TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 429

Hymn: 75_(429)
Verse: 1
Halfverse: a    प्रति॑ प्रि॒यत॑मं॒ रथं॒ वृष॑णं वसु॒वाह॑नम् ।
   प्रति॑ प्रि॒यत॑मं॒ रथं
   प्रति प्रि॒यत॑मम् रथ॑म्
   प्रति प्रि॒यत॑मं रथं

Halfverse: b    वृष॑णं वसु॒वाह॑नम् ।
   वृष॑णम् वसु॒वाह॑नम् ।
   वृष॑णं वसु॒वाह॑नम् ।

Halfverse: c    स्तो॒ता वा॑मश्विना॒वृषि॒ स्तोमे॑न॒ प्रति॑ भूषति॒ माध्वी॒ मम॑ श्रुतं॒ हव॑म् ।.। ।।
   स्तो॒ता वा॑मश्विना॒वृषि
   स्तो॒ता वा॑म् अश्विनौ ऋषिः
   स्तो॒ता वा॑म् अश्विनाव् ऋषिः

Halfverse: d    स्तोमे॑न॒ प्रति॑ भूषति
   स्तोमे॑न प्रति भूषति
   स्तोमे॑न प्रति भूषति

Halfverse: e    माध्वी॒ मम॑ श्रुतं॒ हव॑म् ।।
   माध्वी मम श्रुतम् हव॑म् ।।
   माध्वी मम श्रुतं हव॑म् ।।

Verse: 2
Halfverse: a    अ॒त्याया॑तमश्विना ति॒रो विश्वा॑ अ॒हं सना॑ ।
   अ॒त्याया॑तमश्विना
   अ॒त्याया॑तम् अश्विना
   अ॒तिआया॑तम् अश्विना

Halfverse: b    ति॒रो विश्वा॑ अ॒हं सना॑ ।
   ति॒रः विश्वाः अ॒हम् सना ।
   ति॒रो विश्वा अ॒हं सना ।

Halfverse: c    दस्रा॒ हिर॑ण्यवर्तनी॒ सुषु॑म्ना॒ सिन्धु॑वाहसा॒ माध्वी॒ मम॑ श्रुतं॒ हवं॑ ।.। ।।
   दस्रा॒ हिर॑ण्यवर्तनी
   दस्रा हिर॑ण्यवर्तनी
   दस्रा हिर॑ण्यवर्तनी

Halfverse: d    सुषु॑म्ना॒ सिन्धु॑वाहसा
   सुषु॑म्ना सिन्धु॑वाहसा
   सुषु॑म्ना सिन्धु॑वाहसा

Halfverse: e    माध्वी॒ मम॑ श्रुतं॒ हवं॑ ।।
   माध्वी मम श्रुतम् हव॑म् ।।
   माध्वी मम श्रुतं हव॑म् ।।

Verse: 3
Halfverse: a    आ नो॒ रत्ना॑नि॒ बिभ्र॑ता॒वश्वि॑ना॒ गछ॑तं यु॒वम् ।
   आ नो॒ रत्ना॑नि॒ बिभ्र॑ताव्
   आ नः रत्ना॑नि बिभ्र॑तौ
   आ नो रत्ना॑नि बिभ्र॑ताव्

Halfverse: b    अश्वि॑ना॒ गछ॑तं यु॒वम् ।
   अश्वि॑ना गछ॑तम् यु॒वम् ।
   अश्वि॑ना गछ॑तं यु॒वम् ।

Halfverse: c    रुद्रा॒ हिर॑ण्यवर्तनी जुषा॒णा वा॑जिनीवसू॒ माध्वी॒ मम॑ श्रुतं॒ हवं॑ ।.। ।।
   रुद्रा॒ हिर॑ण्यवर्तनी
   रुद्रा हिर॑ण्यवर्तनी
   रुद्रा हिर॑ण्यवर्तनी

Halfverse: d    जुषा॒णा वा॑जिनीवसू
   जुषा॒णा वा॑जिनीवसू
   जुषा॒णा वा॑जिनीवसू

Halfverse: e    माध्वी॒ मम॑ श्रुतं॒ हवं॑ ।।
   माध्वी मम श्रुतम् हव॑म् ।।
   माध्वी मम श्रुतं हव॑म् ।।

