TITUS
Rg-Veda: Rg-Veda-Samhita
Part No. 413
Previous part

Hymn: 59_(413) 
Verse: 1 
Halfverse: a    प्र व॒ स्पळ॑क्रन्सुवि॒ताय॑ दा॒वने ऽर्चा॑ दि॒वे प्र पृ॑थि॒व्या ऋ॒तम्भ॑रे ।
   प्र व॒ स्पळ॑क्रन्सुवि॒ताय॑ दा॒वने
   प्र वः स्पट् अक्रन् सुवि॒ताय दा॒वने
   प्र व स्पळ् अक्रन् सुवि॒ताय दा॒वने

Halfverse: b    ऽर्चा दि॒वे प्र पृ॑थि॒व्या ऋ॒तम्भ॑रे ।
   अर्च+ दि॒वे प्र पृ॑थि॒व्यै ऋ॒तम् भरे ।
   अर्चा दि॒वे प्र पृ॑थि॒व्या ऋ॒तम् भरे ।

Halfverse: c    उ॒क्षन्ते॒ अश्वा॒न्तरु॑षन्त॒ आ रजो ऽनु॒ स्वम्भा॒नुं श्र॑थयन्ते अर्ण॒वैः ।।
   उ॒क्षन्ते॒ अश्वा॒न्तरु॑षन्त॒ आ रजो
   उ॒क्षन्ते अश्वा॑न् तरु॑षन्तः ! आ रजः
   उ॒क्षन्ते अश्वा॑न् तरु॑षन्त आ रजो

Halfverse: d    ऽनु॒ स्वम्भा॒नुं श्र॑थयन्ते अर्ण॒वैः ।।
   अनु स्वम् भा॒नुम् श्रथयन्ते अर्ण॒वैः ।।
   अनु स्वम् भा॒नुं श्र॑थयन्ते अर्ण॒वैः ।।


Verse: 2 
Halfverse: a    अमा॑देषाम्भि॒यसा॒ भूमि॑रेजति॒ नौर्न पू॒र्णा क्ष॑रति॒ व्यथि॑र्य॒ती ।
   अमा॑देषाम्भि॒यसा॒ भूमि॑रेजति
   अमा॑त् एषाम् भि॒यसा भूमिः एजति
   अमा॑द् एषाम् भि॒यसा भूमि॑र् एजति

Halfverse: b    नौर्न पू॒र्णा क्ष॑रति॒ व्यथि॑र्य॒ती ।
   नौः न पू॒र्णा क्ष॑रति व्यथिः य॒ती ।
   नाउर् न पू॒र्णा क्ष॑रति व्यथि॑र् य॒ती ।

Halfverse: c    दू॑रे॒दृशो॒ ये चि॒तय॑न्त॒ एम॑भिर॒न्तर्म॒हे वि॒दथे॑ येतिरे॒ नरः॑ ।।
   दू॑रे॒दृशो॒ ये चि॒तय॑न्त॒ एम॑भिर्
   दूरे॒दृशः ये चि॒तय॑न्ते एम॑भिः
   दूरे॒दृशो ये चि॒तय॑न्त एम॑भिर्

Halfverse: d    अ॒न्तर्म॒हे वि॒दथे॑ येतिरे॒ नरः॑ ।।
   अ॒न्तर् म॒हे वि॒दथे येतिरे नरः ।।
   अ॒न्तर् म॒हे वि॒दथे येतिरे नरः ।।


Verse: 3 
Halfverse: a    गवा॑मिव श्रि॒यसे॒ शृङ्ग॑मुत्त॒मं सूर्यो॒ न चक्षू॒ रज॑सो वि॒सर्ज॑ने ।
   गवा॑मिव श्रि॒यसे॒ शृङ्ग॑मुत्त॒मं
   गवा॑म् इव श्रि॒यसे शृङ्ग॑म् उत्त॒मम्
   गवा॑म् इव श्रि॒यसे शृङ्ग॑म् उत्त॒मं

Halfverse: b    सूर्यो॒ न चक्षू॒ रज॑सो वि॒सर्ज॑ने ।
   सूर्यः न चक्षुः रज॑सः वि॒सर्ज॑ने ।
   सूर्यो न चक्षू रज॑सो वि॒सर्ज॑ने ।

