TITUS
Rg-Veda: Rg-Veda-Samhita
Part No. 449
Previous part

Hymn: 8_(449) 
Verse: 1 
Halfverse: a    पृ॒क्षस्य॒ वृष्णो॑ अरु॒षस्य॒ नू सहः॒ प्र नु वो॑चं वि॒दथा॑ जा॒तवे॑दसः ।
   पृ॒क्षस्य॒ वृष्णो॑ अरु॒षस्य॒ नू सहः
   पृ॒क्षस्य वृष्णः अरु॒षस्य नु+ सहः
   पृ॒क्षस्य वृष्णो अरु॒षस्य नू सहः

Halfverse: b    प्र नु वो॑चं वि॒दथा॑ जा॒तवे॑दसः ।
   प्र नु वो॑चम् वि॒दथा जा॒तवे॑दसः ।
   प्र नु वो॑चं वि॒दथा जा॒तवे॑दसः ।

Halfverse: c    वै॑श्वान॒राय॑ म॒तिर्नव्य॑सी॒ शुचिः॒ सोम॑ इव पवते॒ चारु॑र॒ग्नये॑ ।।
   वै॑श्वान॒राय॑ म॒तिर्नव्य॑सी॒ शुचिः
   वैश्वान॒राय म॒तिः नव्य॑सी शुचिः
   वैश्वान॒राय म॒तिर् नव्य॑सी शुचिः

Halfverse: d    सोम॑ इव पवते॒ चारु॑र॒ग्नये॑ ।।
   सोमः इव पवते चारुः अ॒ग्नये ।।
   सोम इव पवते चारु॑र् अ॒ग्नये ।।


Verse: 2 
Halfverse: a    स जाय॑मानः पर॒मे व्यो॑मनि व्र॒तान्य॒ग्निर्व्र॑त॒पा अ॑रक्षत ।
   स जाय॑मानः पर॒मे व्यो॑मनि
   स जाय॑मानः पर॒मे व्यो॑मनि
   स जाय॑मानः पर॒मे विओ॑मनि

Halfverse: b    व्र॒तान्य॒ग्निर्व्र॑त॒पा अ॑रक्षत ।
   व्र॒तानि अ॒ग्निः व्र॑त॒पाः अ॑रक्षत ।
   व्र॒तानि अ॒ग्निर् व्रत॒पा अ॑रक्षत ।

Halfverse: c    व्य॒न्तरि॑क्षममिमीत सु॒क्रतु॑र्वैश्वान॒रो म॑हि॒ना नाक॑मस्पृशत् ।।
   व्य॒न्तरि॑क्षममिमीत सु॒क्रतु॑र्
   वि अ॒न्तरि॑क्षम् अमिमीत सु॒क्रतुः
   वि अ॒न्तरि॑क्षम् अमिमीत सु॒क्रतु॑र्

Halfverse: d    वैश्वान॒रो म॑हि॒ना नाक॑मस्पृशत् ।।
   वै॑श्वान॒रः म॑हि॒ना नाक॑म् अस्पृशत् ।।
   वै॑श्वान॒रो म॑हि॒ना नाक॑म् अस्पृशत् ।।


Verse: 3 
Halfverse: a    व्य॑स्तभ्ना॒द्रोद॑सी मि॒त्रो अद्भु॑तो ऽन्त॒र्वाव॑दकृणो॒ज्ज्योति॑षा॒ तमः॑ ।
   व्य॑स्तभ्ना॒द्रोद॑सी मि॒त्रो अद्भु॑तो
   वि अ॑स्तभ्नात् रोद॑सी मि॒त्रः अद्भु॑तः
   वि अ॑स्तभ्नाद् रोद॑सी मि॒त्रो अद्भु॑तो

Halfverse: b    ऽन्त॒र्वाव॑दकृणो॒ज्ज्योति॑षा॒ तमः॑ ।
   अ॑न्त॒र्वाव॑त् अकृणोत् ज्योति॑षा तमः ।
   अ॑न्त॒र्वाव॑द् अकृणोज् ज्योति॑षा तमः ।

Halfverse: c    वि चर्म॑णीव धि॒षणे॑ अवर्तयद्वैश्वान॒रो विश्व॑मधत्त॒ वृष्ण्य॑म् ।।
   वि चर्म॑णीव धि॒षणे॑ अवर्तयद्
   वि चर्म॑णी इव धि॒षणे अवर्तयत्
   वि चर्म॑णीव धि॒षणे अवर्तयद्

Halfverse: d    वैश्वान॒रो विश्व॑मधत्त॒ वृष्ण्य॑म् ।।
   वै॑श्वान॒रः विश्व॑म् अधत्त वृष्ण्य॑म् ।।
   वै॑श्वान॒रो विश्व॑म् अधत्त वृष्णि॑यम् ।।


Verse: 4 
Halfverse: a    अ॒पामु॒पस्थे॑ महि॒षा अ॑गृभ्णत॒ विशो॒ राजा॑न॒मुप॑ तस्थुरृ॒ग्मिय॑म् ।
   अ॒पामु॒पस्थे॑ महि॒षा अ॑गृभ्णत
   अ॒पाम् उ॒पस्थे महि॒षाः अ॑गृभ्णत
   अ॒पाम् उ॒पस्थे महि॒षा अ॑गृभ्णत

Halfverse: b    विशो॒ राजा॑न॒मुप॑ तस्थुरृ॒ग्मिय॑म् ।
   विशः राजा॑नम् उप तस्थुः ऋ॒ग्मिय॑म् ।
   विशो राजा॑नम् उप तस्थुर् ऋ॒ग्मिय॑म् ।

