TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 457

Hymn: 16_(457)
Verse: 1
Halfverse: a    त्वम॑ग्ने य॒ज्ञानां॒ होता॒ विश्वे॑षां हि॒तः ।
   त्वम॑ग्ने य॒ज्ञानां
   त्वम् अग्ने य॒ज्ञाना॑म्
   तु॒वम् अग्ने य॒ज्ञानाअं

Halfverse: b    होता॒ विश्वे॑षां हि॒तः ।
   होता विश्वे॑षाम् हि॒तः ।
   होता विश्वे॑षाअं हि॒तः ।

Halfverse: c    दे॒वेभि॒र्मानु॑षे॒ जने॑ ।।
   दे॒वेभि॒र्मानु॑षे॒ जने॑ ।।
   दे॒वेभिः मानु॑षे जने ।।
   दे॒वेभि॑र् मानु॑षे जने ।।

Verse: 2
Halfverse: a    स नो॑ म॒न्द्राभि॑रध्व॒रे जि॒ह्वाभि॑र्यजा म॒हः ।
   स नो॑ म॒न्द्राभि॑रध्व॒रे
   स नः म॒न्द्राभिः अध्व॒रे
   स नो म॒न्द्राभि॑र् अध्व॒रे

Halfverse: b    जि॒ह्वाभि॑र्यजा म॒हः ।
   जि॒ह्वाभिः यज+ म॒हः ।
   जि॑हु॒वाभि॑र् यजा म॒हः ।

Halfverse: c    आ दे॒वान्व॑क्षि॒ यक्षि॑ च ।।
   आ दे॒वान्व॑क्षि॒ यक्षि॑ च ।।
   आ दे॒वान् वक्षि यक्षि च ।।
   आ दे॒वान् वक्षि यक्षि च ।।

Verse: 3
Halfverse: a    वेत्था॒ हि वे॑धो॒ अध्व॑नः प॒थश्च॑ दे॒वाञ्ज॑सा ।
   वेत्था॒ हि वे॑धो॒ अध्व॑नः
   वेत्थ+ हि वे॑धः अध्व॑नः
   वेत्था हि वे॑धो अध्व॑नः

Halfverse: b    प॒थश्च॑ दे॒वाञ्ज॑सा ।
   प॒थः च देव अञ्ज॑सा ।
   प॒थश् च देव अञ्ज॑सा ।

Halfverse: c    अग्ने॑ य॒ज्ञेषु॑ सुक्रतो ।।
   अग्ने॑ य॒ज्ञेषु॑ सुक्रतो ।।
   अग्ने य॒ज्ञेषु सुक्रतो ।।
   अग्ने य॒ज्ञेषु सुक्रतो ।।

Verse: 4
Halfverse: a    त्वामी॑ळे॒ अध॑ द्वि॒ता भ॑र॒तो वा॒जिभिः॑ शु॒नम् ।
   त्वामी॑ळे॒ अध॑ द्वि॒ता
   त्वाम् ईळे अध द्वि॒ता
   तु॒वाम् ईळे अध द्वि॒ता

Halfverse: b    भ॑र॒तो वा॒जिभिः॑ शु॒नम् ।
   भ॑र॒तः वा॒जिभिः शु॒नम् ।
   भ॑र॒तो वा॒जिभिः शु॒नम् ।

Halfverse: c    ई॒जे य॒ज्ञेषु॑ य॒ज्ञिय॑म् ।।
   ई॒जे य॒ज्ञेषु॑ य॒ज्ञिय॑म् ।।
   ई॒जे य॒ज्ञेषु य॒ज्ञिय॑म् ।।
   ई॒जे य॒ज्ञेषु य॒ज्ञिय॑म् ।।

Verse: 5
Halfverse: a    त्वमि॒मा वार्या॑ पु॒रु दिवो॑दासाय सुन्व॒ते ।
   त्वमि॒मा वार्या॑ पु॒रु
   त्वम् इ॒मा वार्या पु॒रु
   त्वम् इ॒मा वारि॑या पु॒रु

Halfverse: b    दिवो॑दासाय सुन्व॒ते ।
   दिवो॑दासाय सुन्व॒ते ।
   दिवो॑दासाय सुन्व॒ते ।

Halfverse: c    भ॒रद्वा॑जाय दा॒शुषे॑ ।।
   भ॒रद्वा॑जाय दा॒शुषे॑ ।।
   भ॒रद्वा॑जाय दा॒शुषे ।।
   भ॒रद्वा॑जाय दा॒शुषे ।।

Verse: 6
Halfverse: a    त्वं दू॒तो अम॑र्त्य॒ आ व॑हा॒ दैव्यं॒ जन॑म् ।
   त्वं दू॒तो अम॑र्त्य
   त्वम् दू॒तः अम॑र्त्यः
   तु॒वं दू॒तो अम॑र्तिय

Halfverse: b    आ व॑हा॒ दैव्यं॒ जन॑म् ।
   आ व॑ह+ दैव्य॑म् जन॑म् ।
   आ व॑हा दैवि॑यं जन॑म् ।

Halfverse: c    शृ॒ण्वन्विप्र॑स्य सुष्टु॒तिम् ।।
   शृ॒ण्वन्विप्र॑स्य सुष्टु॒तिम् ।।
   शृ॒ण्वन् विप्र॑स्य सुष्टु॒तिम् ।।
   शृ॒ण्वन् विप्र॑स्य सुष्टु॒तिम् ।।

