TITUS
Rg-Veda: Rg-Veda-Samhita
Part No. 445
Previous part

Hymn: 4_(445) 
Verse: 1 
Halfverse: a    यथा॑ होत॒र्मनु॑षो दे॒वता॑ता य॒ज्ञेभिः॑ सूनो सहसो॒ यजा॑सि ।
   यथा॑ होत॒र्मनु॑षो दे॒वता॑ता
   यथा होतर् मनु॑षः दे॒वता॑ता
   यथा होतर् मनु॑षो दे॒वता॑ता

Halfverse: b    य॒ज्ञेभिः॑ सूनो सहसो॒ यजा॑सि ।
   य॒ज्ञेभिः सूनो सहसः यजा॑सि ।
   य॒ज्ञेभिः सूनो सहसो यजा॑सि ।

Halfverse: c    ए॒वा नो॑ अ॒द्य स॑म॒ना स॑मा॒नानु॒शन्न॑ग्न उश॒तो य॑क्षि दे॒वान् ।।
   ए॒वा नो॑ अ॒द्य स॑म॒ना स॑मा॒नान्
   ए॒व+ नः अ॒द्य स॑म॒ना स॑मा॒नान्
   ए॒वा नो अ॒द्य स॑म॒ना स॑मा॒नान्

Halfverse: d    उ॒शन्न॑ग्न उश॒तो य॑क्षि दे॒वान् ।।
   उ॒शन् अग्ने उश॒तः य॑क्षि दे॒वान् ।।
   उ॒शन्न् अग्न उश॒तो य॑क्षि दे॒वान् ।।


Verse: 2 
Halfverse: a    स नो॑ वि॒भावा॑ च॒क्षणि॒र्न वस्तो॑र॒ग्निर्व॒न्दारु॒ वेद्य॒श्चनो॑ धात् ।
   स नो॑ वि॒भावा॑ च॒क्षणि॒र्न वस्तो॑र्
   स नः वि॒भावा च॒क्षणिः न वस्तोः
   स नो वि॒भावा च॒क्षणि॑र् न वस्तो॑र्

Halfverse: b    अ॒ग्निर्व॒न्दारु॒ वेद्य॒श्चनो॑ धात् ।
   अ॒ग्निः व॒न्दारु वेद्यः चनः धात् ।
   अ॒ग्निर् व॒न्दारु वेदि॑यश् चनो धात् ।

Halfverse: c    वि॒श्वायु॒र्यो अ॒मृतो॒ मर्त्ये॑षूष॒र्भुद्भूदति॑थिर्जा॒तवे॑दाः ।।
   वि॒श्वायु॒र्यो अ॒मृतो॒ मर्त्ये॑षु
   वि॒श्वायुः यः अ॒मृतः मर्त्ये॑षु
   वि॒श्वायु॑र् यो अ॒मृतो मर्ति॑येषु

Halfverse: d     उष॒र्भुद्भूदति॑थिर्जा॒तवे॑दाः ।।
   उ॑ष॒र्भुत् भूत् अति॑थिः जा॒तवे॑दाः ।।
   उ॑ष॒र्भुद् भूद् अति॑थिर् जा॒तवे॑दाः ।।


Verse: 3 
Halfverse: a    द्यावो॒ न यस्य॑ प॒नय॒न्त्यभ्व॒म्भासां॑सि वस्ते॒ सूर्यो॒ न शु॒क्रः ।
   द्यावो॒ न यस्य॑ प॒नय॒न्त्यभ्व॑म्
   द्यावः न यस्य प॒नय॑न्ति अभ्व॑म्
   द्यावो न यस्य प॒नय॑न्ति अभ्व॑म्

Halfverse: b    भासां॑सि वस्ते॒ सूर्यो॒ न शु॒क्रः ।
   भासां॑सि वस्ते सूर्यः न शु॒क्रः ।
   भासां॑सि वस्ते सूरि॑यो न शु॒क्रः ।