Halfverse: c    आ दू॒तो अ॒ग्निम॑भरद्वि॒वस्व॑तो वैश्वान॒रम्मा॑त॒रिश्वा॑ परा॒वतः॑ ।।
   आ दू॒तो अ॒ग्निम॑भरद्वि॒वस्व॑तो
   आ दू॒तः अ॒ग्निम् अभरत् वि॒वस्व॑तः
   आ दू॒तो अ॒ग्निम् अभरद् वि॒वस्व॑तो

Halfverse: d    वैश्वान॒रम्मा॑त॒रिश्वा॑ परा॒वतः॑ ।।
   वै॑श्वान॒रम् मात॒रिश्वा परा॒वतः ।।
   वै॑श्वान॒रम् मात॒रिश्वा परा॒वतः ।।


Verse: 5 
Halfverse: a    यु॒गेयु॑गे विद॒थ्यं॑ गृ॒णद्भ्यो ऽग्ने॑ र॒यिं य॒शसं॑ धेहि॒ नव्य॑सीम् ।
   यु॒गेयु॑गे विद॒थ्यं॑ गृ॒णद्भ्यो
   यु॒गेयु॑गे विद॒थ्य॑म् गृ॒णद्भ्यः
   यु॒गेयु॑गे विद॒थियं गृ॒णद्भि॑यो

Halfverse: b    ऽग्ने र॒यिं य॒शसं॑ धेहि॒ नव्य॑सीम् ।
   अग्ने र॒यिम् य॒शस॑म् धेहि नव्य॑सीम् ।
   अग्ने र॒यिं य॒शसं धेहि नव्य॑सीम् ।

Halfverse: c    प॒व्येव॑ राजन्न॒घशं॑समजर नी॒चा नि वृ॑श्च व॒निनं॒ न तेज॑सा ।।
   प॒व्येव॑ राजन्न॒घशं॑समजर
   प॒व्या इ॑व राजन् अ॒घशं॑सम् अजर
   प॒व्येव राजन्न् अ॒घशं॑सम् अजर

Halfverse: d    नी॒चा नि वृ॑श्च व॒निनं॒ न तेज॑सा ।।
   नी॒चा नि वृ॑श्च व॒निन॑म् न तेज॑सा ।।
   नी॒चा नि वृ॑श्च व॒निनं न तेज॑सा ।।


Verse: 6 
Halfverse: a    अ॒स्माक॑मग्ने म॒घव॑त्सु धार॒याना॑मि क्ष॒त्रम॒जरं॑ सु॒वीर्य॑म् ।
   अ॒स्माक॑मग्ने म॒घव॑त्सु धारय
   अ॒स्माक॑म् अग्ने म॒घव॑त्सु धारय
   अ॒स्माक॑म् अग्ने म॒घव॑त्सु धारय

Halfverse: b     अना॑मि क्ष॒त्रम॒जरं॑ सु॒वीर्य॑म् ।
   अना॑मि क्ष॒त्रम् अ॒जर॑म् सु॒वीर्य॑म् ।
   अना॑मि क्ष॒त्रम् अ॒जरं सु॒वीरि॑यम् ।

Halfverse: c    व॒यं ज॑येम श॒तिनं॑ सह॒स्रिणं॒ वैश्वा॑नर॒ वाज॑मग्ने॒ तवो॒तिभिः॑ ।।
   व॒यं ज॑येम श॒तिनं॑ सह॒स्रिणं
   व॒यम् जयेम श॒तिन॑म् सह॒स्रिण॑म्
   व॒यं ज॑येम श॒तिनं सह॒स्रिणं

Halfverse: d    वैश्वा॑नर॒ वाज॑मग्ने॒ तवो॒तिभिः॑ ।।
   वैश्वा॑नर वाज॑म् अग्ने तव ऊ॒तिभिः ।।
   वैश्वा॑नर वाज॑म् अग्ने तवो॒तिभिः ।।


Verse: 7 
Halfverse: a    अद॑ब्धेभि॒स्तव॑ गो॒पाभि॑रिष्टे॒ ऽस्माक॑म्पाहि त्रिषधस्थ सू॒रीन् ।
   अद॑ब्धेभि॒स्तव॑ गो॒पाभि॑रिष्टे
   अद॑ब्धेभिः तव गो॒पाभिः इष्टे
   अद॑ब्धेभिस् तव गो॒पाभि॑र् इष्टे

Halfverse: b    ऽस्माक॑म्पाहि त्रिषधस्थ सू॒रीन् ।
   अ॒स्माक॑म् पाहि त्रिषधस्थ सू॒रीन् ।
   अ॒स्माक॑म् पाहि त्रिषधस्थ सू॒रीन् ।

Halfverse: c    रक्षा॑ च नो द॒दुषां॒ शर्धो॑ अग्ने॒ वैश्वा॑नर॒ प्र च॑ तारी॒ स्तवा॑नः ।।
   रक्षा॑ च नो द॒दुषां॒ शर्धो॑ अग्ने
   रक्ष+ च नः द॒दुषा॑म् शर्धः अग्ने
   रक्षा च नो द॒दुषां शर्धो अग्ने

Halfverse: d    वैश्वा॑नर॒ प्र च॑ तारी॒ स्तवा॑नः ।।
   वैश्वा॑नर प्र च तारीः स्तवा॑नः ।।
   वैश्वा॑नर प्र च तारी स्तवा॑नः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.