TITUS
Rg-Veda: Rg-Veda-Samhita
Part No. 464
Previous part

Hymn: 23_(464) 
Verse: 1 
Halfverse: a    सु॒त इत्त्वं निमि॑श्ल इन्द्र॒ सोमे॒ स्तोमे॒ ब्रह्म॑णि श॒स्यमा॑न उ॒क्थे ।
   सु॒त इत्त्वं निमि॑श्ल इन्द्र॒ सोमे
   सु॒ते इत् त्वम् निमि॑श्लः इन्द्र सोमे
   सु॒त इत् त्वं निमि॑श्ल इन्द्र सोमे

Halfverse: b    स्तोमे॒ ब्रह्म॑णि श॒स्यमा॑न उ॒क्थे ।
   स्तोमे ब्रह्म॑णि श॒स्यमा॑ने उ॒क्थे ।
   स्तोमे ब्रह्म॑णि श॒स्यमा॑न उ॒क्थे ।

Halfverse: c    यद्वा॑ यु॒क्ताभ्या॑म्मघव॒न्हरि॑भ्या॒म्बिभ्र॒द्वज्र॑म्बा॒ह्वोरि॑न्द्र॒ यासि॑ ।।
   यद्वा॑ यु॒क्ताभ्या॑म्मघव॒न्हरि॑भ्याम्
   यत् वा यु॒क्ताभ्या॑म् मघवन् हरि॑भ्याम्
   यद् वा यु॒क्ताभ्या॑म् मघवन् हरि॑भ्याम्

Halfverse: d    बिभ्र॒द्वज्र॑म्बा॒ह्वोरि॑न्द्र॒ यासि॑ ।।
   बिभ्र॑त् वज्र॑म् बा॒ह्वोः इ॑न्द्र यासि ।।
   बिभ्र॑द् वज्र॑म् बाहु॒वोर् इन्द्र यासि ।।


Verse: 2 
Halfverse: a    यद्वा॑ दि॒वि पार्ये॒ सुष्वि॑मिन्द्र वृत्र॒हत्ये ऽव॑सि॒ शूर॑सातौ ।
   यद्वा॑ दि॒वि पार्ये॒ सुष्वि॑मिन्द्र
   यत् वा दि॒वि पार्ये सुष्वि॑म् इन्द्र
   यद् वा दि॒वि पारि॑ये सुष्वि॑म् इन्द्र

Halfverse: b    वृत्र॒हत्ये ऽव॑सि॒ शूर॑सातौ ।
   वृ॑त्र॒हत्ये अव॑सि शूर॑सातौ ।
   वृ॑त्र॒हत्ये अव॑सि शूर॑सातौ ।

Halfverse: c    यद्वा॒ दक्ष॑स्य बि॒भ्युषो॒ अबि॑भ्य॒दर॑न्धयः॒ शर्ध॑त इन्द्र॒ दस्यू॑न् ।।
   यद्वा॒ दक्ष॑स्य बि॒भ्युषो॒ अबि॑भ्यद्
   यत् वा दक्ष॑स्य बि॒भ्युषः अबि॑भ्यत्
   यद् वा दक्ष॑स्य बि॒भ्युषो अबि॑भ्यद्

Halfverse: d    अर॑न्धयः॒ शर्ध॑त इन्द्र॒ दस्यू॑न् ।।
   अर॑न्धयः शर्ध॑तः इन्द्र दस्यू॑न् ।।
   अर॑न्धयः शर्ध॑त इन्द्र दस्यू॑न् ।।


Verse: 3 
Halfverse: a    पाता॑ सु॒तमिन्द्रो॑ अस्तु॒ सोम॑म्प्रणे॒नीरु॒ग्रो ज॑रि॒तार॑मू॒ती ।
   पाता॑ सु॒तमिन्द्रो॑ अस्तु॒ सोम॑म्
   पाता सु॒तम् इन्द्रः अस्तु सोम॑म्
   पाता सु॒तम् इन्द॑रो अस्तु सोम॑म्

