TITUS
Rg-Veda: Rg-Veda-Samhita
Part No. 440
Previous part

Hymn: 86_(440) 
Verse: 1 
Halfverse: a    इन्द्रा॑ग्नी॒ यमव॑थ उ॒भा वाजे॑षु॒ मर्त्य॑म् ।
   इन्द्रा॑ग्नी॒ यमव॑थ
   इन्द्रा॑ग्नी यम् अव॑थः
   इन्द्रअ॑ग्नी यम् अव॑थ

Halfverse: b    उ॒भा वाजे॑षु॒ मर्त्य॑म् ।
   उ॒भा वाजे॑षु मर्त्य॑म् ।
   उ॒भा वाजे॑षु मर्ति॑यम् ।

Halfverse: c    दृ॒ऴा चि॒त्स प्र भे॑दति द्यु॒म्ना वाणी॑रिव त्रि॒तः ।।
   दृ॒ऴा चि॒त्स प्र भे॑दति
   दृ॒ऴा चि॑त् स प्र भे॑दति
   दृ॒ऴा चि॑त् स प्र भे॑दति

Halfverse: d    द्यु॒म्ना वाणी॑रिव त्रि॒तः ।।
   द्यु॒म्ना वाणीः इव त्रि॒तः ।।
   द्यु॒म्ना वाणी॑र् इव त्रि॒तः ।।


Verse: 2 
Halfverse: a    या पृत॑नासु दु॒ष्टरा॒ या वाजे॑षु श्र॒वाय्या॑ ।
   या पृत॑नासु दु॒ष्टरा
   या पृत॑नासु दु॒ष्टरा
   या पृत॑नासु दु॒ष्टरा

Halfverse: b    या वाजे॑षु श्र॒वाय्या॑ ।
   या वाजे॑षु श्र॒वाय्या ।
   या वाजे॑षु श्र॒वायि॑या ।

Halfverse: c    या पञ्च॑ चर्ष॒णीर॒भी॑न्द्रा॒ग्नी ता ह॑वामहे ।।
   या पञ्च॑ चर्ष॒णीर॒भि
   या पञ्च चर्ष॒णीः अ॒भि
   या पञ्च चर्ष॒णीर् अ॒भि

Halfverse: d     ॑इन्द्रा॒ग्नी ता ह॑वामहे ।।
   इ॑न्द्रा॒ग्नी ता ह॑वामहे ।।
   इ॑न्द्रा॒ग्नी ता ह॑वामहे ।।


Verse: 3 
Halfverse: a    तयो॒रिदम॑व॒च्छव॑स्ति॒ग्मा दि॒द्युन्म॒घोनोः॑ ।
   तयो॒रिदम॑व॒च्छव॑स्
   तयोः इत् अम॑वत् शवः
   तयो॑र् इद् अम॑वच् छव॑स्

Halfverse: b    ति॒ग्मा दि॒द्युन्म॒घोनोः॑ ।
   ति॒ग्मा दि॒द्युत् म॒घोनोः ।
   ति॒ग्मा दि॒द्युन् म॒घोओनोः ।

Halfverse: c    प्रति॒ द्रुणा॒ गभ॑स्त्यो॒र्गवां॑ वृत्र॒घ्न एष॑ते ।।
   प्रति॒ द्रुणा॒ गभ॑स्त्योर्
   प्रति द्रुणा गभ॑स्त्योः
   प्रति द्रुणा गभ॑स्तियोर्

Halfverse: d    गवां॑ वृत्र॒घ्न एष॑ते ।।
   गवा॑म् वृत्र॒घ्ने आ ई॑षते ।।
   गवां वृत्र॒घ्न एष॑ते ।।


Verse: 4 
Halfverse: a    ता वा॒मेषे॒ रथा॑नामिन्द्रा॒ग्नी ह॑वामहे ।
   ता वा॒मेषे॒ रथा॑नाम्
   ता वा॑म् एषे रथा॑नाम्
   ता वा॑म् एषे रथा॑नाअम्

Halfverse: b    इन्द्रा॒ग्नी ह॑वामहे ।
   इ॑न्द्रा॒ग्नी ह॑वामहे ।
   इ॑न्द्रअ॒ग्नी ह॑वामहे ।

Halfverse: c    पती॑ तु॒रस्य॒ राध॑सो वि॒द्वाँसा॒ गिर्व॑णस्तमा ।।
   पती॑ तु॒रस्य॒ राध॑सो
   पती तु॒रस्य राध॑सः
   पती तु॒रस्य राध॑सो

Halfverse: d    वि॒द्वाँसा॒ गिर्व॑णस्तमा ।।
   वि॒द्वांसा गिर्व॑णस्तमा ।।
   वि॒द्वांसा गिर्व॑णस्तमा ।।


Verse: 5 
Halfverse: a    ता वृ॒धन्ता॒वनु॒ द्यून्मर्ता॑य दे॒वाव॒दभा॑ ।
   ता वृ॒धन्ता॒वनु॒ द्यून्
   ता वृ॒धन्तौ अनु द्यून्
   ता वृ॒धन्ता॑व् अनु दि॒यून्

Halfverse: b    मर्ता॑य दे॒वाव॒दभा॑ ।
   मर्ता॑य दे॒वौ अ॒दभा ।
   मर्ता॑य दे॒वाव् अ॒दभा ।

Halfverse: c    अर्ह॑न्ता चित्पु॒रो द॒धे ऽँ॑शेव दे॒वावर्व॑ते ।।
   अर्ह॑न्ता चित्पु॒रो द॒धे
   अर्ह॑न्ता चित् पु॒रः द॑धे
   अर्ह॑न्ता चित् पु॒रो द॑धे

Halfverse: d    ऽँशेव दे॒वावर्व॑ते ।।
   अंशा इव दे॒वौ अर्व॑ते ।।
   अंशे॑व दे॒वाव् अर्व॑ते ।।


Verse: 6 
Halfverse: a    ए॒वेन्द्रा॒ग्निभ्या॒महा॑वि ह॒व्यं शू॒ष्यं॑ घृ॒तं न पू॒तमद्रि॑भिः ।
   ए॒वेन्द्रा॒ग्निभ्या॑म्
   ए॒व इ॑न्द्रा॒ग्निभ्या॑म्
   ए॒वा इ॑न्द्रअ॒ग्निभ्या॑म्

Halfverse: b    अहा॑वि ह॒व्यं शू॒ष्यं
   अहा॑वि ह॒व्यम् शू॒ष्य॑म्
   अहा॑वि हवि॒यं शू॑ष्यं

Halfverse: c    घृ॒तं न पू॒तमद्रि॑भिः ।
   घृ॒तम् न पू॒तम् अद्रि॑भिः ।
   घृ॒तं न पू॒तम् अद्रि॑भिः ।

Halfverse: d    ता सू॒रिषु॒ श्रवो॑ बृ॒हद्र॒यिं गृ॒णत्सु॑ दिधृत॒मिषं॑ गृ॒णत्सु॑ दिधृतम् ।।
   ता सू॒रिषु॒ श्रवो॑ बृ॒हद्
   ता सू॒रिषु श्रवः बृ॒हत्
   ता सू॒रिषु श्रवो बृ॒हद्

Halfverse: e    र॒यिं गृ॒णत्सु॑ दिधृतम्
   र॒यिम् गृ॒णत्सु दिधृतम्
   र॒यिं गृ॒णत्सु दिधृतम्

Halfverse: f    इषं॑ गृ॒णत्सु॑ दिधृतम् ।।
   इष॑म् गृ॒णत्सु दिधृतम् ।।
   इषं गृ॒णत्सु दिधृतम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.