Halfverse: c    वि य इ॒नोत्य॒जरः॑ पाव॒को ऽश्न॑स्य चिच्छिश्नथत्पू॒र्व्याणि॑ ।।
   वि य इ॒नोत्य॒जरः॑ पाव॒को
   वि यः इ॒नोति अ॒जरः पाव॒कः
   वि य इ॒नोति अ॒जरः पवा॒को

Halfverse: d    ऽश्न॑स्य चिच्छिश्नथत्पू॒र्व्याणि॑ ।।
   अश्न॑स्य चित् शिश्नथत् पू॒र्व्याणि ।।
   अश्न॑स्य चिच् छिश्नथत् पूर्वि॒याणि ।।


Verse: 4 
Halfverse: a    व॒द्मा हि सू॑नो॒ अस्य॑द्म॒सद्वा॑ च॒क्रे अ॒ग्निर्ज॒नुषाज्मान्न॑म् ।
   व॒द्मा हि सू॑नो॒ अस्य॑द्म॒सद्वा
   व॒द्मा हि सू॑नो असि अद्म॒सद्वा
   व॒द्मा हि सू॑नो असि अद्म॒सद्वा

Halfverse: b    च॒क्रे अ॒ग्निर्ज॒नुषाज्मान्न॑म् ।
   च॒क्रे अ॒ग्निः ज॒नुषा अज्म अन्न॑म् ।
   च॒क्रे अ॒ग्निर् ज॒नुषा अज्म अन्न॑म् ।

Halfverse: c    स त्वं न॑ ऊर्जसन॒ ऊर्जं॑ धा॒ राजे॑व जेरवृ॒के क्षे॑ष्य॒न्तः ।।
   स त्वं न॑ ऊर्जसन॒ ऊर्जं॑ धा
   स त्वम् नः ऊर्जसने ऊर्ज॑म् धाः
   स तु॒वं न ऊर्जसन ऊर्जं धा

Halfverse: d    राजे॑व जेरवृ॒के क्षे॑ष्य॒न्तः ।।
   राजा इव जेः अवृ॒के क्षे॑षि अ॒न्तर् ।।
   राजे॑व जेर् अवृ॒के क्षे॑षि अ॒न्तः ।।


Verse: 5 
Halfverse: a    निति॑क्ति॒ यो वा॑र॒णमन्न॒मत्ति॑ वा॒युर्न राष्ट्र्यत्ये॑त्य॒क्तून् ।
   निति॑क्ति॒ यो वा॑र॒णमन्न॒मत्ति
   निति॑क्ति यः वा॑र॒णम् अन्न॑म् अत्ति
   निति॑क्ति यो वा॑र॒णम् अन्न॑म् अत्ति

Halfverse: b    वा॒युर्न राष्ट्र्यत्ये॑त्य॒क्तून् ।
   वा॒युः न राष्ट्री अति एति अ॒क्तून् ।
   वा॒युर् न राष्ट्री अति एति अ॒क्तून् ।

Halfverse: c    तु॒र्याम॒ यस्त॑ आ॒दिशा॒मरा॑ती॒रत्यो॒ न ह्रुतः॒ पत॑तः परि॒ह्रुत् ।।
   तु॒र्याम॒ यस्त॑ आ॒दिशा॒मरा॑तीर्
   तु॒र्याम यः ते आ॒दिशा॑म् अरा॑तीः
   तु॒र्याम यस् त आ॒दिशा॑म् अरा॑तीर्

Halfverse: d    अत्यो॒ न ह्रुतः॒ पत॑तः परि॒ह्रुत् ।।
   अत्यः न ह्रुतः पत॑तः परि॒ह्रुत् ।।
   अत्यो न ह्रुतः पत॑तः परि॒ह्रुत् ।।


Verse: 6 
Halfverse: a    आ सूर्यो॒ न भा॑नु॒मद्भि॑र॒र्कैरग्ने॑ त॒तन्थ॒ रोद॑सी॒ वि भा॒सा ।
   आ सूर्यो॒ न भा॑नु॒मद्भि॑र॒र्कैर्
   आ सूर्यः न भा॑नु॒मद्भिः अ॒र्कैः
   आ सूरि॑यो न भा॑नु॒मद्भि॑र् अ॒र्कैर्