Verse: 4
Halfverse: a    सु॒ष्टुभो॑ वां वृषण्वसू॒ रथे॒ वाणी॒च्याहि॑ता ।
   सु॒ष्टुभो॑ वां वृषण्वसू
   सु॒ष्टुभः वाम् वृषण्वसू
   सु॒ष्टुभो वां वृषण्वसू

Halfverse: b    रथे॒ वाणी॒च्याहि॑ता ।
   रथे वाणी॑ची आहि॑ता ।
   रथे वाणी॑ची आहि॑ता ।

Halfverse: c    उ॒त वां॑ ककु॒हो मृ॒गः पृक्षः॑ कृणोति वापु॒षो माध्वी॒ मम॑ श्रुतं॒ हवं॑ ।.। ।।
   उ॒त वां॑ ककु॒हो मृ॒गः
   उ॒त वा॑म् ककु॒हः मृ॒गः
   उ॒त वां ककु॒हो मृ॒गः

Halfverse: d    पृक्षः॑ कृणोति वापु॒षो
   पृक्षः कृणोति वापु॒षः
   पृक्षः कृणोति वापु॒षो

Halfverse: e    माध्वी॒ मम॑ श्रुतं॒ हवं॑ ।।
   माध्वी मम श्रुतम् हव॑म् ।।
   माध्वी मम श्रुतं हव॑म् ।।

Verse: 5
Halfverse: a    बो॒धिन्म॑नसा र॒थ्ये॑षि॒रा ह॑वन॒श्रुता॑ ।
   बो॒धिन्म॑नसा र॒थ्या
   बो॒धिन्म॑नसा र॒थ्या
   बो॒धिन्म॑नसा र॒थिया

Halfverse: b     ॑इषि॒रा ह॑वन॒श्रुता॑ ।
   इ॑षि॒रा ह॑वन॒श्रुता ।
   इ॑षि॒रा ह॑वन॒श्रुता ।

Halfverse: c    विभि॒श्च्यवा॑नमश्विना॒ नि या॑थो॒ अद्व॑याविन॒म्माध्वी॒ मम॑ श्रुतं॒ हवं॑ ।.। ।।
   विभि॒श्च्यवा॑नमश्विना
   विभिः च्यवा॑नम् अश्विना
   विभि॑श् च्यवा॑नम् अश्विना

Halfverse: d    नि या॑थो॒ अद्व॑याविनम्
   नि या॑थः अद्व॑याविनम्
   नि या॑थो अद्व॑याविनम्

Halfverse: e    माध्वी॒ मम॑ श्रुतं॒ हवं॑ ।।
   माध्वी मम श्रुतम् हव॑म् ।।
   माध्वी मम श्रुतं हव॑म् ।।

Verse: 6
Halfverse: a    आ वां॑ नरा मनो॒युजो ऽश्वा॑सः प्रुषि॒तप्स॑वः ।
   आ वां॑ नरा मनो॒युजो
   आ वा॑म् नरा मनो॒युजः
   आ वां नरा मनो॒युजो

Halfverse: b    ऽश्वासः प्रुषि॒तप्स॑वः ।
   अश्वा॑सः प्रुषि॒तप्स॑वः ।
   अश्वा॑सः प्रुषि॒तप्स॑वः ।

Halfverse: c    वयो॑ वहन्तु पी॒तये॑ स॒ह सु॒म्नेभि॑रश्विना॒ माध्वी॒ मम॑ श्रुतं॒ हवं॑ ।.। ।।
   वयो॑ वहन्तु पी॒तये
   वयः वहन्तु पी॒तये
   वयो वहन्तु पी॒तये

Halfverse: d    स॒ह सु॒म्नेभि॑रश्विना
   स॒ह सु॒म्नेभिः अश्विना
   स॒ह सु॒म्नेभि॑र् अश्विना

Halfverse: e    माध्वी॒ मम॑ श्रुतं॒ हवं॑ ।।
   माध्वी मम श्रुतम् हव॑म् ।।
   माध्वी मम श्रुतं हव॑म् ।।

