TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 415

Hymn: 61_(415)
Verse: 1
Halfverse: a    के ष्ठा॑ नरः॒ श्रेष्ठ॑तमा॒ य एक॑एक आय॒य ।
   के ष्ठा॑ नरः॒ श्रेष्ठ॑तमा
   के स्थ+ नरः श्रेष्ठ॑तमाः
   के ष्ठा नरः श्रेष्ठ॑तमा

Halfverse: b    य एक॑एक आय॒य ।
   ये एक॑एकः आय॒य ।
   य एक॑एक आय॒य ।

Halfverse: c    प॑र॒मस्याः॑ परा॒वतः॑ ।।
   प॑र॒मस्याः॑ परा॒वतः॑ ।।
   प॑र॒मस्याः परा॒वतः ।।
   प॑र॒मस्याः परा॒वतः ।।

Verse: 2
Halfverse: a    क्व॒ वो ऽश्वाः॒ क्वा॒भीश॑वः क॒थं शे॑क क॒था य॑य ।
   क्व॒ वो ऽश्वाः॒ क्वा॒भीश॑वः
   क्व वः अश्वाः क्व अ॒भीश॑वः
   क्व वो ऽश्वाः क्व अ॒भीश॑वः

Halfverse: b    क॒थं शे॑क क॒था य॑य ।
   क॒थम् शेक क॒था य॑य ।
   क॒थं शे॑क क॒था य॑य ।

Halfverse: c    पृ॒ष्ठे सदो॑ न॒सोर्यमः॑ ।।
   पृ॒ष्ठे सदो॑ न॒सोर्यमः॑ ।।
   पृ॒ष्ठे सदः न॒सोः यमः ।।
   पृ॒ष्ठे सदो न॒सोर् यमः ।।

Verse: 3
Halfverse: a    ज॒घने॒ चोद॑ एषां॒ वि स॒क्थानि॒ नरो॑ यमुः ।
   ज॒घने॒ चोद॑ एषां
   ज॒घने चोदः एषाम्
   ज॒घने चोद एषाअं

Halfverse: b    वि स॒क्थानि॒ नरो॑ यमुः ।
   वि स॒क्थानि नरः यमुः ।
   वि स॒क्थानि नरो यमुः ।

Halfverse: c    पु॑त्रकृ॒थे न जन॑यः ।।
   पु॑त्रकृ॒थे न जन॑यः ।।
   पु॑त्रकृ॒थे न जन॑यः ।।
   पु॑त्रकृ॒थे न जन॑यः ।।

Verse: 4
Halfverse: a    परा॑ वीरास एतन॒ मर्या॑सो॒ भद्र॑जानयः ।
   परा॑ वीरास एतन
   परा वीरासः एतन !
   परा वीरास एतन

Halfverse: b    मर्या॑सो॒ भद्र॑जानयः ।
   मर्या॑सः भद्र॑जानयः ।
   मर्या॑सो भद्र॑जानयः ।

Halfverse: c    अ॑ग्नि॒तपो॒ यथास॑थ ।।
   अ॑ग्नि॒तपो॒ यथास॑थ ।।
   अ॑ग्नि॒तपः यथा अस॑थ ।।
   अ॑ग्नि॒तपो यथास॑थ ।।

Verse: 5
Halfverse: a    सन॒त्साश्व्य॑म्प॒शुमु॒त गव्यं॑ श॒ताव॑यम् ।
   सन॒त्साश्व्य॑म्प॒शुम्
   सन॑त् सा अश्व्य॑म् प॒शुम्
   सन॑त् सा अ॑श्वियम् प॒शुम्

Halfverse: b    उ॒त गव्यं॑ श॒ताव॑यम् ।
   उ॒त गव्य॑म् श॒ताव॑यम् ।
   उ॒त गव्यं श॒ताव॑यम् ।

Halfverse: c    श्या॒वाश्व॑स्तुताय॒ या दोर्वी॒रायो॑प॒बर्बृ॑हत् ।।
   श्या॒वाश्व॑स्तुताय॒ या
   श्या॒वाश्व॑स्तुताय या
   श्या॒वाशु॑वस्तुताय या