Halfverse: b    प्रणे॒नीरु॒ग्रो ज॑रि॒तार॑मू॒ती ।
   प्र॑णे॒नीः उ॒ग्रः ज॑रि॒तार॑म् ऊ॒ती ।
   प्र॑णे॒नीर् उ॒ग्रो ज॑रि॒तार॑म् ऊ॒ती ।

Halfverse: c    कर्ता॑ वी॒राय॒ सुष्व॑य उलो॒कं दाता॒ वसु॑ स्तुव॒ते की॒रये॑ चित् ।।
   कर्ता॑ वी॒राय॒ सुष्व॑य उलो॒कं ।!।
   कर्ता वी॒राय सुष्व॑ये उलो॒कम् !
   कर्ता वी॒राय सुष्व॑ये उलो॒कं

Halfverse: d    दाता॒ वसु॑ स्तुव॒ते की॒रये॑ चित् ।।
   दाता वसु स्तुव॒ते की॒रये चित् ।।
   दाता वसु स्तुव॒ते की॒रये चित् ।।


Verse: 4 
Halfverse: a    गन्तेया॑न्ति॒ सव॑ना॒ हरि॑भ्याम्ब॒भ्रिर्वज्र॑म्प॒पिः सोमं॑ द॒दिर्गाः ।
   गन्तेया॑न्ति॒ सव॑ना॒ हरि॑भ्याम्
   गन्ता इया॑न्ति सव॑ना हरि॑भ्याम्
   गन्ता इया॑न्ति सव॑ना हरि॑भ्याम्

Halfverse: b    ब॒भ्रिर्वज्र॑म्प॒पिः सोमं॑ द॒दिर्गाः ।
   ब॒भ्रिः वज्र॑म् प॒पिः सोम॑म् द॒दिः गाः ।
   ब॒भ्रिर् वज्र॑म् प॒पिः सोमं द॒दिर् गाः ।

Halfverse: c    कर्ता॑ वी॒रं नर्यं॒ सर्व॑वीरं॒ श्रोता॒ हवं॑ गृण॒त स्तोम॑वाहाः ।।
   कर्ता॑ वी॒रं नर्यं॒ सर्व॑वीरं
   कर्ता वी॒रम् नर्य॑म् सर्व॑वीरम्
   कर्ता वी॒रं नरि॑यं सर्व॑वीरं

Halfverse: d    श्रोता॒ हवं॑ गृण॒त स्तोम॑वाहाः ।।
   श्रोता हव॑म् गृण॒तः स्तोम॑वाहाः ।।
   श्रोता हवं गृण॒त स्तोम॑वाहाः ।।


Verse: 5 
Halfverse: a    अस्मै॑ व॒यं यद्वा॒वान॒ तद्वि॑विष्म॒ इन्द्रा॑य॒ यो नः॑ प्र॒दिवो॒ अप॒स्कः ।
   अस्मै॑ व॒यं यद्वा॒वान॒ तद्वि॑विष्म
   अस्मै व॒यम् यत् वा॒वान तत् विविष्मः
   अस्मै व॒यं यद् वा॒वान तद् विविष्म

Halfverse: b    इन्द्रा॑य॒ यो नः॑ प्र॒दिवो॒ अप॒स्कः ।
   इन्द्रा॑य यः नः प्र॒दिवः अपः कर् ।
   इन्द्रा॑य यो नः प्र॒दिवो अप॑स् कः ।

Halfverse: c    सु॒ते सोमे॑ स्तु॒मसि॒ शंस॑दु॒क्थेन्द्रा॑य॒ ब्रह्म॒ वर्ध॑नं॒ यथास॑त् ।।
   सु॒ते सोमे॑ स्तु॒मसि॒ शंस॑दु॒क्था
   सु॒ते सोमे स्तु॒मसि शंस॑त् उ॒क्था
   सु॒ते सोमे स्तु॒मसि शंस॑द् उ॒क्था

