TITUS
Rg-Veda: Rg-Veda-Samhita
Part No. 410
Previous part

Hymn: 56_(410) 
Verse: 1 
Halfverse: a    अग्ने॒ शर्ध॑न्त॒मा ग॒णम्पि॒ष्टं रु॒क्मेभि॑र॒ञ्जिभिः॑ ।
   अग्ने॒ शर्ध॑न्त॒मा ग॒णम्
   अग्ने शर्ध॑न्तम् आ ग॒णम्
   अग्ने शर्ध॑न्तम् आ ग॒णम्

Halfverse: b    पि॒ष्टं रु॒क्मेभि॑र॒ञ्जिभिः॑ ।
   पि॒ष्टम् रु॒क्मेभिः अ॒ञ्जिभिः ।
   पि॒ष्टं रु॒क्मेभि॑र् अ॒ञ्जिभिः ।

Halfverse: c    विशो॑ अ॒द्य म॒रुता॒मव॑ ह्वये दि॒वश्चि॑द्रोच॒नादधि॑ ।।
   विशो॑ अ॒द्य म॒रुता॒मव॑ ह्वये
   विशः अ॒द्य म॒रुता॑म् अव ह्वये
   विशो अ॒द्य म॒रुताअ॑म् अव ह्वये

Halfverse: d    दि॒वश्चि॑द्रोच॒नादधि॑ ।।
   दि॒वः चि॑त् रोच॒नात् अधि ।।
   दि॒वश् चिद् रोच॒नाद् अधि ।।


Verse: 2 
Halfverse: a    यथा॑ चि॒न्मन्य॑से हृ॒दा तदिन्मे॑ जग्मुरा॒शसः॑ ।
   यथा॑ चि॒न्मन्य॑से हृ॒दा
   यथा चित् मन्य॑से हृ॒दा
   यथा चिन् मन्य॑से हृ॒दा

Halfverse: b    तदिन्मे॑ जग्मुरा॒शसः॑ ।
   तत् इत् मे जग्मुः आ॒शसः ।
   तद् इन् मे जग्मुर् आ॒शसः ।

Halfverse: c    ये ते॒ नेदि॑ष्ठं॒ हव॑नान्या॒गम॒न्तान्व॑र्ध भी॒मसं॑दृशः ।।
   ये ते॒ नेदि॑ष्ठं॒ हव॑नान्या॒गम॑न्
   ये ते नेदि॑ष्ठम् हव॑नानि आ॒गम॑न्
   ये ते नेदि॑ष्ठं हव॑नानि आ॒गम॑न्

Halfverse: d    तान्व॑र्ध भी॒मसं॑दृशः ।।
   तान् वर्ध भी॒मसं॑दृशः ।।
   तान् वर्ध भी॒मसं॑दृशः ।।


Verse: 3 
Halfverse: a    मी॒ऴुष्म॑तीव पृथि॒वी परा॑हता॒ मद॑न्त्येत्य॒स्मदा ।
   मी॒ऴुष्म॑तीव पृथि॒वी परा॑हता
   मी॒ऴुष्म॑ती इव पृथि॒वी परा॑हता
   मी॒ऴुष्म॑तीव पृथि॒वी परा॑हता

Halfverse: b    मद॑न्त्येत्य॒स्मदा ।
   मद॑न्ती एति अ॒स्मत् आ ।
   मद॑न्ति एति अ॒स्मद् आ ।

Halfverse: c    ऋक्षो॒ न वो॑ मरुतः॒ शिमी॑वाँ॒ अमो॑ दु॒ध्रो गौरि॑व भीम॒युः ।।
   ऋक्षो॒ न वो॑ मरुतः॒ शिमी॑वाँ॒ अमो
   ऋक्षः न वः मरुतः शिमी॑वान् अमः
   ऋक्षो न वो मरुतः शिमी॑वाँ अमो

Halfverse: d    दु॒ध्रो गौरि॑व भीम॒युः ।।
   दु॒ध्रः गौः इ॑व भीम॒युः ।।
   दु॒ध्रो गौर् इव भीम॒युः ।।


