TITUS
Rg-Veda: Rg-Veda-Samhita
Part No. 407
Previous part

Hymn: 53_(407) 
Verse: 1 
Halfverse: a    को वे॑द॒ जान॑मेषां॒ को वा॑ पु॒रा सु॒म्नेष्वा॑स म॒रुता॑म् ।
   को वे॑द॒ जान॑मेषां
   कः वे॑द जान॑म् एषाम्
   को वे॑द जान॑म् एषाअं

Halfverse: b    को वा॑ पु॒रा सु॒म्नेष्वा॑स म॒रुता॑म् ।
   कः वा पु॒रा सु॒म्नेषु आस म॒रुता॑म् ।
   को वा पु॒रा सु॒म्नेषु आस म॒रुता॑म् ।

Halfverse: c    यद्यु॑यु॒ज्रे कि॑ला॒स्यः॑ ।।
   यद्यु॑यु॒ज्रे कि॑ला॒स्यः॑ ।।
   यत् युयु॒ज्रे कि॑ला॒स्यः ।।
   यद् युयु॒ज्रे कि॑ला॒सियः ।।


Verse: 2 
Halfverse: a    अैतान्रथे॑षु त॒स्थुषः॒ कः शु॑श्राव क॒था य॑युः ।
   अैतान्रथे॑षु त॒स्थुषः
   आ ए॒तान् रथे॑षु त॒स्थुषः
   अैतान् रथे॑षु त॒स्थुषः

Halfverse: b    कः शु॑श्राव क॒था य॑युः ।
   कः शु॑श्राव क॒था य॑युः ।
   कः शु॑श्राव क॒था य॑युः ।

Halfverse: c    कस्मै॑ सस्रुः सु॒दासे॒ अन्वा॒पय॒ इळा॑भिर्वृ॒ष्टयः॑ स॒ह ।।
   कस्मै॑ सस्रुः सु॒दासे॒ अन्वा॒पय
   कस्मै सस्रुः सु॒दासे अनु आ॒पयः
   कस्मै सस्रुः सु॒दासे अनु आ॒पय

Halfverse: d    इळा॑भिर्वृ॒ष्टयः॑ स॒ह ।।
   इळा॑भिः वृ॒ष्टयः स॒ह ।।
   इळा॑भिर् वृ॒ष्टयः स॒ह ।।


Verse: 3 
Halfverse: a    ते म॑ आहु॒र्य आ॑य॒युरुप॒ द्युभि॒र्विभि॒र्मदे॑ ।
   ते म॑ आहु॒र्य आ॑य॒युर्
   ते मे आहुः ये आ॑य॒युः
   ते म आहुर् य आ॑य॒युर्

Halfverse: b    उप॒ द्युभि॒र्विभि॒र्मदे॑ ।
   उप द्युभिः विभिः मदे ।
   उप द्युभि॑र् विभि॑र् मदे ।

Halfverse: c    नरो॒ मर्या॑ अरे॒पस॑ इ॒मान्पश्य॒न्निति॑ ष्टुहि ।।
   नरो॒ मर्या॑ अरे॒पस
   नरः मर्याः अरे॒पसः
   नरो मर्या अरे॒पस

Halfverse: d    इ॒मान्पश्य॒न्निति॑ ष्टुहि ।।
   इ॒मान् पश्य॑न् इति स्तुहि ।।
   इ॒मान् पश्य॑न्न् इति ष्टुहि ।।


Verse: 4 
Halfverse: a    ये अ॒ञ्जिषु॒ ये वाशी॑षु॒ स्वभा॑नवः स्र॒क्षु रु॒क्मेषु॑ खा॒दिषु॑ ।
   ये अ॒ञ्जिषु॒ ये वाशी॑षु॒ स्वभा॑नवः
   ये अ॒ञ्जिषु ये वाशी॑षु स्वभा॑नवः
   ये अ॒ञ्जिषु ये वाशी॑षु स्वभा॑नवः

Halfverse: b    स्र॒क्षु रु॒क्मेषु॑ खा॒दिषु॑ ।
   स्र॒क्षु रु॒क्मेषु खा॒दिषु ।
   स्र॒क्षु रु॒क्मेषु खा॒दिषु ।

Halfverse: c    श्रा॒या रथे॑षु॒ धन्व॑सु ।।
   श्रा॒या रथे॑षु॒ धन्व॑सु ।।
   श्रा॒याः रथे॑षु धन्व॑सु ।।
   श्रा॒या रथे॑षु धन्व॑सु ।।


