TITUS
Rg-Veda: Rg-Veda-Samhita
Part No. 459
Previous part

Hymn: 18_(459) 
Verse: 1 
Halfverse: a    तमु॑ ष्टुहि॒ यो अ॒भिभू॑त्योजा व॒न्वन्नवा॑तः पुरुहू॒त इन्द्रः॑ ।
   तमु॑ ष्टुहि॒ यो अ॒भिभू॑त्योजा
   तम् उ स्तुहि यः अ॒भिभू॑त्योजाः
   तम् उ ष्टुहि यो अ॒भिभू॑तिओजा

Halfverse: b    व॒न्वन्नवा॑तः पुरुहू॒त इन्द्रः॑ ।
   व॒न्वन् अवा॑तः पुरुहू॒तः इन्द्रः ।
   व॒न्वन्न् अवा॑तः पुरुहू॒त इन्द्रः ।

Halfverse: c    अषा॑ऴमु॒ग्रं सह॑मानमा॒भिर्गी॒र्भिर्व॑र्ध वृष॒भं च॑र्षणी॒नाम् ।।
   अषा॑ऴमु॒ग्रं सह॑मानमा॒भिर्
   अषा॑ऴम् उ॒ग्रम् सह॑मानम् आ॒भिः
   अषा॑ऴम् उ॒ग्रं सह॑मानम् आ॒भिर्

Halfverse: d    गी॒र्भिर्व॑र्ध वृष॒भं च॑र्षणी॒नाम् ।।
   गी॒र्भिः व॑र्ध वृष॒भम् चर्षणी॒नाम् ।।
   गी॒र्भिर् वर्ध वृष॒भं च॑र्षणी॒नाम् ।।


Verse: 2 
Halfverse: a    स यु॒ध्मः सत्वा॑ खज॒कृत्स॒मद्वा॑ तुविम्र॒क्षो न॑दनु॒माँ ऋ॑जी॒षी ।
   स यु॒ध्मः सत्वा॑ खज॒कृत्स॒मद्वा
   स यु॒ध्मः सत्वा खज॒कृत् स॒मद्वा
   स यु॒ध्मः सत्वा खज॒कृत् स॒मद्वा

Halfverse: b    तुविम्र॒क्षो न॑दनु॒माँ ऋ॑जी॒षी ।
   तु॑विम्र॒क्षः न॑दनु॒मान् ऋजी॒षी ।
   तु॑विम्र॒क्षो न॑दनु॒माँ ऋ॑जी॒षी ।

Halfverse: c    बृ॒हद्रे॑णु॒श्च्यव॑नो॒ मानु॑षीणा॒मेकः॑ कृष्टी॒नाम॑भवत्स॒हावा॑ ।।
   बृ॒हद्रे॑णु॒श्च्यव॑नो॒ मानु॑षीणाम्
   बृ॒हद्रे॑णुः च्यव॑नः मानु॑षीणाम्
   बृ॒हद्रे॑णुश् च्यव॑नो मानु॑षीणाम्

Halfverse: d    एकः॑ कृष्टी॒नाम॑भवत्स॒हावा॑ ।।
   एकः कृष्टी॒नाम् अभवत् स॒हावा ।।
   एकः कृष्टी॒नाम् अभवत् स॒हावा ।।


Verse: 3 
Halfverse: a    त्वं ह॒ नु त्यद॑दमायो॒ दस्यूँ॒रेकः॑ कृ॒ष्टीर॑वनो॒रार्या॑य ।
   त्वं ह॒ नु त्यद॑दमायो॒ दस्यूँ॑र्
   त्वम् ह नु त्यत् अदमायः दस्यू॑न्
   तु॒वं ह नु त्यद् अदमायो दस्यूँ॑र्

Halfverse: b    एकः॑ कृ॒ष्टीर॑वनो॒रार्या॑य ।
   एकः कृ॒ष्टीः अ॑वनोः आर्या॑य ।
   एकः कृ॒ष्टीर् अवनोर् आरि॑याय ।

