TITUS
Rg-Veda: Rg-Veda-Samhita
Part No. 451
Previous part

Hymn: 10_(451) 
Verse: 1 
Halfverse: a    पु॒रो वो॑ म॒न्द्रं दि॒व्यं सु॑वृ॒क्तिम्प्र॑य॒ति य॒ज्ञे अ॒ग्निम॑ध्व॒रे द॑धिध्वम् ।
   पु॒रो वो॑ म॒न्द्रं दि॒व्यं सु॑वृ॒क्तिम्
   पु॒रः वः म॒न्द्रम् दि॒व्यम् सुवृ॒क्तिम्
   पु॒रो वो म॒न्द्रं दि॑वि॒यं सु॑वृ॒क्तिम्

Halfverse: b    प्रय॒ति य॒ज्ञे अ॒ग्निम॑ध्व॒रे द॑धिध्वम् ।
   प्र॑य॒ति य॒ज्ञे अ॒ग्निम् अध्व॒रे द॑धिध्वम् ।
   प्र॑य॒ति य॒ज्ञे अ॒ग्निम् अध्व॒रे द॑धिध्वम् ।

Halfverse: c    पु॒र उ॒क्थेभिः॒ स हि नो॑ वि॒भावा॑ स्वध्व॒रा क॑रति जा॒तवे॑दाः ।।
   पु॒र उ॒क्थेभिः॒ स हि नो॑ वि॒भावा
   पु॒रः उ॒क्थेभिः स हि नः वि॒भावा
   पु॒र उ॒क्थेभिः स हि नो वि॒भावा

Halfverse: d    स्वध्व॒रा क॑रति जा॒तवे॑दाः ।।
   स्व॑ध्व॒रा क॑रति जा॒तवे॑दाः ।।
   सुअ॑ध्व॒रा क॑रति जा॒तवे॑दाः ।।


Verse: 2 
Halfverse: a    तमु॑ द्युमः पुर्वणीक होत॒रग्ने॑ अ॒ग्निभि॒र्मनु॑ष इधा॒नः ।
   तमु॑ द्युमः पुर्वणीक होतर्
   तम् उ द्युमः पुर्वणीक होतर्
   तम् उ द्युमः पुरुअणीक होतर्

Halfverse: b    अग्ने॑ अ॒ग्निभि॒र्मनु॑ष इधा॒नः ।
   अग्ने अ॒ग्निभिः मनु॑षः इधा॒नः ।
   अग्ने अ॒ग्निभि॑र् मनु॑ष इधा॒नः ।

Halfverse: c    स्तोमं॒ यम॑स्मै म॒मते॑व शू॒षं घृ॒तं न शुचि॑ म॒तयः॑ पवन्ते ।।
   स्तोमं॒ यम॑स्मै म॒मते॑व शू॒षं
   स्तोम॑म् यम् अस्मै म॒मता इव शू॒षम्
   स्तोमं यम् अस्मै म॒मते॑व शू॒षं

Halfverse: d    घृ॒तं न शुचि॑ म॒तयः॑ पवन्ते ।।
   घृ॒तम् न शुचि म॒तयः पवन्ते ।।
   घृ॒तं न शुचि म॒तयः पवन्ते ।।


Verse: 3 
Halfverse: a    पी॒पाय॒ स श्रव॑सा॒ मर्त्ये॑षु॒ यो अ॒ग्नये॑ द॒दाश॒ विप्र॑ उ॒क्थैः ।
   पी॒पाय॒ स श्रव॑सा॒ मर्त्ये॑षु
   पी॒पाय स श्रव॑सा मर्त्ये॑षु
   पी॒पाय स श्रव॑सा मर्ति॑येषु

Halfverse: b    यो अ॒ग्नये॑ द॒दाश॒ विप्र॑ उ॒क्थैः ।
   यः अ॒ग्नये द॒दाश विप्रः उ॒क्थैः ।
   यो अ॒ग्नये द॒दाश विप्र उ॒क्थैः ।

Halfverse: c    चि॒त्राभि॒स्तमू॒तिभि॑श्चि॒त्रशो॑चिर्व्र॒जस्य॑ सा॒ता गोम॑तो दधाति ।।
   चि॒त्राभि॒स्तमू॒तिभि॑श्चि॒त्रशो॑चिर्
   चि॒त्राभिः तम् ऊ॒तिभिः चि॒त्रशो॑चिः
   चि॒त्राभि॑स् तम् ऊ॒तिभि॑श् चि॒त्रशो॑चिर्

Halfverse: d    व्र॒जस्य॑ सा॒ता गोम॑तो दधाति ।।
   व्र॒जस्य सा॒ता गोम॑तः दधाति ।।
   व्र॒जस्य सा॒ता गोम॑तो दधाति ।।


Verse: 4 
Halfverse: a    आ यः प॒प्रौ जाय॑मान उ॒र्वी दू॑रे॒दृशा॑ भा॒सा कृ॒ष्णाध्वा॑ ।
   आ यः प॒प्रौ जाय॑मान उ॒र्वी
   आ यः प॒प्रौ जाय॑मानः उ॒र्वी
   आ यः प॒प्रौ ? जाय॑मान उ॒र्वी

