TITUS
Rg-Veda: Rg-Veda-Samhita
Part No. 442
Previous part

Book: 6    6
Hymn: 1_(442) 


Verse: 1 
Halfverse: a    त्वं ह्य॑ग्ने प्रथ॒मो म॒नोता॒स्या धि॒यो अभ॑वो दस्म॒ होता॑ ।
   त्वं ह्य॑ग्ने प्रथ॒मो म॒नोता
   त्वम् हि अ॑ग्ने प्रथ॒मः म॒नोता
   तु॒वं हि अ॑ग्ने प्रथ॒मो म॒नोत

Halfverse: b     ॑अ॒स्या धि॒यो अभ॑वो दस्म॒ होता॑ ।
   अ॒स्याः धि॒यः अभ॑वः दस्म होता ।
   अ॒स्या धि॒यो अभ॑वो दस्म होता ।

Halfverse: c    त्वं सीं॑ वृषन्नकृणोर्दु॒ष्टरी॑तु॒ सहो॒ विश्व॑स्मै॒ सह॑से॒ सह॑ध्यै ।।
   त्वं सीं॑ वृषन्नकृणोर्दु॒ष्टरी॑तु
   त्वम् सीम् वृषन् अकृणोः दु॒ष्टरी॑तु
   त्वं सीं वृषन्न् अकृणोर् दु॒ष्टरी॑तु

Halfverse: d    सहो॒ विश्व॑स्मै॒ सह॑से॒ सह॑ध्यै ।।
   सहः विश्व॑स्मै सह॑से सह॑ध्यै ।।
   सहो विश्व॑स्मै सह॑से सह॑ध्यै ।।


Verse: 2 
Halfverse: a    अधा॒ होता॒ न्य॑सीदो॒ यजी॑यानि॒ळस्प॒द इ॒षय॒न्नीड्यः॒ सन् ।
   अधा॒ होता॒ न्य॑सीदो॒ यजी॑यान्
   अध+ होता नि अ॑सीदः यजी॑यान्
   अधा होता नि अ॑सीदो यजी॑यान्

Halfverse: b    इ॒ळस्प॒द इ॒षय॒न्नीड्यः॒ सन् ।
   इ॒ळः प॒दे इ॒षय॑न् ईड्यः सन् ।
   इ॒ळस् प॒द इ॒षय॑न्न् ईडि॑यः सन् ।

Halfverse: c    तं त्वा॒ नरः॑ प्रथ॒मं दे॑व॒यन्तो॑ म॒हो रा॒ये चि॒तय॑न्तो॒ अनु॑ ग्मन् ।।
   तं त्वा॒ नरः॑ प्रथ॒मं दे॑व॒यन्तो
   तम् त्वा नरः प्रथ॒मम् देव॒यन्तः
   तं त्वा नरः प्रथ॒मं दे॑व॒यन्तो

Halfverse: d    म॒हो रा॒ये चि॒तय॑न्तो॒ अनु॑ ग्मन् ।।
   म॒हः रा॒ये चि॒तय॑न्तः अनु ग्मन् ।।
   म॒हो रा॒ये चि॒तय॑न्तो अनु ग्मन् ।।


Verse: 3 
Halfverse: a    वृ॒तेव॒ यन्त॑म्ब॒हुभि॑र्वस॒व्यै॒स्त्वे र॒यिं जा॑गृ॒वांसो॒ अनु॑ ग्मन् ।
   वृ॒तेव॒ यन्त॑म्ब॒हुभि॑र्वस॒व्यै॑स्
   वृ॒ता इ॑व यन्त॑म् ब॒हुभिः वस॒व्यैः
   वृ॒तेव यन्त॑म् ब॒हुभि॑र् वस॒व्यै॑स्

Halfverse: b    त्वे र॒यिं जा॑गृ॒वांसो॒ अनु॑ ग्मन् ।
   त्वे र॒यिम् जागृ॒वांसः अनु ग्मन् ।
   तु॒वे र॒यिं जा॑गृ॒वांसो अनु ग्मन् ।

