TITUS
Rg-Veda: Rg-Veda-Samhita
Part No. 408
Previous part

Hymn: 54_(408) 
Verse: 1 
Halfverse: a    प्र शर्धा॑य॒ मारु॑ताय॒ स्वभा॑नव इ॒मां वाच॑मनजा पर्वत॒च्युते॑ ।
   प्र शर्धा॑य॒ मारु॑ताय॒ स्वभा॑नव
   प्र शर्धा॑य मारु॑ताय स्वभा॑नवे
   प्र शर्धा॑य मारु॑ताय स्वभा॑नव

Halfverse: b    इ॒मां वाच॑मनजा पर्वत॒च्युते॑ ।
   इ॒माम् वाच॑म् अनजा ! पर्वत॒च्युते ।
   इ॒मां वाच॑म् अनजा पर्वत॒च्युते ।

Halfverse: c    घ॑र्म॒स्तुभे॑ दि॒व आ पृ॑ष्ठ॒यज्व॑ने द्यु॒म्नश्र॑वसे॒ महि॑ नृ॒म्णम॑र्चत ।।
   घ॑र्म॒स्तुभे॑ दि॒व आ पृ॑ष्ठ॒यज्व॑ने
   घर्म॒स्तुभे दि॒वः आ पृ॑ष्ठ॒यज्व॑ने
   घर्म॒स्तुभे दि॒व आ पृ॑ष्ठ॒यज्व॑ने

Halfverse: d    द्यु॒म्नश्र॑वसे॒ महि॑ नृ॒म्णम॑र्चत ।।
   द्यु॒म्नश्र॑वसे महि नृ॒म्णम् अर्चत ।।
   द्यु॒म्नश्र॑वसे महि नृ॒म्णम् अर्चत ।।


Verse: 2 
Halfverse: a    प्र वो॑ मरुतस्तवि॒षा उ॑द॒न्यवो॑ वयो॒वृधो॑ अश्व॒युजः॒ परि॑ज्रयः ।
   प्र वो॑ मरुतस्तवि॒षा उ॑द॒न्यवो
   प्र वः मरुतः तवि॒षाः उ॑द॒न्यवः
   प्र वो मरुतस् तवि॒षा उ॑द॒न्यवो

Halfverse: b    वयो॒वृधो॑ अश्व॒युजः॒ परि॑ज्रयः ।
   व॑यो॒वृधः अश्व॒युजः परि॑ज्रयः ।
   व॑यो॒वृधो अश्व॒युजः परि॑ज्रयः ।

Halfverse: c    सं वि॒द्युता॒ दध॑ति॒ वाश॑ति त्रि॒तः स्वर॒न्त्यापो॒ ऽवना॒ परि॑ज्रयः ।।
   सं वि॒द्युता॒ दध॑ति॒ वाश॑ति त्रि॒तः
   सम् वि॒द्युता दध॑ति वाश॑ति त्रि॒तः
   सं वि॒द्युता दध॑ति वाश॑ति त्रि॒तः

Halfverse: d    स्वर॒न्त्यापो॒ ऽवना॒ परि॑ज्रयः ।।
   स्वर॑न्ति आपः अ॒वना परि॑ज्रयः ।।
   स्वर॑न्ति आपो अ॒वना परि॑ज्रयः ।।


Verse: 3 
Halfverse: a    वि॒द्युन्म॑हसो॒ नरो॒ अश्म॑दिद्यवो॒ वात॑त्विषो म॒रुतः॑ पर्वत॒च्युतः॑ ।
   वि॒द्युन्म॑हसो॒ नरो॒ अश्म॑दिद्यवो
   वि॒द्युन्म॑हसः नरः अश्म॑दिद्यवः
   वि॒द्युन्म॑हसो नरो अश्म॑दिद्यवो

