TITUS
Rg-Veda: Rg-Veda-Samhita
Part No. 453
Previous part

Hymn: 12_(453) 
Verse: 1 
Halfverse: a    मध्ये॒ होता॑ दुरो॒णे ब॒र्हिषो॒ राळ॒ग्निस्तो॒दस्य॒ रोद॑सी॒ यज॑ध्यै ।
   मध्ये॒ होता॑ दुरो॒णे ब॒र्हिषो॒ राळ्
   मध्ये होता दुरो॒णे ब॒र्हिषः राट्
   मध्ये होता दुरो॒णे ब॒र्हिषो राळ्

Halfverse: b    अ॒ग्निस्तो॒दस्य॒ रोद॑सी॒ यज॑ध्यै ।
   अ॒ग्निः तो॒दस्य रोद॑सी यज॑ध्यै ।
   अ॒ग्निस् तो॒दस्य रोद॑सी यज॑ध्यै ।

Halfverse: c    अ॒यं स सू॒नुः सह॑स ऋ॒तावा॑ दू॒रात्सूर्यो॒ न शो॒चिषा॑ ततान ।।
   अ॒यं स सू॒नुः सह॑स ऋ॒तावा
   अ॒यम् स सू॒नुः सह॑सः ऋ॒तावा
   अ॒यं स सू॒नुः सह॑स ऋ॒तावा

Halfverse: d    दू॒रात्सूर्यो॒ न शो॒चिषा॑ ततान ।।
   दू॒रात् सूर्यः न शो॒चिषा ततान ।।
   दू॒रात् सूर्यो न शो॒चिषा ततान ।।


Verse: 2 
Halfverse: a    आ यस्मि॒न्त्वे स्वपा॑के यजत्र॒ यक्ष॑द्राजन्स॒र्वता॑तेव॒ नु द्यौः ।
   आ यस्मि॒न्त्वे स्वपा॑के यजत्र
   आ यस्मि॑न् त्वे सु अपा॑के यजत्र
   आ यस्मि॑न् त्वे सु अपा॑के यजत्र

Halfverse: b    यक्ष॑द्राजन्स॒र्वता॑तेव॒ नु द्यौः ।
   यक्ष॑त् राजन् स॒र्वता॑ता इव नु द्यौः ।
   यक्ष॑द् राजन् स॒र्वता॑तेव नु द्यौः ।

Halfverse: c    त्रि॑ष॒धस्थ॑स्तत॒रुषो॒ न जंहो॑ ह॒व्या म॒घानि॒ मानु॑षा॒ यज॑ध्यै ।।
   त्रि॑ष॒धस्थ॑स्तत॒रुषो॒ न जंहो
   त्रिष॒धस्थः तत॒रुषः न जंहः
   त्रिष॒धस्थ॑स् तत॒रुषो न जंहो

Halfverse: d    ह॒व्या म॒घानि॒ मानु॑षा॒ यज॑ध्यै ।।
   ह॒व्या म॒घानि मानु॑षा यज॑ध्यै ।।
   ह॒व्या म॒घानि मानु॑षा यज॑ध्यै ।।


Verse: 3 
Halfverse: a    तेजि॑ष्ठा॒ यस्या॑र॒तिर्व॑ने॒राट्तो॒दो अध्व॒न्न वृ॑धसा॒नो अ॑द्यौत् ।
   तेजि॑ष्ठा॒ यस्या॑र॒तिर्व॑ने॒राट्
   तेजि॑ष्ठा यस्य अर॒तिः व॑ने॒राट्
   तेजि॑ष्ठा यस्य अर॒तिर् वने॒राट्

Halfverse: b    तो॒दो अध्व॒न्न वृ॑धसा॒नो अ॑द्यौत् ।
   तो॒दः अध्व॑न् न वृ॑धसा॒नः अ॑द्यौत् ।
   तो॒दो अध्व॑न् न वृ॑धसा॒नो अ॑द्यौत् ।

Halfverse: c    अ॑द्रो॒घो न द्र॑वि॒ता चे॑तति॒ त्मन्नम॑र्त्यो ऽव॒र्त्र ओष॑धीषु ।।
   अ॑द्रो॒घो न द्र॑वि॒ता चे॑तति॒ त्मन्न्
   अद्रो॒घः न द्र॑वि॒ता चे॑तति त्मन्
   अद्रो॒घो न द्र॑वि॒ता चे॑तति त्मन्न्