Halfverse: b    दू॑रे॒दृशा॑ भा॒सा कृ॒ष्णाध्वा॑ ।
   दू॑रे॒दृशा भा॒सा कृ॒ष्णाध्वा ।
   दू॑रे॒दृशा भाअ॒सा कृ॒ष्णाअध्वा ।

Halfverse: c    अध॑ ब॒हु चि॒त्तम॒ ऊर्म्या॑यास्ति॒रः शो॒चिषा॑ ददृशे पाव॒कः ।।
   अध॑ ब॒हु चि॒त्तम॒ ऊर्म्या॑यास्
   अध ब॒हु चि॑त् तमः ऊर्म्या॑याः
   अध ब॒हु चि॑त् तम ऊर्मि॑यायास्

Halfverse: d    ति॒रः शो॒चिषा॑ ददृशे पाव॒कः ।।
   ति॒रः शो॒चिषा ददृशे पाव॒कः ।।
   ति॒रः शो॒चिषा ददृशे पवा॒कः ।।


Verse: 5 
Halfverse: a    नू न॑श्चि॒त्रम्पु॑रु॒वाजा॑भिरू॒ती अग्ने॑ र॒यिम्म॒घव॑द्भ्यश्च धेहि ।
   नू न॑श्चि॒त्रम्पु॑रु॒वाजा॑भिरू॒ती
   नु+ नः चि॒त्रम् पुरु॒वाजा॑भिः ऊ॒ती
   नू न॑श् चि॒त्रम् पुरु॒वाजा॑भिर् ऊ॒ती

Halfverse: b    अग्ने॑ र॒यिम्म॒घव॑द्भ्यश्च धेहि ।
   अग्ने र॒यिम् म॒घव॑द्भ्यः च धेहि ।
   अग्ने र॒यिम् म॒घव॑द्भ्यश् च धेहि ।

Halfverse: c    ये राध॑सा॒ श्रव॑सा॒ चात्य॒न्यान्सु॒वीर्ये॑भिश्चा॒भि सन्ति॒ जना॑न् ।।
   ये राध॑सा॒ श्रव॑सा॒ चात्य॒न्यान्
   ये राध॑सा श्रव॑सा च अति अ॒न्यान्
   ये राध॑सा श्रव॑सा चाति अ॒न्यान्

Halfverse: d    सु॒वीर्ये॑भिश्चा॒भि सन्ति॒ जना॑न् ।।
   सु॒वीर्ये॑भिः च अ॒भि सन्ति जना॑न् ।।
   सु॒वीर्ये॑भिश् च अ॒भि सन्ति जना॑न् ।।


Verse: 6 
Halfverse: a    इ॒मं य॒ज्ञं चनो॑ धा अग्न उ॒शन्यं त॑ आसा॒नो जु॑हु॒ते ह॒विष्मा॑न् ।
   इ॒मं य॒ज्ञं चनो॑ धा अग्न उ॒शन्
   इ॒मम् य॒ज्ञम् चनः धाः अग्ने उ॒शन्
   इ॒मं य॒ज्ञं चनो धा अग्न उ॒शन्

Halfverse: b    यं त॑ आसा॒नो जु॑हु॒ते ह॒विष्मा॑न् ।
   यम् ते आसा॒नः जु॑हु॒ते ह॒विष्मा॑न् ।
   यं त आसा॒नो जु॑हु॒ते ह॒विष्मा॑न् ।

Halfverse: c    भ॒रद्वा॑जेषु दधिषे सुवृ॒क्तिमवी॒र्वाज॑स्य॒ गध्य॑स्य सा॒तौ ।।
   भ॒रद्वा॑जेषु दधिषे सुवृ॒क्तिम्
   भ॒रद्वा॑जेषु दधिषे सुवृ॒क्तिम्
   भ॒रद्वा॑जेषु दधिषे सुवृ॒क्तिम्

Halfverse: d    अवी॒र्वाज॑स्य॒ गध्य॑स्य सा॒तौ ।।
   अवीः वाज॑स्य गध्य॑स्य सा॒तौ ।।
   अवी॑र् वाज॑स्य गधि॑यस्य सा॒तौ ।।


Verse: 7 
Halfverse: a    वि द्वेषां॑सीनु॒हि व॒र्धयेळा॒म्मदे॑म श॒तहि॑माः सु॒वीराः॑ ।।
   वि द्वेषां॑सीनु॒हि व॒र्धयेळा॑म्
   वि द्वेषां॑सि इनु॒हि व॒र्धय इळा॑म्
   वि द्वेषां॑सि इनु॒हि व॒र्धयेळा॑म्

Halfverse: b    मदे॑म श॒तहि॑माः सु॒वीराः॑ ।
   मदे॑म श॒तहि॑माः सु॒वीराः ।।
   मदे॑म ? श॒तहि॑माः सु॒वीराः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.