TITUS
Rg-Veda: Rg-Veda-Samhita
Part No. 428
Previous part

Hymn: 74_(428) 
Verse: 1 
Halfverse: a    कूष्ठो॑ देवावश्विना॒द्या दि॒वो म॑नावसू ।
   कूष्ठो॑ देवावश्विना
   कू ! स्थः ! देवौ अश्विना
   कूउष्ठो देवाव् अश्विना

Halfverse: b     अ॒द्या दि॒वो म॑नावसू ।
   अ॒द्य+ दि॒वः म॑नावसू ।
   अ॒द्या दि॒वो म॑नावसू ।

Halfverse: c    तच्छ्र॑वथो वृषण्वसू॒ अत्रि॑र्वा॒मा वि॑वासति ।।
   तच्छ्र॑वथो वृषण्वसू
   तत् श्रवथः वृषण्वसू
   तच् छ्रवथो वृषण्वसू

Halfverse: d    अत्रि॑र्वा॒मा वि॑वासति ।।
   अत्रिः वाम् आ वि॑वासति ।।
   अत्रि॑र् वाम् आ वि॑वासति ।।


Verse: 2 
Halfverse: a    कुह॒ त्या कुह॒ नु श्रु॒ता दि॒वि दे॒वा नास॑त्या ।
   कुह॒ त्या कुह॒ नु श्रु॒ता
   कुह त्या कुह नु श्रु॒ता
   कुह त्या कुह नु श्रु॒ता

Halfverse: b    दि॒वि दे॒वा नास॑त्या ।
   दि॒वि दे॒वा नास॑त्या ।
   दि॒वि दे॒वा नास॑तिया ।

Halfverse: c    कस्मि॒न्ना य॑तथो॒ जने॒ को वां॑ न॒दीनां॒ सचा॑ ।।
   कस्मि॒न्ना य॑तथो॒ जने
   कस्मि॑न् आ य॑तथः जने
   कस्मि॑न्न् आ य॑तथो जने

Halfverse: d    को वां॑ न॒दीनां॒ सचा॑ ।।
   कः वा॑म् न॒दीना॑म् सचा ।।
   को वां न॒दीनाअं सचा ।।


Verse: 3 
Halfverse: a    कं या॑थः॒ कं ह॑ गछथः॒ कमछा॑ युञ्जाथे॒ रथ॑म् ।
   कं या॑थः॒ कं ह॑ गछथः
   कम् याथः कम् ह गछथः
   कं या॑थः कं ह गछथः

Halfverse: b    कमछा॑ युञ्जाथे॒ रथ॑म् ।
   कम् अछ+ युञ्जाथे रथ॑म् ।
   कम् अछा युञ्जथे % रथ॑म् ।

Halfverse: c    कस्य॒ ब्रह्मा॑णि रण्यथो व॒यं वा॑मुश्मसी॒ष्टये॑ ।।
   कस्य॒ ब्रह्मा॑णि रण्यथो
   कस्य ब्रह्मा॑णि रण्यथः
   कस्य ब्रह्मा॑णि रण्यथो

Halfverse: d    व॒यं वा॑मुश्मसी॒ष्टये॑ ।।
   व॒यम् वाम् उश्मसि इ॒ष्टये ।।
   व॒यं वा॑म् उश्मसी॒ष्टये ।।


Verse: 4 
Halfverse: a    पौ॒रं चि॒द्ध्यु॑द॒प्रुत॒म्पौर॑ पौ॒राय॒ जिन्व॑थः ।
   पौ॒रं चि॒द्ध्यु॑द॒प्रुत॑म्
   पौ॒रम् चित् हि उ॑द॒प्रुत॑म्
   पौ॒रं चि॑द् धि उ॑द॒प्रुत॑म्

Halfverse: b    पौर॑ पौ॒राय॒ जिन्व॑थः ।
   पौरा पौ॒राय जिन्व॑थः ।
   पौर पौ॒राय जिन्व॑थः ।

Halfverse: c    यदीं॑ गृभी॒तता॑तये सिँ॒हमि॑व द्रु॒हस्प॒दे ।।
   यदीं॑ गृभी॒तता॑तये
   यत् ईम् गृभी॒तता॑तये
   यद् ईं गृभी॒तता॑तये

Halfverse: d    सिँ॒हमि॑व द्रु॒हस्प॒दे ।।
   सिं॒हम् इव द्रु॒हः प॒दे ।।
   सिं॒हम् इव द्रु॒हस् प॒दे ।।


Verse: 5 
Halfverse: a    प्र च्यवा॑नाज्जुजु॒रुषो॑ व॒व्रिमत्कं॒ न मु॑ञ्चथः ।
   प्र च्यवा॑नाज्जुजु॒रुषो
   प्र च्यवा॑नात् जुजु॒रुषः
   प्र च्यवा॑नाज् जुजु॒रुषो

Halfverse: b    व॒व्रिमत्कं॒ न मु॑ञ्चथः ।
   व॒व्रिम् अत्क॑म् न मु॑ञ्चथः ।
   व॒व्रिम् अत्कं न मु॑ञ्चथः ।

Halfverse: c    युवा॒ यदी॑ कृ॒थः पुन॒रा काम॑मृण्वे व॒ध्वः॑ ।।
   युवा॒ यदी॑ कृ॒थः पुन॑र्
   युवा यदि+ कृ॒थः पुन॑र्
   युवा यदी कृ॒थः पुन॑र्

Halfverse: d    आ काम॑मृण्वे व॒ध्वः॑ ।।
   आ काम॑म् ऋण्वे व॒ध्वः ।।
   आ काम॑म् ऋण्वे व॒धुवः ।।


