TITUS
Rg-Veda: Rg-Veda-Samhita
Part No. 460
Previous part

Hymn: 19_(460) 
Verse: 1 
Halfverse: a    म॒हाँ इन्द्रो॑ नृ॒वदा च॑र्षणि॒प्रा उ॒त द्वि॒बर्हा॑ अमि॒नः सहो॑भिः ।
   म॒हाँ इन्द्रो॑ नृ॒वदा च॑र्षणि॒प्रा
   म॒हान् इन्द्रः नृ॒वत् आ च॑र्षणि॒प्राः
   म॒हाँ इन्द्रो नृ॒वद् आ च॑र्षणि॒प्रा

Halfverse: b    उ॒त द्वि॒बर्हा॑ अमि॒नः सहो॑भिः ।
   उ॒त द्वि॒बर्हाः अमि॒नः सहो॑भिः ।
   उ॒त द्वि॒बर्हा अमि॒नः सहो॑भिः ।

Halfverse: c    अ॑स्म॒द्र्य॑ग्वावृधे वी॒र्या॑यो॒रुः पृ॒थुः सुकृ॑तः क॒र्तृभि॑र्भूत् ।।
   अ॑स्म॒द्र्य॑ग्वावृधे वी॒र्या॑य
   अस्म॒द्र्य॑क् वावृधे वी॒र्या॑य
   अस्मद्रिअग् वावृधे वी॒रिया॑य

Halfverse: d     उ॒रुः पृ॒थुः सुकृ॑तः क॒र्तृभि॑र्भूत् ।।
   उ॒रुः पृ॒थुः सुकृ॑तः क॒र्तृभिः भूत् ।।
   उ॒रुः पृ॒थुः सुकृ॑तः क॒र्तृभि॑र् भूत् ।।


Verse: 2 
Halfverse: a    इन्द्र॑मे॒व धि॒षणा॑ सा॒तये॑ धाद्बृ॒हन्त॑मृ॒ष्वम॒जरं॒ युवा॑नम् ।
   इन्द्र॑मे॒व धि॒षणा॑ सा॒तये॑ धाद्
   इन्द्र॑म् ए॒व धि॒षणा सा॒तये धात्
   इन्द्र॑म् ए॒व धि॒षणा सा॒तये धाद्

Halfverse: b    बृ॒हन्त॑मृ॒ष्वम॒जरं॒ युवा॑नम् ।
   बृ॒हन्त॑म् ऋ॒ष्वम् अ॒जर॑म् युवा॑नम् ।
   बृ॒हन्त॑म् ऋ॒ष्वम् अ॒जरं युवा॑नम् ।

Halfverse: c    अषा॑ऴेन॒ शव॑सा शूशु॒वांसं॑ स॒द्यश्चि॒द्यो वा॑वृ॒धे असा॑मि ।।
   अषा॑ऴेन॒ शव॑सा शूशु॒वांसं
   अषा॑ऴेन शव॑सा शूशु॒वांस॑म्
   अषा॑ऴेन शव॑सा शूशु॒वांसं

Halfverse: d    स॒द्यश्चि॒द्यो वा॑वृ॒धे असा॑मि ।।
   स॒द्यः चि॑त् यः वा॑वृ॒धे असा॑मि ।।
   स॒द्यश् चिद् यो ? वा॑वृ॒धे असा॑मि ।।


Verse: 3 
Halfverse: a    पृ॒थू क॒रस्ना॑ बहु॒ला गभ॑स्ती अस्म॒द्र्य॒क्सम्मि॑मीहि॒ श्रवां॑सि ।
   पृ॒थू क॒रस्ना॑ बहु॒ला गभ॑स्ती
   पृ॒थू क॒रस्ना बहु॒ला गभ॑स्ती
   पृ॒थू क॒रस्ना बहु॒ला गभ॑स्ती

Halfverse: b    अस्म॒द्र्य॒क्सम्मि॑मीहि॒ श्रवां॑सि ।
   अ॑स्म॒द्र्य॑क् सम् मिमीहि श्रवां॑सि ।
   अ॑स्मद्रिअक् सम् मिमीहि श्रवां॑सि ।

