TITUS
Rg-Veda: Rg-Veda-Samhita
Part No. 471
Previous part

Hymn: 30_(471) 
Verse: 1 
Halfverse: a    भूय॒ इद्वा॑वृधे वी॒र्या॑यँ॒ एको॑ अजु॒र्यो द॑यते॒ वसू॑नि ।
   भूय॒ इद्वा॑वृधे वी॒र्या॑यँ
   भूयः इत् वावृधे वी॒र्या॑य
   भूय इद् ? वावृधे वी॒रिया॑यँ

Halfverse: b    एको॑ अजु॒र्यो द॑यते॒ वसू॑नि ।
   एकः अजु॒र्यः द॑यते वसू॑नि ।
   एको अजु॒र्यो द॑यते वसू॑नि ।

Halfverse: c    प्र रि॑रिचे दि॒व इन्द्रः॑ पृथि॒व्या अ॒र्धमिद॑स्य॒ प्रति॒ रोद॑सी उ॒भे ।।
   प्र रि॑रिचे दि॒व इन्द्रः॑ पृथि॒व्या
   प्र रि॑रिचे दि॒वः इन्द्रः पृथि॒व्याः
   प्र रि॑रिचे दि॒व इन्द्रः पृथि॒व्या

Halfverse: d    अ॒र्धमिद॑स्य॒ प्रति॒ रोद॑सी उ॒भे ।।
   अ॒र्धम् इत् अस्य प्रति रोद॑सी उ॒भे ।।
   अ॒र्धम् इद् अस्य प्रति रोद॑सी उ॒भे ।।


Verse: 2 
Halfverse: a    अधा॑ मन्ये बृ॒हद॑सु॒र्य॑मस्य॒ यानि॑ दा॒धार॒ नकि॒रा मि॑नाति ।
   अधा॑ मन्ये बृ॒हद॑सु॒र्य॑मस्य
   अध+ मन्ये बृ॒हत् असु॒र्य॑म् अस्य
   अधा मन्ये बृ॒हद् असु॒र्य॑म् अस्य

Halfverse: b    यानि॑ दा॒धार॒ नकि॒रा मि॑नाति ।
   यानि दा॒धार नकिः आ मि॑नाति ।
   यानि दा॒धार नकि॑र् आ मि॑नाति ।

Halfverse: c    दि॒वेदि॑वे॒ सूर्यो॑ दर्श॒तो भू॒द्वि सद्मा॑न्युर्वि॒या सु॒क्रतु॑र्धात् ।।
   दि॒वेदि॑वे॒ सूर्यो॑ दर्श॒तो भू॑द्
   दि॒वेदि॑वे सूर्यः दर्श॒तः भू॑त्
   दि॒वेदि॑वे सूरि॑यो दर्श॒तो भू॑द्

Halfverse: d    वि सद्मा॑न्युर्वि॒या सु॒क्रतु॑र्धात् ।।
   वि सद्मा॑नि उर्वि॒या सु॒क्रतुः धात् ।।
   वि सद्मा॑नि उर्वि॒या सु॒क्रतु॑र् धात् ।।


Verse: 3 
Halfverse: a    अ॒द्या चि॒न्नू चि॒त्तदपो॑ न॒दीनां॒ यदा॑भ्यो॒ अर॑दो गा॒तुमि॑न्द्र ।
   अ॒द्या चि॒न्नू चि॒त्तदपो॑ न॒दीनां
   अ॒द्य+ चि॑त् नु+ चि॑त् तत् अपः न॒दीना॑म्
   अ॒द्या चि॑न् नू चि॑त् तद् अपो न॒दीनां

Halfverse: b    यदा॑भ्यो॒ अर॑दो गा॒तुमि॑न्द्र ।
   यत् आभ्यः अर॑दः गा॒तुम् इन्द्र ।
   यद् आभियो अर॑दो गा॒तुम् इन्द्र ।

Halfverse: c    नि पर्व॑ता अद्म॒सदो॒ न से॑दु॒स्त्वया॑ दृ॒ऴानि॑ सुक्रतो॒ रजां॑सि ।।
   नि पर्व॑ता अद्म॒सदो॒ न से॑दुस्
   नि पर्व॑ताः अद्म॒सदः न से॑दुः
   नि पर्व॑ता अद्म॒सदो न से॑दुस्

Halfverse: d    त्वया॑ दृ॒ऴानि॑ सुक्रतो॒ रजां॑सि ।।
   त्वया दृ॒ऴानि सुक्रतो रजां॑सि ।।
   त्वया दृ॒ऴानि सुक्रतो रजां॑सि ।।


Verse: 4 
Halfverse: a    स॒त्यमित्तन्न त्वावाँ॑ अ॒न्यो अ॒स्तीन्द्र॑ दे॒वो न मर्त्यो॒ ज्याया॑न् ।
   स॒त्यमित्तन्न त्वावाँ॑ अ॒न्यो अ॑स्ति
   स॒त्यम् इत् तत् न त्वावा॑न् अ॒न्यः अ॑स्ति
   स॒त्यम् इत् तन् न त्वावाँ अ॒न्यो अ॑स्ति

Halfverse: b     इन्द्र॑ दे॒वो न मर्त्यो॒ ज्याया॑न् ।
   इन्द्र दे॒वः न मर्त्यः ज्याया॑न् ।
   इन्द्र दे॒वो न मर्ति॑यो जि॒याया॑न् ।

Halfverse: c    अह॒न्नहि॑म्परि॒शया॑न॒मर्णो ऽवा॑सृजो अ॒पो अछा॑ समु॒द्रम् ।।
   अह॒न्नहि॑म्परि॒शया॑न॒मर्णो
   अह॑न् अहि॑म् परि॒शया॑नम् अर्णः
   अह॑न्न् अहि॑म् परि॒शया॑नम् अर्णो

Halfverse: d    ऽवासृजो अ॒पो अछा॑ समु॒द्रम् ।।
   अव असृजः अ॒पः अछ+ समु॒द्रम् ।।
   अवा॑सृजो अ॒पो अछा समु॒द्रम् ।।


Verse: 5 
Halfverse: a    त्वम॒पो वि दुरो॒ विषू॑ची॒रिन्द्र॑ दृ॒ऴम॑रुजः॒ पर्व॑तस्य ।
   त्वम॒पो वि दुरो॒ विषू॑चीर्
   त्वम् अ॒पः वि दुरः विषू॑चीः
   तु॒वम् अ॒पो ? वि दुरो विषू॑चीर्

Halfverse: b    इन्द्र॑ दृ॒ऴम॑रुजः॒ पर्व॑तस्य ।
   इन्द्र दृ॒ऴम् अरुजः पर्व॑तस्य ।
   इन्द्र दृ॒ऴम् अरुजः पर्व॑तस्य ।

Halfverse: c    राजा॑भवो॒ जग॑तश्चर्षणी॒नां सा॒कं सूर्यं॑ ज॒नय॒न्द्यामु॒षास॑म् ।।
   राजा॑भवो॒ जग॑तश्चर्षणी॒नां
   राजा अभवः जग॑तः चर्षणी॒नाम्
   राजा॑भवो जग॑तश् चर्षणी॒नां

Halfverse: d    सा॒कं सूर्यं॑ ज॒नय॒न्द्यामु॒षास॑म् ।।
   सा॒कम् सूर्य॑म् ज॒नय॑न् द्याम् उ॒षास॑म् ।।
   सा॒कं सूर्यं ज॒नय॑न् द्याम् उ॒षास॑म् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.