Verse: 4 
Halfverse: a    नि ये रि॒णन्त्योज॑सा॒ वृथा॒ गावो॒ न दु॒र्धुरः॑ ।
   नि ये रि॒णन्त्योज॑सा
   नि ये रि॒णन्ति ओज॑सा
   नि ये रि॒णन्ति ओज॑सा

Halfverse: b    वृथा॒ गावो॒ न दु॒र्धुरः॑ ।
   वृथा गावः न दु॒र्धुरः ।
   वृथा गावो न दु॒र्धुरः ।

Halfverse: c    अश्मा॑नं चित्स्व॒र्य॒म्पर्व॑तं गि॒रिम्प्र च्या॑वयन्ति॒ याम॑भिः ।।
   अश्मा॑नं चित्स्व॒र्य॒म्पर्व॑तं गि॒रिम्
   अश्मा॑नम् चित् स्व॒र्य॑म् पर्व॑तम् गि॒रिम्
   अश्मा॑नं चित् स्व॒रिय॑म् पर्व॑तं गि॒रिम्

Halfverse: d    प्र च्या॑वयन्ति॒ याम॑भिः ।।
   प्र च्या॑वयन्ति याम॑भिः ।।
   प्र च्या॑वयन्ति याम॑भिः ।।


Verse: 5 
Halfverse: a    उत्ति॑ष्ठ नू॒नमे॑षां॒ स्तोमैः॒ समु॑क्षितानाम् ।
   उत्ति॑ष्ठ नू॒नमे॑षां
   उत् तिष्ठ नू॒नम् एषाम्
   उत् तिष्ठ नू॒नम् एषाअं

Halfverse: b    स्तोमैः॒ समु॑क्षितानाम् ।
   स्तोमैः समु॑क्षितानाम् ।
   स्तोमैः समु॑क्षितानाअम् ।

Halfverse: c    म॒रुता॑म्पुरु॒तम॒मपू॑र्व्यं॒ गवां॒ सर्ग॑मिव ह्वये ।।
   म॒रुता॑म्पुरु॒तम॒मपू॑र्व्यं
   म॒रुता॑म् पुरु॒तम॑म् अपू॑र्व्यम्
   म॒रुताअ॑म् पुरु॒तम॑म् अपू॑र्वियं

Halfverse: d    गवां॒ सर्ग॑मिव ह्वये ।।
   गवा॑म् सर्ग॑म् इव ह्वये ।।
   गवां सर्ग॑म् इव ह्वये ।।


Verse: 6 
Halfverse: a    यु॒ङ्ग्ध्वं ह्यरु॑षी॒ रथे॑ यु॒ङ्ग्ध्वं रथे॑षु रो॒हितः॑ ।
   यु॒ङ्ग्ध्वं ह्यरु॑षी॒ रथे
   यु॒ङ्ग्ध्वम् हि अरु॑षी रथे
   यु॒ङ्ग्ध्वं हि अरु॑षी रथे

Halfverse: b    यु॒ङ्ग्ध्वं रथे॑षु रो॒हितः॑ ।
   यु॒ङ्ग्ध्वम् रथे॑षु रो॒हितः ।
   यु॒ङ्ग्ध्वं रथे॑षु रो॒हितः ।

Halfverse: c    यु॒ङ्ग्ध्वं हरी॑ अजि॒रा धु॒रि वोऴ॑वे॒ वहि॑ष्ठा धु॒रि वोऴ॑वे ।।
   यु॒ङ्ग्ध्वं हरी॑ अजि॒रा धु॒रि वोऴ॑वे
   यु॒ङ्ग्ध्वम् हरी अजि॒रा धु॒रि वोऴ॑वे
   यु॒ङ्ग्ध्वं हरी अजि॒रा धु॒रि वोऴ॑वे

Halfverse: d    वहि॑ष्ठा धु॒रि वोऴ॑वे ।।
   वहि॑ष्ठा धु॒रि वोऴ॑वे ।।
   वहि॑ष्ठा धु॒रि वोऴ॑वे ।।


