TITUS
Rg-Veda: Rg-Veda-Samhita
Part No. 454
Previous part

Hymn: 13_(454) 
Verse: 1 
Halfverse: a    त्वद्विश्वा॑ सुभग॒ सौभ॑गा॒न्यग्ने॒ वि य॑न्ति व॒निनो॒ न व॒याः ।
   त्वद्विश्वा॑ सुभग॒ सौभ॑गान्य्
   त्वत् विश्वा सुभग सौभ॑गानि
   तु॒वद् विश्वा सुभग सौभ॑गानि

Halfverse: b    अग्ने॒ वि य॑न्ति व॒निनो॒ न व॒याः ।
   अग्ने वि य॑न्ति व॒निनः न व॒याः ।
   अग्ने वि य॑न्ति व॒निनो न व॒याः ।

Halfverse: c    श्रु॒ष्टी र॒यिर्वाजो॑ वृत्र॒तूर्ये॑ दि॒वो वृ॒ष्टिरीड्यो॑ री॒तिर॒पाम् ।।
   श्रु॒ष्टी र॒यिर्वाजो॑ वृत्र॒तूर्ये
   श्रु॒ष्टी र॒यिः वाजः वृत्र॒तूर्ये
   श्रु॒ष्टी र॒यिर् ? वाजो वृत्र॒तूर्ये

Halfverse: d    दि॒वो वृ॒ष्टिरीड्यो॑ री॒तिर॒पाम् ।।
   दि॒वः वृ॒ष्टिः ईड्यः री॒तिः अ॒पाम् ।।
   दि॒वो वृ॒ष्टिर् ईडि॑यो री॒तिर् अ॒पाम् ।।


Verse: 2 
Halfverse: a    त्वम्भगो॑ न॒ आ हि रत्न॑मि॒षे परि॑ज्मेव क्षयसि द॒स्मव॑र्चाः ।
   त्वम्भगो॑ न॒ आ हि रत्न॑मि॒षे
   त्वम् भगः नः आ हि रत्न॑म् इ॒षे
   तु॒वम् भगो न आ हि रत्न॑म् इ॒षे

Halfverse: b    परि॑ज्मेव क्षयसि द॒स्मव॑र्चाः ।
   परि॑ज्मा इव क्षयसि द॒स्मव॑र्चाः ।
   परि॑ज्मेव क्षयसि द॒स्मव॑र्चाः ।

Halfverse: c    अग्ने॑ मि॒त्रो न बृ॑ह॒त ऋ॒तस्यासि॑ क्ष॒त्ता वा॒मस्य॑ देव॒ भूरेः॑ ।।
   अग्ने॑ मि॒त्रो न बृ॑ह॒त ऋ॒तस्य
   अग्ने मि॒त्रः न बृ॑ह॒तः ऋ॒तस्य
   अग्ने मि॒त्रो न बृ॑ह॒त ऋ॒तस्य

Halfverse: d     असि॑ क्ष॒त्ता वा॒मस्य॑ देव॒ भूरेः॑ ।।
   असि क्ष॒त्ता वा॒मस्य देव भूरेः ।।
   असि क्ष॒त्ता वा॒मस्य देव भूरेः ।।


Verse: 3 
Halfverse: a    स सत्प॑तिः॒ शव॑सा हन्ति वृ॒त्रमग्ने॒ विप्रो॒ वि प॒णेर्भ॑र्ति॒ वाज॑म् ।
   स सत्प॑तिः॒ शव॑सा हन्ति वृ॒त्रम्
   स सत्प॑तिः शव॑सा हन्ति वृ॒त्रम्
   स सत्प॑तिः शव॑सा हन्ति वृ॒त्रम्

Halfverse: b    अग्ने॒ विप्रो॒ वि प॒णेर्भ॑र्ति॒ वाज॑म् ।
   अग्ने विप्रः वि प॒णेः भ॑र्ति वाज॑म् ।
   अग्ने विप्रो वि प॒णेर् भर्ति वाज॑म् ।

Halfverse: c    यं त्वम्प्र॑चेत ऋतजात रा॒या स॒जोषा॒ नप्त्रा॒पां हि॒नोषि॑ ।।
   यं त्वम्प्र॑चेत ऋतजात रा॒या
   यम् त्वम् प्रचेतः ऋतजात रा॒या
   यं त्वम् प्रचेत ऋतजात रा॒या

Halfverse: d    स॒जोषा॒ नप्त्रा॒पां हि॒नोषि॑ ।।
   स॒जोषाः नप्त्रा अ॒पाम् हि॒नोषि ।।
   स॒जोषा नप्त्रा अ॒पाअं हि॒नोषि ।।