Halfverse: c    रुश॑न्तम॒ग्निं द॑र्श॒तम्बृ॒हन्तं॑ व॒पाव॑न्तं वि॒श्वहा॑ दीदि॒वांस॑म् ।।
   रुश॑न्तम॒ग्निं द॑र्श॒तम्बृ॒हन्तं
   रुश॑न्तम् अ॒ग्निम् दर्श॒तम् बृ॒हन्त॑म्
   रुश॑न्तम् अ॒ग्निं द॑र्श॒तम् बृ॒हन्तं

Halfverse: d    व॒पाव॑न्तं वि॒श्वहा॑ दीदि॒वांस॑म् ।।
   व॒पाव॑न्तम् वि॒श्वहा दीदि॒वांस॑म् ।।
   व॒पाव॑न्तं वि॒श्वहा दीदि॒वांस॑म् ।।


Verse: 4 
Halfverse: a    प॒दं दे॒वस्य॒ नम॑सा॒ व्यन्तः॑ श्रव॒स्यवः॒ श्रव॑ आप॒न्नमृ॑क्तम् ।
   प॒दं दे॒वस्य॒ नम॑सा॒ व्यन्तः
   प॒दम् दे॒वस्य नम॑सा व्यन्तः
   प॒दं दे॒वस्य नम॑सा विअन्तः

Halfverse: b    श्रव॒स्यवः॒ श्रव॑ आप॒न्नमृ॑क्तम् ।
   श्र॑व॒स्यवः श्रवः आपन् अमृ॑क्तम् ।
   श्र॑व॒स्यवः श्रव आपन्न् अमृ॑क्तम् ।

Halfverse: c    नामा॑नि चिद्दधिरे य॒ज्ञिया॑नि भ॒द्रायां॑ ते रणयन्त॒ संदृ॑ष्टौ ।।
   नामा॑नि चिद्दधिरे य॒ज्ञिया॑नि
   नामा॑नि चित् दधिरे य॒ज्ञिया॑नि
   नामा॑नि चिद् दधिरे य॒ज्ञिया॑नि

Halfverse: d    भ॒द्रायां॑ ते रणयन्त॒ संदृ॑ष्टौ ।।
   भ॒द्राया॑म् ते रणयन्त संदृ॑ष्टौ ।।
   भ॒द्रायां ते रणयन्त संदृ॑ष्टौ ।।


Verse: 5 
Halfverse: a    त्वां व॑र्धन्ति क्षि॒तयः॑ पृथि॒व्यां त्वां राय॑ उ॒भया॑सो॒ जना॑नाम् ।
   त्वां व॑र्धन्ति क्षि॒तयः॑ पृथि॒व्यां
   त्वाम् वर्धन्ति क्षि॒तयः पृथि॒व्याम्
   तु॒वां व॑र्धन्ति क्षि॒तयः पृथि॒व्यां

Halfverse: b    त्वां राय॑ उ॒भया॑सो॒ जना॑नाम् ।
   त्वाम् रायः उ॒भया॑सः जना॑नाम् ।
   तु॒वां राय उ॒भया॑सो जना॑नाम् ।

Halfverse: c    त्वं त्रा॒ता त॑रणे॒ चेत्यो॑ भूः पि॒ता मा॒ता सद॒मिन्मानु॑षाणाम् ।।
   त्वं त्रा॒ता त॑रणे॒ चेत्यो॑ भूः
   त्वम् त्रा॒ता त॑रणे चेत्यः भूः
   तु॒वं त्रा॒ता त॑रणे चेति॑यो भूः

Halfverse: d    पि॒ता मा॒ता सद॒मिन्मानु॑षाणाम् ।।
   पि॒ता मा॒ता सद॑म् इत् मानु॑षाणाम् ।।
   पि॒ता मा॒ता सद॑म् इन् मानु॑षाणाम् ।।


