TITUS
Rg-Veda: Rg-Veda-Samhita
Part No. 448
Previous part

Hymn: 7_(448) 
Verse: 1 
Halfverse: a    मू॒र्धानं॑ दि॒वो अ॑र॒तिम्पृ॑थि॒व्या वै॑श्वान॒रमृ॒त आ जा॒तम॒ग्निम् ।
   मू॒र्धानं॑ दि॒वो अ॑र॒तिम्पृ॑थि॒व्या
   मू॒र्धान॑म् दि॒वः अ॑र॒तिम् पृथि॒व्याः
   मू॒र्धानं दि॒वो अ॑र॒तिम् पृथि॒व्या

Halfverse: b    वै॑श्वान॒रमृ॒त आ जा॒तम॒ग्निम् ।
   वै॑श्वान॒रम् ऋ॒ते आ जा॒तम् अ॒ग्निम् ।
   वै॑श्वान॒रम् ऋ॒त आ जा॒तम् अ॒ग्निम् ।

Halfverse: c    क॒विं स॒म्राज॒मति॑थिं॒ जना॑नामा॒सन्ना पात्रं॑ जनयन्त दे॒वाः ।।
   क॒विं स॒म्राज॒मति॑थिं॒ जना॑नाम्
   क॒विम् स॒म्राज॑म् अति॑थिम् जना॑नाम्
   क॒विं स॒म्राज॑म् अति॑थिं जना॑नाम्

Halfverse: d    आ॒सन्ना पात्रं॑ जनयन्त दे॒वाः ।।
   आ॒सन् आ पात्र॑म् जनयन्त दे॒वाः ।।
   आ॒सन्न् आ पात्रं जनयन्त दे॒वाः ।।


Verse: 2 
Halfverse: a    नाभिं॑ य॒ज्ञानां॒ सद॑नं रयी॒णाम्म॒हामा॑हा॒वम॒भि सं न॑वन्त ।
   नाभिं॑ य॒ज्ञानां॒ सद॑नं रयी॒णाम्
   नाभि॑म् य॒ज्ञाना॑म् सद॑नम् रयी॒णाम्
   नाभिं य॒ज्ञानां सद॑नं रयी॒णाम्

Halfverse: b    म॒हामा॑हा॒वम॒भि सं न॑वन्त ।
   म॒हाम् आहा॒वम् अ॒भि सम् नवन्त ।
   म॒हाम् आहा॒वम् अ॒भि सं न॑वन्त ।

Halfverse: c    वै॑श्वान॒रं र॒थ्य॑मध्व॒राणां॑ य॒ज्ञस्य॑ के॒तुं ज॑नयन्त दे॒वाः ।।
   वै॑श्वान॒रं र॒थ्य॑मध्व॒राणां
   वैश्वान॒रम् र॒थ्य॑म् अध्व॒राणा॑म्
   वैश्वान॒रं र॒थिय॑म् अध्व॒राणां

Halfverse: d    य॒ज्ञस्य॑ के॒तुं ज॑नयन्त दे॒वाः ।।
   य॒ज्ञस्य के॒तुम् जनयन्त दे॒वाः ।।
   य॒ज्ञस्य के॒तुं ज॑नयन्त दे॒वाः ।।


Verse: 3 
Halfverse: a    त्वद्विप्रो॑ जायते वा॒ज्य॑ग्ने॒ त्वद्वी॒रासो॑ अभिमाति॒षाहः॑ ।
   त्वद्विप्रो॑ जायते वा॒ज्य॑ग्ने
   त्वत् विप्रः जायते वा॒जी अ॑ग्ने
   तु॒वद् विप्रो जायते वा॒जी अ॑ग्ने

Halfverse: b    त्वद्वी॒रासो॑ अभिमाति॒षाहः॑ ।
   त्वत् वी॒रासः अभिमाति॒षाहः ।
   तु॒वद् वी॒रासो अभिमाति॒षाहः ।

Halfverse: c    वैश्वा॑नर॒ त्वम॒स्मासु॑ धेहि॒ वसू॑नि राजन्स्पृह॒याय्या॑णि ।।
   वैश्वा॑नर॒ त्वम॒स्मासु॑ धेहि
   वैश्वा॑नर त्वम् अ॒स्मासु धेहि
   वैश्वा॑नर तु॒वम् अ॒स्मासु धेहि

Halfverse: d    वसू॑नि राजन्स्पृह॒याय्या॑णि ।।
   वसू॑नि राजन् स्पृह॒याय्या॑णि ।।
   वसू॑नि राजन् स्पृह॒यायि॑याणि ।।


Verse: 4 
Halfverse: a    त्वां विश्वे॑ अमृत॒ जाय॑मानं॒ शिशुं॒ न दे॒वा अ॒भि सं न॑वन्ते ।
   त्वां विश्वे॑ अमृत॒ जाय॑मानं
   त्वाम् विश्वे अमृत जाय॑मानम्
   तु॒वां विश्वे अमृत जाय॑मानं

Halfverse: b    शिशुं॒ न दे॒वा अ॒भि सं न॑वन्ते ।
   शिशु॑म् न दे॒वाः अ॒भि सम् नवन्ते ।
   शिशुं न दे॒वा अ॒भि सं न॑वन्ते ।