Halfverse: c    अत्या॑ इव सु॒भ्व॒श्चार॑व स्थन॒ मर्या॑ इव श्रि॒यसे॑ चेतथा नरः ।।
   अत्या॑ इव सु॒भ्व॒श्चार॑व स्थन
   अत्याः इव सु॒भ्वः चार॑वः स्थन
   अत्या इव सु॒भुव॑श् चार॑व स्थन

Halfverse: d    मर्या॑ इव श्रि॒यसे॑ चेतथा नरः ।।
   मर्याः इव श्रि॒यसे चेतथ+ नरः ।।
   मर्या इव श्रि॒यसे चेतथा नरः ।।


Verse: 4 
Halfverse: a    को वो॑ म॒हान्ति॑ मह॒तामुद॑श्नव॒त्कस्काव्या॑ मरुतः॒ को ह॒ पौँस्या॑ ।
   को वो॑ म॒हान्ति॑ मह॒तामुद॑श्नवत्
   कः वः म॒हान्ति मह॒ताम् उत् अश्नवत्
   को वो म॒हान्ति मह॒ताम् उद् अश्नवत्

Halfverse: b    कस्काव्या॑ मरुतः॒ को ह॒ पौँस्या॑ ।
   कः काव्या मरुतः कः ह पौंस्या ।
   कस् कावि॑या मरुतः को ह पौंसि॑या ।

Halfverse: c    यू॒यं ह॒ भूमिं॑ कि॒रणं॒ न रे॑जथ॒ प्र यद्भर॑ध्वे सुवि॒ताय॑ दा॒वने॑ ।।
   यू॒यं ह॒ भूमिं॑ कि॒रणं॒ न रे॑जथ
   यू॒यम् ह भूमि॑म् कि॒रण॑म् न रे॑जथ
   यू॒यं ह भूमिं कि॒रणं न रे॑जथ

Halfverse: d    प्र यद्भर॑ध्वे सुवि॒ताय॑ दा॒वने॑ ।।
   प्र यत् भर॑ध्वे सुवि॒ताय दा॒वने ।।
   प्र यद् भर॑ध्वे सुवि॒ताय दा॒वने ।।


Verse: 5 
Halfverse: a    अश्वा॑ इ॒वेद॑रु॒षासः॒ सब॑न्धवः॒ शूरा॑ इव प्र॒युधः॒ प्रोत यु॑युधुः ।
   अश्वा॑ इ॒वेद॑रु॒षासः॒ सब॑न्धवः
   अश्वाः इव इत् अरु॒षासः सब॑न्धवः
   अश्वा इ॒वेद् अरु॒षासः सब॑न्धवः

Halfverse: b    शूरा॑ इव प्र॒युधः॒ प्रोत यु॑युधुः ।
   शूराः इव प्र॒युधः प्र उ॒त यु॑युधुः ।
   शूरा इव प्र॒युधः प्रोत यु॑युधुः ।

Halfverse: c    मर्या॑ इव सु॒वृधो॑ वावृधु॒र्नरः॒ सूर्य॑स्य॒ चक्षुः॒ प्र मि॑नन्ति वृ॒ष्टिभिः॑ ।।
   मर्या॑ इव सु॒वृधो॑ वावृधु॒र्नरः
   मर्याः इव सु॒वृधः वावृधुः नरः
   मर्या इव सु॒वृधो वावृधुर् नरः

Halfverse: d    सूर्य॑स्य॒ चक्षुः॒ प्र मि॑नन्ति वृ॒ष्टिभिः॑ ।।
   सूर्य॑स्य चक्षुः प्र मि॑नन्ति वृ॒ष्टिभिः ।।
   सूर्य॑स्य चक्षुः प्र मि॑नन्ति वृ॒ष्टिभिः ।।


Verse: 6 
Halfverse: a    ते अ॑ज्ये॒ष्ठा अक॑निष्ठास उ॒द्भिदो ऽम॑ध्यमासो॒ मह॑सा॒ वि वा॑वृधुः ।
   ते अ॑ज्ये॒ष्ठा अक॑निष्ठास उ॒द्भिदो
   ते अ॑ज्ये॒ष्ठाः अक॑निष्ठासः उ॒द्भिदः
   ते अ॑ज्ये॒ष्ठा अक॑निष्ठास उ॒द्भिदो