Halfverse: d    दोर्वी॒रायो॑प॒बर्बृ॑हत् ।।
   दोः वी॒राय उप॒बर्बृ॑हत् ।।
   दोर् वी॒रायो॑प॒बर्बृ॑हत् ।।

Verse: 6
Halfverse: a    उ॒त त्वा॒ स्त्री शशी॑यसी पुँ॒सो भ॑वति॒ वस्य॑सी ।
   उ॒त त्वा॒ स्त्री शशी॑यसी
   उ॒त त्वा स्त्री शशी॑यसी
   उ॒त त्वा स्त्री शशी॑यसी

Halfverse: b    पुँ॒सो भ॑वति॒ वस्य॑सी ।
   पुं॒सः भ॑वति वस्य॑सी ।
   पुं॒सो भ॑वति वस्य॑सी ।

Halfverse: c    अदे॑वत्रादरा॒धसः॑ ।।
   अदे॑वत्रादरा॒धसः॑ ।।
   अदे॑वत्रात् अरा॒धसः ।।
   अदे॑वत्राद् अरा॒धसः ।।

Verse: 7
Halfverse: a    वि या जा॒नाति॒ जसु॑रिं॒ वि तृष्य॑न्तं॒ वि का॒मिन॑म् ।
   वि या जा॒नाति॒ जसु॑रिं
   वि या जा॒नाति जसु॑रिम्
   वि या जा॒नाति जसु॑रिं

Halfverse: b    वि तृष्य॑न्तं॒ वि का॒मिन॑म् ।
   वि तृष्य॑न्तम् वि का॒मिन॑म् ।
   वि तृष्य॑न्तं वि का॒मिन॑म् ।

Halfverse: c    दे॑व॒त्रा कृ॑णु॒ते मनः॑ ।।
   दे॑व॒त्रा कृ॑णु॒ते मनः॑ ।।
   दे॑व॒त्रा कृ॑णु॒ते मनः ।।
   दे॑व॒त्रा कृ॑णु॒ते मनः ।।

Verse: 8
Halfverse: a    उ॒त घा॒ नेमो॒ अस्तु॑तः॒ पुमाँ॒ इति॑ ब्रुवे प॒णिः ।
   उ॒त घा॒ नेमो॒ अस्तु॑तः
   उ॒त घ+ नेमः अस्तु॑तः
   उ॒त घा नेमो अस्तु॑तः

Halfverse: b    पुमाँ॒ इति॑ ब्रुवे प॒णिः ।
   पुमा॑न् इति ब्रुवे प॒णिः ।
   पुमाँ इति ब्रुवे प॒णिः ।

Halfverse: c    स वैर॑देय॒ इत्स॒मः ।।
   स वैर॑देय॒ इत्स॒मः ।।
   स वैर॑देये इत् स॒मः ।।
   स वैर॑देय इत् स॒मः ।।

Verse: 9
Halfverse: a    उ॒त मे॑ ऽरपद्युव॒तिर्म॑म॒न्दुषी॒ प्रति॑ श्या॒वाय॑ वर्त॒निम् ।
   उ॒त मे॑ ऽरपद्युव॒तिर्म॑म॒न्दुषी
   उ॒त मे अरपत् युव॒तिः म॑म॒न्दुषी
   उ॒त मे ऽरपद् युव॒तिर् मम॒न्दुषी

Halfverse: b    प्रति॑ श्या॒वाय॑ वर्त॒निम् ।
   प्रति श्या॒वाय वर्त॒निम् ।
   प्रति श्या॒वाय वर्त॒निम् ।

Halfverse: c    वि रोहि॑ता पुरुमी॒ऴाय॑ येमतु॒र्विप्रा॑य दी॒र्घय॑शसे ।।
   वि रोहि॑ता पुरुमी॒ऴाय॑ येमतुर्
   वि रोहि॑ता पुरुमी॒ऴाय येमतुः
   वि रोहि॑ता पुरुमी॒ऴाय येमतुर्

Halfverse: d    विप्रा॑य दी॒र्घय॑शसे ।।
   विप्रा॑य दी॒र्घय॑शसे ।।
   विप्रा॑य दी॒र्घय॑शसे ।।

