TITUS
Rg-Veda: Rg-Veda-Samhita
Part No. 467
Previous part

Hymn: 26_(467) 
Verse: 1 
Halfverse: a    श्रु॒धी न॑ इन्द्र॒ ह्वया॑मसि त्वा म॒हो वाज॑स्य सा॒तौ वा॑वृषा॒णाः ।
   श्रु॒धी न॑ इन्द्र॒ ह्वया॑मसि त्वा
   श्रु॒धि+ नः इन्द्र ह्वया॑मसि त्वा
   श्रु॒धी न इन्द्र ह्वया॑मसि त्वा

Halfverse: b    म॒हो वाज॑स्य सा॒तौ वा॑वृषा॒णाः ।
   म॒हः वाज॑स्य सा॒तौ वा॑वृषा॒णाः ।
   म॒हो वाज॑स्य सा॒तौ वा॑वृषा॒णाः ।

Halfverse: c    सं यद्विशो ऽय॑न्त॒ शूर॑साता उ॒ग्रं नो ऽवः॒ पार्ये॒ अह॑न्दाः ।।
   सं यद्विशो ऽय॑न्त॒ शूर॑साता
   सम् यत् विशः अय॑न्त शूर॑सातौ
   सं यद् विशो अय॑न्त शूर॑साता

Halfverse: d    उ॒ग्रं नो ऽवः॒ पार्ये॒ अह॑न्दाः ।।
   उ॒ग्रम् नः अवः पार्ये अह॑न् दाः ।।
   उ॒ग्रं नो अवः पारि॑ये अह॑न् दाः ।।


Verse: 2 
Halfverse: a    त्वां वा॒जी ह॑वते वाजिने॒यो म॒हो वाज॑स्य॒ गध्य॑स्य सा॒तौ ।
   त्वां वा॒जी ह॑वते वाजिने॒यो
   त्वाम् वा॒जी ह॑वते वाजिने॒यः
   तु॒वां वा॒जी ह॑वते वाजिने॒यो

Halfverse: b    म॒हो वाज॑स्य॒ गध्य॑स्य सा॒तौ ।
   म॒हः वाज॑स्य गध्य॑स्य सा॒तौ ।
   म॒हो वाज॑स्य गधि॑यस्य सा॒तौ ।

Halfverse: c    त्वां वृ॒त्रेष्वि॑न्द्र॒ सत्प॑तिं॒ तरु॑त्रं॒ त्वां च॑ष्टे मुष्टि॒हा गोषु॒ युध्य॑न् ।।
   त्वां वृ॒त्रेष्वि॑न्द्र॒ सत्प॑तिं॒ तरु॑त्रं
   त्वाम् वृ॒त्रेषु इन्द्र सत्प॑तिम् तरु॑त्रम्
   त्वां वृ॒त्रेष्व् इन्द्र सत्प॑तिं तरु॑त्रं

Halfverse: d    त्वां च॑ष्टे मुष्टि॒हा गोषु॒ युध्य॑न् ।।
   त्वाम् चष्टे मुष्टि॒हा गोषु युध्य॑न् ।।
   तु॒वां च॑ष्टे मुष्टि॒हा गोषु युध्य॑न् ।।


Verse: 3 
Halfverse: a    त्वं क॒विं चो॑दयो॒ ऽर्कसा॑तौ॒ त्वं कुत्सा॑य॒ शुष्णं॑ दा॒शुषे॑ वर्क् ।
   त्वं क॒विं चो॑दयो॒ ऽर्कसा॑तौ
   त्वम् क॒विम् चोदयः अ॒र्कसा॑तौ
   तु॒वं क॒विं चो॑दयो अ॒र्कसा॑तौ

Halfverse: b    त्वं कुत्सा॑य॒ शुष्णं॑ दा॒शुषे॑ वर्क् ।
   त्वम् कुत्सा॑य शुष्ण॑म् दा॒शुषे वर्क् ।
   तु॒वं कुत्सा॑य शुष्णं दा॒शुषे वर्क् ।