Verse: 5 
Halfverse: a    यु॒ष्माकं॑ स्मा॒ रथाँ॒ अनु॑ मु॒दे द॑धे मरुतो जीरदानवः ।
   यु॒ष्माकं॑ स्मा॒ रथाँ॒ अनु
   यु॒ष्माक॑म् स्म+ रथा॑न् अनु
   यु॒ष्माकं स्मा रथाँ अनु

Halfverse: b    मु॒दे द॑धे मरुतो जीरदानवः ।
   मु॒दे द॑धे मरुतः जीरदानवः ।
   मु॒दे द॑धे मरुतो जीरदानवः ।

Halfverse: c    वृ॒ष्टी द्यावो॑ य॒तीरि॑व ।।
   वृ॒ष्टी द्यावो॑ य॒तीरि॑व ।।
   वृ॒ष्टी द्यावः य॒तीः इ॑व ।।
   वृ॒ष्टी द्यावो य॒तीर् इव ।।


Verse: 6 
Halfverse: a    आ यं नरः॑ सु॒दान॑वो ददा॒शुषे॑ दि॒वः कोश॒मचु॑च्यवुः ।
   आ यं नरः॑ सु॒दान॑वो ददा॒शुषे
   आ यम् नरः सु॒दान॑वः ददा॒शुषे
   आ यं नरः सु॒दान॑वो ददा॒शुषे

Halfverse: b    दि॒वः कोश॒मचु॑च्यवुः ।
   दि॒वः कोश॑म् अचु॑च्यवुः ।
   दि॒वः कोश॑म् अचु॑च्यवुः ।

Halfverse: c    वि प॒र्जन्यं॑ सृजन्ति॒ रोद॑सी॒ अनु॒ धन्व॑ना यन्ति वृ॒ष्टयः॑ ।।
   वि प॒र्जन्यं॑ सृजन्ति॒ रोद॑सी॒ अनु
   वि प॒र्जन्य॑म् सृजन्ति रोद॑सी अनु
   वि प॒र्जन्यं सृजन्ति रोद॑सी अनु

Halfverse: d    धन्व॑ना यन्ति वृ॒ष्टयः॑ ।।
   धन्व॑ना यन्ति वृ॒ष्टयः ।।
   धन्व॑ना यन्ति वृ॒ष्टयः ।।


Verse: 7 
Halfverse: a    त॑तृदा॒नाः सिन्ध॑वः॒ क्षोद॑सा॒ रजः॒ प्र स॑स्रुर्धे॒नवो॑ यथा ।
   त॑तृदा॒नाः सिन्ध॑वः॒ क्षोद॑सा॒ रजः
   ततृदा॒नाः सिन्ध॑वः क्षोद॑सा रजः
   ततृदा॒नाः सिन्ध॑वः क्षोद॑सा रजः

Halfverse: b    प्र स॑स्रुर्धे॒नवो॑ यथा ।
   प्र स॑स्रुः धे॒नवः यथा ।
   प्र स॑स्रुर् धे॒नवो यथा ।

Halfverse: c    स्य॒न्ना अश्वा॑ इ॒वाध्व॑नो वि॒मोच॑ने॒ वि यद्वर्त॑न्त ए॒न्यः॑ ।।
   स्य॒न्ना अश्वा॑ इ॒वाध्व॑नो वि॒मोच॑ने
   स्य॒न्नाः अश्वाः इव अध्व॑नः वि॒मोच॑ने
   स्य॒न्ना अश्वा इ॒वाध्व॑नो वि॒मोच॑ने

Halfverse: d    वि यद्वर्त॑न्त ए॒न्यः॑ ।।
   वि यत् वर्त॑न्ते ए॒न्यः ।।
   वि यद् वर्त॑न्त ए॒नियः ।।


Verse: 8 
Halfverse: a    आ या॑त मरुतो दि॒व आन्तरि॑क्षाद॒मादु॒त ।
   आ या॑त मरुतो दि॒व
   आ या॑त मरुतः दि॒वः
   आ या॑त मरुतो दि॒व

Halfverse: b    आन्तरि॑क्षाद॒मादु॒त ।
   आ अ॒न्तरि॑क्षात् अ॒मात् उ॒त ।
   आन्तरि॑क्षाद् अ॒माद् उ॒त ।

Halfverse: c    माव॑ स्थात परा॒वतः॑ ।।
   माव॑ स्थात परा॒वतः॑ ।।
   मा अव स्थात परा॒वतः ।।
   माव स्थात परा॒वतः ।।