Verse: 6 
Halfverse: a    अस्ति॒ हि वा॑मि॒ह स्तो॒ता स्मसि॑ वां सं॒दृशि॑ श्रि॒ये ।
   अस्ति॒ हि वा॑मि॒ह स्तो॒ता
   अस्ति हि वा॑म् इ॒ह स्तो॒ता
   अस्ति हि वा॑म् इ॒ह स्तो॒ता

Halfverse: b    स्मसि॑ वां सं॒दृशि॑ श्रि॒ये ।
   स्मसि वाम् सं॒दृशि श्रि॒ये ।
   स्मसि वां सं॒दृशि श्रि॒ये ।

Halfverse: c    नू श्रु॒तम्म॒ आ ग॑त॒मवो॑भिर्वाजिनीवसू ।।
   नू श्रु॒तम्म॒ आ ग॑तम्
   नु+ श्रु॒तम् मे आ ग॑तम्
   नूउ श्रु॒तम् म आ ग॑तम्

Halfverse: d    अवो॑भिर्वाजिनीवसू ।।
   अवो॑भिः वाजिनीवसू ।।
   अवो॑भिर् वाजिनीवसू ।।


Verse: 7 
Halfverse: a    को वा॑म॒द्य पु॑रू॒णामा व॑व्ने॒ मर्त्या॑नाम् ।
   को वा॑म॒द्य पु॑रू॒णाम्
   कः वा॑म् अ॒द्य पु॑रू॒णाम्
   को वा॑म् अ॒द्य पु॑रू॒णाअम्

Halfverse: b    आ व॑व्ने॒ मर्त्या॑नाम् ।
   आ व॑व्ने मर्त्या॑नाम् ।
   आ व॑व्ने मर्ति॑यानाअम् ।

Halfverse: c    को विप्रो॑ विप्रवाहसा॒ को य॒ज्ञैर्वा॑जिनीवसू ।।
   को विप्रो॑ विप्रवाहसा
   कः विप्रः विप्रवाहसा
   को विप्रो विप्रवाहसा

Halfverse: d    को य॒ज्ञैर्वा॑जिनीवसू ।।
   कः य॒ज्ञैः वा॑जिनीवसू ।।
   को य॒ज्ञैर् वाजिनीवसू ।।


Verse: 8 
Halfverse: a    आ वां॒ रथो॒ रथा॑नां॒ येष्ठो॑ यात्वश्विना ।
   आ वां॒ रथो॒ रथा॑नां
   आ वा॑म् रथः रथा॑नाम्
   आ वां रथो रथा॑नाअं

Halfverse: b    येष्ठो॑ यात्वश्विना ।
   येष्ठः यातु अश्विना ।
   ययि॑ष्ठो यातु अश्विना ।

Halfverse: c    पु॒रू चि॑दस्म॒युस्ति॒र आ॑ङ्गू॒षो मर्त्ये॒ष्वा ।।
   पु॒रू चि॑दस्म॒युस्ति॒र
   पु॒रु+ चि॑त् अस्म॒युः ति॒रः
   पु॒रू चि॑द् अस्म॒युस् ति॒र

Halfverse: d    आ॑ङ्गू॒षो मर्त्ये॒ष्वा ।।
   आ॑ङ्गू॒षः मर्त्ये॑षु आ ।।
   आ॑ङ्गू॒षो मर्ति॑येषु आ ।।


Verse: 9 
Halfverse: a    शमू॒ षु वा॑म्मधूयुवा॒स्माक॑मस्तु चर्कृ॒तिः ।
   शमू॒ षु वा॑म्मधूयुवा
   शम् उ+ सु वा॑म् मधूयुवा
   शम् ऊ षु वा॑म् मधूयुवा

Halfverse: b     अ॒स्माक॑मस्तु चर्कृ॒तिः ।
   अ॒स्माक॑म् अस्तु चर्कृ॒तिः ।
   अ॒स्माक॑म् अस्तु चर्कृ॒तिः ।

Halfverse: c    अ॑र्वाची॒ना वि॑चेतसा॒ विभिः॑ श्ये॒नेव॑ दीयतम् ।।
   अ॑र्वाची॒ना वि॑चेतसा
   अर्वाची॒ना वि॑चेतसा
   अर्वाची॒ना वि॑चेतसा

Halfverse: d    विभिः॑ श्ये॒नेव॑ दीयतम् ।।
   विभिः श्ये॒ना इ॑व दीयतम् ।।
   विभिः श्ये॒नेव दीयतम् ।।


Verse: 10 
Halfverse: a    अश्वि॑ना॒ यद्ध॒ कर्हि॑ चिच्छुश्रू॒यात॑मि॒मं हव॑म् ।
   अश्वि॑ना॒ यद्ध॒ कर्हि॑ चिच्
   अश्वि॑ना यत् ह कर्हि चित्
   अश्वि॑ना यद् ध कर्हि चिच्

Halfverse: b    छुश्रू॒यात॑मि॒मं हव॑म् ।
   शु॑श्रू॒यात॑म् इ॒मम् हव॑म् ।
   छु॑श्रू॒यात॑म् इ॒मं हव॑म् ।

Halfverse: c    वस्वी॑रू॒ षु वा॒म्भुजः॑ पृ॒ञ्चन्ति॒ सु वा॒म्पृचः॑ ।।
   वस्वी॑रू॒ षु वा॒म्भुजः
   वस्वीः उ+ सु वा॑म् भुजः
   वस्वी॑र् ऊ षु वाअ॑म् भुजः

Halfverse: d    पृ॒ञ्चन्ति॒ सु वा॒म्पृचः॑ ।।
   पृ॒ञ्चन्ति सु वा॑म् पृचः ।।
   पृ॒ञ्चन्ति सु वाअ॑म् पृचः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.