Halfverse: c    अस्ति॑ स्वि॒न्नु वी॒र्यं॒ तत्त॑ इन्द्र॒ न स्वि॑दस्ति॒ तदृ॑तु॒था वि वो॑चः ।।
   अस्ति॑ स्वि॒न्नु वी॒र्यं॒ तत्त॑ इन्द्र
   अस्ति स्वित् नु वी॒र्य॑म् तत् ते इन्द्र
   अस्ति स्विन् नु वी॒रियं तत् त इन्द्र

Halfverse: d    न स्वि॑दस्ति॒ तदृ॑तु॒था वि वो॑चः ।।
   न स्वि॑त् अस्ति तत् ऋतु॒था वि वो॑चः ।।
   न स्वि॑द् अस्ति तद् ऋतु॒था वि वो॑चः ।।


Verse: 4 
Halfverse: a    सदिद्धि ते॑ तुविजा॒तस्य॒ मन्ये॒ सहः॑ सहिष्ठ तुर॒तस्तु॒रस्य॑ ।
   सदिद्धि ते॑ तुविजा॒तस्य॒ मन्ये
   सत् इत् हि ते तुविजा॒तस्य मन्ये
   सद् इद् धि ते तुविजा॒तस्य मन्ये

Halfverse: b    सहः॑ सहिष्ठ तुर॒तस्तु॒रस्य॑ ।
   सहः सहिष्ठ तुर॒तः तु॒रस्य ।
   सहः सहिष्ठ तुर॒तस् तु॒रस्य ।

Halfverse: c    उ॒ग्रमु॒ग्रस्य॑ त॒वस॒स्तवी॒यो ऽर॑ध्रस्य रध्र॒तुरो॑ बभूव ।।
   उ॒ग्रमु॒ग्रस्य॑ त॒वस॒स्तवी॒यो
   उ॒ग्रम् उ॒ग्रस्य त॒वसः तवी॑यः
   उ॒ग्रम् उ॒ग्रस्य त॒वस॑स् तवी॑यो

Halfverse: d    ऽरध्रस्य रध्र॒तुरो॑ बभूव ।।
   अर॑ध्रस्य रध्र॒तुरः बभूव ।।
   अर॑ध्रस्य रध्र॒तुरो बभूव ।।


Verse: 5 
Halfverse: a    तन्नः॑ प्र॒त्नं स॒ख्यम॑स्तु यु॒ष्मे इ॒त्था वद॑द्भिर्व॒लमङ्गि॑रोभिः ।
   तन्नः॑ प्र॒त्नं स॒ख्यम॑स्तु यु॒ष्मे
   तत् नः प्र॒त्नम् स॒ख्यम् अस्तु यु॒ष्मे
   तन् नः प्र॒त्नं स॑खि॒यम् अस्तु यु॒ष्मे

Halfverse: b    इ॒त्था वद॑द्भिर्व॒लमङ्गि॑रोभिः ।
   इ॒त्था वद॑द्भिः व॒लम् अङ्गि॑रोभिः ।
   इ॒त्था वद॑द्भिर् व॒लम् अङ्गि॑रोभिः ।

Halfverse: c    हन्न॑च्युतच्युद्दस्मे॒षय॑न्तमृ॒णोः पुरो॒ वि दुरो॑ अस्य॒ विश्वाः॑ ।।
   हन्न॑च्युतच्युद्दस्मे॒षय॑न्तम्
   हन् अच्युतच्युत् दस्म इ॒षय॑न्तम्
   हन्न् अच्युतच्युद् दस्म इ॒षय॑न्तम्

Halfverse: d    ऋ॒णोः पुरो॒ वि दुरो॑ अस्य॒ विश्वाः॑ ।।
   ऋ॒णोः पुरः वि दुरः अस्य विश्वाः ।।
   ऋ॒णोः पुरो वि दुरो अस्य विश्वाः ।।