Halfverse: c    यू॒थेव॑ प॒श्वः प॑शु॒पा दमू॑ना अ॒स्माँ इ॑न्द्रा॒भ्या व॑वृत्स्वा॒जौ ।।
   यू॒थेव॑ प॒श्वः प॑शु॒पा दमू॑ना
   यू॒था इ॑व प॒श्वः प॑शु॒पाः दमू॑नाः
   यू॒थेव प॒श्वः प॑शु॒पा दमू॑ना

Halfverse: d    अ॒स्माँ इ॑न्द्रा॒भ्या व॑वृत्स्वा॒जौ ।।
   अ॒स्मान् इन्द्र अ॒भि आ व॑वृत्स्व आ॒जौ ।।
   अ॒स्माँ इ॑न्द्रा॒भि आ व॑वृत्सुवा॒जौ ।।


Verse: 4 
Halfverse: a    तं व॒ इन्द्रं॑ च॒तिन॑मस्य शा॒कैरि॒ह नू॒नं वा॑ज॒यन्तो॑ हुवेम ।
   तं व॒ इन्द्रं॑ च॒तिन॑मस्य शा॒कैर्
   तम् वः इन्द्र॑म् च॒तिन॑म् अस्य शा॒कैः
   तं व इन्द्रं च॒तिन॑म् अस्य शा॒कैर्

Halfverse: b    इ॒ह नू॒नं वा॑ज॒यन्तो॑ हुवेम ।
   इ॒ह नू॒नम् वाज॒यन्तः हुवेम ।
   इ॒ह नू॒नं वा॑ज॒यन्तो हुवेम ।

Halfverse: c    यथा॑ चि॒त्पूर्वे॑ जरि॒तार॑ आ॒सुरने॑द्या अनव॒द्या अरि॑ष्टाः ।।
   यथा॑ चि॒त्पूर्वे॑ जरि॒तार॑ आ॒सुर्
   यथा चित् पूर्वे जरि॒तारः आ॒सुः
   यथा चित् पूर्वे जरि॒तार आ॒सुर्

Halfverse: d    अने॑द्या अनव॒द्या अरि॑ष्टाः ।।
   अने॑द्याः अनव॒द्याः अरि॑ष्टाः ।।
   अने॑दिया अनव॒द्या अरि॑ष्टाः ।।


Verse: 5 
Halfverse: a    धृ॒तव्र॑तो धन॒दाः सोम॑वृद्धः॒ स हि वा॒मस्य॒ वसु॑नः पुरु॒क्षुः ।
   धृ॒तव्र॑तो धन॒दाः सोम॑वृद्धः
   धृ॒तव्र॑तः धन॒दाः सोम॑वृद्धः
   धृ॒तव्र॑तो धन॒दाः सोम॑वृद्धः

Halfverse: b    स हि वा॒मस्य॒ वसु॑नः पुरु॒क्षुः ।
   स हि वा॒मस्य वसु॑नः पुरु॒क्षुः ।
   स हि वा॒मस्य वसु॑नः पुरु॒क्षुः ।

Halfverse: c    सं ज॑ग्मिरे प॒थ्या॒ रायो॑ अस्मिन्समु॒द्रे न सिन्ध॑वो॒ याद॑मानाः ।।
   सं ज॑ग्मिरे प॒थ्या॒ रायो॑ अस्मिन्
   सम् जग्मिरे प॒थ्याः रायः अस्मिन्
   सं ज॑ग्मिरे प॒थिया रायो अस्मिन्

Halfverse: d    समु॒द्रे न सिन्ध॑वो॒ याद॑मानाः ।।
   स॑मु॒द्रे न सिन्ध॑वः याद॑मानाः ।।
   स॑मु॒द्रे न सिन्ध॑वो याद॑मानाः ।।