Halfverse: c    त्वं शिरो॑ अम॒र्मणः॒ परा॑हन्नतिथि॒ग्वाय॒ शंस्यं॑ करि॒ष्यन् ।।
   त्वं शिरो॑ अम॒र्मणः॒ परा॑हन्न्
   त्वम् शिरः अम॒र्मणः परा अहन्
   तु॒वं शिरो अम॒र्मणः परा॑हन्न्

Halfverse: d    अतिथि॒ग्वाय॒ शंस्यं॑ करि॒ष्यन् ।।
   अ॑तिथि॒ग्वाय शंस्य॑म् करि॒ष्यन् ।।
   अ॑तिथि॒ग्वाय शंसि॑यं करि॒ष्यन् ।।


Verse: 4 
Halfverse: a    त्वं रथ॒म्प्र भ॑रो यो॒धमृ॒ष्वमावो॒ युध्य॑न्तं वृष॒भं दश॑द्युम् ।
   त्वं रथ॒म्प्र भ॑रो यो॒धमृ॒ष्वम्
   त्वम् रथ॑म् प्र भ॑रः यो॒धम् ऋ॒ष्वम्
   तु॒वं रथ॑म् प्र भ॑रो यो॒धम् ऋ॒ष्वम्

Halfverse: b    आवो॒ युध्य॑न्तं वृष॒भं दश॑द्युम् ।
   आवः युध्य॑न्तम् वृष॒भम् दश॑द्युम् ।
   आवो युध्य॑न्तं वृष॒भं दश॑द्युम् ।

Halfverse: c    त्वं तुग्रं॑ वेत॒सवे॒ सचा॑ह॒न्त्वं तुजिं॑ गृ॒णन्त॑मिन्द्र तूतोः ।।
   त्वं तुग्रं॑ वेत॒सवे॒ सचा॑हन्
   त्वम् तुग्र॑म् वेत॒सवे सचा अहन्
   तु॒वं तुग्रं वेत॒सवे सचा॑हन्

Halfverse: d    त्वं तुजिं॑ गृ॒णन्त॑मिन्द्र तूतोः ।।
   त्वम् तुजि॑म् गृ॒णन्त॑म् इन्द्र तूतोः ।।
   तु॒वं तुजिं गृ॒णन्त॑म् इन्द्र तूतोः ।।


Verse: 5 
Halfverse: a    त्वं तदु॒क्थमि॑न्द्र ब॒र्हणा॑ कः॒ प्र यच्छ॒ता स॒हस्रा॑ शूर॒ दर्षि॑ ।
   त्वं तदु॒क्थमि॑न्द्र ब॒र्हणा॑ कः
   त्वम् तत् उ॒क्थम् इन्द्र ब॒र्हणा कर्
   तु॒वं तद् उ॒क्थम् इन्द्र ब॒र्हणा कः

Halfverse: b    प्र यच्छ॒ता स॒हस्रा॑ शूर॒ दर्षि॑ ।
   प्र यत् श॒ता स॒हस्रा शूर दर्षि ।
   प्र यच् छ॒ता स॒हस्रा शूर दर्षि ।

Halfverse: c    अव॑ गि॒रेर्दासं॒ शम्ब॑रं ह॒न्प्रावो॒ दिवो॑दासं चि॒त्राभि॑रू॒ती ।।
   अव॑ गि॒रेर्दासं॒ शम्ब॑रं हन्
   अव गि॒रेः दास॑म् शम्ब॑रम् हन्
   अव गि॒रेर् दाअसं शम्ब॑रं हन्

Halfverse: d    प्रावो॒ दिवो॑दासं चि॒त्राभि॑रू॒ती ।।
   प्र आ॑वः दिवो॑दासम् चि॒त्राभिः ऊ॒ती ।।
   प्रावो दिवो॑दासं चि॒त्राभि॑र् ऊ॒ती ।।


Verse: 6 
Halfverse: a    त्वं श्र॒द्धाभि॑र्मन्दसा॒नः सोमै॑र्द॒भीत॑ये॒ चुमु॑रिमिन्द्र सिष्वप् ।
   त्वं श्र॒द्धाभि॑र्मन्दसा॒नः सोमै॑र्
   त्वम् श्र॒द्धाभिः मन्दसा॒नः सोमैः
   तु॒वं श्र॒द्धाभि॑र् मन्दसा॒नः सोमै॑र्

