TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 438

Hymn: 84_(438)
Verse: 1
Halfverse: a    बळि॒त्था पर्व॑तानां खि॒द्रम्बि॑भर्षि पृथिवि ।
   बळि॒त्था पर्व॑तानां
   बट् इ॒त्था पर्व॑तानाम्
   बळ् इ॒त्था पर्व॑तानाअं

Halfverse: b    खि॒द्रम्बि॑भर्षि पृथिवि ।
   खि॒द्रम् बिभर्षि पृथिवि ।
   खि॒द्रम् बिभर्षि पृथिवि ।

Halfverse: c    प्र या भूमि॑म्प्रवत्वति म॒ह्ना जि॒नोषि॑ महिनि ।।
   प्र या भूमि॑म्प्रवत्वति
   प्र या भूमि॑म् प्रवत्वति
   प्र या भूमि॑म् प्रवत्वति

Halfverse: d    म॒ह्ना जि॒नोषि॑ महिनि ।।
   म॒ह्ना जि॒नोषि महिनि ।।
   म॒ह्ना जि॒नोषि महिनि ।।

Verse: 2
Halfverse: a    स्तोमा॑सस्त्वा विचारिणि॒ प्रति॑ ष्टोभन्त्य॒क्तुभिः॑ ।
   स्तोमा॑सस्त्वा विचारिणि
   स्तोमा॑सः त्वा विचारिणि
   स्तोमा॑सस् त्वा विचारिणि

Halfverse: b    प्रति॑ ष्टोभन्त्य॒क्तुभिः॑ ।
   प्रति स्तोभन्ति अ॒क्तुभिः ।
   प्रति ष्टोभन्ति अ॒क्तुभिः ।

Halfverse: c    प्र या वाजं॒ न हेष॑न्तम्पे॒रुमस्य॑स्यर्जुनि ।।
   प्र या वाजं॒ न हेष॑न्तम्
   प्र या वाज॑म् न हेष॑न्तम्
   प्र या वाजं न हेष॑न्तम्

Halfverse: d    पे॒रुमस्य॑स्यर्जुनि ।।
   पे॒रुम् अस्य॑सि अर्जुनि ।।
   पे॒रुम् अस्य॑सि अर्जुनि ।।

Verse: 3
Halfverse: a    दृ॒ऴा चि॒द्या वन॒स्पती॑न्क्ष्म॒या दर्ध॒र्ष्योज॑सा ।
   दृ॒ऴा चि॒द्या वन॒स्पती॑न्
   दृ॒ऴा चि॑त् या वन॒स्पती॑न्
   दृ॒ऴा चि॑द् या वन॒स्पती॑न्

Halfverse: b    क्ष्म॒या दर्ध॒र्ष्योज॑सा ।
   क्ष्म॒या दर्ध॑र्षि ओज॑सा ।
   क्ष्म॒या दर्ध॑र्षि ओज॑सा ।

Halfverse: c    यत्ते॑ अ॒भ्रस्य॑ वि॒द्युतो॑ दि॒वो वर्ष॑न्ति वृ॒ष्टयः॑ ।।
   यत्ते॑ अ॒भ्रस्य॑ वि॒द्युतो
   यत् ते अ॒भ्रस्य वि॒द्युतः
   यत् ते अ॒भ्रस्य वि॒द्युतो

Halfverse: d    दि॒वो वर्ष॑न्ति वृ॒ष्टयः॑ ।।
   दि॒वः वर्ष॑न्ति वृ॒ष्टयः ।।
   दि॒वो वर्ष॑न्ति वृ॒ष्टयः ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.