Halfverse: b    वात॑त्विषो म॒रुतः॑ पर्वत॒च्युतः॑ ।
   वात॑त्विषः म॒रुतः पर्वत॒च्युतः ।
   वात॑त्विषो म॒रुतः पर्वत॒च्युतः ।

Halfverse: c    अ॑ब्द॒या चि॒न्मुहु॒रा ह्रा॑दुनी॒वृत॑ स्त॒नय॑दमा रभ॒सा उदो॑जसः ।।
   अ॑ब्द॒या चि॒न्मुहु॒रा ह्रा॑दुनी॒वृत
   अब्द॒या चि॑त् मुहु॑र् आ ह्रा॑दुनी॒वृतः
   अब्द॒या चि॑न् मुहु॑र् आ ह्रा॑दुनी॒वृतः

Halfverse: d    स्त॒नय॑दमा रभ॒सा उदो॑जसः ।।
   स्त॒नय॑दमाः रभ॒साः उदो॑जसः ।।
   स्त॒नय॑दमा रभ॒सा उदो॑जसः ।।


Verse: 4 
Halfverse: a    व्य॒क्तून्रु॑द्रा॒ व्यहा॑नि शिक्वसो॒ व्य॒न्तरि॑क्षं॒ वि रजाँ॑सि धूतयः ।
   व्य॒क्तून्रु॑द्रा॒ व्यहा॑नि शिक्वसो
   वि अ॒क्तून् रुद्राः वि अहा॑नि शिक्वसः
   वि अ॒क्तून् रुद्रा वि अहा॑नि शिक्वसो

Halfverse: b    व्य॒न्तरि॑क्षं॒ वि रजाँ॑सि धूतयः ।
   वि अ॒न्तरि॑क्षम् वि रजां॑सि धूतयः ।
   वि अ॒न्तरि॑क्षं वि रजां॑सि धूतयः ।

Halfverse: c    वि यदज्राँ॒ अज॑थ॒ नाव॑ ईं यथा॒ वि दु॒र्गाणि॑ मरुतो॒ नाह॑ रिष्यथ ।।
   वि यदज्राँ॒ अज॑थ॒ नाव॑ ईं यथा
   वि यत् अज्रा॑न् अज॑थ नावः ईम् यथा
   वि यद् अज्राँ अज॑थ नाव ईं यथा

Halfverse: d    वि दु॒र्गाणि॑ मरुतो॒ नाह॑ रिष्यथ ।।
   वि दु॒र्गाणि मरुतः न अह रिष्यथ ।।
   वि दु॒र्गाणि मरुतो नाह रिष्यथ ।।


Verse: 5 
Halfverse: a    तद्वी॒र्यं॑ वो मरुतो महित्व॒नं दी॒र्घं त॑तान॒ सूर्यो॒ न योज॑नम् ।.। ।
   तद्वी॒र्यं॑ वो मरुतो महित्व॒नं
   तत् वी॒र्य॑म् वः मरुतः महित्व॒नम्
   तद् वी॒रियं वो मरुतो महित्व॒नं

Halfverse: b    दी॒र्घं त॑तान॒ सूर्यो॒ न योज॑नम् ।
   दी॒र्घम् ततान सूर्यः न योज॑नम् ।
   दी॒र्घं त॑तान सूरि॑यो न योज॑नम् ।

Halfverse: c    एता॒ न यामे॒ अगृ॑भीतशोचि॒षो ऽन॑श्वदां॒ यन्न्यया॑तना गि॒रिम् ।।
   एता॒ न यामे॒ अगृ॑भीतशोचि॒षो
   एताः न यामे अगृ॑भीतशोचिषः
   एता न यामे अगृ॑भीतशोचिषो

Halfverse: d    ऽनश्वदां॒ यन्न्यया॑तना गि॒रिम् ।।
   अन॑श्वदाम् यत् नि अया॑तन+ गि॒रिम् ।।
   अन॑श्वदां यन् नि अया॑तना गि॒रिम् ।।