Verse: 6 
Halfverse: a    स हि धी॒भिर्हव्यो॒ अस्त्यु॒ग्र ई॑शान॒कृन्म॑ह॒ति वृ॑त्र॒तूर्ये॑ ।
   स हि धी॒भिर्हव्यो॒ अस्त्यु॒ग्र
   स हि धी॒भिः हव्यः अस्ति उ॒ग्रः
   स हि धी॒भिर् हवि॑यो अस्ति उ॒ग्र

Halfverse: b    ई॑शान॒कृन्म॑ह॒ति वृ॑त्र॒तूर्ये॑ ।
   ई॑शान॒कृत् मह॒ति वृ॑त्र॒तूर्ये ।
   ई॑शान॒कृन् मह॒ति वृ॑त्र॒तूर्ये ।

Halfverse: c    स तो॒कसा॑ता॒ तन॑ये॒ स व॒ज्री वि॑तन्त॒साय्यो॑ अभवत्स॒मत्सु॑ ।।
   स तो॒कसा॑ता॒ तन॑ये॒ स व॒ज्री
   स तो॒कसा॑ता तन॑ये स व॒ज्री
   स तो॒कसा॑ता तन॑ये स व॒ज्री

Halfverse: d    वि॑तन्त॒साय्यो॑ अभवत्स॒मत्सु॑ ।।
   वि॑तन्त॒साय्यः अभवत् स॒मत्सु ।।
   वि॑तन्त॒साय्यो अभवत् स॒मत्सु ।।


Verse: 7 
Halfverse: a    स म॒ज्मना॒ जनि॑म॒ मानु॑षाणा॒मम॑र्त्येन॒ नाम्नाति॒ प्र स॑र्स्रे ।
   स म॒ज्मना॒ जनि॑म॒ मानु॑षाणाम्
   स म॒ज्मना जनि॑म मानु॑षाणाम्
   स म॒ज्मना जनि॑म मानु॑षाणाम्

Halfverse: b    अम॑र्त्येन॒ नाम्नाति॒ प्र स॑र्स्रे ।
   अम॑र्त्येन नाम्ना अति प्र स॑र्स्रे ।
   अम॑र्तियेन नाम्नाति प्र स॑र्स्रे ।

Halfverse: c    स द्यु॒म्नेन॒ स शव॑सो॒त रा॒या स वी॒र्ये॑ण॒ नृत॑मः॒ समो॑काः ।।
   स द्यु॒म्नेन॒ स शव॑सो॒त रा॒या
   स द्यु॒म्नेन स शव॑सा उ॒त रा॒या
   स द्यु॒म्नेन स शव॑सो॒त रा॒या

Halfverse: d    स वी॒र्ये॑ण॒ नृत॑मः॒ समो॑काः ।।
   स वी॒र्ये॑ण नृत॑मः समो॑काः ।।
   स वी॒रिये॑ण नृत॑मः समो॑काः ।।


Verse: 8 
Halfverse: a    स यो न मु॒हे न मिथू॒ जनो॒ भूत्सु॒मन्तु॑नामा॒ चुमु॑रिं॒ धुनिं॑ च ।
   स यो न मु॒हे न मिथू॒ जनो॒ भूत्
   स यः न मु॒हे न मिथु+ जनः भूत्
   स यो न मु॒हे न मिथू जनो भूत्

Halfverse: b    सु॒मन्तु॑नामा॒ चुमु॑रिं॒ धुनिं॑ च ।
   सु॒मन्तु॑नामा चुमु॑रिम् धुनि॑म् च ।
   सु॒मन्तु॑नामा चुमु॑रिं धुनिं च ।