Halfverse: d     इन्द्रा॑य॒ ब्रह्म॒ वर्ध॑नं॒ यथास॑त् ।।
   इन्द्रा॑य ब्रह्म वर्ध॑नम् यथा अस॑त् ।।
   इन्द्रा॑य ब्रह्म वर्ध॑नं यथास॑त् ।।


Verse: 6 
Halfverse: a    ब्रह्मा॑णि॒ हि च॑कृ॒षे वर्ध॑नानि॒ ताव॑त्त इन्द्र म॒तिभि॑र्विविष्मः ।
   ब्रह्मा॑णि॒ हि च॑कृ॒षे वर्ध॑नानि
   ब्रह्मा॑णि हि च॑कृ॒षे वर्ध॑नानि
   ब्रह्मा॑णि हि च॑कृ॒षे वर्ध॑नानि

Halfverse: b    ताव॑त्त इन्द्र म॒तिभि॑र्विविष्मः ।
   ताव॑त् ते इन्द्र म॒तिभिः विविष्मः ।
   ताव॑त् त इन्द्र म॒तिभि॑र् विविष्मः ।

Halfverse: c    सु॒ते सोमे॑ सुतपाः॒ शंत॑मानि॒ राण्ड्या॑ क्रियास्म॒ वक्ष॑णानि य॒ज्ञैः ।।
   सु॒ते सोमे॑ सुतपाः॒ शंत॑मानि
   सु॒ते सोमे सुतपाः शंत॑मानि
   सु॒ते सोमे सुतपाः शंत॑मानि

Halfverse: d    राण्ड्या॑ क्रियास्म॒ वक्ष॑णानि य॒ज्ञैः ।।
   राण्ड्या क्रियास्म वक्ष॑णानि य॒ज्ञैः ।।
   राण्ड्या क्रियास्म वक्ष॑णानि य॒ज्ञैः ।।


Verse: 7 
Halfverse: a    स नो॑ बोधि पुरो॒ळाशं॒ ररा॑णः॒ पिबा॒ तु सोमं गोऋजीकमिन्द्र ।
   स नो॑ बोधि पुरो॒ळाशं॒ ररा॑णः
   स नः बोधि पुरो॒ळाश॑म् ररा॑णः
   स नो बोधि पुरो॒ळाशं ररा॑णः

Halfverse: b    पिबा॒ तु सोमं गोऋजीकमिन्द्र ।
   पिब+ तु सोम॑म् गोऋजीकम् इन्द्र ।
   पिबा तु सोमं गोऋजीकम् इन्द्र ।

Halfverse: c    एदम्ब॒र्हिर्यज॑मानस्य सीदो॒रुं कृ॑धि त्वाय॒त उ॑लो॒कम् ।।
   एदम्ब॒र्हिर्यज॑मानस्य सीद
   आ इ॒दम् ब॒र्हिः यज॑मानस्य सीद
   एदम् ब॒र्हिर् यज॑मानस्य सीद

Halfverse: d     उ॒रुं कृ॑धि त्वाय॒त उ॑लो॒कम् ।!। ।।
   उ॒रुम् कृधि त्वाय॒तः उ॑लो॒कम् ! ।।
   उ॒रुं कृ॑धि तुवाय॒त उ॑लो॒कम् ।।


Verse: 8 
Halfverse: a    स म॑न्दस्वा॒ ह्यनु॒ जोष॑मुग्र॒ प्र त्वा॑ य॒ज्ञास॑ इ॒मे अ॑श्नुवन्तु ।
   स म॑न्दस्वा॒ ह्यनु॒ जोष॑मुग्र
   स म॑न्दस्व+ हि अनु जोष॑म् उग्र
   स म॑न्दस्वा हि अनु जोष॑म् उग्र