Verse: 7
Halfverse: a    त्वाम॑ग्ने स्वा॒ध्यो॒ मर्ता॑सो दे॒ववी॑तये ।
   त्वाम॑ग्ने स्वा॒ध्यो
   त्वाम् अग्ने स्वा॒ध्यः
   तु॒वाम् अग्ने सुआ॒धियो

Halfverse: b    मर्ता॑सो दे॒ववी॑तये ।
   मर्ता॑सः दे॒ववी॑तये ।
   मर्ता॑सो दे॒ववी॑तये ।

Halfverse: c    य॒ज्ञेषु॑ दे॒वमी॑ळते ।।
   य॒ज्ञेषु॑ दे॒वमी॑ळते ।।
   य॒ज्ञेषु दे॒वम् ईळते ।।
   य॒ज्ञेषु दे॒वम् ईळते ।।

Verse: 8
Halfverse: a    तव॒ प्र य॑क्षि सं॒दृश॑मु॒त क्रतुं॑ सु॒दान॑वः ।
   तव॒ प्र य॑क्षि सं॒दृश॑म्
   तव प्र य॑क्षि सं॒दृश॑म्
   तव प्र य॑क्षि सं॒दृश॑म्

Halfverse: b    उ॒त क्रतुं॑ सु॒दान॑वः ।
   उ॒त क्रतु॑म् सु॒दान॑वः ।
   उ॒त क्रतुं सु॒दान॑वः ।

Halfverse: c    विश्वे॑ जुषन्त का॒मिनः॑ ।।
   विश्वे॑ जुषन्त का॒मिनः॑ ।।
   विश्वे जुषन्त का॒मिनः ।।
   विश्वे जुषन्त का॒मिनः ।।

Verse: 9
Halfverse: a    त्वं होता॒ मनु॑र्हितो॒ वह्नि॑रा॒सा वि॒दुष्ट॑रः ।
   त्वं होता॒ मनु॑र्हितो
   त्वम् होता मनु॑र्हितः
   तु॒वं होता मनु॑र्हितो

Halfverse: b    वह्नि॑रा॒सा वि॒दुष्ट॑रः ।
   वह्निः आ॒सा वि॒दुष्ट॑रः ।
   वह्नि॑र् आ॒सा वि॒दुष्ट॑रः ।

Halfverse: c    अग्ने॒ यक्षि॑ दि॒वो विशः॑ ।।
   अग्ने॒ यक्षि॑ दि॒वो विशः॑ ।।
   अग्ने यक्षि दि॒वः विशः ।।
   अग्ने यक्षि दि॒वो विशः ।।

Verse: 10
Halfverse: a    अग्न॒ आ या॑हि वी॒तये॑ गृणा॒नो ह॒व्यदा॑तये ।
   अग्न॒ आ या॑हि वी॒तये
   अग्ने आ या॑हि वी॒तये
   अग्न आ या॑हि वी॒तये

Halfverse: b    गृणा॒नो ह॒व्यदा॑तये ।
   गृ॑णा॒नः ह॒व्यदा॑तये ।
   गृ॑णा॒नो ह॒व्यदा॑तये ।

Halfverse: c    नि होता॑ सत्सि ब॒र्हिषि॑ ।।
   नि होता॑ सत्सि ब॒र्हिषि॑ ।।
   नि होता सत्सि ब॒र्हिषि ।।
   नि होता सत्सि ब॒र्हिषि ।।

Verse: 11
Halfverse: a    तं त्वा॑ स॒मिद्भि॑रङ्गिरो घृ॒तेन॑ वर्धयामसि ।
   तं त्वा॑ स॒मिद्भि॑रङ्गिरो
   तम् त्वा स॒मिद्भिः अङ्गिरः
   तं त्वा स॒मिद्भि॑र् अङ्गिरो

Halfverse: b    घृ॒तेन॑ वर्धयामसि ।
   घृ॒तेन वर्धयामसि ।
   घृ॒तेन वर्धयामसि ।

Halfverse: c    बृ॒हच्छो॑चा यविष्ठ्य ।।
   बृ॒हच्छो॑चा यविष्ठ्य ।।
   बृ॒हत् शोच+ यविष्ठ्य ।।
   बृ॒हच् छोचा यविष्ठिय ।।

Verse: 12
Halfverse: a    स नः॑ पृ॒थु श्र॒वाय्य॒मछा॑ देव विवाससि ।
   स नः॑ पृ॒थु श्र॒वाय्य॑म्
   स नः पृ॒थु श्र॒वाय्य॑म्
   स नः पृ॒थु श्र॒वायि॑यम्

Halfverse: b    अछा॑ देव विवाससि ।
   अछ+ देव विवाससि ।
   अछा देव विवाससि ।

Halfverse: c    बृ॒हद॑ग्ने सु॒वीर्य॑म् ।।
   बृ॒हद॑ग्ने सु॒वीर्य॑म् ।।
   बृ॒हत् अग्ने सु॒वीर्य॑म् ।।
   बृ॒हद् अग्ने सु॒वीरि॑यम् ।।

Verse: 13
Halfverse: a    त्वाम॑ग्ने॒ पुष्क॑रा॒दध्यथ॑र्वा॒ निर॑मन्थत ।
   त्वाम॑ग्ने॒ पुष्क॑रा॒दध्य्
   त्वाम् अग्ने पुष्क॑रात् अधि
   त्वाम् अग्ने पुष्क॑राद् अधि

