TITUS
Rg-Veda: Rg-Veda-Samhita
Part No. 458
Previous part

Hymn: 17_(458) 
Verse: 1 
Halfverse: a    पिबा॒ सोम॑म॒भि यमु॑ग्र॒ तर्द॑ ऊ॒र्वं गव्य॒म्महि॑ गृणा॒न इ॑न्द्र ।
   पिबा॒ सोम॑म॒भि यमु॑ग्र॒ तर्द
   पिब+ सोम॑म् अ॒भि यम् उग्र तर्दः
   पिबा सोम॑म् अ॒भि यम् उग्र तर्द

Halfverse: b    ऊ॒र्वं गव्य॒म्महि॑ गृणा॒न इ॑न्द्र ।
   ऊ॒र्वम् गव्य॑म् महि गृणा॒नः इ॑न्द्र ।
   ऊ॒र्वं गव्य॑म् महि गृणा॒न इ॑न्द्र ।

Halfverse: c    वि यो धृ॑ष्णो॒ वधि॑षो वज्रहस्त॒ विश्वा॑ वृ॒त्रम॑मि॒त्रिया॒ शवो॑भिः ।।
   वि यो धृ॑ष्णो॒ वधि॑षो वज्रहस्त
   वि यः धृ॑ष्णो वधि॑षः वज्रहस्त
   वि यो धृ॑ष्णो वधि॑षो वज्रहस्त

Halfverse: d    विश्वा॑ वृ॒त्रम॑मि॒त्रिया॒ शवो॑भिः ।।
   विश्वा वृ॒त्रम् अमि॒त्रिया शवो॑भिः ।।
   विश्वा वृ॒त्रम् अमि॒त्रिया शवो॑भिः ।।


Verse: 2 
Halfverse: a    स ई॑म्पाहि॒ य ऋ॑जी॒षी तरु॑त्रो॒ यः शिप्र॑वान्वृष॒भो यो म॑ती॒नाम् ।
   स ई॑म्पाहि॒ य ऋ॑जी॒षी तरु॑त्रो
   सः ।!। ई॑म् पाहि यः ऋ॑जी॒षी तरु॑त्रः
   स ई॑म् पाहि य ऋ॑जी॒षी तरु॑त्रो

Halfverse: b    यः शिप्र॑वान्वृष॒भो यो म॑ती॒नाम् ।
   यः शिप्र॑वान् वृष॒भः यः म॑ती॒नाम् ।
   यः शिप्र॑वान् वृष॒भो यो म॑ती॒नाम् ।

Halfverse: c    यो गो॑त्र॒भिद्व॑ज्र॒भृद्यो ह॑रि॒ष्ठाः स इ॑न्द्र चि॒त्राँ अ॒भि तृ॑न्धि॒ वाजा॑न् ।।
   यो गो॑त्र॒भिद्व॑ज्र॒भृद्यो ह॑रि॒ष्ठाः
   यः गो॑त्र॒भित् वज्र॒भृत् यः ह॑रि॒ष्ठाः
   यो गो॑त्र॒भिद् वज्र॒भृद् यो ह॑रि॒ष्ठाः

Halfverse: d    स इ॑न्द्र चि॒त्राँ अ॒भि तृ॑न्धि॒ वाजा॑न् ।।
   सः ।!। इ॑न्द्र चि॒त्रान् अ॒भि तृ॑न्धि वाजा॑न् ।।
   स इ॑न्द्र चि॒त्राँ अ॒भि तृ॑न्धि वाजा॑न् ।।


Verse: 3 
Halfverse: a    ए॒वा पा॑हि प्र॒त्नथा॒ मन्द॑तु त्वा श्रु॒धि ब्रह्म॑ वावृ॒धस्वो॒त गी॒र्भिः ।
   ए॒वा पा॑हि प्र॒त्नथा॒ मन्द॑तु त्वा
   ए॒व+ पा॑हि प्र॒त्नथा मन्द॑तु त्वा
   ए॒वा पा॑हि प्र॒त्नथा मन्द॑तु त्वा