Verse: 6 
Halfverse: a    शवि॑ष्ठं न॒ आ भ॑र शूर॒ शव॒ ओजि॑ष्ठ॒मोजो॑ अभिभूत उ॒ग्रम् ।
   शवि॑ष्ठं न॒ आ भ॑र शूर॒ शव
   शवि॑ष्ठम् नः आ भ॑र शूर शवः
   शवि॑ष्ठं न आ भ॑र शूर शव

Halfverse: b    ओजि॑ष्ठ॒मोजो॑ अभिभूत उ॒ग्रम् ।
   ओजि॑ष्ठम् ओजः अभिभूते उ॒ग्रम् ।
   ओजि॑ष्ठम् ओजो अभिभूत उ॒ग्रम् ।

Halfverse: c    विश्वा॑ द्यु॒म्ना वृष्ण्या॒ मानु॑षाणाम॒स्मभ्यं॑ दा हरिवो माद॒यध्यै॑ ।।
   विश्वा॑ द्यु॒म्ना वृष्ण्या॒ मानु॑षाणाम्
   विश्वा द्यु॒म्ना वृष्ण्या मानु॑षाणाम्
   विश्वा द्यु॒म्ना वृष्णि॑या मानु॑षाणाम्

Halfverse: d    अ॒स्मभ्यं॑ दा हरिवो माद॒यध्यै॑ ।।
   अ॒स्मभ्य॑म् दाः हरिवः माद॒यध्यै ।।
   अ॒स्मभ्यं दा हरिवो माद॒यध्यै ।।


Verse: 7 
Halfverse: a    यस्ते॒ मदः॑ पृतना॒षाळमृ॑ध्र॒ इन्द्र॒ तं न॒ आ भ॑र शूशु॒वांस॑म् ।
   यस्ते॒ मदः॑ पृतना॒षाळ् ।!। अमृ॑ध्र
   यः ते मदः पृतना॒षाट् अमृ॑ध्रः
   यस् ते मदः पृतना॒षाळ् अमृ॑ध्र

Halfverse: b    इन्द्र॒ तं न॒ आ भ॑र शूशु॒वांस॑म् ।
   इन्द्र तम् नः आ भ॑र शूशु॒वांस॑म् ।
   इन्द्र तं न आ भ॑र शूशु॒वांस॑म् ।

Halfverse: c    येन॑ तो॒कस्य॒ तन॑यस्य सा॒तौ मं॑सी॒महि॑ जिगी॒वांस॒स्त्वोताः॑ ।।
   येन॑ तो॒कस्य॒ तन॑यस्य सा॒तौ
   येन तो॒कस्य तन॑यस्य सा॒तौ
   येन तो॒कस्य तन॑यस्य सा॒तौ

Halfverse: d    मं॑सी॒महि॑ जिगी॒वांस॒स्त्वोताः॑ ।।
   मं॑सी॒महि जिगी॒वांसः त्वोताः ।।
   मं॑सी॒महि जिगी॒वांस॑स् तु॒वोताः ।।


Verse: 8 
Halfverse: a    आ नो॑ भर॒ वृष॑णं॒ शुष्म॑मिन्द्र धन॒स्पृतं॑ शूशु॒वांसं॑ सु॒दक्ष॑म् ।
   आ नो॑ भर॒ वृष॑णं॒ शुष्म॑मिन्द्र
   आ नः भर वृष॑णम् शुष्म॑म् इन्द्र
   आ नो भर वृष॑णं शुष्म॑म् इन्द्र

Halfverse: b    धन॒स्पृतं॑ शूशु॒वांसं॑ सु॒दक्ष॑म् ।
   ध॑न॒स्पृत॑म् शूशु॒वांस॑म् सु॒दक्ष॑म् ।
   ध॑न॒स्पृतं शूशु॒वांसं सु॒दक्ष॑म् ।

Halfverse: c    येन॒ वंसा॑म॒ पृत॑नासु॒ शत्रू॒न्तवो॒तिभि॑रु॒त जा॒मीँरजा॑मीन् ।।
   येन॒ वंसा॑म॒ पृत॑नासु॒ शत्रू॑न्
   येन वंसा॑म पृत॑नासु शत्रू॑न्
   येन वंसा॑म पृत॑नासु शत्रू॑न्

