TITUS
Rg-Veda: Rg-Veda-Samhita
Part No. 436
Previous part

Hymn: 82_(436) 
Verse: 1 
Halfverse: a    तत्स॑वि॒तुर्वृ॑णीमहे व॒यं दे॒वस्य॒ भोज॑नम् ।
   तत्स॑वि॒तुर्वृ॑णीमहे
   तत् सवि॒तुः वृ॑णीमहे
   तत् सवि॒तुर् वृणीमहे

Halfverse: b    व॒यं दे॒वस्य॒ भोज॑नम् ।
   व॒यम् दे॒वस्य भोज॑नम् ।
   व॒यं दे॒वस्य भोज॑नम् ।

Halfverse: c    श्रेष्ठं॑ सर्व॒धात॑मं॒ तुर॒म्भग॑स्य धीमहि ।।
   श्रेष्ठं॑ सर्व॒धात॑मं
   श्रेष्ठ॑म् सर्व॒धात॑मम्
   श्रयि॑ष्ठं सर्व॒धात॑मं

Halfverse: d    तुर॒म्भग॑स्य धीमहि ।।
   तुर॑म् भग॑स्य धीमहि ।।
   तुर॑म् भग॑स्य धीमहि ।।


Verse: 2 
Halfverse: a    अस्य॒ हि स्वय॑शस्तरं सवि॒तुः कच्च॒न प्रि॒यम् ।
   अस्य॒ हि स्वय॑शस्तरं
   अस्य हि स्वय॑शस्तरम्
   अस्य हि स्वय॑शस्तरं

Halfverse: b    सवि॒तुः कच्च॒न प्रि॒यम् ।
   स॑वि॒तुः कत् च॒न प्रि॒यम् ।
   स॑वि॒तुः कच् च॒न प्रि॒यम् ।

Halfverse: c    न मि॒नन्ति॑ स्व॒राज्य॑म् ।।
   न मि॒नन्ति॑ स्व॒राज्य॑म् ।।
   न मि॒नन्ति स्व॒राज्य॑म् ।।
   न मि॒नन्ति स्व॒राजि॑यम् ।।


Verse: 3 
Halfverse: a    स हि रत्ना॑नि दा॒शुषे॑ सु॒वाति॑ सवि॒ता भगः॑ ।
   स हि रत्ना॑नि दा॒शुषे
   स हि रत्ना॑नि दा॒शुषे
   स हि रत्ना॑नि दा॒शुषे

Halfverse: b    सु॒वाति॑ सवि॒ता भगः॑ ।
   सु॒वाति सवि॒ता भगः ।
   सु॒वाति सवि॒ता भगः ।

Halfverse: c    तम्भा॒गं चि॒त्रमी॑महे ।।
   तम्भा॒गं चि॒त्रमी॑महे ।।
   तम् भा॒गम् चि॒त्रम् ईमहे ।।
   तम् भा॒गं चि॒त्रम् ईमहे ।।


Verse: 4 
Halfverse: a    अ॒द्या नो॑ देव सवितः प्र॒जाव॑त्सावीः॒ सौभ॑गम् ।
   अ॒द्या नो॑ देव सवितः
   अ॒द्य+ नः देव सवितर्
   अ॒द्या नो देव सवितः

Halfverse: b    प्र॒जाव॑त्सावीः॒ सौभ॑गम् ।
   प्र॒जाव॑त् सावीः सौभ॑गम् ।
   प्र॒जाव॑त् सावीः सौभ॑गम् ।

Halfverse: c    परा॑ दु॒ष्वप्न्यं॑ सुव ।।
   परा॑ दु॒ष्वप्न्यं॑ सुव ।।
   परा दु॒ष्वप्न्य॑म् सुव ।।
   परा दु॒ष्वप्नि॑यं सुव ।।


Verse: 5 
Halfverse: a    विश्वा॑नि देव सवितर्दुरि॒तानि॒ परा॑ सुव ।
   विश्वा॑नि देव सवितर्
   विश्वा॑नि देव सवितर्
   विश्वा॑नि देव सवितर्

