TITUS
Rg-Veda: Rg-Veda-Samhita
Part No. 431
Previous part

Hymn: 77_(431) 
Verse: 1 
Halfverse: a    प्रा॑त॒र्यावा॑णा प्रथ॒मा य॑जध्वम्पु॒रा गृध्रा॒दर॑रुषः पिबातः ।
   प्रा॑त॒र्यावा॑णा प्रथ॒मा य॑जध्वम्
   प्रात॒र्यावा॑णा प्रथ॒मा य॑जध्वम्
   प्रात॒र्यावा॑णा प्रथ॒मा य॑जध्वम्

Halfverse: b    पु॒रा गृध्रा॒दर॑रुषः पिबातः ।
   पु॒रा गृध्रा॑त् अर॑रुषः पिबातः ।
   पु॒रा गृध्रा॑द् अर॑रुषः पिबातः ।

Halfverse: c    प्रा॒तर्हि य॒ज्ञम॒श्विना॑ द॒धाते॒ प्र शँ॑सन्ति क॒वयः॑ पूर्व॒भाजः॑ ।।
   प्रा॒तर्हि य॒ज्ञम॒श्विना॑ द॒धाते
   प्रा॒तर् हि य॒ज्ञम् अ॒श्विना द॒धाते
   प्रा॒तर् हि य॒ज्ञम् अ॒श्विना द॒धाते

Halfverse: d    प्र शँ॑सन्ति क॒वयः॑ पूर्व॒भाजः॑ ।।
   प्र शं॑सन्ति क॒वयः पूर्व॒भाजः ।।
   प्र शं॑सन्ति क॒वयः पूर्व॒भाजः ।।


Verse: 2 
Halfverse: a    प्रा॒तर्य॑जध्वम॒श्विना॑ हिनोत॒ न सा॒यम॑स्ति देव॒या अजु॑ष्टम् ।
   प्रा॒तर्य॑जध्वम॒श्विना॑ हिनोत
   प्रा॒तर् यजध्वम् अ॒श्विना हिनोत
   प्रा॒तर् यजध्वम् अ॒श्विना हिनोत

Halfverse: b    न सा॒यम॑स्ति देव॒या अजु॑ष्टम् ।
   न सा॒यम् अस्ति देव॒याः अजु॑ष्टम् ।
   न सा॒यम् अस्ति देव॒या अजु॑ष्टम् ।

Halfverse: c    उ॒तान्यो अ॒स्मद्य॑जते॒ वि चावः॒ पूर्वः॑पूर्वो॒ यज॑मानो॒ वनी॑यान् ।।
   उ॒तान्यो अ॒स्मद्य॑जते॒ वि चावः
   उ॒त अ॒न्यः अ॒स्मत् यजते वि च आवः
   उ॒तान्यो अ॒स्मद् यजते वि चावः

Halfverse: d    पूर्वः॑पूर्वो॒ यज॑मानो॒ वनी॑यान् ।।
   पूर्वः॑पूर्वः यज॑मानः वनी॑यान् ।।
   पूर्वः॑पूर्वो यज॑मानो वनी॑यान् ।।


Verse: 3 
Halfverse: a    हिर॑ण्यत्व॒ङ्मधु॑वर्णो घृ॒तस्नुः॒ पृक्षो॒ वह॒न्ना रथो॑ वर्तते वाम् ।
   हिर॑ण्यत्व॒ङ्मधु॑वर्णो घृ॒तस्नुः
   हिर॑ण्यत्वक् मधु॑वर्णः घृ॒तस्नुः
   हिर॑ण्यत्वङ् मधु॑वर्णो घृ॒तस्नुः

Halfverse: b    पृक्षो॒ वह॒न्ना रथो॑ वर्तते वाम् ।
   पृक्षः वह॑न् आ रथः वर्तते वाम् ।
   पृक्षो वह॑न्न् आ रथो वर्तते वाम् ।

Halfverse: c    मनो॑जवा अश्विना॒ वात॑रँहा॒ येना॑तिया॒थो दु॑रि॒तानि॒ विश्वा॑ ।।
   मनो॑जवा अश्विना॒ वात॑रँहा
   मनो॑जवाः अश्विना वात॑रंहाः
   मनो॑जवा अश्विना वात॑रंहा

Halfverse: d    येना॑तिया॒थो दु॑रि॒तानि॒ विश्वा॑ ।।
   येन अतिया॒थः दु॑रि॒तानि विश्वा ।।
   येना॑तिया॒थो दु॑रि॒तानि विश्वा ।।


Verse: 4 
Halfverse: a    यो भूयि॑ष्ठं॒ नास॑त्याभ्यां वि॒वेष॒ चनि॑ष्ठम्पि॒त्वो रर॑ते विभा॒गे ।
   यो भूयि॑ष्ठं॒ नास॑त्याभ्यां वि॒वेष
   यः भूयि॑ष्ठम् नास॑त्याभ्याम् वि॒वेष
   यो भूयि॑ष्ठं नास॑त्याभ्यां वि॒वेष

Halfverse: b    चनि॑ष्ठम्पि॒त्वो रर॑ते विभा॒गे ।
   चनि॑ष्ठम् पि॒त्वः रर॑ते विभा॒गे ।
   चनि॑ष्ठम् पि॒त्वो रर॑ते विभा॒गे ।

Halfverse: c    स तो॒कम॑स्य पीपर॒च्छमी॑भि॒रनू॑र्ध्वभासः॒ सद॒मित्तु॑तुर्यात् ।।
   स तो॒कम॑स्य पीपर॒च्छमी॑भिर्
   स तो॒कम् अस्य पीपरत् शमी॑भिः
   स तो॒कम् अस्य पीपरच् छमी॑भिर्

Halfverse: d    अनू॑र्ध्वभासः॒ सद॒मित्तु॑तुर्यात् ।।
   अनू॑र्ध्वभासः सद॑म् इत् तुतुर्यात् ।।
   अनू॑र्ध्वभासः सद॑म् इत् तुतुर्यात् ।।


Verse: 5 
Halfverse: a    सम॒श्विनो॒रव॑सा॒ नूत॑नेन मयो॒भुवा॑ सु॒प्रणी॑ती गमेम ।
   सम॒श्विनो॒रव॑सा॒ नूत॑नेन
   सम् अ॒श्विनोः अव॑सा नूत॑नेन
   सम् अ॒श्विनो॑र् अव॑सा नूत॑नेन

Halfverse: b    मयो॒भुवा॑ सु॒प्रणी॑ती गमेम ।
   म॑यो॒भुवा सु॒प्रणी॑ती गमेम ।
   म॑यो॒भुवा सु॒प्रणी॑ती गमेम ।

Halfverse: c    आ नो॑ र॒यिं व॑हत॒मोत वी॒राना विश्वा॑न्यमृता॒ सौभ॑गानि ।।
   आ नो॑ र॒यिं व॑हत॒मोत वी॒रान्
   आ नः र॒यिम् वहतम् आ उ॒त वी॒रान्
   आ नो र॒यिं व॑हतम् ओत वी॒रान्

Halfverse: d    आ विश्वा॑न्यमृता॒ सौभ॑गानि ।।
   आ विश्वा॑नि अमृता सौभ॑गानि ।।
   आ विश्वा॑नि अमृता सौभ॑गानि ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.