Halfverse: d    तवो॒तिभि॑रु॒त जा॒मीँरजा॑मीन् ।।
   तव ऊ॒तिभिः उ॒त जा॒मीन् अजा॑मीन् ।।
   तवो॒तिभि॑र् उ॒त जा॒मीँर् अजा॑मीन् ।।


Verse: 9 
Halfverse: a    आ ते॒ शुष्मो॑ वृष॒भ ए॑तु प॒श्चादोत्त॒राद॑ध॒रादा पु॒रस्ता॑त् ।
   आ ते॒ शुष्मो॑ वृष॒भ ए॑तु प॒श्चाद्
   आ ते शुष्मः वृष॒भः ए॑तु प॒श्चात्
   आ ते शुष्मो वृष॒भ ए॑तु प॒श्चाद्

Halfverse: b    ओत्त॒राद॑ध॒रादा पु॒रस्ता॑त् ।
   आ उ॑त्त॒रात् अध॒रात् आ पु॒रस्ता॑त् ।
   आ उ॑त्त॒राद् अध॒राद् आ पु॒रस्ता॑त् ।

Halfverse: c    आ वि॒श्वतो॑ अ॒भि समे॑त्व॒र्वाङिन्द्र॑ द्यु॒म्नं स्व॑र्वद्धेह्य॒स्मे ।।
   आ वि॒श्वतो॑ अ॒भि समे॑त्व॒र्वाङ्
   आ वि॒श्वतः अ॒भि सम् एतु अ॒र्वाङ्
   आ वि॒श्वतो अ॒भि सम् एतु अ॒र्वाङ्

Halfverse: d    इन्द्र॑ द्यु॒म्नं स्व॑र्वद्धेह्य॒स्मे ।।
   इन्द्र द्यु॒म्नम् स्व॑र्वत् धेहि अ॒स्मे ।।
   इन्द्र द्यु॒म्नं सुव॑र्वद् धेहि अ॒स्मे ।।


Verse: 10 
Halfverse: a    नृ॒वत्त॑ इन्द्र॒ नृत॑माभिरू॒ती वं॑सी॒महि॑ वा॒मं श्रोम॑तेभिः ।
   नृ॒वत्त॑ इन्द्र॒ नृत॑माभिरू॒ती
   नृ॒वत् ते इन्द्र नृत॑माभिः ऊ॒ती
   नृ॒वत् त इन्द्र नृत॑माभिर् ऊ॒ती

Halfverse: b    वं॑सी॒महि॑ वा॒मं श्रोम॑तेभिः ।
   वं॑सी॒महि वा॒मम् श्रोम॑तेभिः ।
   वं॑सी॒महि ? वा॒मं श्रोम॑तेभिः ।

Halfverse: c    ईक्षे॒ हि वस्व॑ उ॒भय॑स्य राज॒न्धा रत्न॒म्महि॑ स्थू॒रम्बृ॒हन्त॑म् ।।
   ईक्षे॒ हि वस्व॑ उ॒भय॑स्य राजन्
   ईक्षे हि वस्वः उ॒भय॑स्य राजन्
   ईक्षे हि वस्व उ॒भय॑स्य राजन्

Halfverse: d    धा रत्न॒म्महि॑ स्थू॒रम्बृ॒हन्त॑म् ।।
   धाः रत्न॑म् महि स्थू॒रम् बृ॒हन्त॑म् ।।
   धाअ रत्न॑म् महि स्थू॒रम् बृ॒हन्त॑म् ।।


Verse: 11 
Halfverse: a    म॒रुत्व॑न्तं वृष॒भं वा॑वृधा॒नमक॑वारिं दि॒व्यं शा॒समिन्द्र॑म् ।
   म॒रुत्व॑न्तं वृष॒भं वा॑वृधा॒नम्
   म॒रुत्व॑न्तम् वृष॒भम् वावृधा॒नम्
   म॒रुत्व॑न्तं वृष॒भं वा॑वृधा॒नम्