Verse: 4 
Halfverse: a    यस्ते॑ सूनो सहसो गी॒र्भिरु॒क्थैर्य॒ज्ञैर्मर्तो॒ निशि॑तिं वे॒द्यान॑ट् ।
   यस्ते॑ सूनो सहसो गी॒र्भिरु॒क्थैर्
   यः ते सूनो सहसः गी॒र्भिः उ॒क्थैः
   यस् ते सूनो सहसो गी॒र्भिर् उ॒क्थैर्

Halfverse: b    य॒ज्ञैर्मर्तो॒ निशि॑तिं वे॒द्यान॑ट् ।
   य॒ज्ञैः मर्तः निशि॑तिम् वे॒द्या आन॑ट् ।
   य॒ज्ञैर् मर्तो निशि॑तिं वेदि॒यान॑ट् ।

Halfverse: c    विश्वं॒ स दे॑व॒ प्रति॒ वार॑मग्ने ध॒त्ते धा॒न्य॒म्पत्य॑ते वस॒व्यैः॑ ।।
   विश्वं॒ स दे॑व॒ प्रति॒ वार॑मग्ने
   विश्व॑म् स दे॑व प्रति वार॑म् ! अग्ने
   विश्वं स दे॑व प्रति वार॑म् अग्ने

Halfverse: d    ध॒त्ते धा॒न्य॒म्पत्य॑ते वस॒व्यैः॑ ।।
   ध॒त्ते धा॒न्य॑म् पत्य॑ते वस॒व्यैः ।।
   ध॒त्ते धा॒निय॑म् पत्य॑ते वस॒व्यैः ।।


Verse: 5 
Halfverse: a    ता नृभ्य॒ आ सौ॑श्रव॒सा सु॒वीराग्ने॑ सूनो सहसः पु॒ष्यसे॑ धाः ।
   ता नृभ्य॒ आ सौ॑श्रव॒सा सु॒वीरा
   ता नृभ्यः आ सौ॑श्रव॒सा सु॒वीरा
   ता नृभ्य आ सौ॑श्रव॒सा सु॒वीरा

Halfverse: b     अग्ने॑ सूनो सहसः पु॒ष्यसे॑ धाः ।
   अग्ने सूनो सहसः पु॒ष्यसे धाः ।
   अग्ने सूनो सहसः पु॒ष्यसे धाः ।

Halfverse: c    कृ॒णोषि॒ यच्छव॑सा॒ भूरि॑ प॒श्वो वयो॒ वृका॑या॒रये॒ जसु॑रये ।।
   कृ॒णोषि॒ यच्छव॑सा॒ भूरि॑ प॒श्वो
   कृ॒णोषि यत् शव॑सा भूरि प॒श्वः
   कृ॒णोषि यच् छव॑सा भूरि प॒श्वो

Halfverse: d    वयो॒ वृका॑या॒रये॒ जसु॑रये ।।
   वयः वृका॑य अ॒रये जसु॑रये ।।
   वयो वृका॑य अ॒रये जसु॑रये ।।


Verse: 6 
Halfverse: a    व॒द्मा सू॑नो सहसो नो॒ विहा॑या॒ अग्ने॑ तो॒कं तन॑यं वा॒जि नो॑ दाः ।
   व॒द्मा सू॑नो सहसो नो॒ विहा॑या
   व॒द्मा सू॑नो सहसः नः विहा॑याः
   व॒द्मा सू॑नो सहसो नो विहा॑या

Halfverse: b    अग्ने॑ तो॒कं तन॑यं वा॒जि नो॑ दाः ।
   अग्ने तो॒कम् तन॑यम् वा॒जि नः दाः ।
   अग्ने तो॒कं तन॑यं वा॒जि नो दाः ।

Halfverse: c    विश्वा॑भिर्गी॒र्भिर॒भि पू॒र्तिम॑श्या॒म्मदे॑म श॒तहि॑माः सु॒वीराः॑ ।।
   विश्वा॑भिर्गी॒र्भिर॒भि पू॒र्तिम॑श्याम्
   विश्वा॑भिः गी॒र्भिः अ॒भि पू॒र्तिम् अश्याम्
   विश्वा॑भिर् गी॒र्भिर् अ॒भि पू॒र्तिम् अश्याम्

Halfverse: d    मदे॑म श॒तहि॑माः सु॒वीराः॑ ।।
   मदे॑म श॒तहि॑माः सु॒वीराः ।।
   मदे॑म ? श॒तहि॑माः सु॒वीराः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.