Halfverse: b    श्रु॒धि ब्रह्म॑ वावृ॒धस्वो॒त गी॒र्भिः ।
   श्रु॒धि ब्रह्म वावृ॒धस्व उ॒त गी॒र्भिः ।
   श्रु॒धि ब्रह्म वावृ॒धस्वो॒त गी॒र्भिः ।

Halfverse: c    आ॒विः सूर्यं॑ कृणु॒हि पी॑पि॒हीषो॑ ज॒हि शत्रूँ॑र॒भि गा इ॑न्द्र तृन्धि ।।
   आ॒विः सूर्यं॑ कृणु॒हि पी॑पि॒हीषो
   आ॒विः सूर्य॑म् कृणु॒हि पी॑पि॒हि इषः
   आ॒विः सूर्यं कृणु॒हि पी॑पि॒हीषो

Halfverse: d    ज॒हि शत्रूँ॑र॒भि गा इ॑न्द्र तृन्धि ।।
   ज॒हि शत्रू॑न् अ॒भि गाः इ॑न्द्र तृन्धि ।।
   ज॒हि शत्रूँ॑र् अ॒भि गा इ॑न्द्र तृन्धि ।।


Verse: 4 
Halfverse: a    ते त्वा॒ मदा॑ बृ॒हदि॑न्द्र स्वधाव इ॒मे पी॒ता उ॑क्षयन्त द्यु॒मन्त॑म् ।
   ते त्वा॒ मदा॑ बृ॒हदि॑न्द्र स्वधाव
   ते त्वा मदाः बृ॒हत् इन्द्र स्वधावः
   ते त्वा मदा बृ॒हद् इन्द्र स्वधाव

Halfverse: b    इ॒मे पी॒ता उ॑क्षयन्त द्यु॒मन्त॑म् ।
   इ॒मे पी॒ताः उ॑क्षयन्त द्यु॒मन्त॑म् ।
   इ॒मे पी॒ता उ॑क्षयन्त द्यु॒मन्त॑म् ।

Halfverse: c    म॒हामनू॑नं त॒वसं॒ विभू॑तिम्मत्स॒रासो॑ जर्हृषन्त प्र॒साह॑म् ।।
   म॒हामनू॑नं त॒वसं॒ विभू॑तिम्
   म॒हाम् अनू॑नम् त॒वस॑म् विभू॑तिम्
   म॒हाम् अनू॑नं त॒वसं विभू॑तिम्

Halfverse: d    मत्स॒रासो॑ जर्हृषन्त प्र॒साह॑म् ।।
   म॑त्स॒रासः जर्हृषन्त प्र॒साह॑म् ।।
   म॑त्स॒रासो जर्हृषन्त प्र॒साह॑म् ।।


Verse: 5 
Halfverse: a    येभिः॒ सूर्य॑मु॒षस॑म्मन्दसा॒नो ऽवा॑स॒यो ऽप॑ दृ॒ऴानि॒ दर्द्र॑त् ।
   येभिः॒ सूर्य॑मु॒षस॑म्मन्दसा॒नो
   येभिः सूर्य॑म् उ॒षस॑म् मन्दसा॒नः
   येभिः सूर्य॑म् उ॒षस॑म् मन्दसा॒नो

Halfverse: b    ऽवा॑स॒यो ऽप॑ दृ॒ऴानि॒ दर्द्र॑त् ।
   अवा॑सयः अप दृ॒ऴानि दर्द्र॑त् ।
   अवा॑सयो अप दृ॒ऴानि दर्द्र॑त् ।