Verse: 7
Halfverse: a    अश्वि॑ना॒वेह ग॑छतं॒ नास॑त्या॒ मा वि वे॑नतम् ।
   अश्वि॑ना॒वेह ग॑छतं
   अश्वि॑नौ आ इ॒ह ग॑छतम्
   अश्वि॑नाव् एह ग॑छतं

Halfverse: b    नास॑त्या॒ मा वि वे॑नतम् ।
   नास॑त्या मा वि वे॑नतम् ।
   नास॑त्या मा वि वे॑नतम् ।

Halfverse: c    ति॒रश्चि॑दर्य॒या परि॑ व॒र्तिर्या॑तमदाभ्या॒ माध्वी॒ मम॑ श्रुतं॒ हवं॑ ।.। ।।
   ति॒रश्चि॑दर्य॒या परि
   ति॒रः चि॑त् अर्य॒या परि
   ति॒रश् चिद् अर्य॒या परि

Halfverse: d    व॒र्तिर्या॑तमदाभ्या
   व॒र्तिः या॑तम् अदाभ्या
   व॒र्तिर् यातम् अदाभिया

Halfverse: e    माध्वी॒ मम॑ श्रुतं॒ हवं॑ ।।
   माध्वी मम श्रुतम् हव॑म् ।।
   माध्वी मम श्रुतं हव॑म् ।।

Verse: 8
Halfverse: a    अ॒स्मिन्य॒ज्ञे अ॑दाभ्या जरि॒तारं॑ शुभस्पती ।
   अ॒स्मिन्य॒ज्ञे अ॑दाभ्या
   अ॒स्मिन् य॒ज्ञे अ॑दाभ्या
   अ॒स्मिन् य॒ज्ञे अ॑दाभिया

Halfverse: b    जरि॒तारं॑ शुभस्पती ।
   ज॑रि॒तार॑म् शुभः पती ।
   ज॑रि॒तारं शुभस् पती ।

Halfverse: c    अ॑व॒स्युम॑श्विना यु॒वं गृ॒णन्त॒मुप॑ भूषथो॒ माध्वी॒ मम॑ श्रुतं॒ हवं॑ ।.। ।।
   अ॑व॒स्युम॑श्विना यु॒वं
   अ॑व॒स्युम् अश्विना यु॒वम्
   अव॒स्युम् अश्विना यु॒वं

Halfverse: d    गृ॒णन्त॒मुप॑ भूषथो
   गृ॒णन्त॑म् उप भूषथः
   गृ॒णन्त॑म् उप भूषथो

Halfverse: e    माध्वी॒ मम॑ श्रुतं॒ हवं॑ ।।
   माध्वी मम श्रुतम् हव॑म् ।।
   माध्वी मम श्रुतं हव॑म् ।।

Verse: 9
Halfverse: a    अभू॑दु॒षा रुश॑त्पशु॒राग्निर॑धाय्यृ॒त्वियः॑ ।
   अभू॑दु॒षा रुश॑त्पशुर्
   अभू॑त् उ॒षाः रुश॑त्पशुः
   अभू॑द् उ॒षा रुश॑त्पशुर्

Halfverse: b    आग्निर॑धाय्यृ॒त्वियः॑ ।
   आ अ॒ग्निः अ॑धायि ऋ॒त्वियः ।
   आग्निर् अधायि ऋ॒त्वियः ।

Halfverse: c    अयो॑जि वां वृषण्वसू॒ रथो॑ दस्रा॒वम॑र्त्यो॒ माध्वी॒ मम॑ श्रुतं॒ हवं॑ ।.। ।।
   अयो॑जि वां वृषण्वसू
   अयो॑जि वाम् वृषण्वसू
   अयो॑जि वां वृषण्वसू

Halfverse: d    रथो॑ दस्रा॒वम॑र्त्यो
   रथः दस्रौ अम॑र्त्यः
   रथो दस्राव् अम॑र्तियो

Halfverse: e    माध्वी॒ मम॑ श्रुतं॒ हवं॑ ।।
   माध्वी मम श्रुतम् हव॑म् ।।
   माध्वी मम श्रुतं हव॑म् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.