TITUS
Rg-Veda: Rg-Veda-Samhita
Part No. 452
Previous part

Hymn: 11_(452) 
Verse: 1 
Halfverse: a    यज॑स्व होतरिषि॒तो यजी॑या॒नग्ने॒ बाधो॑ म॒रुतां॒ न प्रयु॑क्ति ।
   यज॑स्व होतरिषि॒तो यजी॑यान्
   यज॑स्व होतर् इषि॒तः यजी॑यान्
   यज॑स्व होतर् इषि॒तो यजी॑यान्

Halfverse: b    अग्ने॒ बाधो॑ म॒रुतां॒ न प्रयु॑क्ति ।
   अग्ने बाधः म॒रुता॑म् न प्रयु॑क्ति ।
   अग्ने बाधो म॒रुतां न प्रयु॑क्ति ।

Halfverse: c    आ नो॑ मि॒त्रावरु॑णा॒ नास॑त्या॒ द्यावा॑ हो॒त्राय॑ पृथि॒वी व॑वृत्याः ।।
   आ नो॑ मि॒त्रावरु॑णा॒ नास॑त्या
   आ नः मि॒त्रावरु॑णा नास॑त्या
   आ नो मि॒त्रावरु॑णा नास॑तिया

Halfverse: d    द्यावा॑ हो॒त्राय॑ पृथि॒वी व॑वृत्याः ।।
   द्यावा हो॒त्राय पृथि॒वी व॑वृत्याः ।।
   द्यावा हो॒त्राय पृथि॒वी व॑वृत्याः ।।


Verse: 2 
Halfverse: a    त्वं होता॑ म॒न्द्रत॑मो नो अ॒ध्रुग॒न्तर्दे॒वो वि॒दथा॒ मर्त्ये॑षु ।
   त्वं होता॑ म॒न्द्रत॑मो नो अ॒ध्रुग्
   त्वम् होता म॒न्द्रत॑मः नः अ॒ध्रुक्
   तु॒वं होता म॒न्द्रत॑मो नो अ॒ध्रुग्

Halfverse: b    अ॒न्तर्दे॒वो वि॒दथा॒ मर्त्ये॑षु ।
   अ॒न्तर् दे॒वः वि॒दथा मर्त्ये॑षु ।
   अ॒न्तर् दे॒वो वि॒दथा मर्ति॑येषु ।

Halfverse: c    पा॑व॒कया॑ जु॒ह्वा॒ वह्नि॑रा॒साग्ने॒ यज॑स्व त॒न्वं॒ तव॒ स्वाम् ।।
   पा॑व॒कया॑ जु॒ह्वा॒ वह्नि॑रा॒सा
   पा॑व॒कया जु॒ह्वा वह्निः आ॒सा
   प॑वा॒कया जु॒हुवा वह्नि॑र् आ॒सा

Halfverse: d     अग्ने॒ यज॑स्व त॒न्वं॒ तव॒ स्वाम् ।।
   अग्ने यज॑स्व त॒न्व॑म् तव स्वाम् ।।
   अग्ने यज॑स्व त॒नुवं तव स्वाम् ।।


Verse: 3 
Halfverse: a    धन्या॑ चि॒द्धि त्वे धि॒षणा॒ वष्टि॒ प्र दे॒वाञ्जन्म॑ गृण॒ते यज॑ध्यै ।
   धन्या॑ चि॒द्धि त्वे धि॒षणा॒ वष्टि
   धन्या चित् हि त्वे धि॒षणा वष्टि
   धनि॑या चिद् धि त्वे धि॒षणा वष्टि

Halfverse: b    प्र दे॒वाञ्जन्म॑ गृण॒ते यज॑ध्यै ।
   प्र दे॒वान् जन्म गृण॒ते यज॑ध्यै ।
   प्र दे॒वाञ् जन्म गृण॒ते यज॑ध्यै ।

Halfverse: c    वेपि॑ष्ठो॒ अङ्गि॑रसां॒ यद्ध॒ विप्रो॒ मधु॑ छ॒न्दो भन॑ति रे॒भ इ॒ष्टौ ।।
   वेपि॑ष्ठो॒ अङ्गि॑रसां॒ यद्ध॒ विप्रो
   वेपि॑ष्ठः अङ्गि॑रसाम् यत् ह विप्रः
   वेपि॑ष्ठो अङ्गि॑रसां यद् ध विप्रो

Halfverse: d    मधु॑ छ॒न्दो भन॑ति रे॒भ इ॒ष्टौ ।।
   मधु छ॒न्दः भन॑ति रे॒भः इ॒ष्टौ ।।
   मधु छ॒न्दो भन॑ति रे॒भ इ॒ष्टौ ।।