Halfverse: b    ऽमध्यमासो॒ मह॑सा॒ वि वा॑वृधुः ।
   अम॑ध्यमासः मह॑सा वि वा॑वृधुः ।
   अम॑ध्यमासो मह॑सा वि वा॑वृधुः ।

Halfverse: c    सु॑जा॒तासो॑ ज॒नुषा॒ पृश्नि॑मातरो दि॒वो मर्या॒ आ नो॒ अछा॑ जिगातन ।।
   सु॑जा॒तासो॑ ज॒नुषा॒ पृश्नि॑मातरो
   सुजा॒तासः ज॒नुषा पृश्नि॑मातरः
   सुजा॒तासो ज॒नुषा पृश्नि॑मातरो

Halfverse: d    दि॒वो मर्या॒ आ नो॒ अछा॑ जिगातन ।।
   दि॒वः मर्याः आ नः अछ+ जिगातन ।।
   दि॒वो मर्या आ नो अछा जिगातन ।।


Verse: 7 
Halfverse: a    वयो॒ न ये श्रेणीः॑ प॒प्तुरोज॒सान्ता॑न्दि॒वो बृ॑ह॒तः सानु॑न॒स्परि॑ ।
   वयो॒ न ये श्रेणीः॑ प॒प्तुरोज॑सा
   वयः न ये श्रेणीः प॒प्तुः ओज॑सा
   वयो न ये श्रेएणीः प॒प्तुर् ओज॑सा

Halfverse: b     अन्ता॑न्दि॒वो बृ॑ह॒तः सानु॑न॒स्परि॑ ।
   अन्ता॑न् दि॒वः बृ॑ह॒तः सानु॑नः परि ।
   अन्ता॑न् दि॒वो बृ॑ह॒तः सानु॑नस् परि ।

Halfverse: c    अश्वा॑स एषामु॒भये॒ यथा॑ वि॒दुः प्र पर्व॑तस्य नभ॒नूँर॑चुच्यवुः ।।
   अश्वा॑स एषामु॒भये॒ यथा॑ वि॒दुः
   अश्वा॑सः एषाम् उ॒भये यथा वि॒दुः
   अश्वा॑स एषाम् उ॒भये यथा वि॒दुः

Halfverse: d    प्र पर्व॑तस्य नभ॒नूँर॑चुच्यवुः ।।
   प्र पर्व॑तस्य नभ॒नून् अचुच्यवुः ।।
   प्र पर्व॑तस्य नभ॒नूँर् अचुच्यवुः ।।


Verse: 8 
Halfverse: a    मिमा॑तु॒ द्यौरदि॑तिर्वी॒तये॑ नः॒ सं दानु॑चित्रा उ॒षसो॑ यतन्ताम् ।
   मिमा॑तु॒ द्यौरदि॑तिर्वी॒तये॑ नः
   मिमा॑तु द्यौः अदि॑तिः वी॒तये नः
   मिमा॑तु द्यौर् अदि॑तिर् वी॒तये नः

Halfverse: b    सं दानु॑चित्रा उ॒षसो॑ यतन्ताम् ।
   सम् दानु॑चित्राः उ॒षसः यतन्ताम् ।
   सं दानु॑चित्रा उ॒षसो यतन्ताम् ।

Halfverse: c    आचु॑च्यवुर्दि॒व्यं कोश॑मे॒त ऋषे॑ रु॒द्रस्य॑ म॒रुतो॑ गृणा॒नाः ।।
   आचु॑च्यवुर्दि॒व्यं कोश॑मे॒त
   आ अ॑चुच्यवुः दि॒व्यम् कोश॑म् ए॒ते
   आचु॑च्यवुर् दिवि॒यं कोश॑म् ए॒त

Halfverse: d    ऋषे॑ रु॒द्रस्य॑ म॒रुतो॑ गृणा॒नाः ।।
   ऋषे रु॒द्रस्य म॒रुतः गृणा॒नाः ।।
   ऋषे रु॒द्रस्य म॒रुतो गृणा॒नाः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.