Halfverse: c    म॒हामद्रि॒म्परि॒ गा इ॑न्द्र॒ सन्तं॑ नु॒त्था अच्यु॑तं॒ सद॑स॒स्परि॒ स्वात् ।।
   म॒हामद्रि॒म्परि॒ गा इ॑न्द्र॒ सन्तं
   म॒हाम् अद्रि॑म् परि गाः इ॑न्द्र सन्त॑म्
   म॒हाम् अद्रि॑म् परि गा इ॑न्द्र सन्तं

Halfverse: d    नु॒त्था अच्यु॑तं॒ सद॑स॒स्परि॒ स्वात् ।।
   नु॒त्थाः अच्यु॑तम् सद॑सः परि स्वात् ।।
   नु॒त्था अच्यु॑तं सद॑सस् परि स्वात् ।।


Verse: 6 
Halfverse: a    तव॒ क्रत्वा॒ तव॒ तद्दं॒सना॑भिरा॒मासु॑ प॒क्वं शच्या॒ नि दी॑धः ।
   तव॒ क्रत्वा॒ तव॒ तद्दं॒सना॑भिर्
   तव क्रत्वा तव तत् दं॒सना॑भिः
   तव क्रत्वा तव तद् दं॒सना॑भिर्

Halfverse: b    आ॒मासु॑ प॒क्वं शच्या॒ नि दी॑धः ।
   आ॒मासु प॒क्वम् शच्या नि दी॑धर् ।
   आ॒मासु प॒क्वं शचि॑या नि दी॑धः ।

Halfverse: c    अौर्णो॒र्दुर॑ उ॒स्रिया॑भ्यो॒ वि दृ॒ऴोदू॒र्वाद्गा अ॑सृजो॒ अङ्गि॑रस्वान् ।।
   अौर्णो॒र्दुर॑ उ॒स्रिया॑भ्यो॒ वि दृ॒ऴा
   अौर्णोः दुरः उ॒स्रिया॑भ्यः वि दृ॒ऴा
   अौर्णो॑र् दुर उ॒स्रिया॑भ्यो वि दृ॒ऴा

Halfverse: d     उदू॒र्वाद्गा अ॑सृजो॒ अङ्गि॑रस्वान् ।।
   उत् ऊ॒र्वात् गाः अ॑सृजः अङ्गि॑रस्वान् ।।
   उद् ऊ॒र्वाद् गा अ॑सृजो अङ्गि॑रस्वान् ।।


Verse: 7 
Halfverse: a    प॒प्राथ॒ क्षाम्महि॒ दंसो॒ व्यु॒र्वीमुप॒ द्यामृ॒ष्वो बृ॒हदि॑न्द्र स्तभायः ।
   प॒प्राथ॒ क्षाम्महि॒ दंसो॑ ।!। व्यु॒र्वीम्
   प॒प्राथ क्षाम् महि दंसः वि उ॒र्वीम्
   प॒प्राथ क्षाम् महि दंसो वि उ॒र्वीम्

Halfverse: b    उप॒ द्यामृ॒ष्वो बृ॒हदि॑न्द्र स्तभायः ।
   उप द्याम् ऋ॒ष्वः बृ॒हत् इन्द्र स्तभायः ।
   उप द्याम् ऋ॒ष्वो बृ॒हद् इन्द्र स्तभायः ।

Halfverse: c    अधा॑रयो॒ रोद॑सी दे॒वपु॑त्रे प्र॒त्ने मा॒तरा॑ य॒ह्वी ऋ॒तस्य॑ ।।
   अधा॑रयो॒ रोद॑सी दे॒वपु॑त्रे
   अधा॑रयः रोद॑सी दे॒वपु॑त्रे
   अधा॑रयो रोद॑सी दे॒वपु॑त्रे

Halfverse: d    प्र॒त्ने मा॒तरा॑ य॒ह्वी ऋ॒तस्य॑ ।।
   प्र॒त्ने मा॒तरा य॒ह्वी ऋ॒तस्य ।।
   प्र॒त्ने मा॒तरा य॒ह्वी ऋ॒तस्य ।।