Halfverse: b    अक॑वारिं दि॒व्यं शा॒समिन्द्र॑म् ।
   अक॑वारिम् दि॒व्यम् शा॒सम् इन्द्र॑म् ।
   अक॑वारिं दिवि॒यं शा॒सम् इन्द्र॑म् ।

Halfverse: c    वि॑श्वा॒साह॒मव॑से॒ नूत॑नायो॒ग्रं स॑हो॒दामि॒ह तं हु॑वेम ।।
   वि॑श्वा॒साह॒मव॑से॒ नूत॑नाय
   विश्वा॒साह॑म् अव॑से नूत॑नाय
   विश्वा॒साह॑म् अव॑से नूत॑नाय

Halfverse: d     उ॒ग्रं स॑हो॒दामि॒ह तं हु॑वेम ।।
   उ॒ग्रम् सहो॒दाम् इ॒ह तम् हुवेम ।।
   उ॒ग्रं स॑हो॒दाम् इ॒ह तं हु॑वेम ।।


Verse: 12 
Halfverse: a    जनं॑ वज्रि॒न्महि॑ चि॒न्मन्य॑मानमे॒भ्यो नृभ्यो॑ रन्धया॒ येष्वस्मि॑ ।
   जनं॑ वज्रि॒न्महि॑ चि॒न्मन्य॑मानम्
   जन॑म् वज्रिन् महि चित् मन्य॑मानम्
   जनं वज्रिन् महि चिन् मन्य॑मानम्

Halfverse: b    ए॒भ्यो नृभ्यो॑ रन्धया॒ येष्वस्मि॑ ।
   ए॒भ्यः नृभ्यः रन्धय+ येषु अस्मि ।
   ए॒भ्यो नृभ्यो रन्धया येषु अस्मि ।

Halfverse: c    अधा॒ हि त्वा॑ पृथि॒व्यां शूर॑सातौ॒ हवा॑महे॒ तन॑ये॒ गोष्व॒प्सु ।।
   अधा॒ हि त्वा॑ पृथि॒व्यां शूर॑सातौ
   अध+ हि त्वा पृथि॒व्याम् शूर॑सातौ
   अधा हि त्वा पृथि॒व्यां शूर॑सातौ

Halfverse: d    हवा॑महे॒ तन॑ये॒ गोष्व॒प्सु ।।
   हवा॑महे तन॑ये गोषु अ॒प्सु ।।
   हवा॑महे तन॑ये गोषु अ॒प्सु ।।


Verse: 13 
Halfverse: a    व॒यं त॑ ए॒भिः पु॑रुहूत स॒ख्यैः शत्रोः॑शत्रो॒रुत्त॑र॒ इत्स्या॑म ।
   व॒यं त॑ ए॒भिः पु॑रुहूत स॒ख्यैः
   व॒यम् ते ए॒भिः पु॑रुहूत स॒ख्यैः
   व॒यं त ए॒भिः पु॑रुहूत स॒ख्यैः

Halfverse: b    शत्रोः॑शत्रो॒रुत्त॑र॒ इत्स्या॑म ।
   शत्रोः॑शत्रोः उत्त॑रे इत् स्याम ।
   शत्रोः॑शत्रोर् उत्त॑र इत् सियाम ।

Halfverse: c    घ्नन्तो॑ वृ॒त्राण्यु॒भया॑नि शूर रा॒या म॑देम बृह॒ता त्वोताः॑ ।।
   घ्नन्तो॑ वृ॒त्राण्यु॒भया॑नि शूर
   घ्नन्तः वृ॒त्राणि उ॒भया॑नि शूर
   घ्नन्तो वृ॒त्राणि उ॒भया॑नि शूर

Halfverse: d    रा॒या म॑देम बृह॒ता त्वोताः॑ ।।
   रा॒या म॑देम बृह॒ता त्वोताः ।।
   रा॒या म॑देम बृह॒ता तु॒वोताः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.