Halfverse: b    द॒भीत॑ये॒ चुमु॑रिमिन्द्र सिष्वप् ।
   द॒भीत॑ये चुमु॑रिम् इन्द्र सिष्वप् ।
   द॒भीत॑ये चुमु॑रिम् इन्द्र सिष्वप् ।

Halfverse: c    त्वं र॒जिम्पिठी॑नसे दश॒स्यन्ष॒ष्टिं स॒हस्रा॒ शच्या॒ सचा॑हन् ।।
   त्वं र॒जिम्पिठी॑नसे दश॒स्यन्
   त्वम् र॒जिम् पिठी॑नसे दश॒स्यन्
   तु॒वं र॒जिम् पिठी॑नसे दश॒स्यन्

Halfverse: d    ष॒ष्टिं स॒हस्रा॒ शच्या॒ सचा॑हन् ।।
   ष॒ष्टिम् स॒हस्रा शच्या सचा अहन् ।।
   ष॒ष्टिं स॒हस्रा शचि॑या सचा॑हन् ।।


Verse: 7 
Halfverse: a    अ॒हं च॒न तत्सू॒रिभि॑रानश्यां॒ तव॒ ज्याय॑ इन्द्र सु॒म्नमोजः॑ ।
   अ॒हं च॒न तत्सू॒रिभि॑रानश्यां
   अ॒हम् च॒न तत् सू॒रिभिः आनश्याम्
   अ॒हं च॒न तत् सू॒रिभि॑र् आनश्यां

Halfverse: b    तव॒ ज्याय॑ इन्द्र सु॒म्नमोजः॑ ।
   तव ज्यायः इन्द्र सु॒म्नम् ओजः ।
   तव ज्याय इन्दर सु॒म्नम् ओजः ।

Halfverse: c    त्वया॒ यत्स्तव॑न्ते सधवीर वी॒रास्त्रि॒वरू॑थेन॒ नहु॑षा शविष्ठ ।।
   त्वया॒ यत्स्तव॑न्ते सधवीर वी॒रास्
   त्वया यत् स्तव॑न्ते सधवीर वी॒राः
   त्वया यत् स्तव॑न्ते सधवीर वी॒रास्

Halfverse: d    त्रि॒वरू॑थेन॒ नहु॑षा शविष्ठ ।।
   त्रि॒वरू॑थेन नहु॑षा शविष्ठ ।।
   त्रि॒वरू॑थेन नहु॑षा शविष्ठ ।।


Verse: 8 
Halfverse: a    व॒यं ते॑ अ॒स्यामि॑न्द्र द्यु॒म्नहू॑तौ॒ सखा॑यः स्याम महिन॒ प्रेष्ठाः॑ ।
   व॒यं ते॑ अ॒स्यामि॑न्द्र द्यु॒म्नहू॑तौ
   व॒यम् ते अ॒स्याम् इन्द्र द्यु॒म्नहू॑तौ
   व॒यं ते अ॒स्याम् इन्द्र द्यु॒म्नहू॑तौ

Halfverse: b    सखा॑यः स्याम महिन॒ प्रेष्ठाः॑ ।
   सखा॑यः स्याम महिन प्रेष्ठाः ।
   सखा॑यः स्याम महिन प्रयि॑ष्ठाः ।

Halfverse: c    प्रात॑र्दनिः क्षत्र॒श्रीर॑स्तु॒ श्रेष्ठो॑ घ॒ने वृ॒त्राणां॑ स॒नये॒ धना॑नाम् ।।
   प्रात॑र्दनिः क्षत्र॒श्रीर॑स्तु॒ श्रेष्ठो
   प्रात॑र्दनिः क्षत्र॒श्रीः अ॑स्तु श्रेष्ठः
   प्रात॑र्दनिः क्षत्र॒श्रीर् अस्तु श्रेष्ठो

Halfverse: d    घ॒ने वृ॒त्राणां॑ स॒नये॒ धना॑नाम् ।।
   घ॒ने वृ॒त्राणा॑म् स॒नये धना॑नाम् ।।
   घ॒ने वृ॒त्राणां स॒नये धना॑नाम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.