Verse: 8 
Halfverse: a    अध॑ त्वा॒ विश्वे॑ पु॒र इ॑न्द्र दे॒वा एकं॑ त॒वसं॑ दधिरे॒ भरा॑य ।
   अध॑ त्वा॒ विश्वे॑ पु॒र इ॑न्द्र दे॒वा
   अध त्वा विश्वे पु॒रः इ॑न्द्र दे॒वाः
   अध त्वा विश्वे पु॒र इ॑न्द्र दे॒वा

Halfverse: b    एकं॑ त॒वसं॑ दधिरे॒ भरा॑य ।
   एक॑म् त॒वस॑म् दधिरे भरा॑य ।
   एकं त॒वसं दधिरे भरा॑य ।

Halfverse: c    अदे॑वो॒ यद॒भ्औहि॑ष्ट दे॒वान्स्व॑र्षाता वृणत॒ इन्द्र॒मत्र॑ ।।
   अदे॑वो॒ यद॒भ्औहि॑ष्ट दे॒वान्
   अदे॑वः यत् अ॒भि औहि॑ष्ट दे॒वान्
   अदे॑वो यद् अ॒भि औहि॑ष्ट दे॒वान्

Halfverse: d    स्व॑र्षाता वृणत॒ इन्द्र॒मत्र॑ ।।
   स्व॑र्षाता वृणते इन्द्र॑म् अत्र ।।
   सुव॑र्षाता वृणत इन्द्र॑म् अत्र ।।


Verse: 9 
Halfverse: a    अध॒ द्यौश्चि॑त्ते॒ अप॒ सा नु वज्रा॑द्द्वि॒तान॑मद्भि॒यसा॒ स्वस्य॑ म॒न्योः ।
   अध॒ द्यौश्चि॑त्ते॒ अप॒ सा नु वज्रा॑द्
   अध द्यौः चि॑त् ते अप सा नु वज्रा॑त्
   अध द्यौश् चित् ते अप सा नु वज्रा॑द्

Halfverse: b    द्वि॒तान॑मद्भि॒यसा॒ स्वस्य॑ म॒न्योः ।
   द्वि॒ता अ॑नमत् भि॒यसा स्वस्य म॒न्योः ।
   द्वि॒तान॑मद् भि॒यसा स्वस्य म॒न्योः ।

Halfverse: c    अहिं॒ यदिन्द्रो॑ अ॒भ्योह॑सानं ।!। नि चि॑द्वि॒श्वायुः॑ श॒यथे॑ ज॒घान॑ ।।
   अहिं॒ यदिन्द्रो॑ अ॒भ्योह॑सानं ।!।
   अहि॑म् यत् इन्द्रः अ॒भ्योह॑सानम् !
   अहिं यद् इन्द्रो अभि॒योह॑सानं ।!।

Halfverse: d    नि चि॑द्वि॒श्वायुः॑ श॒यथे॑ ज॒घान॑ ।।
   नि चि॑त् वि॒श्वायुः श॒यथे ज॒घान ।।
   नि चि॑द् वि॒श्वायुः श॒यथे ज॒घान ।।


Verse: 10 
Halfverse: a    अध॒ त्वष्टा॑ ते म॒ह उ॑ग्र॒ वज्रं॑ स॒हस्र॑भृष्टिं ववृतच्छ॒ताश्रि॑म् ।
   अध॒ त्वष्टा॑ ते म॒ह उ॑ग्र॒ वज्रं
   अध त्वष्टा ते म॒हः उ॑ग्र वज्र॑म्
   अध त्वष्टा ते म॒ह उ॑ग्र वज्रं

Halfverse: b    स॒हस्र॑भृष्टिं ववृतच्छ॒ताश्रि॑म् ।
   स॒हस्र॑भृष्टिम् ववृतत् श॒ताश्रि॑म् ।
   स॒हस्र॑भृष्टिं ववृतच् छ॒ताश्रि॑म् ।