Halfverse: c    तव॒ क्रतु॑भिरमृत॒त्वमा॑य॒न्वैश्वा॑नर॒ यत्पि॒त्रोरदी॑देः ।।
   तव॒ क्रतु॑भिरमृत॒त्वमा॑यन्
   तव क्रतु॑भिः अमृत॒त्वम् आयन्
   तव क्रतु॑भिर् अमृत॒त्वम् आयन्

Halfverse: d    वैश्वा॑नर॒ यत्पि॒त्रोरदी॑देः ।।
   वैश्वा॑नर यत् पि॒त्रोः अदी॑देः ।।
   वैश्वा॑नर यत् पित॒रोर् अदी॑देः ।।


Verse: 5 
Halfverse: a    वैश्वा॑नर॒ तव॒ तानि॑ व्र॒तानि॑ म॒हान्य॑ग्ने॒ नकि॒रा द॑धर्ष ।
   वैश्वा॑नर॒ तव॒ तानि॑ व्र॒तानि
   वैश्वा॑नर तव तानि व्र॒तानि
   वैश्वा॑नर तव तानि व्र॒तानि

Halfverse: b    म॒हान्य॑ग्ने॒ नकि॒रा द॑धर्ष ।
   म॒हानि अग्ने नकिः आ द॑धर्ष ।
   म॒हानि अग्ने नकि॑र् आ द॑धर्ष ।

Halfverse: c    यज्जाय॑मानः पि॒त्रोरु॒पस्थे ऽवि॑न्दः के॒तुं व॒युने॒ष्वह्ना॑म् ।।
   यज्जाय॑मानः पि॒त्रोरु॒पस्थे
   यत् जाय॑मानः पि॒त्रोः उ॒पस्थे
   यज् जाय॑मानः पित॒रोर् उ॒पस्थे

Halfverse: d    ऽविन्दः के॒तुं व॒युने॒ष्वह्ना॑म् ।।
   अवि॑न्दः के॒तुम् व॒युने॑षु अह्ना॑म् ।।
   अवि॑न्दः के॒तुं व॒युने॑षु अह्ना॑म् ।।


Verse: 6 
Halfverse: a    वै॑श्वान॒रस्य॒ विमि॑तानि॒ चक्ष॑सा॒ सानू॑नि दि॒वो अ॒मृत॑स्य के॒तुना॑ ।
   वै॑श्वान॒रस्य॒ विमि॑तानि॒ चक्ष॑सा
   वैश्वान॒रस्य विमि॑तानि चक्ष॑सा
   वैश्वान॒रस्य विमि॑तानि चक्ष॑सा

Halfverse: b    सानू॑नि दि॒वो अ॒मृत॑स्य के॒तुना॑ ।
   सानू॑नि दि॒वः अ॒मृत॑स्य के॒तुना ।
   सानू॑नि दि॒वो अ॒मृत॑स्य के॒तुना ।

Halfverse: c    तस्येदु॒ विश्वा॒ भुव॒नाधि॑ मू॒र्धनि॑ व॒या इ॑व रुरुहुः स॒प्त वि॒स्रुहः॑ ।।
   तस्येदु॒ विश्वा॒ भुव॒नाधि॑ मू॒र्धनि
   तस्य इत् उ विश्वा भुव॑ना अधि मू॒र्धनि
   तस्येद् उ विश्वा भुव॒नाधि मू॒र्धनि

Halfverse: d    व॒या इ॑व रुरुहुः स॒प्त वि॒स्रुहः॑ ।।
   व॒याः इ॑व रुरुहुः स॒प्त वि॒स्रुहः ।।
   व॒या इ॑व रुरुहुः स॒प्त वि॒स्रुहः ।।


Verse: 7 
Halfverse: a    वि यो रजां॒स्यमि॑मीत सु॒क्रतु॑र्वैश्वान॒रो वि दि॒वो रो॑च॒ना क॒विः ।
   वि यो रजां॒स्यमि॑मीत सु॒क्रतु॑र्
   वि यः रजां॑सि अमि॑मीत सु॒क्रतुः
   वि यो रजां॑सि अमि॑मीत सु॒क्रतु॑र्

Halfverse: b    वैश्वान॒रो वि दि॒वो रो॑च॒ना क॒विः ।
   वै॑श्वान॒रः वि दि॒वः रो॑च॒ना क॒विः ।
   वै॑श्वान॒रो वि दि॒वो रो॑च॒ना क॒विः ।

Halfverse: c    परि॒ यो विश्वा॒ भुव॑नानि पप्र॒थे ऽद॑ब्धो गो॒पा अ॒मृत॑स्य रक्षि॒ता ।।
   परि॒ यो विश्वा॒ भुव॑नानि पप्र॒थे
   परि यः विश्वा भुव॑नानि पप्र॒थे
   परि यो विश्वा भुव॑नानि पप्र॒थे

Halfverse: d    ऽद॑ब्धो गो॒पा अ॒मृत॑स्य रक्षि॒ता ।।
   अद॑ब्धः गो॒पाः अ॒मृत॑स्य रक्षि॒ता ।।
   अद॑ब्धो गो॒पा अ॒मृत॑स्य रक्षि॒ता ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.