Verse: 6 
Halfverse: a    अभ्रा॑जि॒ शर्धो॑ मरुतो॒ यद॑र्ण॒सम्मोष॑था वृ॒क्षं क॑प॒नेव॑ वेधसः ।
   अभ्रा॑जि॒ शर्धो॑ मरुतो॒ यद॑र्ण॒सम्
   अभ्रा॑जि शर्धः मरुतः यत् अर्ण॒सम्
   अभ्रा॑जि शर्धो मरुतो यद् अर्ण॒सम्

Halfverse: b    मोष॑था वृ॒क्षं क॑प॒नेव॑ वेधसः ।
   मोष॑थ+ वृ॒क्षम् कप॒ना इ॑व वेधसः ।
   मोष॑था वृ॒क्षं क॑प॒नेव वेधसः ।

Halfverse: c    अध॑ स्मा नो अ॒रम॑तिं सजोषस॒श्चक्षु॑रिव॒ यन्त॒मनु॑ नेषथा सु॒गम् ।।
   अध॑ स्मा नो अ॒रम॑तिं सजोषसश्
   अध स्म+ नः अ॒रम॑तिम् सजोषसः
   अध स्मा नो अ॒रम॑तिं सजोषसश्

Halfverse: d    चक्षु॑रिव॒ यन्त॒मनु॑ नेषथा सु॒गम् ।।
   चक्षुः इव यन्त॑म् अनु नेषथ+ सु॒गम् ।।
   चक्षु॑र् ऽव % यन्त॑म् अनु नेषथा सु॒गम् ।।


Verse: 7 
Halfverse: a    न स जी॑यते मरुतो॒ न ह॑न्यते॒ न स्रे॑धति॒ न व्य॑थते॒ न रि॑ष्यति ।
   न स जी॑यते मरुतो॒ न ह॑न्यते
   न स जी॑यते मरुतः न ह॑न्यते
   न स जी॑यते मरुतो न ह॑न्यते

Halfverse: b    न स्रे॑धति॒ न व्य॑थते॒ न रि॑ष्यति ।
   न स्रे॑धति न व्य॑थते न रि॑ष्यति ।
   न स्रे॑धति न व्य॑थते न रि॑ष्यति ।

Halfverse: c    नास्य॒ राय॒ उप॑ दस्यन्ति॒ नोतय॒ ऋषिं॑ वा॒ यं राजा॑नं वा॒ सुषू॑दथ ।।
   नास्य॒ राय॒ उप॑ दस्यन्ति॒ नोतय
   न अ॑स्य रायः उप दस्यन्ति न ऊ॒तयः
   नास्य राय उप दस्यन्ति नोतय

Halfverse: d    ऋषिं॑ वा॒ यं राजा॑नं वा॒ सुषू॑दथ ।।
   ऋषि॑म् वा यम् राजा॑नम् वा सुषू॑दथ ।।
   ऋषिं वा यं राजा॑नं वा सुषू॑दथ ।।


Verse: 8 
Halfverse: a    नि॒युत्व॑न्तो ग्राम॒जितो॒ यथा॒ नरो॑ ऽर्य॒मणो॒ न म॒रुतः॑ कब॒न्धिनः॑ ।
   नि॒युत्व॑न्तो ग्राम॒जितो॒ यथा॒ नरो
   नि॒युत्व॑न्तः ग्राम॒जितः यथा नरः
   नि॒युत्व॑न्तो ग्राम॒जितो यथा नरो

Halfverse: b    ऽर्य॒मणो॒ न म॒रुतः॑ कब॒न्धिनः॑ ।
   अ॑र्य॒मणः न म॒रुतः कब॒न्धिनः ।
   अ॑र्य॒मणो न म॒रुतः कब॒न्धिनः ।