Halfverse: c    निका॑मम॒रम॑णसं॒ येन॒ नव॑न्त॒महिं॒ सम्पि॑णगृजीषिन् ।।
   निका॑मम॒रम॑णसं॒ येन
   निका॑मम् अ॒रम॑णसम् येन
   निका॑मम् अ॒रम॑णसं येन

Halfverse: d    नव॑न्त॒महिं॒ सम्पि॑णगृजीषिन् ।।
   नव॑न्तम् अहि॑म् सम् पिणक् ऋजीषिन् ।।
   नव॑न्तम् अहिं सम् पिणग् ऋजीषिन् ।।


Verse: 11 
Halfverse: a    वर्धा॒न्यं विश्वे॑ म॒रुतः॑ स॒जोषाः॒ पच॑च्छ॒तम्म॑हि॒षाँ इ॑न्द्र॒ तुभ्य॑म् ।
   वर्धा॒न्यं विश्वे॑ म॒रुतः॑ स॒जोषाः
   वर्धा॑न् यम् विश्वे म॒रुतः स॒जोषाः
   वर्धा॑न् यं विश्वे म॒रुतः स॒जोषाः

Halfverse: b    पच॑च्छ॒तम्म॑हि॒षाँ इ॑न्द्र॒ तुभ्य॑म् ।
   पच॑त् श॒तम् महि॒षान् इन्द्र तुभ्य॑म् ।
   पच॑च् छ॒तम् महि॒षाँ इ॑न्द्र तुभ्य॑म् ।

Halfverse: c    पू॒षा विष्णु॒स्त्रीणि॒ सरां॑सि धावन्वृत्र॒हण॑म्मदि॒रमं॒शुम॑स्मै ।।
   पू॒षा विष्णु॒स्त्रीणि॒ सरां॑सि धावन्
   पू॒षा विष्णुः त्रीणि सरां॑सि धावन्
   पू॒षा विष्णु॑स् त्रीणि सरां॑सि धावन्

Halfverse: d    वृत्र॒हण॑म्मदि॒रमं॒शुम॑स्मै ।।
   वृ॑त्र॒हण॑म् मदि॒रम् अं॒शुम् अस्मै ।।
   वृ॑त्र॒हण॑म् मदि॒रम् अं॒शुम् अस्मै ।।


Verse: 12 
Halfverse: a    आ क्षोदो॒ महि॑ वृ॒तं न॒दीना॒म्परि॑ष्ठितमसृज ऊ॒र्मिम॒पाम् ।
   आ क्षोदो॒ महि॑ वृ॒तं न॒दीना॑म्
   आ क्षोदः महि वृ॒तम् न॒दीना॑म्
   आ क्षोदो महि वृ॒तं न॒दीना॑म्

Halfverse: b    परि॑ष्ठितमसृज ऊ॒र्मिम॒पाम् ।
   परि॑ष्ठितम् असृजः ऊ॒र्मिम् अ॒पाम् ।
   परि॑ष्ठितम् असृज ऊ॒र्मिम् अ॒पाम् ।

Halfverse: c    तासा॒मनु॑ प्र॒वत॑ इन्द्र॒ पन्था॒म्प्रार्द॑यो॒ नीची॑र॒पसः॑ समु॒द्रम् ।।
   तासा॒मनु॑ प्र॒वत॑ इन्द्र॒ पन्था॑म्
   तासा॑म् अनु प्र॒वतः इन्द्र पन्था॑म्
   तासा॑म् अनु प्र॒वत इन्द्र पन्था॑म्

Halfverse: d    प्रार्द॑यो॒ नीची॑र॒पसः॑ समु॒द्रम् ।।
   प्र आ॑र्दयः नीचीः अ॒पसः समु॒द्रम् ।।
   प्रार्द॑यो नीची॑र् अ॒पसः समु॒द्रम् ।।