Halfverse: c    वृ॒णक्पिप्रुं॒ शम्ब॑रं॒ शुष्ण॒मिन्द्रः॑ पु॒रां च्यौ॒त्नाय॑ श॒यथा॑य॒ नू चि॑त् ।।
   वृ॒णक्पिप्रुं॒ शम्ब॑रं॒ शुष्ण॒मिन्द्रः
   वृ॒णक् पिप्रु॑म् शम्ब॑रम् शुष्ण॑म् इन्द्रः
   वृ॒णक् पिप्रुं शम्ब॑रं शुष्ण॑म् इन्द्रः

Halfverse: d    पु॒रां च्यौ॒त्नाय॑ श॒यथा॑य॒ नू चि॑त् ।।
   पु॒राम् च्यौ॒त्नाय श॒यथा॑य नु+ चि॑त् ।।
   पु॒रां च्यौ॒त्नाय श॒यथा॑य नू चि॑त् ।।


Verse: 9 
Halfverse: a    उ॒दाव॑ता॒ त्वक्ष॑सा॒ पन्य॑सा च वृत्र॒हत्या॑य॒ रथ॑मिन्द्र तिष्ठ ।
   उ॒दाव॑ता॒ त्वक्ष॑सा॒ पन्य॑सा च
   उ॒दाव॑ता त्वक्ष॑सा पन्य॑सा च
   उ॒दाव॑ता त्वक्ष॑सा पन्य॑सा च

Halfverse: b    वृत्र॒हत्या॑य॒ रथ॑मिन्द्र तिष्ठ ।
   वृ॑त्र॒हत्या॑य रथ॑म् इन्द्र तिष्ठ ।
   वृ॑त्र॒हत्या॑य रथ॑म् इन्द्र तिष्ठ ।

Halfverse: c    धि॒ष्व वज्रं॒ हस्त॒ आ द॑क्षिण॒त्राभि प्र म॑न्द पुरुदत्र मा॒याः ।।
   धि॒ष्व वज्रं॒ हस्त॒ आ द॑क्षिण॒त्रा
   धि॒ष्व वज्र॑म् हस्ते आ द॑क्षिण॒त्रा
   धि॒ष्व वज्रं हस्त आ द॑क्षिण॒त्रा

Halfverse: d     अ॒भि प्र म॑न्द पुरुदत्र मा॒याः ।।
   अ॒भि प्र म॑न्द पुरुदत्र मा॒याः ।।
   अ॒भि प्र म॑न्द पुरुदत्र मा॒याः ।।


Verse: 10 
Halfverse: a    अ॒ग्निर्न शुष्कं॒ वन॑मिन्द्र हे॒ती रक्षो॒ नि ध॑क्ष्य॒शनि॒र्न भी॒मा ।
   अ॒ग्निर्न शुष्कं॒ वन॑मिन्द्र हे॒ती
   अ॒ग्निः न शुष्क॑म् वन॑म् इन्द्र हे॒ती !
   अ॒ग्निर् न शुष्कं वन॑म् इन्द्र हे॒ती

Halfverse: b    रक्षो॒ नि ध॑क्ष्य॒शनि॒र्न भी॒मा ।
   रक्षः नि ध॑क्षि अ॒शनिः न भी॒मा ।
   रक्षो नि ध॑क्षि अ॒शनि॑र् न भी॒मा ।

Halfverse: c    ग॑म्भी॒रय॑ ऋ॒ष्वया॒ यो रु॒रोजाध्वा॑नयद्दुरि॒ता द॒म्भय॑च्च ।।
   ग॑म्भी॒रय॑ ऋ॒ष्वया॒ यो रु॒रोज
   गम्भी॒रया ऋ॒ष्वया यः रु॒रोज
   गम्भी॒रय ऋ॒ष्वया यो रु॒रोज

Halfverse: d     अध्वा॑नयद्दुरि॒ता द॒म्भय॑च्च ।।
   अध्वा॑नयत् दुरि॒ता द॒म्भय॑त् च ।।
   अध्वा॑नयद् दुरि॒ता द॒म्भय॑च् च ।।