Halfverse: d    अम॑र्त्यो ऽव॒र्त्र ओष॑धीषु ।।
   अम॑र्त्यः अव॒र्त्रः ओष॑धीषु ।।
   अम॑र्तियो अव॒र्त्र ओष॑धीषु ।।


Verse: 4 
Halfverse: a    सास्माके॑भिरे॒तरी॒ न शू॒षैर॒ग्नि ष्ट॑वे॒ दम॒ आ जा॒तवे॑दाः ।
   सास्माके॑भिरे॒तरी॒ न शू॒षैर्
   स अ॒स्माके॑भिः ए॒तरि+ न शू॒षैः
   स अ॒स्माके॑भिर् ए॒तरी न शू॒षैर्

Halfverse: b    अ॒ग्नि ष्ट॑वे॒ दम॒ आ जा॒तवे॑दाः ।
   अ॒ग्निः स्त॑वे दमे आ जा॒तवे॑दाः ।
   अ॒ग्नि ष्ट॑वे दम आ जा॒तवे॑दाः ।

Halfverse: c    द्र्व॑न्नो व॒न्वन्क्रत्वा॒ नार्वो॒स्रः पि॒तेव॑ जार॒यायि॑ य॒ज्ञैः ।।
   द्र्व॑न्नो व॒न्वन्क्रत्वा॒ नार्वा
   द्र्व॑न्नः व॒न्वन् क्रत्वा न अर्वा
   द्रुअन्नो व॒न्वन् क्रतु॑वा न अर्वा

Halfverse: d     ॑उ॒स्रः पि॒तेव॑ जार॒यायि॑ य॒ज्ञैः ।।
   उ॒स्रः पि॒ता इ॑व जार॒यायि य॒ज्ञैः ।।
   उ॒स्रः पि॒तेव जार॒यायि य॒ज्ञैः ।।


Verse: 5 
Halfverse: a    अध॑ स्मास्य पनयन्ति॒ भासो॒ वृथा॒ यत्तक्ष॑दनु॒याति॑ पृ॒थ्वीम् ।
   अध॑ स्मास्य पनयन्ति॒ भासो
   अध स्म अस्य पनयन्ति भासः
   अध स्म अस्य पनयन्ति भासो

Halfverse: b    वृथा॒ यत्तक्ष॑दनु॒याति॑ पृ॒थ्वीम् ।
   वृथा यत् तक्ष॑त् अनु॒याति पृ॒थ्वीम् ।
   वृथा यत् तक्ष॑द् अनु॒याति पृ॒थ्वीम् ।

Halfverse: c    स॒द्यो यः स्य॒न्द्रो विषि॑तो॒ धवी॑यानृ॒णो न ता॒युरति॒ धन्वा॑ राट् ।।
   स॒द्यो यः स्य॒न्द्रो विषि॑तो॒ धवी॑यान्
   स॒द्यः यः स्य॒न्द्रः विषि॑तः धवी॑यान्
   स॒द्यो यः स्य॒न्द्रो विषि॑तो धवी॑यान्

Halfverse: d    ऋ॒णो न ता॒युरति॒ धन्वा॑ राट् ।।
   ऋ॒णः न ता॒युः अति धन्व+ राट् ।।
   ऋ॒णो न ता॒युर् अति धनु॑वा राट् ।।


Verse: 6 
Halfverse: a    स त्वं नो॑ अर्व॒न्निदा॑या॒ विश्वे॑भिरग्ने अ॒ग्निभि॑रिधा॒नः ।
   स त्वं नो॑ अर्व॒न्निदा॑या
   स त्वम् नः अर्वन् निदा॑याः
   स त्वं नो अर्वन् निदा॑या

Halfverse: b    विश्वे॑भिरग्ने अ॒ग्निभि॑रिधा॒नः ।
   विश्वे॑भिः अग्ने अ॒ग्निभिः इधा॒नः ।
   विश्वे॑भिर् अग्ने अ॒ग्निभि॑र् इधा॒नः ।

Halfverse: c    वेषि॑ रा॒यो वि या॑सि दु॒छुना॒ मदे॑म श॒तहि॑माः सु॒वीराः॑ ।।
   वेषि॑ रा॒यो वि या॑सि दु॒छुना
   वेषि रा॒यः वि या॑सि दु॒छुनाः
   वेषि रा॒यो ? वि या॑सि दु॒छुना

Halfverse: d    मदे॑म श॒तहि॑माः सु॒वीराः॑ ।।
   मदे॑म श॒तहि॑माः सु॒वीराः ।।
   मदे॑म ? श॒तहि॑माः सु॒वीराः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.