TITUS
Rg-Veda: Rg-Veda-Samhita
Part No. 468
Previous part

Hymn: 27_(468) 
Verse: 1 
Halfverse: a    किम॑स्य॒ मदे॒ किम्व॑स्य पी॒ताविन्द्रः॒ किम॑स्य स॒ख्ये च॑कार ।
   किम॑स्य॒ मदे॒ किम्व॑स्य पी॒ताव्
   किम् अस्य मदे किम् उ अस्य पी॒तौ
   किम् अस्य मदे किम् उ अस्य पी॒ताव्

Halfverse: b    इन्द्रः॒ किम॑स्य स॒ख्ये च॑कार ।
   इन्द्रः किम् अस्य स॒ख्ये च॑कार ।
   इन्द्रः किम् अस्य सखि॒ये च॑कार ।

Halfverse: c    रणा॑ वा॒ ये नि॒षदि॒ किं ते अ॑स्य पु॒रा वि॑विद्रे॒ किमु॒ नूत॑नासः ।।
   रणा॑ वा॒ ये नि॒षदि॒ किं ते अ॑स्य
   रणाः वा ये नि॒षदि किम् ते अ॑स्य
   रणा वा ये नि॒षदि किं ते अ॑स्य

Halfverse: d    पु॒रा वि॑विद्रे॒ किमु॒ नूत॑नासः ।।
   पु॒रा वि॑विद्रे किम् उ नूत॑नासः ।।
   पु॒रा वि॑विद्रे किम् उ नूत॑नासः ।।


Verse: 2 
Halfverse: a    सद॑स्य॒ मदे॒ सद्व॑स्य पी॒ताविन्द्रः॒ सद॑स्य स॒ख्ये च॑कार ।
   सद॑स्य॒ मदे॒ सद्व॑स्य पी॒ताव्
   सत् अस्य मदे सत् उ अस्य पी॒तौ
   सद् अस्य मदे सद् उ अस्य पी॒ताव्

Halfverse: b    इन्द्रः॒ सद॑स्य स॒ख्ये च॑कार ।
   इन्द्रः सत् अस्य स॒ख्ये च॑कार ।
   इन्द्रः सद् अस्य सखि॒ये च॑कार ।

Halfverse: c    रणा॑ वा॒ ये नि॒षदि॒ सत्ते अ॑स्य पु॒रा वि॑विद्रे॒ सदु॒ नूत॑नासः ।।
   रणा॑ वा॒ ये नि॒षदि॒ सत्ते अ॑स्य
   रणाः वा ये नि॒षदि सत् ते अ॑स्य
   रणा वा ये नि॒षदि सत् ते अ॑स्य

Halfverse: d    पु॒रा वि॑विद्रे॒ सदु॒ नूत॑नासः ।।
   पु॒रा वि॑विद्रे सत् उ नूत॑नासः ।।
   पु॒रा वि॑विद्रे सद् उ नूत॑नासः ।।


Verse: 3 
Halfverse: a    न॒हि नु ते॑ महि॒मनः॑ समस्य॒ न म॑घवन्मघव॒त्त्वस्य॑ वि॒द्म ।
   न॒हि नु ते॑ महि॒मनः॑ समस्य
   न॒हि नु ते महि॒मनः समस्य
   न॒हि नु ते महि॒मनः समस्य

Halfverse: b    न म॑घवन्मघव॒त्त्वस्य॑ वि॒द्म ।
   न म॑घवन् मघव॒त्त्वस्य वि॒द्म ।
   न म॑घवन् मघव॒त्त्वस्य वि॒द्म ।

Halfverse: c    न राध॑सोराधसो॒ नूत॑न॒स्येन्द्र॒ नकि॑र्ददृश इन्द्रि॒यं ते॑ ।।
   न राध॑सोराधसो॒ नूत॑नस्य
   न राध॑सोराधसः नूत॑नस्य
   न राध॑सोराधसो नूत॑नस्य