Halfverse: c    पिन्व॒न्त्युत्सं॒ यदि॒नासो॒ अस्व॑र॒न्व्यु॑न्दन्ति पृथि॒वीम्मध्वो॒ अन्ध॑सा ।।
   पिन्व॒न्त्युत्सं॒ यदि॒नासो॒ अस्व॑रन्
   पिन्व॑न्ति उत्स॑म् यत् इ॒नासः अस्व॑रन्
   पिन्व॑न्ति उत्सं यद् इ॒नासो अस्व॑रन्

Halfverse: d    व्यु॑न्दन्ति पृथि॒वीम्मध्वो॒ अन्ध॑सा ।।
   वि उ॑न्दन्ति पृथि॒वीम् मध्वः अन्ध॑सा ।।
   वि उ॑न्दन्ति पृथि॒वीम् मध्वो अन्ध॑सा ।।


Verse: 9 
Halfverse: a    प्र॒वत्व॑ती॒यम्पृ॑थि॒वी म॒रुद्भ्यः॑ प्र॒वत्व॑ती॒ द्यौर्भ॑वति प्र॒यद्भ्यः॑ ।
   प्र॒वत्व॑ती॒यम्पृ॑थि॒वी म॒रुद्भ्यः
   प्र॒वत्व॑ती इ॒यम् पृथि॒वी म॒रुद्भ्यः
   प्र॒वत्व॑ती॒यम् पृथि॒वी म॒रुद्भि॑यः

Halfverse: b    प्र॒वत्व॑ती॒ द्यौर्भ॑वति प्र॒यद्भ्यः॑ ।
   प्र॒वत्व॑ती द्यौः भ॑वति प्र॒यद्भ्यः ।
   प्र॒वत्व॑ती द्यौर् भवति प्र॒यद्भि॑यः ।

Halfverse: c    प्र॒वत्व॑तीः प॒थ्या॑ अ॒न्तरि॑क्ष्याः प्र॒वत्व॑न्तः॒ पर्व॑ता जी॒रदा॑नवः ।।
   प्र॒वत्व॑तीः प॒थ्या॑ अ॒न्तरि॑क्ष्याः
   प्र॒वत्व॑तीः प॒थ्याः अ॒न्तरि॑क्ष्याः
   प्र॒वत्व॑तीः प॒थिया अ॒न्तरि॑क्षियाः

Halfverse: d    प्र॒वत्व॑न्तः॒ पर्व॑ता जी॒रदा॑नवः ।।
   प्र॒वत्व॑न्तः पर्व॑ताः जी॒रदा॑नवः ।।
   प्र॒वत्व॑न्तः पर्व॑ता जी॒रदा॑नवः ।।


Verse: 10 
Halfverse: a    यन्म॑रुतः सभरसः स्वर्णरः॒ सूर्य॒ उदि॑ते॒ मद॑था दिवो नरः ।
   यन्म॑रुतः सभरसः स्वर्णरः
   यत् मरुतः सभरसः स्वर्णरः
   यन् मरुतः सभरसः सुवर्णरः

Halfverse: b    सूर्य॒ उदि॑ते॒ मद॑था दिवो नरः ।
   सूर्ये उदि॑ते मद॑थ+ दिवः नरः ।
   सूर्य उदि॑ते मद॑था दिवो नरः ।

Halfverse: c    न वो ऽश्वाः॑ श्रथय॒न्ताह॒ सिस्र॑तः स॒द्यो अ॒स्याध्व॑नः पा॒रम॑श्नुथ ।।
   न वो ऽश्वाः॑ श्रथय॒न्ताह॒ सिस्र॑तः
   न वः अश्वाः श्रथयन्त अह सिस्र॑तः
   न वो अश्वाः श्रथय॒न्ताह सिस्र॑तः

Halfverse: d    स॒द्यो अ॒स्याध्व॑नः पा॒रम॑श्नुथ ।।
   स॒द्यः अ॑स्य अध्व॑नः पा॒रम् अश्नुथ ।।
   स॒द्यो अ॒स्य अध्व॑नः पा॒रम् अश्नुथ ।।