Verse: 7 
Halfverse: a    उ॒त स्य वा॒ज्य॑रु॒षस्तु॑वि॒ष्वणि॑रि॒ह स्म॑ धायि दर्श॒तः ।
   उ॒त स्य वा॒ज्य॑रु॒षस्तु॑वि॒ष्वणि॑र्
   उ॒त स्य वा॒जी अ॑रु॒षः तु॑वि॒ष्वणिः
   उ॒त स्य वा॒जी अ॑रु॒षस् तुवि॒ष्वणि॑र्

Halfverse: b    इ॒ह स्म॑ धायि दर्श॒तः ।
   इ॒ह स्म धायि दर्श॒तः ।
   इ॒ह स्म धायि दर्श॒तः ।

Halfverse: c    मा वो॒ यामे॑षु मरुतश्चि॒रं क॑र॒त्प्र तं रथे॑षु चोदत ।।
   मा वो॒ यामे॑षु मरुतश्चि॒रं क॑रत्
   मा वः यामे॑षु मरुतः चि॒रम् करत्
   मा वो यामे॑षु मरुतश् चि॒रं क॑रत्

Halfverse: d    प्र तं रथे॑षु चोदत ।।
   प्र तम् रथे॑षु चोदत ।।
   प्र तं रथे॑षु चोदत ।।


Verse: 8 
Halfverse: a    रथं॒ नु मारु॑तं व॒यं श्र॑व॒स्युमा हु॑वामहे ।
   रथं॒ नु मारु॑तं व॒यं
   रथ॑म् नु मारु॑तम् व॒यम्
   रथं नु मारु॑तं व॒यं

Halfverse: b    श्र॑व॒स्युमा हु॑वामहे ।
   श्र॑व॒स्युम् आ हु॑वामहे ।
   श्र॑व॒स्युम् आ हु॑वामहे ।

Halfverse: c    आ यस्मि॑न्त॒स्थौ सु॒रणा॑नि॒ बिभ्र॑ती॒ सचा॑ म॒रुत्सु॑ रोद॒सी ।।
   आ यस्मि॑न्त॒स्थौ सु॒रणा॑नि॒ बिभ्र॑ती
   आ यस्मि॑न् त॒स्थौ सु॒रणा॑नि बिभ्र॑ती
   आ यस्मि॑न् त॒स्थौ सु॒रणा॑नि बिभ्र॑ती

Halfverse: d    सचा॑ म॒रुत्सु॑ रोद॒सी ।।
   सचा म॒रुत्सु रोद॒सी ।।
   सचा म॒रुत्सु रोद॒सी ।।


Verse: 9 
Halfverse: a    तं वः॒ शर्धं॑ रथे॒शुभं॑ त्वे॒षम्प॑न॒स्युमा हु॑वे ।
   तं वः॒ शर्धं॑ रथे॒शुभं
   तम् वः शर्ध॑म् रथे॒शुभ॑म्
   तं वः शर्धं रथे॒शुभं

Halfverse: b    त्वे॒षम्प॑न॒स्युमा हु॑वे ।
   त्वे॒षम् पन॒स्युम् आ हु॑वे ।
   त्वे॒षम् पन॒स्युम् आ हु॑वे ।

Halfverse: c    यस्मि॒न्सुजा॑ता सु॒भगा॑ मही॒यते॒ सचा॑ म॒रुत्सु॑ मीऴु॒षी ।।
   यस्मि॒न्सुजा॑ता सु॒भगा॑ मही॒यते
   यस्मि॑न् सुजा॑ता सु॒भगा मही॒यते
   यस्मि॑न् सुजा॑ता सु॒भगा मही॒यते

Halfverse: d    सचा॑ म॒रुत्सु॑ मीऴु॒षी ।।
   सचा म॒रुत्सु मीऴु॒षी ।।
   सचा म॒रुत्सु मीऴु॒षी ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.