Halfverse: b    अथ॑र्वा॒ निर॑मन्थत ।
   अथ॑र्वा निः अ॑मन्थत ।
   अथ॑र्वा निर् अमन्थत ।

Halfverse: c    मू॒र्ध्नो विश्व॑स्य वा॒घतः॑ ।।
   मू॒र्ध्नो विश्व॑स्य वा॒घतः॑ ।।
   मू॒र्ध्नः विश्व॑स्य वा॒घतः ।।
   मू॒र्ध्नो विश्व॑स्य वा॒घतः ।।

Verse: 14
Halfverse: a    तमु॑ त्वा द॒ध्यङ्ङृषिः॑ पु॒त्र ई॑धे॒ अथ॑र्वणः ।
   तमु॑ त्वा द॒ध्यङ्ङृषिः
   तम् उ त्वा द॒ध्यङ् ऋषिः
   तम् उ त्वा द॒धिअङ्ङ् ऋषिः

Halfverse: b    पु॒त्र ई॑धे॒ अथ॑र्वणः ।
   पु॒त्रः ई॑धे अथ॑र्वणः ।
   पु॒त्र ई॑धे अथ॑र्वणः ।

Halfverse: c    वृ॑त्र॒हण॑म्पुरंद॒रम् ।।
   वृ॑त्र॒हण॑म्पुरंद॒रम् ।।
   वृ॑त्र॒हण॑म् पुरंद॒रम् ।।
   वृ॑त्र॒हण॑म् पुरंद॒रम् ।।

Verse: 15
Halfverse: a    तमु॑ त्वा पा॒थ्यो वृषा॒ समी॑धे दस्यु॒हन्त॑मम् ।
   तमु॑ त्वा पा॒थ्यो वृषा
   तम् उ त्वा पा॒थ्यः वृषा
   तम् उ त्वा पाथि॒यो वृषा

Halfverse: b    समी॑धे दस्यु॒हन्त॑मम् ।
   सम् ईधे दस्यु॒हन्त॑मम् ।
   सम् ईधे दस्यु॒हन्त॑मम् ।

Halfverse: c    ध॑नंज॒यं रणे॑रणे ।।
   ध॑नंज॒यं रणे॑रणे ।।
   ध॑नंज॒यम् रणे॑रणे ।।
   ध॑नंज॒यं रणे॑रणे ।।

Verse: 16
Halfverse: a    एह्यू॒ षु ब्रवा॑णि॒ ते ऽग्न॑ इ॒त्थेत॑रा॒ गिरः॑ ।
   एह्यू॒ षु ब्रवा॑णि॒ ते
   आ इ॑हि उ+ सु ब्रवा॑णि ते
   एहि ऊ षु ब्रवा॑णि ते

Halfverse: b    ऽग्न इ॒त्थेत॑रा॒ गिरः॑ ।
   अग्ने इ॒त्था इत॑राः गिरः ।
   अग्न इ॒त्थेत॑रा गिरः ।

Halfverse: c    ए॒भिर्व॑र्धास॒ इन्दु॑भिः ।।
   ए॒भिर्व॑र्धास॒ इन्दु॑भिः ।।
   ए॒भिः व॑र्धासे इन्दु॑भिः ।।
   ए॒भिर् वर्धास इन्दु॑भिः ।।

Verse: 17
Halfverse: a    यत्र॒ क्व॑ च ते॒ मनो॒ दक्षं॑ दधस॒ उत्त॑रम् ।
   यत्र॒ क्व॑ च ते॒ मनो
   यत्र क्व च ते मनः
   यत्र कुव च ते मनो

Halfverse: b    दक्षं॑ दधस॒ उत्त॑रम् ।
   दक्ष॑म् दधसे उत्त॑रम् ।
   दक्षं दधस उत्त॑रम् ।

Halfverse: c    तत्रा॒ सदः॑ कृणवसे ।।
   तत्रा॒ सदः॑ कृणवसे ।।
   तत्र+ सदः कृणवसे ।।
   तत्रा सदः कृणवसे ।।

Verse: 18
Halfverse: a    न॒हि ते॑ पू॒र्तम॑क्षि॒पद्भुव॑न्नेमानां वसो ।
   न॒हि ते॑ पू॒र्तम॑क्षि॒पद्
   न॒हि ते पू॒र्तम् अक्षि॒पत्
   न॒हि ते पू॒र्तम् अक्षि॒पद्

Halfverse: b    भुव॑न्नेमानां वसो ।
   भुव॑त् नेमानाम् वसो ।
   भुव॑न् नेमानाअं वसो ।

Halfverse: c    अथा॒ दुवो॑ वनवसे ।।
   अथा॒ दुवो॑ वनवसे ।।
   अथ+ दुवः वनवसे ।।
   अथा दुवो वनवसे ।।

Verse: 19
Halfverse: a    आग्निर॑गामि॒ भार॑तो वृत्र॒हा पु॑रु॒चेत॑नः ।
   आग्निर॑गामि॒ भार॑तो
   आ अ॒ग्निः अ॑गामि भार॑तः
   आग्निर् अगामि भार॑तो

Halfverse: b    वृत्र॒हा पु॑रु॒चेत॑नः ।
   वृ॑त्र॒हा पु॑रु॒चेत॑नः ।
   वृ॑त्र॒हा पु॑रु॒चेत॑नः ।