Verse: 11 
Halfverse: a    अँसे॑षु व ऋ॒ष्टयः॑ प॒त्सु खा॒दयो॒ वक्ष॑स्सु रु॒क्मा म॑रुतो॒ रथे॒ शुभः॑ ।
   अँसे॑षु व ऋ॒ष्टयः॑ प॒त्सु खा॒दयो
   अंसे॑षु वः ऋ॒ष्टयः प॒त्सु खा॒दयः
   अंसे॑षु व ऋ॒ष्टयः प॒त्सु खा॒दयो

Halfverse: b    वक्ष॑स्सु रु॒क्मा म॑रुतो॒ रथे॒ शुभः॑ ।
   वक्ष॑स्सु रु॒क्माः म॑रुतः रथे शुभः ।
   वक्ष॑स्सु रु॒क्मा म॑रुतो रथे शुभः ।

Halfverse: c    अ॒ग्निभ्रा॑जसो वि॒द्युतो॒ गभ॑स्त्योः॒ शिप्राः॑ शी॒र्षसु॒ वित॑ता हिर॒ण्ययीः॑ ।।
   अ॒ग्निभ्रा॑जसो वि॒द्युतो॒ गभ॑स्त्योः
   अ॒ग्निभ्रा॑जसः वि॒द्युतः गभ॑स्त्योः
   अ॒ग्निभ्रा॑जसो वि॒द्युतो गभ॑स्तियोः

Halfverse: d    शिप्राः॑ शी॒र्षसु॒ वित॑ता हिर॒ण्ययीः॑ ।।
   शिप्राः शी॒र्षसु वित॑ताः हिर॒ण्ययीः ।।
   शिप्राः शी॒र्षसु वित॑ता हिर॒ण्ययीः ।।


Verse: 12 
Halfverse: a    तं नाक॑म॒र्यो अगृ॑भीतशोचिषं॒ रुश॒त्पिप्प॑लम्मरुतो॒ वि धू॑नुथ ।
   तं नाक॑म॒र्यो अगृ॑भीतशोचिषं
   तम् नाक॑म् अ॒र्यः अगृ॑भीतशोचिषम्
   तं नाक॑म् अ॒र्यो अगृ॑भीतशोचिषं

Halfverse: b    रुश॒त्पिप्प॑लम्मरुतो॒ वि धू॑नुथ ।
   रुश॑त् पिप्प॑लम् मरुतः वि धू॑नुथ ।
   रुश॑त् पिप्प॑लम् मरुतो वि धू॑नुथ ।

Halfverse: c    सम॑च्यन्त वृ॒जनाति॑त्विषन्त॒ यत्स्वर॑न्ति॒ घोषं॒ वित॑तमृता॒यवः॑ ।।
   सम॑च्यन्त वृ॒जनाति॑त्विषन्त॒ यत्
   सम् अच्यन्त वृ॒जना अति॑त्विषन्त यत्
   सम् अच्यन्त वृ॒जनाति॑त्विषन्त यत्

Halfverse: d    स्वर॑न्ति॒ घोषं॒ वित॑तमृता॒यवः॑ ।।
   स्वर॑न्ति घोष॑म् वित॑तम् ऋता॒यवः ।।
   स्वर॑न्ति घोषं वित॑तम् ऋता॒यवः ।।


Verse: 13 
Halfverse: a    यु॒ष्माद॑त्तस्य मरुतो विचेतसो रा॒यः स्या॑म र॒थ्यो॒ वय॑स्वतः ।
   यु॒ष्माद॑त्तस्य मरुतो विचेतसो
   यु॒ष्माद॑त्तस्य मरुतः विचेतसः
   यु॒ष्माद॑त्तस्य मरुतो विचेतसो