Halfverse: d     इन्द्र॒ नकि॑र्ददृश इन्द्रि॒यं ते॑ ।।
   इन्द्र नकिः ददृशे इन्द्रि॒यम् ते ।।
   इन्द्र नकि॑र् ददृश इन्द्रि॒यं ते ।।


Verse: 4 
Halfverse: a    ए॒तत्त्यत्त॑ इन्द्रि॒यम॑चेति॒ येनाव॑धीर्व॒रशि॑खस्य॒ शेषः॑ ।
   ए॒तत्त्यत्त॑ इन्द्रि॒यम॑चेति
   ए॒तत् त्यत् ते इन्द्रि॒यम् अचेति
   ए॒तत् ति॒यत् त इन्द्रि॒यम् अचेति

Halfverse: b    येनाव॑धीर्व॒रशि॑खस्य॒ शेषः॑ ।
   येन अव॑धीः व॒रशि॑खस्य शेषः ।
   येनाव॑धीर् व॒रशि॑खस्य शेषः ।

Halfverse: c    वज्र॑स्य॒ यत्ते॒ निह॑तस्य॒ शुष्मा॑त्स्व॒नाच्चि॑दिन्द्र पर॒मो द॒दार॑ ।।
   वज्र॑स्य॒ यत्ते॒ निह॑तस्य॒ शुष्मा॑त्
   वज्र॑स्य यत् ते निह॑तस्य शुष्मा॑त्
   वज्र॑स्य यत् ते निह॑तस्य शुष्मा॑त्

Halfverse: d    स्व॒नाच्चि॑दिन्द्र पर॒मो द॒दार॑ ।।
   स्व॒नात् चित् इन्द्र पर॒मः द॒दार ।।
   स्व॒नाच् चिद् इन्द्र पर॒मो द॒दार ।।


Verse: 5 
Halfverse: a    वधी॒दिन्द्रो॑ व॒रशि॑खस्य॒ शेषो॑ ऽभ्याव॒र्तिने॑ चायमा॒नाय॒ शिक्ष॑न् ।
   वधी॒दिन्द्रो॑ व॒रशि॑खस्य॒ शेषो
   वधी॑त् इन्द्रः व॒रशि॑खस्य शेषः
   वधी॑द् इन्द्रो व॒रशि॑खस्य शेषो

Halfverse: b    ऽभ्याव॒र्तिने॑ चायमा॒नाय॒ शिक्ष॑न् ।
   अ॑भ्याव॒र्तिने चायमा॒नाय शिक्ष॑न् ।
   ऽभ्या॑व॒र्तिने चायमा॒नाय शिक्ष॑न् ।

Halfverse: c    वृ॒चीव॑तो॒ यद्ध॑रियू॒पीया॑यां॒ हन्पूर्वे॒ अर्धे॑ भि॒यसाप॑रो॒ दर्त् ।।
   वृ॒चीव॑तो॒ यद्ध॑रियू॒पीया॑यां
   वृ॒चीव॑तः यत् हरियू॒पीया॑याम्
   वृ॒चीव॑तो यद् धरियू॒पीया॑यां

Halfverse: d    हन्पूर्वे॒ अर्धे॑ भि॒यसाप॑रो॒ दर्त् ।।
   हन् पूर्वे अर्धे भि॒यसा अप॑रः दर्त् ।।
   हन् पूर्वे अर्धे भि॒यसाप॑रो दर्त् ।।


Verse: 6 
Halfverse: a    त्रिं॒शच्छ॑तं व॒र्मिण॑ इन्द्र सा॒कं य॒व्याव॑त्याम्पुरुहूत श्रव॒स्या ।
   त्रिं॒शच्छ॑तं व॒र्मिण॑ इन्द्र सा॒कं
   त्रिं॒शच्छ॑तम् व॒र्मिणः इन्द्र सा॒कम्
   त्रिं॒शच्छ॑तं व॒र्मिण इन्द्र सा॒कं