Halfverse: b    अग्ने॑ त॒तन्थ॒ रोद॑सी॒ वि भा॒सा ।
   अग्ने त॒तन्थ रोद॑सी वि भा॒सा ।
   अग्ने त॒तन्थ रोद॑सी वि भा॒सा ।

Halfverse: c    चि॒त्रो न॑य॒त्परि॒ तमां॑स्य॒क्तः शो॒चिषा॒ पत्म॑न्औशि॒जो न दीय॑न् ।।
   चि॒त्रो न॑य॒त्परि॒ तमां॑स्य॒क्तः
   चि॒त्रः न॑यत् परि तमां॑सि अ॒क्तः
   चि॒त्रो न॑यत् परि तमां॑सि अ॒क्तः

Halfverse: d    शो॒चिषा॒ पत्म॑न्औशि॒जो न दीय॑न् ।।
   शो॒चिषा पत्म॑न् औशि॒जः न दीय॑न् ।।
   शो॒चिषा पत्म॑न्न् औशि॒जो न दीय॑न् ।।


Verse: 7 
Halfverse: a    त्वां हि म॒न्द्रत॑ममर्कशो॒कैर्व॑वृ॒महे॒ महि॑ नः॒ श्रोष्य॑ग्ने ।
   त्वां हि म॒न्द्रत॑ममर्कशो॒कैर्
   त्वाम् हि म॒न्द्रत॑मम् अर्कशो॒कैः
   तु॒वां हि म॒न्द्रत॑मम् अर्कशो॒कैर्

Halfverse: b    ववृ॒महे॒ महि॑ नः॒ श्रोष्य॑ग्ने ।
   व॑वृ॒महे महि नः श्रोषि अग्ने ।
   व॑वृ॒महे महि नः श्रोषि अग्ने ।

Halfverse: c    इन्द्रं॒ न त्वा॒ शव॑सा दे॒वता॑ वा॒युम्पृ॑णन्ति॒ राध॑सा॒ नृत॑माः ।।
   इन्द्रं॒ न त्वा॒ शव॑सा दे॒वता
   इन्द्र॑म् न त्वा शव॑सा दे॒वता
   इन्द्रं न त्वा ? शव॑सा दे॒वता

Halfverse: d    वा॒युम्पृ॑णन्ति॒ राध॑सा॒ नृत॑माः ।।
   वा॒युम् पृणन्ति राध॑सा नृत॑माः ।।
   वा॒युम् पृणन्ति राध॑सा नृत॑माः ।।


Verse: 8 
Halfverse: a    नू नो॑ अग्ने ऽवृ॒केभिः॑ स्व॒स्ति वेषि॑ रा॒यः प॒थिभिः॒ पर्ष्यंहः॑ ।
   नू नो॑ अग्ने ऽवृ॒केभिः॑ स्व॒स्ति
   नु+ नः अग्ने अवृ॒केभिः स्व॒स्ति
   नू नो अग्ने अवृ॒केभिः सुअ॒स्ति

Halfverse: b    वेषि॑ रा॒यः प॒थिभिः॒ पर्ष्यंहः॑ ।
   वेषि रा॒यः प॒थिभिः पर्षि अंहः ।
   वेषि रा॒यः प॒थिभिः पर्षि अंहः ।

Halfverse: c    ता सू॒रिभ्यो॑ गृण॒ते रा॑सि सु॒म्नम्मदे॑म श॒तहि॑माः सु॒वीराः॑ ।।
   ता सू॒रिभ्यो॑ गृण॒ते रा॑सि सु॒म्नम्
   ता सू॒रिभ्यः गृण॒ते रा॑सि सु॒म्नम्
   ता सू॒रिभ्यो गृण॒ते रा॑सि सु॒म्नम्

Halfverse: d    मदे॑म श॒तहि॑माः सु॒वीराः॑ ।।
   मदे॑म श॒तहि॑माः सु॒वीराः ।।
   मदे॑म ? श॒तहि॑माः सु॒वीराः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.