Verse: 11 
Halfverse: a    आ स॒हस्र॑म्प॒थिभि॑रिन्द्र रा॒या तुवि॑द्युम्न तुवि॒वाजे॑भिर॒र्वाक् ।
   आ स॒हस्र॑म्प॒थिभि॑रिन्द्र रा॒या
   आ स॒हस्र॑म् प॒थिभिः इन्द्र रा॒या
   आ स॒हस्र॑म् प॒थिभि॑र् इन्द्र रा॒या

Halfverse: b    तुवि॑द्युम्न तुवि॒वाजे॑भिर॒र्वाक् ।
   तुवि॑द्युम्न तुवि॒वाजे॑भिः अ॒र्वाक् ।
   तुवि॑द्युम्न तुवि॒वाजे॑भिर् अ॒र्वाक् ।

Halfverse: c    या॒हि सू॑नो सहसो॒ यस्य॒ नू चि॒ददे॑व॒ ईशे॑ पुरुहूत॒ योतोः॑ ।।
   या॒हि सू॑नो सहसो॒ यस्य॒ नू चि॑द्
   या॒हि सू॑नो सहसः यस्य नु+ चि॑त्
   या॒हि सू॑नो सहसो यस्य नू चि॑द्

Halfverse: d    अदे॑व॒ ईशे॑ पुरुहूत॒ योतोः॑ ।।
   अदे॑वः ईशे पुरुहूत योतोः ।।
   अदे॑व ईशे पुरुहूत योतोः ।।


Verse: 12 
Halfverse: a    प्र तु॑विद्यु॒म्नस्य॒ स्थवि॑रस्य॒ घृष्वे॑र्दि॒वो र॑रप्शे महि॒मा पृ॑थि॒व्याः ।
   प्र तु॑विद्यु॒म्नस्य॒ स्थवि॑रस्य॒ घृष्वे॑र्
   प्र तु॑विद्यु॒म्नस्य स्थवि॑रस्य घृष्वेः
   प्र तु॑विद्यु॒म्नस्य स्थवि॑रस्य घृष्वे॑र्

Halfverse: b    दि॒वो र॑रप्शे महि॒मा पृ॑थि॒व्याः ।
   दि॒वः र॑रप्शे महि॒मा पृ॑थि॒व्याः ।
   दि॒वो र॑रप्शे महि॒मा पृ॑थि॒व्याः ।

Halfverse: c    नास्य॒ शत्रु॒र्न प्र॑ति॒मान॑मस्ति॒ न प्र॑ति॒ष्ठिः पु॑रुमा॒यस्य॒ सह्योः॑ ।।
   नास्य॒ शत्रु॒र्न प्र॑ति॒मान॑मस्ति
   न अ॑स्य शत्रुः न प्र॑ति॒मान॑म् अस्ति
   नास्य शत्रु॑र् न प्र॑ति॒मान॑म् अस्ति

Halfverse: d    न प्र॑ति॒ष्ठिः पु॑रुमा॒यस्य॒ सह्योः॑ ।।
   न प्र॑ति॒ष्ठिः पु॑रुमा॒यस्य सह्योः ।।
   न प्र॑ति॒ष्ठिः पु॑रुमा॒यस्य सह्योः ।।


Verse: 13 
Halfverse: a    प्र तत्ते॑ अ॒द्या कर॑णं कृ॒तम्भू॒त्कुत्सं॒ यदा॒युम॑तिथि॒ग्वम॑स्मै ।
   प्र तत्ते॑ अ॒द्या कर॑णं कृ॒तम्भू॑त्
   प्र तत् ते अ॒द्य+ कर॑णम् कृ॒तम् भूत्
   प्र तत् ते अ॒द्या कर॑णं कृ॒तम् भूत्