Halfverse: b    प्र त्वा॑ य॒ज्ञास॑ इ॒मे अ॑श्नुवन्तु ।
   प्र त्वा य॒ज्ञासः इ॒मे अ॑श्नुवन्तु ।
   प्र त्वा य॒ज्ञास इ॒मे अ॑श्नुवन्तु ।

Halfverse: c    प्रेमे हवा॑सः पुरुहू॒तम॒स्मे आ त्वे॒यं धीरव॑स इन्द्र यम्याः ।।
   प्रेमे हवा॑सः पुरुहू॒तम॒स्मे
   प्र इ॒मे हवा॑सः पुरुहू॒तम् अ॒स्मे
   प्रेमे हवा॑सः पुरुहू॒तम् अ॒स्मे

Halfverse: d    आ त्वे॒यं धीरव॑स इन्द्र यम्याः ।।
   आ त्वा इ॒यम् धीः अव॑से इन्द्र यम्याः ।।
   आ त्वे॒यं धीर् अव॑स इन्द्र यम्याः ।।


Verse: 9 
Halfverse: a    तं वः॑ सखायः॒ सं यथा॑ सु॒तेषु॒ सोमे॑भिरीम्पृणता भो॒जमिन्द्र॑म् ।
   तं वः॑ सखायः॒ सं यथा॑ सु॒तेषु
   तम् वः सखायः सम् यथा सु॒तेषु
   तं वः सखायः सं यथा सु॒तेषु

Halfverse: b    सोमे॑भिरीम्पृणता भो॒जमिन्द्र॑म् ।
   सोमे॑भिः ईम् पृणत+ भो॒जम् इन्द्र॑म् ।
   सोमे॑भिर् ईम् पृणता भो॒जम् इन्द्र॑म् ।

Halfverse: c    कु॒वित्तस्मा॒ अस॑ति नो॒ भरा॑य॒ न सुष्वि॒मिन्द्रो ऽव॑से मृधाति ।।
   कु॒वित्तस्मा॒ अस॑ति नो॒ भरा॑य
   कु॒वित् तस्मै अस॑ति नः भरा॑य
   कु॒वित् तस्मा अस॑ति नो भरा॑य

Halfverse: d    न सुष्वि॒मिन्द्रो ऽव॑से मृधाति ।।
   न सुष्वि॑म् इन्द्रः अव॑से मृधाति ।।
   न सुष्वि॑म् इन्द्रो अव॑से मृधाति ।।


Verse: 10 
Halfverse: a    ए॒वेदिन्द्रः॑ सु॒ते अ॑स्तावि॒ सोमे॑ भ॒रद्वा॑जेषु॒ क्षय॒दिन्म॒घोनः॑ ।
   ए॒वेदिन्द्रः॑ सु॒ते अ॑स्तावि॒ सोमे
   ए॒व इत् इन्द्रः सु॒ते अ॑स्तावि सोमे
   ए॒वेद् इन्द्रः सु॒ते अ॑स्तावि सोमे

Halfverse: b    भ॒रद्वा॑जेषु॒ क्षय॒दिन्म॒घोनः॑ ।
   भ॒रद्वा॑जेषु क्षय॑त् इत् म॒घोनः ।
   भ॒रद्वा॑जेषु क्षय॑द् इन् म॒घोनः ।

Halfverse: c    अस॒द्यथा॑ जरि॒त्र उ॒त सू॒रिरिन्द्रो॑ रा॒यो वि॒श्ववा॑रस्य दा॒ता ।।
   अस॒द्यथा॑ जरि॒त्र उ॒त सू॒रिर्
   अस॑त् यथा जरि॒त्रे उ॒त सू॒रिः
   अस॑द् यथा जरि॒त्र उ॒त सू॒रिर्

Halfverse: d    इन्द्रो॑ रा॒यो वि॒श्ववा॑रस्य दा॒ता ।।
   इन्द्रः रा॒यः वि॒श्ववा॑रस्य दा॒ता ।।
   इन्द्रो रा॒यो वि॒श्ववा॑रस्य दा॒ता ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.