Verse: 4 
Halfverse: a    अदि॑द्युत॒त्स्वपा॑को वि॒भावाग्ने॒ यज॑स्व॒ रोद॑सी उरू॒ची ।
   अदि॑द्युत॒त्स्वपा॑को वि॒भावा
   अदि॑द्युतत् सु अपा॑कः वि॒भावा
   अदि॑द्युतत् सु अपा॑को वि॒भावा

Halfverse: b     अग्ने॒ यज॑स्व॒ रोद॑सी उरू॒ची ।
   अग्ने यज॑स्व रोद॑सी उरू॒ची ।
   अग्ने यज॑स्व रोद॑सी उरू॒ची ।

Halfverse: c    आ॒युं न यं नम॑सा रा॒तह॑व्या अ॒ञ्जन्ति॑ सुप्र॒यस॒म्पञ्च॒ जनाः॑ ।।
   आ॒युं न यं नम॑सा रा॒तह॑व्या
   आ॒युम् न यम् नम॑सा रा॒तह॑व्याः
   आ॒युं न यं नम॑सा रा॒तह॑व्या

Halfverse: d    अ॒ञ्जन्ति॑ सुप्र॒यस॒म्पञ्च॒ जनाः॑ ।।
   अ॒ञ्जन्ति सुप्र॒यस॑म् पञ्च जनाः ।।
   अ॒ञ्जन्ति सुप्र॒यस॑म् पञ्च जनाः ।।


Verse: 5 
Halfverse: a    वृ॒ञ्जे ह॒ यन्नम॑सा ब॒र्हिर॒ग्नावया॑मि॒ स्रुग्घृ॒तव॑ती सुवृ॒क्तिः ।
   वृ॒ञ्जे ह॒ यन्नम॑सा ब॒र्हिर॒ग्नाव्
   वृ॒ञ्जे ह यत् नम॑सा ब॒र्हिः अ॒ग्नौ
   वृ॒ञ्जे ह यन् नम॑सा ब॒र्हिर् अ॒ग्नाव्

Halfverse: b    अया॑मि॒ स्रुग्घृ॒तव॑ती सुवृ॒क्तिः ।
   अया॑मि स्रुक् घृ॒तव॑ती सुवृ॒क्तिः ।
   अया॑मि स्रुग् घृ॒तव॑ती सुवृ॒क्तिः ।

Halfverse: c    अम्य॑क्षि॒ सद्म॒ सद॑ने पृथि॒व्या अश्रा॑यि य॒ज्ञः सूर्ये॒ न चक्षुः॑ ।।
   अम्य॑क्षि॒ सद्म॒ सद॑ने पृथि॒व्या
   अम्य॑क्षि सद्म सद॑ने पृथि॒व्याः
   अम्य॑क्षि सद्म सद॑ने पृथि॒व्या

Halfverse: d    अश्रा॑यि य॒ज्ञः सूर्ये॒ न चक्षुः॑ ।।
   अश्रा॑यि य॒ज्ञः सूर्ये न चक्षुः ।।
   अश्रा॑यि य॒ज्ञः सूरि॑ये न चक्षुः ।।


Verse: 6 
Halfverse: a    द॑श॒स्या नः॑ पुर्वणीक होतर्दे॒वेभि॑रग्ने अ॒ग्निभि॑रिधा॒नः ।
   द॑श॒स्या नः॑ पुर्वणीक होतर्
   दश॒स्य+ नः पुर्वणीक होतर्
   दश॒स्या नः पुरुअणीक होतर्

Halfverse: b    दे॒वेभि॑रग्ने अ॒ग्निभि॑रिधा॒नः ।
   दे॒वेभिः अग्ने अ॒ग्निभिः इधा॒नः ।
   दे॒वेभि॑र् अग्ने अ॒ग्निभि॑र् इधा॒नः ।

Halfverse: c    रा॒यः सू॑नो सहसो वावसा॒ना अति॑ स्रसेम वृ॒जनं॒ नांहः॑ ।।
   रा॒यः सू॑नो सहसो वावसा॒ना
   रा॒यः सू॑नो सहसः वावसा॒नाः
   रा॒यः सू॑नो सहसो वावसा॒ना

Halfverse: d    अति॑ स्रसेम वृ॒जनं॒ नांहः॑ ।।
   अति स्रसेम वृ॒जन॑म् न अंहः ।।
   अति स्रसेम वृ॒जनं न अंहः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.