Halfverse: b    दुरि॒तानि॒ परा॑ सुव ।
   दु॑रि॒तानि परा सुव ।
   दु॑रि॒तानि परा सुव ।

Halfverse: c    यद्भ॒द्रं तन्न॒ आ सु॑व ।।
   यद्भ॒द्रं तन्न॒ आ सु॑व ।।
   यत् भ॒द्रम् तत् नः आ सु॑व ।।
   यद् भ॒द्रं तन् न आ सु॑व ।।


Verse: 6 
Halfverse: a    अना॑गसो॒ अदि॑तये दे॒वस्य॑ सवि॒तुः स॒वे ।
   अना॑गसो॒ अदि॑तये
   अना॑गसः अदि॑तये
   अना॑गसो अदि॑तये

Halfverse: b    दे॒वस्य॑ सवि॒तुः स॒वे ।
   दे॒वस्य सवि॒तुः स॒वे ।
   दे॒वस्य सवि॒तुः स॒वे ।

Halfverse: c    विश्वा॑ वा॒मानि॑ धीमहि ।।
   विश्वा॑ वा॒मानि॑ धीमहि ।।
   विश्वा वा॒मानि धीमहि ।।
   विश्वा वा॒मानि धीमहि ।।


Verse: 7 
Halfverse: a    आ वि॒श्वदे॑वं॒ सत्प॑तिं सू॒क्तैर॒द्या वृ॑णीमहे ।
   आ वि॒श्वदे॑वं॒ सत्प॑तिं
   आ वि॒श्वदे॑वम् सत्प॑तिम्
   आ वि॒श्वदे॑वं सत्प॑तिं

Halfverse: b    सू॒क्तैर॒द्या वृ॑णीमहे ।
   सू॒क्तैः अ॒द्य+ वृ॑णीमहे ।
   सू॒क्तैर् अ॒द्या वृ॑णीमहे ।

Halfverse: c    स॒त्यस॑वं सवि॒तार॑म् ।।
   स॒त्यस॑वं सवि॒तार॑म् ।।
   स॒त्यस॑वम् सवि॒तार॑म् ।।
   स॒त्यस॑वं सवि॒तार॑म् ।।


Verse: 8 
Halfverse: a    य इ॒मे उ॒भे अह॑नी पु॒र एत्यप्र॑युछन् ।
   य इ मेउ॒भे अह॑नी
   यः इ॒मे उ॒भे अह॑नी
   य इ॒मे उ॒भे अह॑नी

Halfverse: b    पु॒र एत्यप्र॑युछन् ।
   पु॒रः एति अप्र॑युछन् ।
   पु॒र एति अप्र॑युछन् ।

Halfverse: c    स्वा॒धीर्दे॒वः स॑वि॒ता ।।
   स्वा॒धीर्दे॒वः स॑वि॒ता ।।
   स्वा॒धीः दे॒वः स॑वि॒ता ।।
   सुआ॒धीर् दे॒वः स॑वि॒ता ।।


Verse: 9 
Halfverse: a    य इ॒मा विश्वा॑ जा॒तान्या॑श्रा॒वय॑ति॒ श्लोके॑न ।
   य इ॒मा विश्वा॑ जा॒तान्य्
   यः इ॒मा विश्वा जा॒तानि
   य इ॒मा विश्वा जा॒तानि

Halfverse: b    आश्रा॒वय॑ति॒ श्लोके॑न ।
   आ॑श्रा॒वय॑ति श्लोके॑न ।
   आ॑श्रा॒वय॑ति श्लोके॑न ।

Halfverse: c    प्र च॑ सु॒वाति॑ सवि॒ता ।।
   प्र च॑ सु॒वाति॑ सवि॒ता ।।
   प्र च सु॒वाति सवि॒ता ।।
   प्र च सु॒वाति सवि॒ता ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.