Halfverse: b    रा॒यः स्या॑म र॒थ्यो॒ वय॑स्वतः ।
   रा॒यः स्या॑म र॒थ्यः वय॑स्वतः ।
   रा॒यः सि॑याम र॒थियो वय॑स्वतः ।

Halfverse: c    न यो युछ॑ति ति॒ष्यो॒ यथा॑ दि॒वो॒ ऽस्मे रा॑रन्त मरुतः सह॒स्रिण॑म् ।।
   न यो युछ॑ति ति॒ष्यो॒ यथा॑ दि॒वो
   न यः युछ॑ति ति॒ष्यः यथा दि॒वः
   न यो युछ॑ति ति॒षियो यथा दि॒वो

Halfverse: d    ऽस्मे रा॑रन्त मरुतः सह॒स्रिण॑म् ।।
   अ॒स्मे रा॑रन्त मरुतः सह॒स्रिण॑म् ।।
   अ॒स्मे रा॑रन्त मरुतः सह॒स्रिण॑म् ।।


Verse: 14 
Halfverse: a    यू॒यं र॒यिम्म॑रुत स्पा॒र्हवी॑रं यू॒यमृषि॑मवथ॒ साम॑विप्रम् ।
   यू॒यं र॒यिम्म॑रुत स्पा॒र्हवी॑रं
   यू॒यम् र॒यिम् मरुतः स्पा॒र्हवी॑रम्
   यू॒यं र॒यिम् मरुत स्पा॒र्हवी॑रं

Halfverse: b    यू॒यमृषि॑मवथ॒ साम॑विप्रम् ।
   यू॒यम् ऋषि॑म् अवथ साम॑विप्रम् ।
   यू॒यम् ऋषि॑म् अवथ साम॑विप्रम् ।

Halfverse: c    यू॒यमर्व॑न्तम्भर॒ताय॒ वाजं॑ यू॒यं ध॑त्थ॒ राजा॑नं श्रुष्टि॒मन्त॑म् ।।
   यू॒यमर्व॑न्तम्भर॒ताय॒ वाजं
   यू॒यम् अर्व॑न्तम् भर॒ताय वाज॑म्
   यू॒यम् अर्व॑न्तम् भर॒ताय वाजं

Halfverse: d    यू॒यं ध॑त्थ॒ राजा॑नं श्रुष्टि॒मन्त॑म् ।।
   यू॒यम् धत्थ राजा॑नम् श्रुष्टि॒मन्त॑म् ।।
   यू॒यं ध॑त्थ राजा॑नं श्रुष्टि॒मन्त॑म् ।।


Verse: 15 
Halfverse: a    तद्वो॑ यामि॒ द्रवि॑णं सद्यऊतयो॒ येना॒ स्व॒र्ण त॒तना॑म॒ नॄँर॒भि ।
   तद्वो॑ यामि॒ द्रवि॑णं सद्यऊतयो
   तत् वः यामि द्रवि॑णम् सद्यऊतयः
   तद् वो यामि द्रवि॑णं सद्यऊतयो

Halfverse: b    येना॒ स्व॒र्ण त॒तना॑म॒ नॄँर॒भि ।
   येन+ स्व॑र् न त॒तना॑म नॄन् अ॒भि ।
   येना सुव॑र् ण त॒तना॑म नॄँर् अ॒भि ।

Halfverse: c    इ॒दं सु मे॑ मरुतो हर्यता॒ वचो॒ यस्य॒ तरे॑म॒ तर॑सा श॒तं हिमाः॑ ।।
   इ॒दं सु मे॑ मरुतो हर्यता॒ वचो
   इ॒दम् सु मे मरुतः हर्यत+ वचः
   इ॒दं सु मे मरुतो हर्यता वचो

Halfverse: d    यस्य॒ तरे॑म॒ तर॑सा श॒तं हिमाः॑ ।।
   यस्य तरे॑म तर॑सा श॒तम् हिमाः ।।
   यस्य तरे॑म तर॑सा श॒तं हिमाः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.