Halfverse: b    कुत्सं॒ यदा॒युम॑तिथि॒ग्वम॑स्मै ।
   कुत्स॑म् यत् आ॒युम् अतिथि॒ग्वम् अस्मै ।
   कुत्सं यद् आ॒युम् अतिथि॒ग्वम् अस्मै ।

Halfverse: c    पु॒रू स॒हस्रा॒ नि शि॑शा अ॒भि क्षामुत्तूर्व॑याणं धृष॒ता नि॑नेथ ।।
   पु॒रू स॒हस्रा॒ नि शि॑शा अ॒भि क्षाम्
   पु॒रु+ स॒हस्रा नि शि॑शाः अ॒भि क्षाम्
   पु॒रू स॒हस्रा नि शि॑शा अ॒भि क्षाम्

Halfverse: d    उत्तूर्व॑याणं धृष॒ता नि॑नेथ ।।
   उत् तूर्व॑याणम् धृष॒ता नि॑नेथ ।।
   उत् तूर्व॑याणं धृष॒ता नि॑नेथ ।।


Verse: 14 
Halfverse: a    अनु॒ त्वाहि॑घ्ने॒ अध॑ देव दे॒वा मद॒न्विश्वे॑ क॒वित॑मं कवी॒नाम् ।
   अनु॒ त्वाहि॑घ्ने॒ अध॑ देव दे॒वा
   अनु त्वा अहि॑घ्ने अध देव दे॒वाः
   अनु त्वाहि॑घ्ने अध देव दे॒वा

Halfverse: b    मद॒न्विश्वे॑ क॒वित॑मं कवी॒नाम् ।
   मद॑न् विश्वे क॒वित॑मम् कवी॒नाम् ।
   मद॑न् विश्वे क॒वित॑मं कवी॒नाम् ।

Halfverse: c    करो॒ यत्र॒ वरि॑वो बाधि॒ताय॑ दि॒वे जना॑य त॒न्वे॑ गृणा॒नः ।।
   करो॒ यत्र॒ वरि॑वो बाधि॒ताय
   करः यत्र वरि॑वः बाधि॒ताय
   करो यत्र वरि॑वो बाधि॒ताय

Halfverse: d    दि॒वे जना॑य त॒न्वे॑ गृणा॒नः ।।
   दि॒वे जना॑य त॒न्वे गृणा॒नः ।।
   दि॒वे जना॑य त॒नुवे गृणा॒नः ।।


Verse: 15 
Halfverse: a    अनु॒ द्यावा॑पृथि॒वी तत्त॒ ओजो ऽम॑र्त्या जिहत इन्द्र दे॒वाः ।
   अनु॒ द्यावा॑पृथि॒वी तत्त॒ ओजो
   अनु द्यावा॑पृथि॒वी तत् ते ओजः
   अनु द्यावा॑पृथि॒वी तत् त ओजो

Halfverse: b    ऽमर्त्या जिहत इन्द्र दे॒वाः ।
   अम॑र्त्याः जिहते इन्द्र दे॒वाः ।
   अम॑र्तिया जिहत इन्द्र दे॒वाः ।

Halfverse: c    कृ॒ष्वा कृ॑त्नो॒ अकृ॑तं॒ यत्ते॒ अस्त्यु॒क्थं नवी॑यो जनयस्व य॒ज्ञैः ।।
   कृ॒ष्वा कृ॑त्नो॒ अकृ॑तं॒ यत्ते॒ अस्त्य्
   कृ॒ष्व+ कृ॑त्नो अकृ॑तम् यत् ते अस्ति
   कृ॒ष्वा कृ॑त्नो अकृ॑तं यत् ते अस्ति

Halfverse: d    उ॒क्थं नवी॑यो जनयस्व य॒ज्ञैः ।।
   उ॒क्थम् नवी॑यः जनयस्व य॒ज्ञैः ।।
   उ॒क्थं नवी॑यो जनयस्व य॒ज्ञैः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.