Verse: 6 
Halfverse: a    स॑प॒र्येण्यः॒ स प्रि॒यो वि॒क्ष्व॒ग्निर्होता॑ म॒न्द्रो नि ष॑सादा॒ यजी॑यान् ।
   स॑प॒र्येण्यः॒ स प्रि॒यो वि॒क्ष्व॒ग्निर्
   सप॒र्येण्यः स प्रि॒यः वि॒क्षु अ॒ग्निः
   स॑प॒र्येण्यः स प्रि॒यो वि॒क्षु अ॒ग्निर्

Halfverse: b    होता॑ म॒न्द्रो नि ष॑सादा॒ यजी॑यान् ।
   होता म॒न्द्रः नि स॑साद+ यजी॑यान् ।
   होता म॒न्द्रो नि ष॑सादा यजी॑यान् ।

Halfverse: c    तं त्वा॑ व॒यं दम॒ आ दी॑दि॒वांस॒मुप॑ ज्ञु॒बाधो॒ नम॑सा सदेम ।।
   तं त्वा॑ व॒यं दम॒ आ दी॑दि॒वांस॑म्
   तम् त्वा व॒यम् दमे आ दी॑दि॒वांस॑म्
   तं त्वा व॒यं दम आ दी॑दि॒वांस॑म्

Halfverse: d    उप॑ ज्ञु॒बाधो॒ नम॑सा सदेम ।।
   उप ज्ञु॒बाधः नम॑सा सदेम ।।
   उप ज्ञु॒बाधो नम॑सा सदेम ।।


Verse: 7 
Halfverse: a    तं त्वा॑ व॒यं सु॒ध्यो॒ नव्य॑मग्ने सुम्ना॒यव॑ ईमहे देव॒यन्तः॑ ।
   तं त्वा॑ व॒यं सु॒ध्यो॒ नव्य॑मग्ने
   तम् त्वा व॒यम् सु॒ध्यः नव्य॑म् अग्ने
   तं त्वा व॒यं सु॒धियो नव्य॑म् अग्ने

Halfverse: b    सुम्ना॒यव॑ ईमहे देव॒यन्तः॑ ।
   सु॑म्ना॒यवः ईमहे देव॒यन्तः ।
   सु॑म्ना॒यव ईमहे देव॒यन्तः ।

Halfverse: c    त्वं विशो॑ अनयो॒ दीद्या॑नो दि॒वो अ॑ग्ने बृह॒ता रो॑च॒नेन॑ ।।
   त्वं विशो॑ अनयो॒ दीद्या॑नो
   त्वम् विशः अनयः दीद्या॑नः
   तु॒वं विशो अनयो दीदि॑यानो

Halfverse: d    दि॒वो अ॑ग्ने बृह॒ता रो॑च॒नेन॑ ।।
   दि॒वः अ॑ग्ने बृह॒ता रो॑च॒नेन ।।
   दि॒वो अ॑ग्ने बृह॒ता रो॑च॒नेन ।।


Verse: 8 
Halfverse: a    वि॒शां क॒विं वि॒श्पतिं॒ शश्व॑तीनां नि॒तोश॑नं वृष॒भं च॑र्षणी॒नाम् ।
   वि॒शां क॒विं वि॒श्पतिं॒ शश्व॑तीनां
   वि॒शाम् क॒विम् वि॒श्पति॑म् शश्व॑तीनाम्
   वि॒शां क॒विं वि॒श्पतिं शश्व॑तीनां

Halfverse: b    नि॒तोश॑नं वृष॒भं च॑र्षणी॒नाम् ।
   नि॒तोश॑नम् वृष॒भम् चर्षणी॒नाम् ।
   नि॒तोश॑नं वृष॒भं च॑र्षणी॒नाम् ।

Halfverse: c    प्रेती॑षणिमि॒षय॑न्तम्पाव॒कं राज॑न्तम॒ग्निं य॑ज॒तं र॑यी॒णाम् ।।
   प्रेती॑षणिमि॒षय॑न्तम्पाव॒कं
   प्रेती॑षणिम् इ॒षय॑न्तम् पाव॒कम्
   प्रेती॑षणिम् इ॒षय॑न्तम् पवा॒कं