Verse: 9 
Halfverse: a    मा वो॑ र॒सानि॑तभा॒ कुभा॒ क्रुमु॒र्मा वः॒ सिन्धु॒र्नि री॑रमत् ।
   मा वो॑ र॒सानि॑तभा॒ कुभा॒ क्रुमु॑र्
   मा वः र॒सा अनि॑तभा कुभा क्रुमुः
   मा वो र॒सा अनि॑तभा कुभा क्रुमु॑र्

Halfverse: b    मा वः॒ सिन्धु॒र्नि री॑रमत् ।
   मा वः सिन्धुः नि री॑रमत् ।
   मा वः सिन्धु॑र् नि री॑रमत् ।

Halfverse: c    मा वः॒ परि॑ ष्ठात्स॒रयुः॑ पुरी॒षिण्य॒स्मे इत् ।!। सु॒म्नम॑स्तु वः ।।
   मा वः॒ परि॑ ष्ठात्स॒रयुः॑ पुरी॒षिण्य्
   मा वः परि स्थात् स॒रयुः पुरी॒षिणी
   मा वः परि ष्ठात् स॒रयुः पुरी॒षिणी

Halfverse: d    अ॒स्मे इत्सु॒म्नम॑स्तु वः ।।
   अ॒स्मे इत् सु॒म्नम् अस्तु वः ।।
   अ॒स्मे इत् सु॒म्नम् अस्तु वः ।।


Verse: 10 
Halfverse: a    तं वः॒ शर्धं॒ रथा॑नां त्वे॒षं ग॒णम्मारु॑तं॒ नव्य॑सीनाम् ।
   तं वः॒ शर्धं॒ रथा॑नां
   तम् वः शर्ध॑म् रथा॑नाम्
   तं वः शर्धं रथा॑नाअं

Halfverse: b    त्वे॒षं ग॒णम्मारु॑तं॒ नव्य॑सीनाम् ।
   त्वे॒षम् ग॒णम् मारु॑तम् नव्य॑सीनाम् ।
   त्वे॒षं ग॒णम् मारु॑तं नव्य॑सीनाअम् ।

Halfverse: c    अनु॒ प्र य॑न्ति वृ॒ष्टयः॑ ।।
   अनु॒ प्र य॑न्ति वृ॒ष्टयः॑ ।।
   अनु प्र य॑न्ति वृ॒ष्टयः ।।
   अनु प्र य॑न्ति वृ॒ष्टयः ।।


Verse: 11 
Halfverse: a    शर्धं॑शर्धं व एषां॒ व्रातं॑व्रातं ग॒णंग॑णं सुश॒स्तिभिः॑ ।
   शर्धं॑शर्धं व एषां
   शर्धं॑शर्धम् वः एषाम्
   शर्धं॑शर्धं व एषाअं

Halfverse: b    व्रातं॑व्रातं ग॒णंग॑णं सुश॒स्तिभिः॑ ।
   व्रातं॑व्रातम् ग॒णंग॑णम् सुश॒स्तिभिः ।
   व्रातं॑व्रातं ग॒णंग॑णं सुश॒स्तिभिः ।

Halfverse: c    अनु॑ क्रामेम धी॒तिभिः॑ ।।
   अनु॑ क्रामेम धी॒तिभिः॑ ।।
   अनु क्रामेम धी॒तिभिः ।।
   अनु क्रामेम धी॒तिभिः ।।


Verse: 12 
Halfverse: a    कस्मा॑ अ॒द्य सुजा॑ताय रा॒तह॑व्याय॒ प्र य॑युः ।
   कस्मा॑ अ॒द्य सुजा॑ताय
   कस्मै अ॒द्य सुजा॑ताय
   कस्मा अ॒द्य सुजा॑ताय

Halfverse: b    रा॒तह॑व्याय॒ प्र य॑युः ।
   रा॒तह॑व्याय प्र य॑युः ।
   रा॒तह॑व्याय प्र य॑युः ।

Halfverse: c    ए॒ना यामे॑न म॒रुतः॑ ।।
   ए॒ना यामे॑न म॒रुतः॑ ।।
   ए॒ना यामे॑न म॒रुतः ।।
   ए॒ना यामे॑न म॒रुतः ।।


Verse: 13 
Halfverse: a    येन॑ तो॒काय॒ तन॑याय धा॒न्य॒म्बीजं॒ वह॑ध्वे॒ अक्षि॑तम् ।
   येन॑ तो॒काय॒ तन॑याय धा॒न्य॑म्
   येन तो॒काय तन॑याय धा॒न्य॑म्
   येन तो॒काय तन॑याय धा॒निय॑म्