Halfverse: c    दिवो॑दासस्य॒ सत्प॑तिः ।।
   दिवो॑दासस्य॒ सत्प॑तिः ।।
   दिवो॑दासस्य सत्प॑तिः ।।
   दिवो॑दासस्य सत्प॑तिः ।।

Verse: 20
Halfverse: a    स हि विश्वाति॒ पार्थि॑वा र॒यिं दाश॑न्महित्व॒ना ।
   स हि विश्वाति॒ पार्थि॑वा
   स हि विश्वा अति पार्थि॑वा
   स हि विश्वाति पार्थि॑वा

Halfverse: b    र॒यिं दाश॑न्महित्व॒ना ।
   र॒यिम् दाश॑त् महित्व॒ना ।
   र॒यिं दाश॑न् महित्व॒ना ।

Halfverse: c    व॒न्वन्नवा॑तो॒ अस्तृ॑तः ।।
   व॒न्वन्नवा॑तो॒ अस्तृ॑तः ।।
   व॒न्वन् अवा॑तः अस्तृ॑तः ।।
   व॒न्वन्न् अवा॑तो अस्तृ॑तः ।।

Verse: 21
Halfverse: a    स प्र॑त्न॒वन्नवी॑य॒साग्ने॑ द्यु॒म्नेन॑ सं॒यता॑ ।
   स प्र॑त्न॒वन्नवी॑यसा
   स प्र॑त्न॒वत् नवी॑यसा
   स प्र॑त्न॒वन् नवी॑यसा

Halfverse: b     अग्ने॑ द्यु॒म्नेन॑ सं॒यता॑ ।
   अग्ने द्यु॒म्नेन सं॒यता ।
   अग्ने द्यु॒म्नेन सं॒यता ।

Halfverse: c    बृ॒हत्त॑तन्थ भा॒नुना॑ ।।
   बृ॒हत्त॑तन्थ भा॒नुना॑ ।।
   बृ॒हत् ततन्थ भा॒नुना ।।
   बृ॒हत् ततन्थ भा॒नुना ।।

Verse: 22
Halfverse: a    प्र वः॑ सखायो अ॒ग्नये॒ स्तोमं॑ य॒ज्ञं च॑ धृष्णु॒या ।
   प्र वः॑ सखायो अ॒ग्नये
   प्र वः सखायः अ॒ग्नये
   प्र वः सखायो अ॒ग्नये

Halfverse: b    स्तोमं॑ य॒ज्ञं च॑ धृष्णु॒या ।
   स्तोम॑म् य॒ज्ञम् च धृष्णु॒या ।
   स्तोमं य॒ज्ञं च धृष्णु॒या ।

Halfverse: c    अर्च॒ गाय॑ च वे॒धसे॑ ।।
   अर्च॒ गाय॑ च वे॒धसे॑ ।।
   अर्च गाय च वे॒धसे ।।
   अर्च गाय च वे॒धसे ।।

Verse: 23
Halfverse: a    स हि यो मानु॑षा यु॒गा सीद॒द्धोता॑ क॒विक्र॑तुः ।
   स हि यो मानु॑षा यु॒गा
   स हि यः मानु॑षा यु॒गा
   स हि यो मानु॑षा यु॒गा

Halfverse: b    सीद॒द्धोता॑ क॒विक्र॑तुः ।
   सीद॑त् होता क॒विक्र॑तुः ।
   सीद॑द् धोता क॒विक्र॑तुः ।

Halfverse: c    दू॒तश्च॑ हव्य॒वाह॑नः ।।
   दू॒तश्च॑ हव्य॒वाह॑नः ।।
   दू॒तः च हव्य॒वाह॑नः ।।
   दू॒तश् च हव्य॒वाह॑नः ।।

Verse: 24
Halfverse: a    ता राजा॑ना॒ शुचि॑व्रतादि॒त्यान्मारु॑तं ग॒णम् ।
   ता राजा॑ना॒ शुचि॑व्रता
   ता राजा॑ना शुचि॑व्रता
   ता राजा॑ना शुचि॑व्रता

Halfverse: b     आदि॒त्यान्मारु॑तं ग॒णम् ।
   आ॑दि॒त्यान् मारु॑तम् ग॒णम् ।
   आ॑दि॒त्यान् मारु॑तं ग॒णम् ।

Halfverse: c    वसो॒ यक्षी॒ह रोद॑सी ।।
   वसो॒ यक्षी॒ह रोद॑सी ।।
   वसो यक्षि इ॒ह रोद॑सी ।।
   वसो यक्षी॒ह रोद॑सी ।।

Verse: 25
Halfverse: a    वस्वी॑ ते अग्ने॒ संदृ॑ष्टिरिषय॒ते मर्त्या॑य ।
   वस्वी॑ ते अग्ने॒ संदृ॑ष्टिर्
   वस्वी ते अग्ने संदृ॑ष्टिः
   वस्वी ते अग्ने संदृ॑ष्टिर्

Halfverse: b    इषय॒ते मर्त्या॑य ।
   इ॑षय॒ते मर्त्या॑य ।
   इ॑षय॒ते मर्ति॑याय ।

Halfverse: c    ऊर्जो॑ नपाद॒मृत॑स्य ।।
   ऊर्जो॑ नपाद॒मृत॑स्य ।।
   ऊर्जः नपात् अ॒मृत॑स्य ।।
   ऊर्जो नपाद् अ॒मृत॑स्य ।।