Verse: 10
Halfverse: a    यो मे॑ धेनू॒नां श॒तं वैद॑दश्वि॒र्यथा॒ दद॑त् ।
   यो मे॑ धेनू॒नां श॒तं
   यः मे धेनू॒नाम् श॒तम्
   यो मे धेनू॒नाअं श॒तं

Halfverse: b    वैद॑दश्वि॒र्यथा॒ दद॑त् ।
   वैद॑दश्विः यथा दद॑त् ।
   वैद॑दश्विर् यथा दद॑त् ।

Halfverse: c    त॑र॒न्त इ॑व मँ॒हना॑ ।।
   त॑र॒न्त इ॑व मँ॒हना॑ ।।
   त॑र॒न्तः इ॑व मं॒हना ।।
   त॑र॒न्त इ॑व मं॒हना ।।

Verse: 11
Halfverse: a    य ईं॒ वह॑न्त आ॒शुभिः॒ पिब॑न्तो मदि॒रम्मधु॑ ।
   य ईं॒ वह॑न्त आ॒शुभिः
   ये ई॑म् वह॑न्ते आ॒शुभिः
   य ईं वह॑न्त आ॒शुभिः

Halfverse: b    पिब॑न्तो मदि॒रम्मधु॑ ।
   पिब॑न्तः मदि॒रम् मधु ।
   पिब॑न्तो मदि॒रम् मधु ।

Halfverse: c    अत्र॒ श्रवाँ॑सि दधिरे ।।
   अत्र॒ श्रवाँ॑सि दधिरे ।।
   अत्र श्रवां॑सि दधिरे ।।
   अत्र श्रवां॑सि दधिरे ।।

Verse: 12
Halfverse: a    येषां॑ श्रि॒याधि॒ रोद॑सी वि॒भ्राज॑न्ते॒ रथे॒ष्वा ।
   येषां॑ श्रि॒याधि॒ रोद॑सी
   येषा॑म् श्रि॒या अधि रोद॑सी
   येषां श्रि॒याधि रोद॑सी

Halfverse: b    वि॒भ्राज॑न्ते॒ रथे॒ष्वा ।
   वि॒भ्राज॑न्ते रथे॑षु आ ।
   वि॒भ्राज॑न्ते रथे॑षु आ ।

Halfverse: c    दि॒वि रु॒क्म इ॑वो॒परि॑ ।।
   दि॒वि रु॒क्म इ॑वो॒परि॑ ।।
   दि॒वि रु॒क्मः इ॑व उ॒परि ।।
   दि॒वि रु॒क्म इ॑वो॒परि ।।

Verse: 13
Halfverse: a    युवा॒ स मारु॑तो ग॒णस्त्वे॒षर॑थो॒ अने॑द्यः ।
   युवा॒ स मारु॑तो ग॒णस्
   युवा स मारु॑तः ग॒णः
   युवा स मारु॑तो ग॒णस्

Halfverse: b    त्वे॒षर॑थो॒ अने॑द्यः ।
   त्वे॒षर॑थः अने॑द्यः ।
   त्वे॒षर॑थो अने॑दियः ।

Halfverse: c    शु॑भं॒यावाप्र॑तिष्कुतः ।।
   शु॑भं॒यावाप्र॑तिष्कुतः ।।
   शु॑भं॒यावा अप्र॑तिष्कुतः ।।
   शु॑भं॒यावाप्र॑तिष्कुतः ।।

Verse: 14
Halfverse: a    को वे॑द नू॒नमे॑षां॒ यत्रा॒ मद॑न्ति॒ धूत॑यः ।
   को वे॑द नू॒नमे॑षां
   कः वे॑द नू॒नम् एषाम्
   को वे॑द नू॒नम् एषाअं

Halfverse: b    यत्रा॒ मद॑न्ति॒ धूत॑यः ।
   यत्र+ मद॑न्ति धूत॑यः ।
   यत्रा मद॑न्ति धूत॑यः ।

Halfverse: c    ऋ॒तजा॑ता अरे॒पसः॑ ।।
   ऋ॒तजा॑ता अरे॒पसः॑ ।।
   ऋ॒तजा॑ताः अरे॒पसः ।।
   ऋ॒तजा॑ता अरे॒पसः ।।

