।।

Verse: 13
Halfverse: a    य ऋ॒ष्वा ऋ॒ष्टिवि॑द्युतः क॒वयः॒ सन्ति॑ वे॒धसः॑ ।
   य ऋ॒ष्वा ऋ॒ष्टिवि॑द्युतः
   ये ऋ॒ष्वाः ऋ॒ष्टिवि॑द्युतः
   य ऋ॒ष्वा ऋ॒ष्टिवि॑द्युतः

Halfverse: b    क॒वयः॒ सन्ति॑ वे॒धसः॑ ।
   क॒वयः सन्ति वे॒धसः ।
   क॒वयः सन्ति वे॒धसः ।

Halfverse: c    तमृ॑षे॒ मारु॑तं ग॒णं न॑म॒स्या र॒मया॑ गि॒रा ।।
   तमृ॑षे॒ मारु॑तं ग॒णं
   तम् ऋषे मारु॑तम् ग॒णम्
   तम् ऋषे मारु॑तं ग॒णं

Halfverse: d    न॑म॒स्या र॒मया॑ गि॒रा ।।
   न॑म॒स्य+ र॒मय+ गि॒रा ।।
   न॑म॒स्या र॒मया गि॒रा ।।

Verse: 14
Halfverse: a    अछ॑ ऋषे॒ मारु॑तं ग॒णं दा॒ना मि॒त्रं न यो॒षणा॑ ।
   अछ॑ ऋषे॒ मारु॑तं ग॒णं
   अछ ऋषे मारु॑तम् ग॒णम्
   अछ र्षे मारु॑तं ग॒णं

Halfverse: b    दा॒ना मि॒त्रं न यो॒षणा॑ ।
   दा॒ना मि॒त्रम् न यो॒षणा ।
   दा॒ना मि॒त्रं न यो॒षणा ।

Halfverse: c    दि॒वो वा॑ धृष्णव॒ ओज॑सा स्तु॒ता धी॒भिरि॑षण्यत ।।
   दि॒वो वा॑ धृष्णव॒ ओज॑सा
   दि॒वः वा धृष्णवः ओज॑सा
   दि॒वो वा धृष्णव ओज॑सा

Halfverse: d    स्तु॒ता धी॒भिरि॑षण्यत ।।
   स्तु॒ताः धी॒भिः इ॑षण्यत ।।
   स्तु॒ता धी॒भिर् इषण्यत ।।

Verse: 15
Halfverse: a    नू म॑न्वा॒न ए॑षां दे॒वाँ अछा॒ न व॒क्षणा॑ ।
   नू म॑न्वा॒न ए॑षां
   नु+ म॑न्वा॒नः ए॑षाम्
   नू म॑न्वा॒न ए॑षाअं

Halfverse: b    दे॒वाँ अछा॒ न व॒क्षणा॑ ।
   दे॒वान् अछ+ न व॒क्षणा ।
   दे॒वाँ अछा न व॒क्षणा ।

Halfverse: c    दा॒ना स॑चेत सू॒रिभि॒र्याम॑श्रुतेभिर॒ञ्जिभिः॑ ।।
   दा॒ना स॑चेत सू॒रिभि॑र्
   दा॒ना स॑चेत सू॒रिभिः
   दा॒ना स॑चेत सू॒रिभि॑र्

Halfverse: d    याम॑श्रुतेभिर॒ञ्जिभिः॑ ।।
   याम॑श्रुतेभिः अ॒ञ्जिभिः ।।
   याम॑श्रुतेभिर् अ॒ञ्जिभिः ।।

Verse: 16
Halfverse: a    प्र ये मे॑ बन्ध्वे॒षे गां वोच॑न्त सू॒रयः॒ पृश्निं॑ वोचन्त मा॒तर॑म् ।
   प्र ये मे॑ बन्ध्वे॒षे
   प्र ये मे बन्ध्वे॒षे
   प्र ये मे बन्धुए॒षे

Halfverse: b    गां वोच॑न्त सू॒रयः
   गाम् वोच॑न्त सू॒रयः
   गाअं वोच॑न्त सू॒रयः

Halfverse: c    पृश्निं॑ वोचन्त मा॒तर॑म् ।
   पृश्नि॑म् वोचन्त मा॒तर॑म् ।
   पृश्निं वोचन्त मा॒तर॑म् ।

Halfverse: d    अधा॑ पि॒तर॑मि॒ष्मिणं॑ रु॒द्रं वो॑चन्त॒ शिक्व॑सः ।।
   अधा॑ पि॒तर॑मि॒ष्मिणं
   अध+ पि॒तर॑म् इ॒ष्मिण॑म्
   अधा पि॒तर॑म् इ॒ष्मिणं

Halfverse: e    रु॒द्रं वो॑चन्त॒ शिक्व॑सः ।।
   रु॒द्रम् वोचन्त शिक्व॑सः ।।
   रु॒द्रं वो॑चन्त शिक्व॑सः ।।

Verse: 17
Halfverse: a    स॒प्त मे॑ स॒प्त शा॒किन॒ एक॑म्ेका श॒ता द॑दुः ।
   स॒प्त मे॑ स॒प्त शा॒किन
   स॒प्त मे स॒प्त शा॒किनः
   स॒प्त मे स॒प्त शा॒किन

Halfverse: b    एक॑म्ेका श॒ता द॑दुः ।
   एक॑म्ेका श॒ता द॑दुः ।
   एक॑म्ेका श॒ता द॑दुः ।

Halfverse: c    य॒मुना॑या॒मधि॑ श्रु॒तमुद्राधो॒ गव्य॑म्मृजे॒ नि राधो॒ अश्व्य॑म्मृजे ।।
   य॒मुना॑या॒मधि॑ श्रु॒तम्
   य॒मुना॑याम् अधि श्रु॒तम्
   य॒मुना॑याम् अधि श्रु॒तम्

Halfverse: d    उद्राधो॒ गव्य॑म्मृजे
   उत् राधः गव्य॑म् मृजे
   उद् राधो गवि॑यम् मृजे

Halfverse: e    नि राधो॒ अश्व्य॑म्मृजे ।।
   नि राधः अश्व्य॑म् मृजे ।।
   नि राधो अश्वि॑यम् मृजे ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.