Verse: 26
Halfverse: a    क्रत्वा॒ दा अ॑स्तु॒ श्रेष्ठो॒ ऽद्य त्वा॑ व॒न्वन्सु॒रेक्णाः॑ ।
   क्रत्वा॒ दा अ॑स्तु॒ श्रेष्ठो
   क्रत्वा दाः अ॑स्तु श्रेष्ठः
   क्रत्वा दा अ॑स्तु श्रयि॑ष्ठो

Halfverse: b    ऽद्य त्वा॑ व॒न्वन्सु॒रेक्णाः॑ ।
   अ॒द्य त्वा व॒न्वन् सु॒रेक्णाः ।
   अ॒द्य त्वा व॒न्वन् सु॒रेक्णाः ।

Halfverse: c    मर्त॑ आनाश सुवृ॒क्तिम् ।।
   मर्त॑ आनाश सुवृ॒क्तिम् ।।
   मर्तः आनाश सुवृ॒क्तिम् ।।
   मर्त आनाश सुवृ॒क्तिम् ।।

Verse: 27
Halfverse: a    ते ते॑ अग्ने॒ त्वोता॑ इ॒षय॑न्तो॒ विश्व॒मायुः॑ ।
   ते ते॑ अग्ने॒ त्वोता
   ते ते अग्ने त्वोताः
   ते ते अग्ने तुवाऊता

Halfverse: b    इ॒षय॑न्तो॒ विश्व॒मायुः॑ ।
   इ॒षय॑न्तः विश्व॑म् आयुः ।
   इ॒षय॑न्तो विश्व॑म् आयुः ।

Halfverse: c    तर॑न्तो अ॒र्यो अरा॑तीर्व॒न्वन्तो॑ अ॒र्यो अरा॑तीः ।।
   तर॑न्तो अ॒र्यो अरा॑तीर्
   तर॑न्तः अ॒र्यः अरा॑तीः
   तर॑न्तो अ॒र्यो अरा॑तीर्

Halfverse: d    व॒न्वन्तो॑ अ॒र्यो अरा॑तीः ।।
   व॒न्वन्तः अ॒र्यः अरा॑तीः ।।
   व॒न्वन्तो अ॒र्यो अरा॑तीः ।।

Verse: 28
Halfverse: a    अ॒ग्निस्ति॒ग्मेन॑ शो॒चिषा॒ यास॒द्विश्वं॒ न्य॒त्रिण॑म् ।
   अ॒ग्निस्ति॒ग्मेन॑ शो॒चिषा
   अ॒ग्निः ति॒ग्मेन शो॒चिषा
   अ॒ग्निस् ति॒ग्मेन शो॒चिषा

Halfverse: b    यास॒द्विश्वं॒ न्य॒त्रिण॑म् ।
   यास॑त् विश्व॑म् नि अ॒त्रिण॑म् ।
   यास॑द् विश्वं नि अ॒त्रिण॑म् ।

Halfverse: c    अ॒ग्निर्नो॑ वनते र॒यिम् ।।
   अ॒ग्निर्नो॑ वनते र॒यिम् ।।
   अ॒ग्निः नः वनते र॒यिम् ।।
   अ॒ग्निर् नो वनते र॒यिम् ।।

Verse: 29
Halfverse: a    सु॒वीरं॑ र॒यिमा भ॑र॒ जात॑वेदो॒ विच॑र्षणे ।
   सु॒वीरं॑ र॒यिमा भ॑र
   सु॒वीर॑म् र॒यिम् आ भ॑र
   सु॒वीरं र॒यिम् आ भ॑र

Halfverse: b    जात॑वेदो॒ विच॑र्षणे ।
   जात॑वेदः विच॑र्षणे ।
   जात॑वेदो विच॑र्षणे ।

Halfverse: c    ज॒हि रक्षां॑सि सुक्रतो ।।
   ज॒हि रक्षां॑सि सुक्रतो ।।
   ज॒हि रक्षां॑सि सुक्रतो ।।
   ज॒हि रक्षां॑सि सुक्रतो ।।

Verse: 30
Halfverse: a    त्वं नः॑ पा॒ह्यंह॑सो॒ जात॑वेदो अघाय॒तः ।
   त्वं नः॑ पा॒ह्यंह॑सो
   त्वम् नः पाहि अंह॑सः
   तु॒वं नः पाहि अंह॑सो

Halfverse: b    जात॑वेदो अघाय॒तः ।
   जात॑वेदः अघाय॒तः ।
   जात॑वेदो अघाय॒तः ।

Halfverse: c    रक्षा॑ णो ब्रह्मणस्कवे ।।
   रक्षा॑ णो ब्रह्मणस्कवे ।।
   रक्ष+ नः ब्रह्मणः कवे ।।
   रक्षा णो ब्रह्मणस् कवे ।।

Verse: 31
Halfverse: a    यो नो॑ अग्ने दु॒रेव॒ आ मर्तो॑ व॒धाय॒ दाश॑ति ।
   यो नो॑ अग्ने दु॒रेव॒ आ
   यः नः अग्ने दु॒रेवः आ
   यो नो अग्ने दु॒रेव आ

Halfverse: b    मर्तो॑ व॒धाय॒ दाश॑ति ।
   मर्तः व॒धाय दाश॑ति ।
   मर्तो व॒धाय दाश॑ति ।