Halfverse: b    य॒व्याव॑त्याम्पुरुहूत श्रव॒स्या ।
   य॒व्याव॑त्याम् पुरुहूत श्रव॒स्या ।
   य॒व्याव॑त्याम् पुरुहूत श्रव॒स्या ।

Halfverse: c    वृ॒चीव॑न्तः॒ शर॑वे॒ पत्य॑मानाः॒ पात्रा॑ भिन्दा॒ना न्य॒र्थान्या॑यन् ।।
   वृ॒चीव॑न्तः॒ शर॑वे॒ पत्य॑मानाः
   वृ॒चीव॑न्तः शर॑वे पत्य॑मानाः
   वृ॒चीव॑न्तः शर॑वे पत्य॑मानाः

Halfverse: d    पात्रा॑ भिन्दा॒ना न्य॒र्थान्या॑यन् ।।
   पात्रा भिन्दा॒नाः न्य॒र्थानि आयन् ।।
   पात्रा भिन्दा॒ना निअ॒र्थानि आयन् ।।


Verse: 7 
Halfverse: a    यस्य॒ गावा॑वरु॒षा सू॑यव॒स्यू अ॒न्तरू॒ षु चर॑तो॒ रेरि॑हाणा ।
   यस्य॒ गावा॑वरु॒षा सू॑यव॒स्यू
   यस्य गावौ अरु॒षा सू॑यव॒स्यू
   यस्य गावा॑व् अरु॒षा सू॑यव॒स्यू

Halfverse: b    अ॒न्तरू॒ षु चर॑तो॒ रेरि॑हाणा ।
   अ॒न्तर् उ+ सु चर॑तः रेरि॑हाणा ।
   अ॒न्तर् ऊ षु चर॑तो रेरि॑हाणा ।

Halfverse: c    स सृञ्ज॑याय तु॒र्वश॒म्परा॑दाद्वृ॒चीव॑तो दैववा॒ताय॒ शिक्ष॑न् ।।
   स सृञ्ज॑याय तु॒र्वश॒म्परा॑दाद्
   स सृञ्ज॑याय तु॒र्वश॑म् परा अदात्
   स सृञ्ज॑याय तु॒र्वश॑म् परा॑दाद्

Halfverse: d    वृ॒चीव॑तो दैववा॒ताय॒ शिक्ष॑न् ।।
   वृ॒चीव॑तः दैववा॒ताय शिक्ष॑न् ।।
   वृ॒चीव॑तो दैववा॒ताय शिक्ष॑न् ।।


Verse: 8 
Halfverse: a    द्व॒याँ अ॑ग्ने र॒थिनो॑ विंश॒तिं गा व॒धूम॑तो म॒घवा॒ मह्यं॑ स॒म्राट् ।
   द्व॒याँ अ॑ग्ने र॒थिनो॑ विंश॒तिं गा
   द्व॒यान् अग्ने र॒थिनः विंश॒तिम् गाः
   द्व॒याँ अ॑ग्ने र॒थिनो विंश॒तिं गा

Halfverse: b    व॒धूम॑तो म॒घवा॒ मह्यं॑ स॒म्राट् ।
   व॒धूम॑तः म॒घवा मह्य॑म् स॒म्राट् ।
   व॒धूम॑तो म॒घवा मह्य % स॒म्राट् ।

Halfverse: c    अ॑भ्याव॒र्ती चा॑यमा॒नो द॑दाति दू॒णाशे॒यं दक्षि॑णा पार्थ॒वाना॑म् ।।
   अ॑भ्याव॒र्ती चा॑यमा॒नो द॑दाति
   अभ्याव॒र्ती चा॑यमा॒नः द॑दाति
   अभ्याव॒र्ती चा॑यमा॒नो द॑दाति

Halfverse: d    दू॒णाशे॒यं दक्षि॑णा पार्थ॒वाना॑म् ।।
   दू॒णाशा इ॒यम् दक्षि॑णा पार्थ॒वाना॑म् ।।
   दू॒णाशे॒यं दक्षि॑णा पार्थ॒वाना॑म् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.