TITUS
Rg-Veda: Rg-Veda-Samhita
Part No. 474
Previous part

Hymn: 33_(474) 
Verse: 1 
Halfverse: a    य ओजि॑ष्ठ इन्द्र॒ तं सु नो॑ दा॒ मदो॑ वृषन्स्वभि॒ष्टिर्दास्वा॑न् ।
   य ओजि॑ष्ठ इन्द्र॒ तं सु नो॑ दा
   यः ओजि॑ष्ठः इन्द्र तम् सु नः दाः
   य ओजि॑ष्ठ इन्दर तं सु नो दा

Halfverse: b    मदो॑ वृषन्स्वभि॒ष्टिर्दास्वा॑न् ।
   मदः वृषन् स्वभि॒ष्टिः दास्वा॑न् ।
   मदो वृषन् सुअभि॒ष्टिर् दाअस्वा॑न् ।

Halfverse: c    सौव॑श्व्यं॒ यो व॒नव॒त्स्वश्वो॑ वृ॒त्रा स॒मत्सु॑ सा॒सह॑द॒मित्रा॑न् ।।
   सौव॑श्व्यं॒ यो व॒नव॒त्स्वश्वो
   सौव॑श्व्यम् यः व॒नव॑त् स्वश्वः
   सौव॑श्वियं यो व॒नव॑त् सुअश्वो

Halfverse: d    वृ॒त्रा स॒मत्सु॑ सा॒सह॑द॒मित्रा॑न् ।।
   वृ॒त्रा स॒मत्सु सा॒सह॑त् अ॒मित्रा॑न् ।।
   वृ॒त्रा स॒मत्सु सा॒सह॑द् अ॒मित्रा॑न् ।।


Verse: 2 
Halfverse: a    त्वां ही॒न्द्राव॑से॒ विवा॑चो॒ हव॑न्ते चर्ष॒णयः॒ शूर॑सातौ ।
   त्वां ही॒न्द्राव॑से॒ विवा॑चो
   त्वाम् हि इ॑न्द्र अव॑से विवा॑चः
   तु॒वां हि इ॑न्द्र अव॑से विवा॑चो

Halfverse: b    हव॑न्ते चर्ष॒णयः॒ शूर॑सातौ ।
   हव॑न्ते चर्ष॒णयः शूर॑सातौ ।
   हव॑न्ते चर्ष॒णयः शूर॑सातौ ।

Halfverse: c    त्वं विप्रे॑भि॒र्वि प॒णीँर॑शाय॒स्त्वोत॒ इत्सनि॑ता॒ वाज॒मर्वा॑ ।।
   त्वं विप्रे॑भि॒र्वि प॒णीँर॑शायस्
   त्वम् विप्रे॑भिः वि प॒णीन् अशायः
   तु॒वं विप्रे॑भिर् वि प॒णीँर् अशायस्

Halfverse: d    त्वोत॒ इत्सनि॑ता॒ वाज॒मर्वा॑ ।।
   त्वोतः इत् सनि॑ता वाज॑म् अर्वा ।।
   तु॒वोत इत् सनि॑ता वाज॑म् अर्वा ।।


Verse: 3 
Halfverse: a    त्वं ताँ इ॑न्द्रो॒भयाँ॑ अ॒मित्रा॒न्दासा॑ वृ॒त्राण्यार्या॑ च शूर ।
   त्वं ताँ इ॑न्द्रो॒भयाँ॑ अ॒मित्रा॑न्
   त्वम् तान् इन्द्र उ॒भया॑न् अ॒मित्रा॑न्
   तु॒वं ताँ इ॑न्द्र उ॒भयाँ अ॒मित्रा॑न्

Halfverse: b    दासा॑ वृ॒त्राण्यार्या॑ च शूर ।
   दासा वृ॒त्राणि आर्या च शूर ।
   दासा वृ॒त्राणि आरि॑या च शूर ।

Halfverse: c    वधी॒र्वने॑व॒ सुधि॑तेभि॒रत्कै॒रा पृ॒त्सु द॑र्षि नृ॒णां नृ॑तम ।।
   वधी॒र्वने॑व॒ सुधि॑तेभि॒रत्कै॑र्
   वधीः वना इव सुधि॑तेभिः अत्कैः
   वधी॑र् वने॑व सुधि॑तेभिर् अत्कै॑र्

Halfverse: d    आ पृ॒त्सु द॑र्षि नृ॒णां नृ॑तम ।।
   आ पृ॒त्सु द॑र्षि नृ॒णाम् नृतम ।।
   आ पृ॒त्सु द॑र्षि नृ॒णाअं नृ॑तम ।।


Verse: 4 
Halfverse: a    स त्वं न॑ इ॒न्द्राक॑वाभिरू॒ती सखा॑ वि॒श्वायु॑रवि॒ता वृ॒धे भूः॑ ।
   स त्वं न॑ इ॒न्द्राक॑वाभिरू॒ती
   स त्वम् नः इन्द्र अक॑वाभिः ऊ॒ती
   स त्वं न इन्द्र अक॑वाभिर् ऊ॒ती

Halfverse: b    सखा॑ वि॒श्वायु॑रवि॒ता वृ॒धे भूः॑ ।
   सखा वि॒श्वायुः अवि॒ता वृ॒धे भूः ।
   सखा वि॒श्वायु॑र् अवि॒ता वृ॒धे भूः ।

Halfverse: c    स्व॑र्षाता॒ यद्ध्वया॑मसि त्वा॒ युध्य॑न्तो ने॒मधि॑ता पृ॒त्सु शू॑र ।।
   स्व॑र्षाता॒ यद्ध्वया॑मसि त्वा
   स्व॑र्षाता यत् ह्वया॑मसि त्वा
   सुव॑र्षाता ? यद् ध्वया॑मसि त्वा

Halfverse: d    युध्य॑न्तो ने॒मधि॑ता पृ॒त्सु शू॑र ।।
   युध्य॑न्तः ने॒मधि॑ता पृ॒त्सु शू॑र ।।
   युध्य॑न्तो ने॒मधि॑ता पृ॒त्सु शू॑र ।।


Verse: 5 
Halfverse: a    नू॒नं न॑ इन्द्राप॒राय॑ च स्या॒ भवा॑ मृळी॒क उ॒त नो॑ अ॒भिष्टौ॑ ।
   नू॒नं न॑ इन्द्राप॒राय॑ च स्या
   नू॒नम् नः इन्द्र अप॒राय च स्याः
   नू॒नं न इन्द्र अप॒राय च स्या

Halfverse: b    भवा॑ मृळी॒क उ॒त नो॑ अ॒भिष्टौ॑ ।
   भव+ मृळी॒कः उ॒त नः अ॒भिष्टौ ।
   भवा मृळी॒क उ॒त नो अ॒भिष्टौ ।

Halfverse: c    इ॒त्था गृ॒णन्तो॑ म॒हिन॑स्य॒ शर्म॑न्दि॒वि ष्या॑म॒ पार्ये॑ गो॒षत॑माः ।।
   इ॒त्था गृ॒णन्तो॑ म॒हिन॑स्य॒ शर्म॑न्
   इ॒त्था गृ॒णन्तः म॒हिन॑स्य शर्म॑न्
   इ॒त्था गृ॒णन्तो म॒हिन॑स्य शर्म॑न्

Halfverse: d    दि॒वि ष्या॑म॒ पार्ये॑ गो॒षत॑माः ।।
   दि॒वि स्या॑म पार्ये गो॒षत॑माः ।।
   दि॒वि ष्या॑म पारि॑ये गो॒षत॑माः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.