Halfverse: c    तस्मा॑न्नः पा॒ह्यंह॑सः ।।
   तस्मा॑न्नः पा॒ह्यंह॑सः ।।
   तस्मा॑त् नः पाहि अंह॑सः ।।
   तस्मा॑न् नः पाहि अंह॑सः ।।

Verse: 32
Halfverse: a    त्वं तं दे॑व जि॒ह्वया॒ परि॑ बाधस्व दु॒ष्कृत॑म् ।
   त्वं तं दे॑व जि॒ह्वया
   त्वम् तम् देव जि॒ह्वया
   तु॒वं तं दे॑व जि॒ह्वया

Halfverse: b    परि॑ बाधस्व दु॒ष्कृत॑म् ।
   परि बाधस्व दु॒ष्कृत॑म् ।
   परि बाधस्व दु॒ष्कृत॑म् ।

Halfverse: c    मर्तो॒ यो नो॒ जिघां॑सति ।।
   मर्तो॒ यो नो॒ जिघां॑सति ।।
   मर्तः यः नः जिघां॑सति ।।
   मर्तो यो नो जिघां॑सति ।।

Verse: 33
Halfverse: a    भ॒रद्वा॑जाय स॒प्रथः॒ शर्म॑ यछ सहन्त्य ।
   भ॒रद्वा॑जाय स॒प्रथः
   भ॒रद्वा॑जाय स॒प्रथः
   भ॒रद्वा॑जाय स॒प्रथः

Halfverse: b    शर्म॑ यछ सहन्त्य ।
   शर्म यछ सहन्त्य ।
   शर्म यछ सहन्तिय ।

Halfverse: c    अग्ने॒ वरे॑ण्यं॒ वसु॑ ।।
   अग्ने॒ वरे॑ण्यं॒ वसु॑ ।।
   अग्ने वरे॑ण्यम् वसु ।।
   अग्ने वरे॑णियं वसु ।।

Verse: 34
Halfverse: a    अ॒ग्निर्वृ॒त्राणि॑ जङ्घनद्द्रविण॒स्युर्वि॑प॒न्यया॑ ।
   अ॒ग्निर्वृ॒त्राणि॑ जङ्घनद्
   अ॒ग्निः वृ॒त्राणि जङ्घनत्
   अ॒ग्निर् वृ॒त्राणि जङ्घनद्

Halfverse: b    द्रविण॒स्युर्वि॑प॒न्यया॑ ।
   द्र॑विण॒स्युः वि॑प॒न्यया ।
   द्र॑विण॒स्युर् विप॒न्यया ।

Halfverse: c    समि॑द्धः शु॒क्र आहु॑तः ।।
   समि॑द्धः शु॒क्र आहु॑तः ।।
   समि॑द्धः शु॒क्रः आहु॑तः ।।
   समि॑द्धः शु॒क्र आहु॑तः ।।

Verse: 35
Halfverse: a    गर्भे॑ मा॒तुः पि॒तुष्पि॒ता वि॑दिद्युता॒नो अ॒क्षरे॑ ।
   गर्भे॑ मा॒तुः पि॒तुष्पि॒ता
   गर्भे मा॒तुः पि॒तुः पि॒ता
   गर्भे मा॒तुः पि॒तुष् पि॒ता

Halfverse: b    वि॑दिद्युता॒नो अ॒क्षरे॑ ।
   वि॑दिद्युता॒नः अ॒क्षरे ।
   वि॑दिद्युता॒नो अ॒क्षरे ।

Halfverse: c    सीद॑न्नृ॒तस्य॒ योनि॒मा ।।
   सीद॑न्नृ॒तस्य॒ योनि॒मा ।।
   सीद॑न् ऋ॒तस्य योनि॑म् आ ।।
   सीद॑न्न् ऋ॒तस्य योनि॑म् आ ।।

Verse: 36
Halfverse: a    ब्रह्म॑ प्र॒जाव॒दा भ॑र॒ जात॑वेदो॒ विच॑र्षणे ।
   ब्रह्म॑ प्र॒जाव॒दा भ॑र
   ब्रह्म प्र॒जाव॑त् आ भ॑र
   ब्रह्म प्र॒जाव॑द् आ भ॑र

Halfverse: b    जात॑वेदो॒ विच॑र्षणे ।
   जात॑वेदः विच॑र्षणे ।
   जात॑वेदो विच॑र्षणे ।

Halfverse: c    अग्ने॒ यद्दी॒दय॑द्दि॒वि ।।
   अग्ने॒ यद्दी॒दय॑द् ।!। दि॒वि ।।
   अग्ने यत् दी॒दय॑त् दि॒वि ।।
   अग्ने यद् दी॒दय॑द् दि॒वि ।।

Verse: 37
Halfverse: a    उप॑ त्वा र॒ण्वसं॑दृश॒म्प्रय॑स्वन्तः सहस्कृत ।
   उप॑ त्वा र॒ण्वसं॑दृशम्
   उप त्वा र॒ण्वसं॑दृशम्
   उप त्वा र॒ण्वसं॑दृशम्

Halfverse: b    प्रय॑स्वन्तः सहस्कृत ।
   प्रय॑स्वन्तः सहस्कृत ।
   प्रय॑स्वन्तः सहस्कृत ।