Verse: 15
Halfverse: a    यू॒यम्मर्तं॑ विपन्यवः प्रणे॒तार॑ इ॒त्था धि॒या ।
   यू॒यम्मर्तं॑ विपन्यवः
   यू॒यम् मर्त॑म् विपन्यवः
   यू॒यम् मर्तं विपन्यवः

Halfverse: b    प्रणे॒तार॑ इ॒त्था धि॒या ।
   प्र॑णे॒तारः इ॒त्था धि॒या ।
   प्र॑णे॒तार इ॒त्था धि॒या ।

Halfverse: c    श्रोता॑रो॒ याम॑हूतिषु ।।
   श्रोता॑रो॒ याम॑हूतिषु ।।
   श्रोता॑रः याम॑हूतिषु ।।
   श्रोता॑रो याम॑हूतिषु ।।

Verse: 16
Halfverse: a    ते नो॒ वसू॑नि॒ काम्या॑ पुरुश्च॒न्द्रा रि॑शादसः ।
   ते नो॒ वसू॑नि॒ काम्या
   ते नः वसू॑नि काम्या
   ते नो वसू॑नि कामि॑या

Halfverse: b    पुरुश्च॒न्द्रा रि॑शादसः ।
   पु॑रुश्च॒न्द्रा ! रि॑शादसः ।
   पु॑रुश्च॒न्द्रा रि॑शादसः ।

Halfverse: c    आ य॑ज्ञियासो ववृत्तन ।।
   आ य॑ज्ञियासो ववृत्तन ।।
   आ य॑ज्ञियासः ववृत्तन ।।
   आ य॑ज्ञियासो ववृत्तन ।।

Verse: 17
Halfverse: a    ए॒तम्मे॒ स्तोम॑मूर्म्ये दा॒र्भ्याय॒ परा॑ वह ।
   ए॒तम्मे॒ स्तोम॑मूर्म्ये
   ए॒तम् मे स्तोम॑म् ऊर्म्ये
   ए॒तम् मे स्तोम॑म् ऊर्मिये

Halfverse: b    दा॒र्भ्याय॒ परा॑ वह ।
   दा॒र्भ्याय परा वह ।
   दा॑र्भि॒याय परा वह ।

Halfverse: c    गिरो॑ देवि र॒थीरि॑व ।।
   गिरो॑ देवि र॒थीरि॑व ।।
   गिरः देवि र॒थीः इ॑व ।।
   गिरो देवि र॒थीर् इव ।।

Verse: 18
Halfverse: a    उ॒त मे॑ वोचता॒दिति॑ सु॒तसो॑मे॒ रथ॑वीतौ ।
   उ॒त मे॑ वोचता॒दिति
   उ॒त मे वोचतात् इति
   उ॒त मे वोचताद् इति

Halfverse: b    सु॒तसो॑मे॒ रथ॑वीतौ ।
   सु॒तसो॑मे रथ॑वीतौ ।
   सु॒तसो॑मे रथ॑वीतौ ।

Halfverse: c    न कामो॒ अप॑ वेति मे ।।
   न कामो॒ अप॑ वेति मे ।।
   न कामः अप वेति मे ।।
   न कामो अप वेति मे ।।

Verse: 19
Halfverse: a    ए॒ष क्षे॑ति॒ रथ॑वीतिर्म॒घवा॒ गोम॑ती॒रनु॑ ।
   ए॒ष क्षे॑ति॒ रथ॑वीतिर्
   ए॒ष क्षे॑ति रथ॑वीतिः
   ए॒ष क्षे॑ति रथ॑वीतिर्

Halfverse: b    म॒घवा॒ गोम॑ती॒रनु॑ ।
   म॒घवा गोम॑तीः अनु ।
   म॒घवा गोम॑तीर् अनु ।

Halfverse: c    पर्व॑ते॒ष्वप॑श्रितः ।।
   पर्व॑ते॒ष्वप॑श्रितः ।।
   पर्व॑तेषु अप॑श्रितः ।।
   पर्व॑तेषु अप॑श्रितः ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.