Halfverse: d    राज॑न्तम॒ग्निं य॑ज॒तं र॑यी॒णाम् ।।
   राज॑न्तम् अ॒ग्निम् यज॒तम् रयी॒णाम् ।।
   राज॑न्तम् अ॒ग्निं य॑ज॒तं र॑यी॒णाम् ।।


Verse: 9 
Halfverse: a    सो अ॑ग्न ईजे शश॒मे च॒ मर्तो॒ यस्त॒ आन॑ट्स॒मिधा॑ ह॒व्यदा॑तिम् ।
   सो अ॑ग्न ईजे शश॒मे च॒ मर्तो
   सः ।!। अ॑ग्ने ईजे शश॒मे च मर्तः
   सो अ॑ग्न ईजे शश॒मे च मर्तो

Halfverse: b    यस्त॒ आन॑ट्स॒मिधा॑ ह॒व्यदा॑तिम् ।
   यः ते आन॑ट् स॒मिधा ह॒व्यदा॑तिम् ।
   यस् त आन॑ट् स॒मिधा ह॒व्यदा॑तिम् ।

Halfverse: c    य आहु॑ति॒म्परि॒ वेदा॒ नमो॑भि॒र्विश्वेत्स वा॒मा द॑धते॒ त्वोतः॑ ।।
   य आहु॑ति॒म्परि॒ वेदा॒ नमो॑भिर्
   यः आहु॑तिम् परि वेद+ नमो॑भिः
   य आहु॑तिम् परि वेदा नमो॑भिर्

Halfverse: d    विश्वेत्स वा॒मा द॑धते॒ त्वोतः॑ ।।
   विश्वा इत् स वा॒मा द॑धते त्वोतः ।।
   विश्वेत् स वा॒मा द॑धते तु॒वोतः ।।


Verse: 10 
Halfverse: a    अ॒स्मा उ॑ ते॒ महि॑ म॒हे वि॑धेम॒ नमो॑भिरग्ने स॒मिधो॒त ह॒व्यैः ।
   अ॒स्मा उ॑ ते॒ महि॑ म॒हे वि॑धेम
   अ॒स्मै उ ते महि म॒हे वि॑धेम
   अ॒स्मा उ ते महि म॒हे वि॑धेम

Halfverse: b    नमो॑भिरग्ने स॒मिधो॒त ह॒व्यैः ।
   नमो॑भिः अग्ने स॒मिधा उ॒त ह॒व्यैः ।
   नमो॑भिर् अग्ने स॒मिधो॒त ह॒व्यैः ।

Halfverse: c    वेदी॑ सूनो सहसो गी॒र्भिरु॒क्थैरा ते॑ भ॒द्रायां॑ सुम॒तौ य॑तेम ।।
   वेदी॑ सूनो सहसो गी॒र्भिरु॒क्थैर्
   वेदी सूनो सहसः गी॒र्भिः उ॒क्थैः
   वेदी सूनो सहसो गी॒र्भिर् उ॒क्थैर्

Halfverse: d    आ ते॑ भ॒द्रायां॑ सुम॒तौ य॑तेम ।।
   आ ते भ॒द्राया॑म् सुम॒तौ य॑तेम ।।
   आ ते भ॒द्रायां सुम॒तौ य॑तेम ।।


Verse: 11 
Halfverse: a    आ यस्त॒तन्थ॒ रोद॑सी॒ वि भा॒सा श्रवो॑भिश्च श्रव॒स्य॒स्तरु॑त्रः ।
   आ यस्त॒तन्थ॒ रोद॑सी॒ वि भा॒सा
   आ यः त॒तन्थ रोद॑सी वि भा॒सा
   आ यस् त॒तन्थ रोद॑सी वि भा॒सा