Halfverse: c    अग्ने॑ ससृ॒ज्महे॒ गिरः॑ ।।
   अग्ने॑ ससृ॒ज्महे॒ गिरः॑ ।।
   अग्ने ससृ॒ज्महे गिरः ।।
   अग्ने ससृ॒ज्महे गिरः ।।

Verse: 38
Halfverse: a    उप॑ छा॒यामि॑व॒ घृणे॒रग॑न्म॒ शर्म॑ ते व॒यम् ।
   उप॑ छा॒यामि॑व॒ घृणे॑र्
   उप छा॒याम् इव घृणेः
   उप छा॒याम् इव घृणे॑र्

Halfverse: b    अग॑न्म॒ शर्म॑ ते व॒यम् ।
   अग॑न्म शर्म ते व॒यम् ।
   अग॑न्म शर्म ते व॒यम् ।

Halfverse: c    अग्ने॒ हिर॑ण्यसंदृशः ।।
   अग्ने॒ हिर॑ण्यसंदृशः ।।
   अग्ने हिर॑ण्यसंदृशः ।।
   अग्ने हिर॑ण्यसंदृशः ।।

Verse: 39
Halfverse: a    य उ॒ग्र इ॑व शर्य॒हा ति॒ग्मशृ॑ङ्गो॒ न वंस॑गः ।
   य उ॒ग्र इ॑व शर्य॒हा
   यः उ॒ग्रः इ॑व शर्य॒हा
   य उ॒ग्र इ॑व शर्य॒हा

Halfverse: b    ति॒ग्मशृ॑ङ्गो॒ न वंस॑गः ।
   ति॒ग्मशृ॑ङ्गः न वंस॑गः ।
   ति॒ग्मशृ॑ङ्गो न वंस॑गः ।

Halfverse: c    अग्ने॒ पुरो॑ रु॒रोजि॑थ ।।
   अग्ने॒ पुरो॑ रु॒रोजि॑थ ।।
   अग्ने पुरः रु॒रोजि॑थ ।।
   अग्ने पुरो रु॒रोजि॑थ ।।

Verse: 40
Halfverse: a    आ यं हस्ते॒ न खा॒दिनं॒ शिशुं॑ जा॒तं न बिभ्र॑ति ।
   आ यं हस्ते॒ न खा॒दिनं
   आ यम् हस्ते न खा॒दिन॑म्
   आ यं हस्ते न खा॒दिनं

Halfverse: b    शिशुं॑ जा॒तं न बिभ्र॑ति ।
   शिशु॑म् जा॒तम् न बिभ्र॑ति ।
   शिशुं जा॒तं न बिभ्र॑ति ।

Halfverse: c    वि॒शाम॒ग्निं स्व॑ध्व॒रम् ।।
   वि॒शाम॒ग्निं स्व॑ध्व॒रम् ।।
   वि॒शाम् अ॒ग्निम् स्वध्व॒रम् ।।
   वि॒शाम् अ॒ग्निं सुअ॑ध्व॒रम् ।।

Verse: 41
Halfverse: a    प्र दे॒वं दे॒ववी॑तये॒ भर॑ता वसु॒वित्त॑मम् ।
   प्र दे॒वं दे॒ववी॑तये
   प्र दे॒वम् दे॒ववी॑तये
   प्र दे॒वं दे॒ववी॑तये

Halfverse: b    भर॑ता वसु॒वित्त॑मम् ।
   भर॑त+ वसु॒वित्त॑मम् ।
   भर॑ता वसु॒वित्त॑मम् ।

Halfverse: c    आ स्वे योनौ॒ नि षी॑दतु ।।
   आ स्वे योनौ॒ नि षी॑दतु ।।
   आ स्वे योनौ नि सी॑दतु ।।
   आ स्वे योनौ नि षी॑दतु ।।

Verse: 42
Halfverse: a    आ जा॒तं जा॒तवे॑दसि प्रि॒यं शि॑शी॒ताति॑थिम् ।
   आ जा॒तं जा॒तवे॑दसि
   आ जा॒तम् जा॒तवे॑दसि
   आ जा॒तं जा॒तवे॑दसि

Halfverse: b    प्रि॒यं शि॑शी॒ताति॑थिम् ।
   प्रि॒यम् शिशीत अति॑थिम् ।
   प्रि॒यं शि॑शीत अति॑थिम् ।

Halfverse: c    स्यो॒न आ गृ॒हप॑तिम् ।।
   स्यो॒न आ गृ॒हप॑तिम् ।।
   स्यो॒ने आ गृ॒हप॑तिम् ।।
   सि॑यो॒न आ गृ॒हप॑तिम् ।।

Verse: 43
Halfverse: a    अग्ने॑ यु॒क्ष्वा हि ये तवाश्वा॑सो देव सा॒धवः॑ ।
   अग्ने॑ यु॒क्ष्वा हि ये तव
   अग्ने यु॒क्ष्व+ हि ये तव
   अग्ने यु॒क्ष्वा हि ये तव

Halfverse: b     अश्वा॑सो देव सा॒धवः॑ ।
   अश्वा॑सः देव सा॒धवः ।
   अश्वा॑सो देव सा॒धवः ।

Halfverse: c    अरं॒ वह॑न्ति म॒न्यवे॑ ।।
   अरं॒ वह॑न्ति म॒न्यवे॑ ।।
   अर॑म् वह॑न्ति म॒न्यवे ।।
   अरं वह॑न्ति म॒न्यवे ।।