Halfverse: b    बीजं॒ वह॑ध्वे॒ अक्षि॑तम् ।
   बीज॑म् वह॑ध्वे अक्षि॑तम् ।
   बीजं वह॑ध्वे अक्षि॑तम् ।

Halfverse: c    अ॒स्मभ्यं॒ तद्ध॑त्तन॒ यद्व॒ ईम॑हे॒ राधो॑ वि॒श्वायु॒ सौभ॑गम् ।।
   अ॒स्मभ्यं॒ तद्ध॑त्तन॒ यद्व॒ ईम॑हे
   अ॒स्मभ्य॑म् तत् धत्तन यत् वः ईम॑हे
   अ॒स्मभ्यं तद् धत्तन यद् व ईम॑हे

Halfverse: d    राधो॑ वि॒श्वायु॒ सौभ॑गम् ।।
   राधः वि॒श्वायु सौभ॑गम् ।।
   राधो वि॒श्वायु सौभ॑गम् ।।


Verse: 14 
Halfverse: a    अती॑याम नि॒दस्ति॒रः स्व॒स्तिभि॑र्हि॒त्वाव॒द्यमरा॑तीः ।
   अती॑याम नि॒दस्ति॒रः स्व॒स्तिभि॑र्
   अति इयाम नि॒दः ति॒रः स्व॒स्तिभिः
   अती॑याम नि॒दस् ति॒रः सुअ॒स्तिभि॑र्

Halfverse: b    हि॒त्वाव॒द्यमरा॑तीः ।
   हि॒त्वा अ॑व॒द्यम् अरा॑तीः ।
   हि॒त्वा अ॑व॒द्यम् अरा॑तीः ।

Halfverse: c    वृ॒ष्ट्वी शं योराप॑ उ॒स्रि भे॑ष॒जं स्याम॑ मरुतः स॒ह ।।
   वृ॒ष्ट्वी शं योराप॑ उ॒स्रि भे॑ष॒जं
   वृ॒ष्ट्वी शम् योः आपः उ॒स्रि भे॑ष॒जम्
   वृष्टु॒वी शं योर् आप उ॒स्रि भे॑ष॒जं

Halfverse: d    स्याम॑ मरुतः स॒ह ।।
   स्याम मरुतः स॒ह ।।
   सि॒याम मरुतः स॒ह ।।


Verse: 15 
Halfverse: a    सु॑दे॒वः स॑महासति सु॒वीरो॑ नरो मरुतः॒ स मर्त्यः॑ ।
   सु॑दे॒वः स॑महासति
   सुदे॒वः स॑मह असति
   सुदे॒वः स॑महासति

Halfverse: b    सु॒वीरो॑ नरो मरुतः॒ स मर्त्यः॑ ।
   सु॒वीरः नरः मरुतः स मर्त्यः ।
   सु॒वीरो नरो मरुतः स मर्ति॑यः ।

Halfverse: c    यं त्राय॑ध्वे॒ स्याम॒ ते ।।
   यं त्राय॑ध्वे॒ स्याम॒ ते ।।
   यम् त्राय॑ध्वे स्याम ते ।।
   यं त्राय॑ध्वे सि॒याम ते ।।


Verse: 16 
Halfverse: a    स्तु॒हि भो॒जान्स्तु॑व॒तो अ॑स्य॒ याम॑नि॒ रण॒न्गावो॒ न यव॑से ।
   स्तु॒हि भो॒जान्स्तु॑व॒तो अ॑स्य॒ याम॑नि
   स्तु॒हि भो॒जान् स्तुव॒तः अ॑स्य याम॑नि
   स्तु॒हि भो॒जान् स्तुव॒तो अ॑स्य याम॑नि

Halfverse: b    रण॒न्गावो॒ न यव॑से ।
   रण॑न् गावः न यव॑से ।
   रण॑न् गावो न यव॑से ।

Halfverse: c    य॒तः पूर्वाँ॑ इव॒ सखीँ॒रनु॑ ह्वय गि॒रा गृ॑णीहि का॒मिनः॑ ।।
   य॒तः पूर्वाँ॑ इव॒ सखीँ॒रनु॑ ह्वय
   य॒तः पूर्वा॑न् इव सखी॑न् अनु ह्वय
   य॒तः पूर्वाँ इव सखीँ॑र् अनु ह्वय

Halfverse: d    गि॒रा गृ॑णीहि का॒मिनः॑ ।।
   गि॒रा गृ॑णीहि का॒मिनः ।।
   गि॒रा गृ॑णीहि का॒मिनः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.