Halfverse: b    श्रवो॑भिश्च श्रव॒स्य॒स्तरु॑त्रः ।
   श्रवो॑भिः च श्रव॒स्यः तरु॑त्रः ।
   श्रवो॑भिश् च श्रव॒सिय॑स् तरु॑त्रः ।

Halfverse: c    बृ॒हद्भि॒र्वाजै॒ स्थवि॑रेभिर॒स्मे रे॒वद्भि॑रग्ने वित॒रं वि भा॑हि ।।
   बृ॒हद्भि॒र्वाजै॒ स्थवि॑रेभिर॒स्मे
   बृ॒हद्भिः वाजैः स्थवि॑रेभिः अ॒स्मे
   बृ॒हद्भि॑र् वाजै स्थवि॑रेभिर् अ॒स्मे

Halfverse: d    रे॒वद्भि॑रग्ने वित॒रं वि भा॑हि ।।
   रे॒वद्भिः अग्ने वित॒रम् वि भा॑हि ।।
   रे॒वद्भि॑र् अग्ने वित॒रं वि भा॑हि ।।


Verse: 12 
Halfverse: a    नृ॒वद्व॑सो॒ सद॒मिद्धे॑ह्य॒स्मे भूरि॑ तो॒काय॒ तन॑याय प॒श्वः ।
   नृ॒वद्व॑सो॒ सद॒मिद्धे॑ह्य॒स्मे
   नृ॒वत् वसो सद॑म् इत् धेहि अ॒स्मे
   नृ॒वद् वसो सद॑म् इद् धेहि अ॒स्मे

Halfverse: b    भूरि॑ तो॒काय॒ तन॑याय प॒श्वः ।
   भूरि तो॒काय तन॑याय प॒श्वः ।
   भूरि तो॒काय तन॑याय प॒श्वः ।

Halfverse: c    पू॒र्वीरिषो॑ बृह॒तीरा॒रेअ॑घा अ॒स्मे भ॒द्रा सौ॑श्रव॒सानि॑ सन्तु ।।
   पू॒र्वीरिषो॑ बृह॒तीरा॒रेअ॑घा
   पू॒र्वीः इषः बृह॒तीः आरेअघाः
   पू॒र्वीर् इषो बृह॒तीर् आरेअघा

Halfverse: d    अ॒स्मे भ॒द्रा सौ॑श्रव॒सानि॑ सन्तु ।।
   अ॒स्मे भ॒द्रा सौ॑श्रव॒सानि सन्तु ।।
   अ॒स्मे भ॒द्रा सौ॑श्रव॒सानि सन्तु ।।


Verse: 13 
Halfverse: a    पु॒रूण्य॑ग्ने पुरु॒धा त्वा॒या वसू॑नि राजन्व॒सुता॑ ते अश्याम् ।
   पु॒रूण्य॑ग्ने पुरु॒धा त्वा॒या
   पु॒रूणि अग्ने पुरु॒धा त्वा॒या
   पु॒रूणि अग्ने पुरु॒धा तु॑वा॒या

Halfverse: b    वसू॑नि राजन्व॒सुता॑ ते अश्याम् ।
   वसू॑नि राजन् व॒सुता ते अश्याम् ।
   वसू॑नि राजन् व॒सुता ते अश्याम् ।

Halfverse: c    पु॒रूणि॒ हि त्वे पु॑रुवार॒ सन्त्यग्ने॒ वसु॑ विध॒ते राज॑नि॒ त्वे ।।
   पु॒रूणि॒ हि त्वे पु॑रुवार॒ सन्त्य्
   पु॒रूणि हि त्वे पु॑रुवार सन्ति
   पु॒रूणि हि त्वे पु॑रुवार सन्ति

Halfverse: d    अग्ने॒ वसु॑ विध॒ते राज॑नि॒ त्वे ।।
   अग्ने वसु विध॒ते राज॑नि त्वे ।।
   अग्ने वसु विध॒ते राज॑नि त्वे ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.