Verse: 13 
Halfverse: a    ए॒वा ता विश्वा॑ चकृ॒वांस॒मिन्द्र॑म्म॒हामु॒ग्रम॑जु॒र्यं स॑हो॒दाम् ।
   ए॒वा ता विश्वा॑ चकृ॒वांस॒मिन्द्र॑म्
   ए॒व+ ता विश्वा चकृ॒वांस॑म् इन्द्र॑म्
   ए॒वा ता विश्वा चकृ॒वांस॑म् इन्द्र॑म्

Halfverse: b    म॒हामु॒ग्रम॑जु॒र्यं स॑हो॒दाम् ।
   म॒हाम् उ॒ग्रम् अजु॒र्यम् सहो॒दाम् ।
   म॒हाम् उ॒ग्रम् अजुरि॒यं स॑हो॒दाम् ।

Halfverse: c    सु॒वीरं॑ त्वा स्वायु॒धं सु॒वज्र॒मा ब्रह्म॒ नव्य॒मव॑से ववृत्यात् ।।
   सु॒वीरं॑ त्वा स्वायु॒धं सु॒वज्र॑म्
   सु॒वीर॑म् त्वा स्वायु॒धम् सु॒वज्र॑म्
   सु॒वीरं त्वा सुआयु॒धं सु॒वज्र॑म्

Halfverse: d    आ ब्रह्म॒ नव्य॒मव॑से ववृत्यात् ।।
   आ ब्रह्म नव्य॑म् अव॑से ववृत्यात् ।।
   आ ब्रह्म नव्य॑म् अव॑से ववृत्यात् ।।


Verse: 14 
Halfverse: a    स नो॒ वाजा॑य॒ श्रव॑स इ॒षे च॑ रा॒ये धे॑हि द्यु॒मत॑ इन्द्र॒ विप्रा॑न् ।
   स नो॒ वाजा॑य॒ श्रव॑स इ॒षे च
   स नः वाजा॑य श्रव॑से इ॒षे च
   स नो वाजा॑य श्रव॑स इ॒षे च

Halfverse: b    रा॒ये धे॑हि द्यु॒मत॑ इन्द्र॒ विप्रा॑न् ।
   रा॒ये धे॑हि द्यु॒मतः इन्द्र विप्रा॑न् ।
   रा॒ये धे॑हि द्यु॒मत इन्द्र विप्रा॑न् ।

Halfverse: c    भ॒रद्वा॑जे नृ॒वत॑ इन्द्र सू॒रीन्दि॒वि च॑ स्मैधि॒ पार्ये॑ न इन्द्र ।।
   भ॒रद्वा॑जे नृ॒वत॑ इन्द्र सू॒रीन्
   भ॒रद्वा॑जे नृ॒वतः इन्द्र सू॒रीन्
   भ॒रद्वा॑जे नृ॒वत इन्द्र सू॒रीन्

Halfverse: d    दि॒वि च॑ स्मैधि॒ पार्ये॑ न इन्द्र ।।
   दि॒वि च स्म एधि पार्ये नः इन्द्र ।।
   दि॒वि च स्मैधि पारि॑ये न इन्द्र ।।


Verse: 15 
Halfverse: a    अ॒या वाजं॑ दे॒वहि॑तं सनेम॒ मदे॑म श॒तहि॑माः सु॒वीराः॑ ।।
   अ॒या वाजं॑ दे॒वहि॑तं सनेम
   अ॒या वाज॑म् दे॒वहि॑तम् सनेम
   अ॒या वाजं दे॒वहि॑तं सनेम

Halfverse: b    मदे॑म श॒तहि॑माः सु॒वीराः॑ ।
   मदे॑म श॒तहि॑माः सु॒वीराः ।।
   मदे॑म ? श॒तहि॑माः सु॒वीराः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.