TITUS
Rg-Veda: Rg-Veda-Samhita
Part No. 473
Previous part

Hymn: 32_(473) 
Verse: 1 
Halfverse: a    अपू॑र्व्या पुरु॒तमा॑न्यस्मै म॒हे वी॒राय॑ त॒वसे॑ तु॒राय॑ ।
   अपू॑र्व्या पुरु॒तमा॑न्यस्मै
   अपू॑र्व्या पुरु॒तमा॑नि अस्मै
   अपू॑र्विया पुरु॒तमा॑नि अस्मै

Halfverse: b    म॒हे वी॒राय॑ त॒वसे॑ तु॒राय॑ ।
   म॒हे वी॒राय त॒वसे तु॒राय ।
   म॒हे वी॒राय त॒वसे तु॒राय ।

Halfverse: c    वि॑र॒प्शिने॑ व॒ज्रिणे॒ शंत॑मानि॒ वचां॑स्या॒सा स्थवि॑राय तक्षम् ।।
   वि॑र॒प्शिने॑ व॒ज्रिणे॒ शंत॑मानि
   विर॒प्शिने व॒ज्रिणे शंत॑मानि
   विर॒प्शिने व॒ज्रिणे शंत॑मानि

Halfverse: d    वचां॑स्या॒सा स्थवि॑राय तक्षम् ।।
   वचां॑सि आ॒सा स्थवि॑राय तक्षम् ।।
   वचां॑सि आ॒सा स्थवि॑राय तक्षम् ।।


Verse: 2 
Halfverse: a    स मा॒तरा॒ सूर्ये॑णा कवी॒नामवा॑सयद्रु॒जदद्रिं॑ गृणा॒नः ।
   स मा॒तरा॒ सूर्ये॑णा कवी॒नाम्
   स मा॒तरा सूर्ये॑ण+ कवी॒नाम्
   स मा॒तरा सूरि॑येणा कवी॒नाम्

Halfverse: b    अवा॑सयद्रु॒जदद्रिं॑ गृणा॒नः ।
   अवा॑सयत् रु॒जत् अद्रि॑म् गृणा॒नः ।
   अवा॑सयद् रु॒जद् अद्रिं गृणा॒नः ।

Halfverse: c    स्वा॒धीभि॒रृक्व॑भिर्वावशा॒न उदु॒स्रिया॑णामसृजन्नि॒दान॑म् ।।
   स्वा॒धीभि॒रृक्व॑भिर्वावशा॒न
   स्वा॒धीभिः ऋक्व॑भिः वावशा॒नः
   सुआ॒धीभि॑र् ऋक्व॑भिर् वावशा॒न

Halfverse: d    उदु॒स्रिया॑णामसृजन्नि॒दान॑म् ।।
   उत् उ॒स्रिया॑णाम् असृजत् नि॒दान॑म् ।।
   उद् उ॒स्रिया॑णाम् असृजन् नि॒दान॑म् ।।


Verse: 3 
Halfverse: a    स वह्नि॑भि॒रृक्व॑भि॒र्गोषु॒ शश्व॑न्मि॒तज्ञु॑भिः पुरु॒कृत्वा॑ जिगाय ।
   स वह्नि॑भि॒रृक्व॑भि॒र्गोषु॒ शश्व॑न्
   स वह्नि॑भिः ऋक्व॑भिः गोषु शश्व॑त्
   स वह्नि॑भिर् ऋक्व॑भिर् गोषु शश्व॑न्

Halfverse: b    मि॒तज्ञु॑भिः पुरु॒कृत्वा॑ जिगाय ।
   मि॒तज्ञु॑भिः पुरु॒कृत्वा जिगाय ।
   मि॒तज्ञु॑भिः पुरु॒कृत्वा जिगाय ।

Halfverse: c    पुरः॑ पुरो॒हा सखि॑भिः सखी॒यन्दृ॒ऴा रु॑रोज क॒विभिः॑ क॒विः सन् ।।
   पुरः॑ पुरो॒हा सखि॑भिः सखी॒यन्
   पुरः पुरो॒हा सखि॑भिः सखी॒यन्
   पुरः पुरो॒हा सखि॑भिः सखी॒यन्

Halfverse: d    दृ॒ऴा रु॑रोज क॒विभिः॑ क॒विः सन् ।।
   दृ॒ऴाः रु॑रोज क॒विभिः क॒विः सन् ।।
   दृ॒ऴा रु॑रोज क॒विभिः क॒विः सन् ।।


Verse: 4 
Halfverse: a    स नी॒व्या॑भिर्जरि॒तार॒मछा॑ म॒हो वाजे॑भिर्म॒हद्भि॑श्च॒ शुष्मैः॑ ।
   स नी॒व्या॑भिर्जरि॒तार॒मछा
   स नी॒व्या॑भिः जरि॒तार॑म् अछ+
   स नी॒विया॑भिर् जरि॒तार॑म् अछा

Halfverse: b    म॒हो वाजे॑भिर्म॒हद्भि॑श्च॒ शुष्मैः॑ ।
   म॒हः वाजे॑भिः म॒हद्भिः च शुष्मैः ।
   म॒हो वाजे॑भिर् म॒हद्भि॑श् च शुष्मैः ।

Halfverse: c    पु॑रु॒वीरा॑भिर्वृषभ क्षिती॒नामा गि॑र्वणः सुवि॒ताय॒ प्र या॑हि ।।
   पु॑रु॒वीरा॑भिर्वृषभ क्षिती॒नाम्
   पुरु॒वीरा॑भिः वृषभ क्षिती॒नाम्
   पुरु॒वीरा॑भिर् वृषभ क्षिती॒नाम्

Halfverse: d    आ गि॑र्वणः सुवि॒ताय॒ प्र या॑हि ।।
   आ गि॑र्वणः सुवि॒ताय प्र या॑हि ।।
   आ गि॑र्वणः सुवि॒ताय प्र या॑हि ।।


Verse: 5 
Halfverse: a    स सर्गे॑ण॒ शव॑सा त॒क्तो अत्यै॑र॒प इन्द्रो॑ दक्षिण॒तस्तु॑रा॒षाट् ।
   स सर्गे॑ण॒ शव॑सा त॒क्तो अत्यै॑र्
   स सर्गे॑ण शव॑सा त॒क्तः अत्यैः
   स सर्गे॑ण शव॑सा त॒क्तो अत्यै॑र्

Halfverse: b    अ॒प इन्द्रो॑ दक्षिण॒तस्तु॑रा॒षाट् ।
   अ॒पः इन्द्रः दक्षिण॒तः तु॑रा॒षाट् ।
   अ॒प इन्द्रो दक्षिण॒तस् तुरा॒षाट् ।

Halfverse: c    इ॒त्था सृ॑जा॒ना अन॑पावृ॒दर्थं॑ दि॒वेदि॑वे विविषुरप्रमृ॒ष्यम् ।।
   इ॒त्था सृ॑जा॒ना अन॑पावृ॒दर्थं
   इ॒त्था सृ॑जा॒नाः अन॑पावृत् अर्थ॑म्
   इ॒त्था सृ॑जा॒ना अन॑पावृद् अर्थं

Halfverse: d    दि॒वेदि॑वे विविषुरप्रमृ॒ष्यम् ।।
   दि॒वेदि॑वे विविषुः अप्रमृ॒ष्यम् ।।
   दि॒वेदि॑वे विविषुर् अप्रमृ॒ष्यम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.