Verse: 44
Halfverse: a    अछा॑ नो या॒ह्या व॑हा॒भि प्रयां॑सि वी॒तये॑ ।
   अछा॑ नो या॒ह्या व॑ह
   अछ+ नः याहि आ व॑ह
   अछा नो याहि आ व॑ह

Halfverse: b     अ॒भि प्रयां॑सि वी॒तये॑ ।
   अ॒भि प्रयां॑सि वी॒तये ।
   अ॒भि प्रयां॑सि वी॒तये ।

Halfverse: c    आ दे॒वान्सोम॑पीतये ।।
   आ दे॒वान्सोम॑पीतये ।।
   आ दे॒वान् सोम॑पीतये ।।
   आ दे॒वान् सोम॑पीतये ।।

Verse: 45
Halfverse: a    उद॑ग्ने भारत द्यु॒मदज॑स्रेण॒ दवि॑द्युतत् ।
   उद॑ग्ने भारत द्यु॒मद्
   उत् अग्ने भारत द्यु॒मत्
   उद् अग्ने भारत द्यु॒मद्

Halfverse: b    अज॑स्रेण॒ दवि॑द्युतत् ।
   अज॑स्रेण दवि॑द्युतत् ।
   अज॑स्रेण दवि॑द्युतत् ।

Halfverse: c    शोचा॒ वि भा॑ह्यजर ।।
   शोचा॒ वि भा॑ह्यजर ।।
   शोच+ वि भा॑हि अजर ।।
   शोचा वि भा॑हि अजर ।।

Verse: 46
Halfverse: a    वी॒ती यो दे॒वम्मर्तो॑ दुव॒स्येद॒ग्निमी॑ळीताध्व॒रे ह॒विष्मा॑न् ।
   वी॒ती यो दे॒वम्मर्तो॑ दुव॒स्येद्
   वी॒ती यः दे॒वम् मर्तः दुव॒स्येत्
   वी॒ती यो दे॒वम् मर्तो दुव॒स्येद्

Halfverse: b    अ॒ग्निमी॑ळीताध्व॒रे ह॒विष्मा॑न् ।
   अ॒ग्निम् ईळीत अध्व॒रे ह॒विष्मा॑न् ।
   अ॒ग्निम् ईळीत अध्व॒रे ह॒विष्मा॑न् ।

Halfverse: c    होता॑रं सत्य॒यजं॒ रोद॑स्योरुत्ता॒नह॑स्तो॒ नम॒सा वि॑वासेत् ।।
   होता॑रं सत्य॒यजं॒ रोद॑स्योर्
   होता॑रम् सत्य॒यज॑म् रोद॑स्योः
   होता॑रं सत्य॒यजं रोद॑सीयोर्

Halfverse: d    उत्ता॒नह॑स्तो॒ नम॒सा वि॑वासेत् ।।
   उ॑त्ता॒नह॑स्तः नम॑सा आ वि॑वासेत् ।।
   उ॑त्ता॒नह॑स्तो नम॒सा वि॑वासेत् ।।

Verse: 47
Halfverse: a    आ ते॑ अग्न ऋ॒चा ह॒विर्हृ॒दा त॒ष्टम्भ॑रामसि ।
   आ ते॑ अग्न ऋ॒चा ह॒विर्
   आ ते अग्ने ऋ॒चा ह॒विः
   आ ते अग्न ऋ॒चा ह॒विर्

Halfverse: b    हृ॒दा त॒ष्टम्भ॑रामसि ।
   हृ॒दा त॒ष्टम् भरामसि ।
   हृ॒दा त॒ष्टम् भरामसि ।

Halfverse: c    ते ते॑ भवन्तू॒क्षण॑ ऋष॒भासो॑ व॒शा उ॒त ।।
   ते ते॑ भवन्तू॒क्षण
   ते ते भवन्तु उ॒क्षणः
   ते ते भवन्तु उ॒क्षण

Halfverse: d    ऋष॒भासो॑ व॒शा उ॒त ।।
   ऋ॑ष॒भासः व॒शाः उ॒त ।।
   ऋ॑ष॒भासो व॒शा उ॒त ।।

Verse: 48
Halfverse: a    अ॒ग्निं दे॒वासो॑ अग्रि॒यमि॒न्धते॑ वृत्र॒हन्त॑मम् ।
   अ॒ग्निं दे॒वासो॑ अग्रि॒यम्
   अ॒ग्निम् दे॒वासः अग्रि॒यम्
   अ॒ग्निं दे॒वासो अग्रि॒यम्

Halfverse: b    इ॒न्धते॑ वृत्र॒हन्त॑मम् ।
   इ॒न्धते वृत्र॒हन्त॑मम् ।
   इ॒न्धते वृत्र॒हन्त॑मम् ।

Halfverse: c    येना॒ वसू॒न्याभृ॑ता तृ॒ऴा रक्षां॑सि वा॒जिना॑ ।।
   येना॒ वसू॒न्याभृ॑ता
   येन+ वसू॑नि आभृ॑ता
   येना वसू॑नि आभृ॑ता

Halfverse: d    तृ॒ऴा रक्षां॑सि वा॒जिना॑ ।।
   तृ॒ऴा रक्षां॑सि वा॒जिना ।।
   तृ॒ऴा रक्षां॑सि वा॒जिना ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.